Blog

FIFA ka lëshuar një deklaratë zyrtare pas komenteve të presidentit amerikan Donald Trump, i cili paralajmëroi mundësinë e ndryshimit të qyteteve pritëse për Kupën e Botës 2026, nëse ato nuk ndërmarrin masa më të ashpra kundër krimit.

Kupa e Botës, e planifikuar të zhvillohet verën e ardhshme, do të organizohet bashkërisht nga Shtetet e Bashkuara të Amerikës, Meksika dhe Kanadaja. Finalja është caktuar të luhet më 19 korrik në stadiumin ‘MetLife’ në New Jersey.

Trump deklaroi se është i gatshëm të kontaktojë presidentin e FIFA-s, Gianni Infantino, nëse gjykon se ndonjë nga qytetet pritëse – veçanërisht ato të udhëhequra nga demokratët – nuk i plotëson standardet e sigurisë publike.

“Nëse ndiej që dikush po bën një punë të keqe dhe ka kushte të pasigurta, do ta thërrisja Giannin, i cili është fenomenal dhe do t’i thosha: ‘Le ta zhvendosim në një vend tjetër’. Ai nuk do ta donte, por do ta bënte shumë lehtë,” tha Trump.

Në përgjigje, FIFA theksoi rëndësinë e sigurisë për të gjitha ngjarjet që organizon globalisht, duke nënvizuar se përgjegjësia për garantimin e sigurisë i takon autoriteteve qeveritare.

“Siguria dhe mbrojtja janë me rëndësi të jashtëzakonshme në të gjitha ngjarjet e FIFA-s në mbarë botën dhe në fund të fundit, është përgjegjësi e qeverisë të vendosë çfarë është në interesin më të mirë të sigurisë publike,” deklaroi një zëdhënës i FIFA-s.

Ai shtoi gjithashtu:

“Shpresojmë që secili prej 16 qyteteve pritëse do të jetë i gatshëm të përmbushë të gjitha kërkesat e nevojshme për një Kupë Bote të suksesshme në vitin 2026.”

Pas Kupës së Botës, Shtetet e Bashkuara do të presin edhe Lojërat Olimpike Verore të vitit 2028 në Los Anxhelos, duke pritur dy nga ngjarjet më të mëdha sportive në botë brenda dy viteve.

Ndërkohë, FIFA ka miratuar edhe një sistem të “çmimeve dinamike” për biletat e turneut, që do të thotë se çmimet do të përshtaten në bazë të kërkesës, duke mundësuar rritje të konsiderueshme të tyre për ndeshjet më të kërkuara. /ATVLIVE.TV

Kampioni i Kosovës, Trepça, do të përballet sonte me skuadrën e njohur greke, PAOK, në kuadër të FIBA Europe Cup.

Përmes një njoftimi zyrtar, ‘Xehetarët’ kanë bërë të ditur se basketbollisti Cedric Russell do të mungojë për shkak të një lëndimi.

Ndërkohë, Mustafa Amzil dhe Adnan Arslanagić mbeten të pasigurt për këtë përballje për shkak të gripit. Megjithatë, stafi mjekësor dhe ekipi po bëjnë të pamundurën që ata të jenë të gatshëm dhe të japin maksimumin në parket.

“Jemi gati të japim gjithçka në parket dhe të përfaqësojmë me krenari ngjyrat tona”- thuhet ndër të tjera.

Ndeshja fillon nga ora 19:15. /ATVLIVE.TV

Ekipi Mercedes-AMG Petronas F1 ka vendosur të mos ndryshojë formulën fituese: George Russell dhe Kimi Antonelli do të jenë sërish pilotët për sezonin 2026.

Russell, 27 vjeç, po hyn në sezonin e tij të tetë në F1, ndërsa 19-vjeçari Antonelli po përgatitet për vitin e tij të dytë pas një debutimi mbresëlënës.

“Jam shumë krenar që do të vazhdoj këtë udhëtim me Mercedes,” – tha Russell.
“Jam jashtëzakonisht i lumtur që do të vazhdoj me këtë ekip,” – shtoi Antonelli.

Shefi i ekipit, Toto Wolff, theksoi se dy piloti formojnë një dyshe të fortë dhe fokusi i ekipit tani është përgatitja për epokën e re të Formula 1 në 2026.

Klubi i njohur anglez, Manchester City, ka zbuluar fanellën e katërt special edition për FIFA 26, duke kombinuar stilin ikonë të ekipit me tematikën e lojës më të njohur të futbollit në botë.

Fanella e re ka ngjyrë jeshile, me detaje moderne dhe dizajn unik që do të tërheqë jo vetëm tifozët e City-t, por edhe adhuruesit e lojës FIFA 26.

Fansat tashmë mund ta vlerësojnë fanellën duke i dhënë notë nga 1 deri në 10, dhe komenti kryesor i klubit në rrjetet sociale ka nxitur një valë diskutimesh dhe reagimesh entuziaste.

