ATV

Blog

  • Joshua Zirkzee në radarin e klubit italian Roma

    Joshua Zirkzee në radarin e klubit italian Roma

    Sulmuesi holandez Joshua Zirkzee,nuk po gjen minutazhë tek gjiganti anglez Manchester United.

    Klubi italian Roma po synon që të siguroj shërbimet e Zirkzee-it,dhe pritet që të hy në garë me Comon për transferimin e 24 vjeçarit.

    Përndryshe Zirkzee që nga transferimi i tij nga Bologna nuk u ambientua siç duhet në Old Trafford,dhe për më tepër zërat për një largim të tij janë shtuar gjithnjë e më shumë.

    Kur jemi tek holandezi Roma po synon të siguroj Zirkzee-in si formë huazimi,dhe më parë drejtuesit e klubit romak e kishin ndjekur gjatë kohës kur ai luante tek Atalanta.

    Ndërkohë Como synon që të shpenzojë një shumë për të transferuar Zirkzee-in,i cili shihet si një nga lojtarët që mund t’i bashkohet projektit të këtij klubi.

    Kujtojmë që Joshua Zirkzee ka luajtur vetëm 4 ndeshje për Man United këtë sezon,duke mos arritur të shënoj asnjë gol teksa vlera e tij në tregun e transferimeve arrin deri në 30 milionë euro.

  • Riccardo Gaucci rikthen në kujtesë ditën kur shiu i Perugias i mori Juventusit titullin e kampionit

    Riccardo Gaucci rikthen në kujtesë ditën kur shiu i Perugias i mori Juventusit titullin e kampionit

    Kanë kaluar më shumë se dy dekada, por ajo pasdite mbetet e paharruar për futbollin italian. Dhe së fundmi, Riccardo Gaucci, djali i presidentit legjendar të Perugias, Luciano Gaucci, e ka rrëfyer sërish këtë histori magjike dhe dramatike në podcastin Pro Football — ditën kur shiu i Perugias i rrëmbeu Juventusit titullin kampion të Serie A-së.

    Ishte 14 maji i vitit 2000. Stadiumi “Renato Curi” i Perugias ishte shndërruar në një liqen. Qielli i errët, shiu i pandalshëm, një fushë e përmbytur, dhe një kampionat që varej në fije të perit. Juventusi kërkonte të mbronte kreun, ndërsa Lazio priste me ankth lajmet nga Perugia.

    Shiu ra me forcë aq të madhe sa arbitri Pierluigi Collina u detyrua të ndalonte ndeshjen për më shumë se një orë. Pamja e tij në fushë, me ombrellë në dorë dhe topin në këmbë, për të parë nëse topi kërceu në ndonjë copë bari, u bë ikonike — një moment që mbeti në historinë e futbollit.

    Gaucci kujton se ajo ndeshje nuk duhej të ishte luajtur, por urdhri ishte i prerë:

    “Collina kishte marrë urdhër që ndeshja duhej të luhej me çdo kusht, sepse përndryshe të nesërmen do të kishte ndodhur fundi i botës. Lazio kishte fituar, dhe shtyrja do të kishte sjellë kaos të madh për arsye sigurie,” – rrëfen Gaucci.

    Kur loja rifilloi, fusha ishte e papërshkueshme. Uji arrinte deri në kyçe, topi ndalej në baltë dhe çdo pasim ishte një përpjekje më shumë për të mbijetuar sesa për të ndërtuar lojë. Por pikërisht në minutat shtesë, Alessandro Calori goditi fort dhe shënoi golin e vetëm të ndeshjes – një goditje që i mori Juventusit titullin dhe ia dhuroi Lazios lavdinë.

    “Dhomat e zhveshjes ishin përmbytur, fusha ishte nën ujë, më dukej si një shenjë e fatit – Juventusi atë ditë nuk duhej të fitonte,” kujton më tej Gaucci. “Por nëse do të kishin menduar më shumë për lojën dhe më pak për shiun, ndoshta do të kishin shënuar dy ose tre gola.”

    Ajo pasdite e lagësht e majit mbeti një nga historitë më të fuqishme dhe simbolike të Serie A-së — kur natyra u bë protagoniste dhe shiu i Perugias, më shumë se çdo lojtar, vendosi fatin e kampionatit.
    Një ditë që as Juventus, as Collina, e as futbolli italian nuk do ta harrojnë kurrë.

