ATV

Blog

  • Interi sfidon Liverpoolin për kapitenin e Crystal Palace

    Interi sfidon Liverpoolin për kapitenin e Crystal Palace

    Interi është futur seriozisht në garë për të siguruar shërbimet e kapitenit të Crystal Palace, Marc Guehi, duke iu bashkuar klubeve të mëdha si Liverpool, Barcelona, Real Madrid dhe Bayern Munich në betejën për mbrojtësin e talentuar të përfaqësueses angleze.

    Sipas raportimeve nga Italia, zikaltërit po planifikojnë një ristrukturim të repartit defensiv gjatë merkatos së verës, me emra si Stefan de Vrij dhe Francesco Acerbi që mund të largohen nga “Giuseppe Meazza”. Në këtë kontekst, Guehi shihet si një përforcim ideal për të ardhmen.

    24-vjeçarit anglez i skadon kontrata me Crystal Palace në vitin 2026, ndërkohë që deri tani nuk është arritur asnjë marrëveshje për rinovim – çka ka nxitur interesin e klubeve të tjera.

    Interi po ndjek nga afër situatën, dhe sipas burimeve, klubi italian mund të përfshijë në marrëveshje mbrojtësin e ri Yann Bisseck, i cili është në radarët e Crystal Palace, si pjesë e një shkëmbimi të mundshëm në afatin kalimtar të janarit.

    Marc Guehi ishte shumë pranë transferimit te Liverpooli gjatë verës së kaluar, por marrëveshja u prish në momentet e fundit nga ana e Palace. Megjithatë, interesimi për të nuk ka rënë. Ai vlerësohet për maturinë, aftësitë drejtuese dhe qëndrueshmërinë në Premier League.

    Pavarësisht konkurrencës së fortë nga Interi, Real Madridi dhe Barcelona, Liverpooli vazhdon të konsiderohet favorit për të siguruar nënshkrimin e Guehit, pasi “The Reds” prej kohësh janë në kërkim të një qendërmbrojtësi të ri për të forcuar repartin mbrojtës. /ATVLIVE.TV

  • Trepça nis sot aventurën në edicionin e ri të FIBA Europe Cup

    Trepça nis sot aventurën në edicionin e ri të FIBA Europe Cup

    Kampionia e Kosovës në basketboll, Trepça, nis sonte rrugëtimin e saj në edicionin e ri të FIBA Europe Cup, duke u përballur me një sfidë të vështirë në transfertë ndaj ekipit grek PAOK.

    Mitrovicasit do të jenë mysafirë të PAOK-ut në një ndeshje që pritet të jetë shumë e fortë dhe sfiduese, duke pasur parasysh cilësinë e kundërshtarit dhe rëndësinë e takimit në kuadër të fazës së grupeve. Kjo është hera e dytë radhazi që ‘Xehetarët’ sigurojnë pjesëmarrjen në këtë kompeticion evropian, duke dëshmuar progres dhe konsistencë në arenën ndërkombëtare.

    Grupi ku ndodhet Trepça është jashtëzakonisht i fortë dhe përveç ekipit grek, përbëhet edhe nga ekipi gjerman Braunschweig, që është gjithashtu një skuadër serioze dhe e organizuar.

    Megjithatë, Trepça ka vendosur të luftojë me të gjitha forcat për rezultate pozitive dhe për të siguruar një nga dy vendet e para që çojnë në fazat eliminatore të FIBA Europe Cup.

    Ndeshja fillon nga ora 19:15 dhe pritet të jetë një përballje emocionuese për tifozët e basketbollit kosovar, të cilët mbështesin fuqishëm skuadrën e tyre në këtë nivel konkurence. /ATVLIVE.TV

  • Lista e shteteve të kualifikuara për Kampionatin Botëror 2026 po zgjerohet

    Lista e shteteve të kualifikuara për Kampionatin Botëror 2026 po zgjerohet

    Pjesëmarrja në Kampionatin Botëror 2026 po merr formë, pasi tashmë edhe gjashtë kombëtare kanë siguruar kualifikimin direkt në fazën e grupeve të këtij eventi madhor futbollistik.

    Ndër këto skuadra është edhe Anglia, e para nga Evropa që ka arritur të sigurojë biletën për pjesëmarrje në këtë kampionat. Përveç Anglisë, në listë janë edhe disa kombëtare të tjera që kanë konfirmuar pjesëmarrjen, përfshirë Katari (si vendi organizator), Afrika e Jugut, Arabia Saudite, Bregu i Fildishtë dhe Senegali.

    Këto skuadra kanë siguruar tashmë praninë e tyre në Botërorin e vitit 2026, i cili do të mbahet në tre vende: Shtetet e Bashkuara të Amerikës, Meksikë dhe Kanada. Gara pritet të nisë më 11 qershor dhe do të përfundojë me finalen më 19 korrik të vitit të ardhshëm.