Ky lançim tregon edhe njëherë përkushtimin e Manchester City ndaj tifozëve të tyre dhe bashkëveprimin me kulturën e lojërave video, duke sjellë një produkt që bashkon futbollin real dhe virtual.

“Kjo është një fanellë e veçantë për tifozët tanë dhe për të gjithë ata që duan të përjetojnë emocionin e City-t në FIFA 26,” – shkruan klubi zyrtarisht.

Tani mbetet për t’u parë se si do ta vlerësojnë fansat këtë edition special, ndërsa sezoni vazhdon me emocion dhe stil.

Një ndër pilotët legjendarë të Formula 1 Michael Schumacher,duket se po tregon shenja të përmirësimit të gjendjes shëndetësore.

Gazetari i L’Equipe Stefan L’Hermitte bën të ditur se Schumacher po komunikon me familjen e tij,edhe pse nuk është në gjendje që të komunikojë në mënyrë verbale.

“Nuk e dimë saktësisht se çfarë po ndodh. E dimë që po merr frymë dhe po komunikon me familjen e tij, por nuk duket se po flet dhe askush nuk e ka parë duke ecur”

Përndryshe gazetari francez shton më tutje se Schumi u pa duke nënshkruar një helmetë pqër qëllime humanitare,dhe thotë se kjo është një tregues pozitiv se ish piloti gjerman po këndellet dita-ditës.

Kujtojmë që Michael Schumacher kishte pësuar aksident në ski në dhjetor të vitit 2013 në Meribel të Francës,duke mbetur në gjendje kome për një kohë të gjatë.

Mesfushori holandez Frenkie de Jong ka folur për aspiratat e tij dhe të Barcelona-s, duke vënë në dukje se fitimi i Champions League mbetet një nga objektivat më të mëdha të karrierës së tij.

“Ende nuk e kam fituar Champions League me Barcelonën, dhe ky është një qëllim i madh për mua dhe ekipin,” – tha de Jong në një intervistë për mediat sportive.

Barcelona, skuadra legjendare katalanase, është e vendosur të kthehet fuqishëm në garën më prestigjioze të Europës, dhe deklarata e mesfushorit tregon ambiciet e larta të ekipit për sezonin e ardhshëm.

Fansat dhe ekspertët e futbollit presin me padurim një sezon emocionues, ku Barça synon të rikthehet në majat e Europës, duke kombinuar talentin e lojtarëve të rinj dhe përvojën e yjeve si de Jong.

“Ky është momenti për të bërë historinë së bashku dhe për të sjellë Champions League në Camp Nou,” – shtoi mesfushori holandez.

Barcelona duket e vendosur të shndërrojë ëndrrën në realitet dhe de Jong është një nga figurat kyçe në këtë përpjekje.

Edhe pse na ndajnë ende tetë deri në nëntë muaj nga fillimi i Kupës së Botës 2026, tashmë janë publikuar parashikimet e para mbi favoritët për të fituar turneun.

Sipas agjencive të basteve, Spanja, e udhëhequr nga talenti i ri Lamine Yamal dhe bashkëlojtarët e tij, ka shanset më të mira për të fituar titullin, me një përqindje prej 15%. Kampionia aktuale e Evropës kryeson kështu listën e favoritëve.

Menjëherë pas saj renditen Anglia dhe Franca e Kylian Mbappé, të dyja me nga 12% shanse. Brazili vlerësohet me 11%, ndërsa kampionia në fuqi e botës, Argjentina me Lionel Messin, ka vetëm 10.5% shanse për ta mbrojtur titullin.

Më tej vijnë Portugalia dhe Gjermania me nga 7%, Holanda me 4% dhe Italia me 3%.

Interesant është fakti se Kroacisë, e cila u rendit respektivisht e dyta dhe e treta në dy edicionet e fundit të Kupës së Botës, i jepet vetëm 1.5% shans për sukses në këtë edicion. /ATVLIVE.TV

Në selinë e Federatës së Futbollit të Kosovës sot ( e mërkurë) është mbajtur një takim pune ndërmjet presidentit të FFK-së, Agim Ademi, Departamentit Teknik dhe zyrtarëve të FIFA-s, në kuadër të zbatimit të projektit të ri të aprovuar nga FIFA “Talent Coach Programme”, si dhe krijimit të Akademisë së parë rajonale për zhvillimin e talenteve në grupmoshën U14 për vajza dhe djem.

Ky projekt strategjik është pjesë e programit per vitin 2026–2028, i cili synon të ndërtojë një sistem të qëndrueshëm për identifikimin dhe zhvillimin e talenteve të rinj në të gjitha regjionet e Kosovës.

Implementimi i projektit do të fillojë në fillim të vitit 2026 dhe paraqet një hap të rëndësishëm drejt avancimit të infrastrukturës sportive dhe edukimit të trajnerëve, si dhe në krijimin e kushteve të barabarta për zhvillimin e futbollit të vajzave dhe djemve. /ATVLIVE.TV