  • Zyrtare: Çekia shkarkon trajnerin Ivan Hašek pas humbjes turpëruese nga Ishujt Faroe

    Zyrtare: Çekia shkarkon trajnerin Ivan Hašek pas humbjes turpëruese nga Ishujt Faroe

    Federata e Futbollit e Çekisë ka marrë vendimin për të shkarkuar trajnerin Ivan Hašek pas humbjes befasuese 2:1 ndaj Ishujve Faroe, në ndeshjen e kualifikimeve për Kupën e Botës 2026.

    Disfata ndaj një kombëtareje me vetëm 55 mijë banorë është cilësuar si një nga më të turpshmet në historinë e futbollit çek, madje më e rënda që nga humbja 1:0 kundër Luksemburgut, para më shumë se 20 vitesh.

    Sipas mediave çeke, vendimi për shkarkim është marrë njëzëri nga bordi ekzekutiv i Federatës së Futbollit të Çekisë (FAČR), menjëherë pas analizës së rezultateve të dobëta të ekipit kombëtar.

    Ivan Hašek kishte marrë drejtimin e skuadrës në vitin 2023, duke arritur ta kualifikojë Çekinë në Euro 2024, por aty u eliminuan në fazën e grupeve. Megjithatë, suksesi në Ligën e Kombeve, ku Çekia u ngjit në Ligën A, nuk mjaftoi për ta ruajtur pozitën e tij.

    Federata ka konfirmuar se ish-ylli çek Pavel Nedvěd është ngarkuar për të përgatitur një listë kandidatësh për trajnerin e ri të kombëtares.

    Pas këtij vendimi, Çekia pritet të ketë ndryshime të mëdha në stafin teknik në prag të ndeshjeve të ardhshme kualifikuese.

  • Ambasadori i ri i Gjermanisë: Kosova, partner i rëndësishëm – mezi pres t’ju njoh

    Ambasadori i ri i Gjermanisë: Kosova, partner i rëndësishëm – mezi pres t’ju njoh

    Ambasadori i ri i Gjermanisë në Kosovë, Rainer Rudolph, përmes një videoje është prezantuar shkurt për kosovarët dhe për mbështetjen e vendit të tij ndaj Kosovës.

    Ai tha se Gjermania është krenare që ka mbështetur Kosovën e pavarur dhe sovrane dhe se ai do të vazhdojë të mbështesë integrimin ndërkombëtar të Kosovës dhe atë në Bashkimin Europian.

    “Për ne gjermanët Kosova është një mik i mirë dhe një partner i rëndësishëm. Dhe ne kemi qenë krenarë që e kemi mbështetur Kosovën si një komb të pavarur dhe sovran për një kohë të gjatë. Dhe unë dua të mbështes integrimin ndërkombëtar të Kosovës, veçanërisht rrugën e saj drejt Bashkimit Europian”, tha ai.

    Ambasadori i ri dhe se pret ‘me padurim’ t’i njohë njerëzit e këtij vendi dhe të provojë ushqimin.

    “Dhe mbi të gjitha, pres me padurim t’ju njoh të gjithëve juve e këtë vend të bukur dhe ushqimin e tij të mrekullueshëm”, tha ai.

  • Shefja e KE-së pas takimeve me Osmanin e Kurtin: Të ulen tensionet, të ketë institucione të sigurta

    Shefja e KE-së pas takimeve me Osmanin e Kurtin: Të ulen tensionet, të ketë institucione të sigurta

    Presidentja e Komisionit Evropian, Ursula von der Leyen, ka komentuar vizitën e saj në Kosovë përmes rrjeteve sociale, duke theksuar rëndësinë e uljes së tensioneve dhe forcimit të institucioneve.

    “Për këtë, është e rëndësishme që Kosova të vazhdojë ndërtimin e institucioneve të sigurta. Të depërshkallëzojë tensionet në shtet. Dhe po ashtu, Kosova duhet t’i finalizojë hapat e domosdoshëm për të përfituar nga Plani i Rritjes”, ka shkruar ajo.

     

  • Arda Güler: “Kam besim të plotë te Xabi Alonso — nëse më thotë të luaj portier, do t’i blej dorezat!”

    Arda Güler: “Kam besim të plotë te Xabi Alonso — nëse më thotë të luaj portier, do t’i blej dorezat!”

    Ylli turk Arda Güler ka treguar me humor dhe respekt të madh lidhjen e tij me trajnerin Xabi Alonso, duke theksuar besimin e plotë që ka ndaj tij.

    Në një deklaratë që po bën xhiron e rrjeteve sociale, Güler tha:

    “Kam besim të plotë te Xabi Alonso. Nëse një ditë më thotë të luaj portier, do t’i blej dorezat!”