    Kampionati Botëror 2026 do të jetë i veçantë edhe për shkak të zgjerimit të numrit të ekipeve pjesëmarrëse, duke sjellë më shumë spektakël dhe konkurrencë në arenën më të madhe të futbollit. /ATVLIVE.TV

  • Lionel Messi shkruan histori, shënon rekordin për më së shumti asiste në ndeshjet ndërkombëtare

    Lionel Messi shkruan histori, shënon rekordin për më së shumti asiste në ndeshjet ndërkombëtare

    Ylli i Inter Miamit, Lionel Messi, është bërë futbollisti me më së shumti asiste në historinë e ndeshjeve ndërkombëtare, duke arritur një shifër rekord prej 60 pasimesh vendimtare.

    Messi realizoi dy asiste në fitoren e thellë të Argjentinës ndaj Puerto Rikos me rezultatin 6:0 në një ndeshje miqësore. Me këto dy pasime, ai kaloi ish-yllin brazilian Neymar, i cili kishte regjistruar 58 asiste.

    Në këtë takim, 38 vjeçari asistoi për golat e Gonzalo Montielit dhe Lautaro Martinez, duke treguar edhe një herë rolin e tij kryesor në ndërtimin e lojës dhe finalizimin e aksioneve.

    Ky rekord thekson edhe njëherë madhështinë e Messit në skenën ndërkombëtare dhe aftësinë e tij për të ndihmuar skuadrën me lojën kreative dhe vizionin e jashtëzakonshëm në fushë. /ATVLIVE.TV

  • Vlera e Avdullahut në “Transfermarkt” shkon në 12 milionë euro

    Vlera e Avdullahut në “Transfermarkt” shkon në 12 milionë euro

    Futbollisti i klubit gjerman Hoffenheim, Leon Avdullahu, ka rritur vlerën e tij në sajtin e njohur “Transfermarkt”, pas paraqitjeve impresionuese me përfaqësuesen e Kosovës gjatë këtij muaji.

    Mesfushori 21-vjeçar ishte lider i mesfushës në dy ndeshjet e fundit, duke ndihmuar Kosovën të barazojë me Slloveninë dhe të fitojë ndaj Suedisë.

    Si rezultat i performancës së tij të mirë, “Transfermarkt” ka vendosur ta rrisë vlerën e Avdullahut nga 10 milionë në 12 milionë euro.

    Avdullahu u transferua te Hoffenheimi gjatë afatit kalimtar të verës për 8 milionë euro, dhe tashmë vlera e tij në treg po rritet dukshëm.

  • 62 aksidente në 24 orët e fundit në Kosovë, një me fatalitet e 25 me të lënduar

    62 aksidente në 24 orët e fundit në Kosovë, një me fatalitet e 25 me të lënduar

    Mos respektimi i rregullave të komunikacionit është një ndër arsyet e aksidenteve të shumta që po ndodhin çdo ditë. E një prej mënyrave të zakonshme për parandalimin e këtyre aksidenteve, është gjobitja e atyre që shkelin rregullat në trafik, shkruan Gazeta Sinjali.

    Statistikat tregojnë se mijëra gjoba shqiptohen çdo ditë në vendin tonë.

    Sipas raportit të policisë, në këtë periudhë është shënuar një aksident trafiku me fatalitet, ndërsa janë regjistruar 25 aksidente me të lënduar dhe 36 të tjera me dëme materiale.

    Në 24 orët e fundit policia ka arrestuar 17 persona, prej të cilëve 14 ka dërguar në mbajtje.

  • Jahjaga viziton komandën më të madhe të NATO-s: Paqja nuk arrihet vetëm përmes forcave ushtarake

    Jahjaga viziton komandën më të madhe të NATO-s: Paqja nuk arrihet vetëm përmes forcave ushtarake

    Ish-presidentja e Kosovës, Atifete Jajhaga është pritur në një vizitë në komandën më të madhe të NATO-s që e mbulon Evropën, Lindjen e Mesme dhe Afrikën, në Napoli e Itali.

    Aty mori pjesë, me ftesën e admiralit Stuart B. Munsch, komandant i Komandës të Forcave të Përbashkëta, e ku tha se kjo është vizita e parë nga Kosova që bëhet në këtë komandë. Ish-presidentja tha të kenë biseduar mes tjerash për rolin që Kosova luan si partnere e përkushtuar për paqe dhe stabilitet në rajon.

