Blog

Ylli portugez Cristiano Ronaldo shkroi një faqe të re në historinë e futbollit, duke shënuar dy gola në pjesën e parë të ndeshjes kundër Hungarisë. Me këto gola, ai përmbysi avantazhin e Szalai dhe i dha Portugalisë epërsinë 2-1.

Me këtë dopietë, kapiteni i Portugalisë arriti shifrën rekord prej 41 golash në kualifikimet për Kupën e Botës, duke kaluar sulmuesin guatemalas Carlos Ruiz, i cili kishte 39 gola.

Në podiumin e golashënuesve më të mirë në kualifikime qëndron edhe Lionel Messi, me 36 gola, duke mbajtur vendin e tretë në këtë renditje historike.

Nga futbollistët evropianë, përveç Ronaldos, në listën e 25 më të mirëve janë edhe emra të njohur si Robert Lewandowski me 33 gola, Edin Džeko me 29, Andriy Shevchenko me 26, Harry Kane me 23 dhe Memphis Depay me 22 gola.

Përndryshe, 40 vjeçari me Kombëtaren Portugeze numëron 225 ndeshje, ku ka shënuar 143 gola dhe ka asistuar në 45 të tjerë.

Me klube ai ka arritur në 1060 ndeshje, ku ka shënuar 799 gola dhe ka kontribuar në 257 të tjerë. /ATVLIVE.TV

Mbrojtësi Shkodran, Elseid Hysaj, hyri zyrtarisht në histori si lojtari me më shumë paraqitje në Kombëtaren e Shqipërisë, duke arritur shifrën rekord prej 94 ndeshjesh. Ai kaloi çdo tjetër lojtar që ka veshur fanellën kuqezi, duke u inkuadruar në minutën e 77-të në miqësoren ndaj Jordanisë dhe duke festuar këtë moment të veçantë në karrierën e tij.

Në ndeshjen e kaluar kundër Serbisë, Hysaj kishte barazuar rekordin e legjendarit Lorik Cana, me nga 93 paraqitje, por tani ka kaluar këtë shifër duke u bërë një nga figurat më të rëndësishme të ekipit kombëtar.

Që nga debutimi në vitin 2013, 31-vjeçari që aktivizohet me Lazion në Serie A është një shtyllë e mbrojtjes shqiptare dhe një lider në fushë. Ai ka qenë pjesë e arritjeve më të mëdha të Kombëtares, përfshirë pjesëmarrjet historike në Euro 2016 dhe Euro 2024.

Ky rekord thekson përkushtimin, profesionalizmin dhe vazhdimësinë e Hysajt në shërbim të skuadrës kombëtare, duke e bërë atë një emër të përjetshëm në historinë e futbollit shqiptar.

Gjatë këtyre viteve 31 vjeçari, ka arritur të shënojë dy gola dhe ka kontribuar në shtatë të tjerë. /ATVLIVE.TV

Skuadra e basketbollit Peja ka debutuar me disfatë në Ligën ENBL, duke u mundur në Prishtinë nga ekipi letonez Riga Zelli me rezultat 72:83.

Ndeshja nisi me një çerek të parë të baraspeshuar, ku vendasit morën epërsinë minimale 20:17. Megjithatë, mysafirët treguan më shumë stabilitet në periodën e dytë, të cilën e fituan 21:30, duke shkuar në pushim me epërsi 41:47.

Pjesa e tretë përfundoi në barazim 15:15, por në dhjetë minutat e fundit Peja nuk arriti të rikthehej në lojë, duke e mbyllur takimin me humbje 72:83.

Te skuadra vendase u dallua Tajh Nugace Green me 20 pikë dhe shtatë kërcime, ndërsa Skyler Tyron Flatten kontribuoi me 14 pikë.

Kjo ishte ndeshja e parë për Pejën në këtë garë ndërkombëtare, ndërsa Riga Zelli shënoi fitoren e dytë radhazi në po aq ndeshje. /ATVLIVE.TV

Kombëtarja Shqiptare ka shënnuar fitore në miqsoren e zhvilluar kundër Jordanisë me rezultat 4:2.

Gjatë pjesës së parë u shënuan dy gola,ku së pari ishin mysafirët që kaluan në epërsi nëpërmjet Nizar Al Rashdan në minutën e 27-të për 1:0,por Shqipëria barazoi në fund të pjesës së parë falë autogolit të shënuar nga Mo Abualnadi për 1;1 që ishte edhe rezultati i 45 minutëshit të parë.

Në pjesën e dytë kuqezinjët  dominimuan gjatë gjithë kohës,ku së pari Armando Broja kaloi Shqipërinë në minutën e 61-të në 2:1, e më pas në të 75-tën Arbër Hoxha shënoi një supergol për 3:1.