    Kjo shprehje simpatike ka bërë bujë në media, duke treguar atmosferën pozitive që mbizotëron në skuadër dhe respektin e madh që lojtarët kanë për Alonson.

    Güler, që po kalon një periudhë të mirë në karrierë, u pa i qeshur dhe plot energji, duke konfirmuar edhe njëherë personalitetin e tij të gëzueshëm brenda dhe jashtë fushës.

  • Dua Lipa: “Seksi duhet të jetë argëtues dhe i sigurt — dua që HIV të zhduket krejtësisht”

    Dua Lipa: “Seksi duhet të jetë argëtues dhe i sigurt — dua që HIV të zhduket krejtësisht”

    Këngëtarja me famë botërore, Dua Lipa, ka folur së fundmi për revistën prestigjioze Rolling Stone, ku ka prekur një temë të rëndësishme shëndetësore — sigurinë seksuale dhe ndërgjegjësimin për HIV.

    Në intervistën e saj, artistja me origjinë shqiptare theksoi se është koha që shoqëria të flasë hapur për këto çështje, duke larguar stigmën që vazhdon të ekzistojë rreth HIV-it dhe infeksioneve seksualisht të transmetueshme.

    “Seksi duhet të jetë argëtues dhe i sigurt. Dua që HIV të zhduket krejtësisht,” – deklaroi Dua Lipa për Rolling Stone.

    Këngëtarja e hitit “Houdini” u shfaq së fundmi edhe në eventin “National PrEP Day” në Los Anxhelos, ku mbështeti nismat për parandalimin e HIV-it përmes përdorimit të PrEP — një trajtim që ndihmon në reduktimin e rrezikut të infektimit.

    Përmes fjalëve të saj, Dua Lipa synon të inkurajojë të rinjtë që të jenë të informuar dhe të kujdesshëm për shëndetin e tyre, duke promovuar një qasje të hapur dhe pa paragjykime ndaj edukimit seksual.

    Këngëtarja, përveç suksesit në muzikë, po dëshmon gjithnjë e më shumë rolin e saj si një zë me ndikim për çështje sociale dhe humanitare, duke përdorur famën për të ngritur ndërgjegjësimin në tema që shpesh mbeten të heshtura.

  • Të hash apo jo lëkurën e pulës? Mjekët sqarojnë dilemën

    Të hash apo jo lëkurën e pulës? Mjekët sqarojnë dilemën

    Është besuar se lëkura e pulës mund të rrisë nivelin e kolesterolit dhe presionin e gjakut duke rritur rrezikun e sëmundjeve të zemrës.

    Por studimet e kohëve të fundit kanë treguar se këto përfundime nuk janë të vërteta dhe nuk është aspak e nevojshme për të hequr lëkurën e pulës para se ta gatuani apo hani atë.

    Ekspertët e shëndetësisë nga Universiteti i Harvardit konfirmuan se ngrënia e lëkurës së pulës, veçanërisht në moderim, nuk do të shkaktojë probleme shëndetësore. Plus, lëkura që shumë njerëz kanë shmangur prej dekadash ka disa përfitime, duke përfshirë:

    Shëndetin e zemrës

    Lëkura e pulës përmban yndyrë të pangopur, një lloj yndyre që është e mirë për shëndetin. Yndyra e pa saturuar mund të ndihmojë në zvogëlimin e presionit të gjakut dhe niveleve të këqija të kolesterolit, duke rregulluar hormonet.

    Kaloritë nuk janë aq të larta dhe për më të tepër shijon aq shumë.

    Nuk keni pse shqetësoheni për vajin

    Gatimi i pulës në një temperaturë të lartë mund ta bëjë ushqimin me shumë yndyrë, por kur vjen puna tek pula, lëkura e kësaj të fundit thith këtë të fundit duke u shndërruar në kërce dhe mishi brenda të mbetet i butë.

    Për më tepër vlen të thuhet se lëkura e pulës ka dhe sasi të konsiderueshme të omegës 6 dhe nëse hahet në sasi të madhe mund të çojë në probleme shëndetësore. Kjo është arsyeja pse moderimi është gjithmonë çelësi. Përveç kësaj, lëkura e djegur duhet të shmanget gjithashtu.