    “E nderuar me ftesën e admiralit Stuart B. Munsch, komandant i Komandës të Forcave të Përbashkëta, për një vizitë të parë nga Kosova në komandën më të madhe të NATO-s që mbulon Evropën, Lindjen e Mesme dhe Afrikën, në Napoli, Itali. Gjatë vizitës, pata mundësinë të bashkëbisedoj me ekipin drejtues për integrimin e parimeve të Agjendës për gratë, paqen dhe sigurinë në operacionet aktuale dhe të ardhshme të NATO-s, si dhe të shkëmbej mendime për rolin që Kosova luan si partnere e përkushtuar për paqe dhe stabilitet në rajon. Admiralin Munsch e përgëzova për punën e jashtëzakonshme të NATO-s dhe të misionit të KFOR-it në Kosovë, që për më shumë se dy dekada kanë garantuar një mjedis të sigurt për qytetarët tanë. Gjithmonë falënderuese për intervenimin e NATO-s në vitin 1999, hap ky i cili shpëtoi një popull të tërë nga gjenocidi serb dhe hapi rrugën drejt lirisë”, ka shkruar Jahjaga.

    Ndër të tjera, Jahjaga nënvizoi se paqja nuk ruhet vetëm përmes forcave ushtarake, por edhe përmes vlerave të përbashkëta demokratike.

    “Në fund shpreha thellësisht mirënjohjen time për udhëheqjen, partneritetin dhe miqësinë që Admirali Munsch dhe NATO e kanë ndërtuar me popullin e Kosovës. Bashkëpunimi ynë dëshmon se paqja nuk ruhet vetëm përmes forcave ushtarake, por edhe përmes vlerave të përbashkëta demokratike”, ka shkruar ish-presidentja.

  • Presidentja Osmani dhuron proteza të gjirit për gratë e prekura nga kanceri

    Presidentja Osmani dhuron proteza të gjirit për gratë e prekura nga kanceri

    Presidentja e Republikës së Kosovës, Vjosa Osmani, së bashku me drejtoreshën e organizatës “Jeta Vita”, Nafije Latifi vizituan të mërkurën Klinikën e Onkologjisë në kuadër të Qendrës Klinike Universitare të Kosovës.

    Me këtë rast, presidentja Osmani dhuroi proteza të gjirit për gratë e prekura nga kanceri, si shenjë mbështetjeje për to dhe për fuqizimin e grave që përballen me këtë sëmundje.

    Për shkak të ndjeshmërisë së rasteve, mediat nuk janë lejuar të marrin pamje brenda Klinikës.

  • Cristiano Ronaldo thyen rekord tjetër historik në kualifikimet e Botërorit

    Cristiano Ronaldo thyen rekord tjetër historik në kualifikimet e Botërorit

    Ylli portugez Cristiano Ronaldo shkroi një faqe të re në historinë e futbollit, duke shënuar dy gola në pjesën e parë të ndeshjes kundër Hungarisë. Me këto gola, ai përmbysi avantazhin e Szalai dhe i dha Portugalisë epërsinë 2-1.

    Me këtë dopietë, kapiteni i Portugalisë arriti shifrën rekord prej 41 golash në kualifikimet për Kupën e Botës, duke kaluar sulmuesin guatemalas Carlos Ruiz, i cili kishte 39 gola.

    Në podiumin e golashënuesve më të mirë në kualifikime qëndron edhe Lionel Messi, me 36 gola, duke mbajtur vendin e tretë në këtë renditje historike.

    Nga futbollistët evropianë, përveç Ronaldos, në listën e 25 më të mirëve janë edhe emra të njohur si Robert Lewandowski me 33 gola, Edin Džeko me 29, Andriy Shevchenko me 26, Harry Kane me 23 dhe Memphis Depay me 22 gola.

    Përndryshe, 40 vjeçari me Kombëtaren Portugeze numëron 225 ndeshje, ku ka shënuar 143 gola dhe ka asistuar në 45 të tjerë.

    Me klube ai ka arritur në 1060 ndeshje, ku ka shënuar 799 gola dhe ka kontribuar në 257 të tjerë. /ATVLIVE.TV

  • Von der Leyen viziton Kosovën, takohet me Osmanin dhe Kurtin në Kuvend

    Von der Leyen viziton Kosovën, takohet me Osmanin dhe Kurtin në Kuvend

    Presidentja e Komisionit Evropian, Ursula von der Leyen, do të zhvillojë sot një vizitë zyrtare në Kosovë, ku do të takohet me udhëheqësit e institucioneve të vendit.

    Gjatë vizitës së saj, ajo pritet të takohet me presidenten, Vjosa Osmani, si dhe me kryeministrin në detyrë, Albin Kurti nga ora 14:05 në hapësirat e Kuvendit të Kosovës, sipas njoftimit të Zyrës së Kryeministrit.

    Policia e Kosovës ka paralajmëruar ndërprerje të përkohshme të qarkullimit gjatë qëndrimit të saj, për të mundësuar lëvizjen e lirë të eskortës zyrtare.

    Kjo vizitë është pjesë e turit rajonal të presidentes së Komisionit Evropian, që nisi të hënën në Tiranë dhe përfshin ndalesa në Shqipëri, Mal të Zi, Bosnje e Hercegovinë, Serbi dhe Kosovë, për t’u përmbyllur të mërkurën në Shkup.