Në minutën e 79-të Nedim Bajrami realizoi për 4:1,kurse Al Olwan realizoi për 4:2,por në fund Shqipëria ishte ajo që iu gëzua fitores që vie 3 ditë pas fitores së madhe kundër Serbisë të shtunën e kaluar.

Presidenti i FIFA-s, Gianni Infantino, ka premtuar mbështetje konkrete për rindërtimin e infrastrukturës së futbollit në Rripin e Gazës, si pjesë e përpjekjeve për rikthimin e normalitetit pas shkatërrimeve të mëdha nga lufta.

Në samitin e paqes të mbajtur në Sharm El-Sheikh, ku morën pjesë mbi 20 liderë botërorë, Infantino nënvizoi rolin e sportit si urë për bashkim dhe shpresë në kohë të vështira. Gjatë takimit, ai nënshkroi një dokument që parashikon plane për stabilitet rajonal dhe rindërtim, duke përfshirë edhe futbollin si pjesë të këtij procesi.

“Është shumë e rëndësishme për FIFA-n të jetë këtu për të ndihmuar dhe për të siguruar që ky proces paqeje të japë fryte,” deklaroi Infantino.

Kreu i FIFA-s tha se organizata që ai drejton do të angazhohet për rindërtimin e të gjitha objekteve futbollistike të shkatërruara në Gaza, në bashkëpunim me Federatën Palestinene të Futbollit (PFA). Po ashtu, do të krijohen fusha të reja futbolli, “mini-fusha” dhe “Arena FIFA”, dhe do të ofrohen programe për të rinjtë në të gjithë territoret palestineze.

“Roli i futbollit është të mbështesë, të bashkojë dhe të japë shpresë. Ne do ta rikthejmë futbollin në Gaza, për fëmijët dhe për të ardhmen,” shtoi ai.

Infantino gjithashtu ftoi partnerët ndërkombëtarë që t’i bashkohen kësaj nisme humanitare dhe sportive, duke theksuar se futbolli mund të jetë një mjet real për pajtimin social dhe ringritjen e komuniteteve të shkatërruara.

Ky zotim i FIFA-s vjen pas një periudhe të tmerrshme për Gazën, ku sipas raportimeve, mbi 67,000 njerëz kanë humbur jetën nga operacionet ushtarake, ndërsa infrastrukturat sportive janë zhdukur thuajse plotësisht.

Sulmuesi i përfaqësueses së Nigerisë, Victor Osimhen, ka bërë një paraqitje spektakolare duke realizuar hat-trick në ndeshjen e fundit të “Super Eagles” ndaj Benin.

Osimhen, një nga emrat më të përfolur në futbollin evropian, tregoi edhe një herë pse konsiderohet ndër sulmuesit më të frikshëm të momentit. Me tre golat e shënuar, ai udhëhoqi Nigerinë drejt një fitoreje bindëse dhe dëshmoi formën e jashtëzakonshme që po kalon.

Golat e tij erdhën në mënyrë klinike në min 3, 37 dhe 51 me depërtime të shpejta, lëvizje inteligjente në zonë dhe finalizime të ftohta, që elektrizuan tifozët nigerianë dhe rrjetet sociale.

Me këtë performancë, Osimhen jo vetëm që konfirmon statusin e tij si lider i Nigerisë, por gjithashtu forcon edhe më shumë pozitat e tij si një nga kandidatët potencialë për çmime individuale ndërkombëtare.

Për Nigerinë, ky është një sinjal i fortë para sfidave të radhës drejt Kupës së Botës 2026 – dhe Osimhen mbetet karta më e fortë për të realizuar ëndrrën e madhe të një suksesi global.

Sulmuesi francez Karim Benzema,mund të rikthehet në elitën e futbollit evropian.

Mediumi turk Fotomaç raporton se gjiganti turk Fenerbahçe synon transferimin e Benzemas,dhe sulmuesi i Al Ittihad shihet si një përforcim për repartin e sulmit.

Përndryshe Fener nuk e ka nisur mjaft mirë sezonin në Superligën turke,ku aktualisht gjendet në pozitën e 4-të me 16 pikë pas 8 xhirosh,dhe presidenti Sadettin Saran ka bërë një bisedë me trajnerin Domenico Tedesco për të diskutuar opsionet për të transferuar një sulmues cilësor.

Ndërkohë mbetet të shihet në ditët dhe javët në vjim se nëse Benzema do të largohet nga Al Ittihad,apo do të rikthehet në Evropë pas disa vitesh.

Kujtojmë që Karim Benzema ka kontratë me Al ittihad deri në vitin 2026,ndërkohë që vetë francezi ka përmendur mundësinë për tu rikthyer në Evropë.