  • Tuchel me qetësi pas kritikave nga tifozët: “Ky është humori britanik, e pranoj me buzëqeshje”

    Tuchel me qetësi pas kritikave nga tifozët: “Ky është humori britanik, e pranoj me buzëqeshje”

    Trajneri i Anglisë, Thomas Tuchel, ka reaguar me maturi dhe sens humori ndaj thirrjeve ironike të tifozëve anglezë gjatë fitores 5-0 ndaj Letonisë – ndeshje që vulosi kualifikimin e “Tre Luanëve” në Kupën e Botës 2026.

    Gjatë ndeshjes në “St. James’ Park”, një pjesë e tifozëve reaguan ndaj komenteve të Tuchelit pas fitores 3-0 ndaj Uellsit, ku ai ishte shprehur i zhgënjyer me atmosferën në Wembley. Në Letoni, përgjigjja erdhi në formë kore ironike:
    “Thomas Tuchel, do të këndojmë kur të duam” dhe “Thomas Tuchel, jemi mjaftueshëm të zhurmshëm për ty?”.

    Por trajneri gjerman, i cili ka marrë përsipër drejtimin e Anglisë me objektiva të qarta drejt Botërorit, u tregua i matur në deklaratat pas ndeshjes.

    “Mora pak kritika në pjesën e parë, dhe e pranoj. E marr me sportivitet dhe me sens humori. Ata kishin një arsye pas komenteve të mia të fundit, dhe kjo është e drejtë. M’u dukën mjaft krijues. Më bënë të buzëqesh. Ky është humori britanik dhe unë e pranoj plotësisht. Nuk ka asnjë problem,” u shpreh Tuchel.

    I pyetur për rolin e tifozëve në rrugëtimin drejt SHBA 2026, tekniku 51-vjeçar u ndal te rëndësia e mbështetjes së vazhdueshme.

    “Tifozët kanë qenë fantastikë. E kam thënë edhe më parë që mbështetja në Serbi ishte e jashtëzakonshme. Jemi të sigurt që edhe në Amerikë do të ndodhë e njëjta gjë. Mbështetja e tyre bën diferencën,” theksoi ai.

    Në përmbyllje, Tuchel vuri theksin te lidhja e fortë që po ndërtohet mes skuadrës dhe tifozëve.

    “Duam t’i bëjmë krenarë. Duam t’i bëjmë të lumtur. Duam që ata të identifikohen me mënyrën si luajmë. Jemi në rrugën e ndërtimit të diçkaje dhe performanca e tyre është po aq e rëndësishme sa e jona.”

    Anglia tashmë është një nga kombëtaret e para që ka siguruar zyrtarisht pjesëmarrjen në Botërorin “USA 2026”, ndërsa ekipi i Tuchelit duket i bashkuar, i fokusuar dhe i etur për të shkruar histori.

  • Funksioni Sekret i Kondicionerit që E Bën Ajrin Më të Thatë dhe Kursen Energji

    Funksioni Sekret i Kondicionerit që E Bën Ajrin Më të Thatë dhe Kursen Energji

    Shumë prej nesh e përdorin kondicionerin vetëm për të freskuar ambientin gjatë verës ose për të ngrohur dhomën gjatë dimrit. Por, a e dini që pajisjet moderne të kondicionimit të ajrit kanë një funksion të fshehtë që shpesh nuk përdoret, por që mund t’ju kursejë energji dhe të luftojë lagështinë në mënyrë efikase?

    Ky funksion quhet “Dry Mode” ose modaliteti i tharjes. Kur aktivizohet, kondicioneri nuk përqendrohet kryesisht te ftohja apo ngrohja e ambientit, por te kontrolli i lagështisë. Ai thith lagështinë e tepërt nga ajri pa e ftohur shumë dhomën, duke krijuar një ambient më të freskët dhe më të këndshëm.

    Përveç përmirësimit të rehatisë, ky funksion ka edhe një avantazh të madh ekonomik: kursim energjie. Sepse kondicioneri nuk duhet të punojë në maksimum për të ftohur dhomën; ai vepron më lehtë dhe konsumon më pak energji elektrike.

    Për të përdorur këtë funksion, zakonisht duhet të kërkoni butonin “Dry” në panelin e kondicionerit ose në aplikacionin inteligjent të pajisjes. Ky funksion është ideal për ditët e lagështa pranverore ose verore dhe ndihmon në parandalimin e zhvillimit të mykut dhe lagështisë në muret e shtëpisë.

    Pra, herën tjetër kur të ndizni kondicionerin, mos harroni ta provoni modalitetin Dry është mënyra e fshehtë për një ajër më të thatë, një ambient më komod dhe një faturë më të ulët energjie.