ATV

Blog

  • Shtetasi i huaj ndërron jetë në “Aeroportin Adem Jashari”

    Shtetasi i huaj ndërron jetë në “Aeroportin Adem Jashari”

    Një shtetas zviceran ka ndërruar jetë në “Aeroportin Adem Jashari” teksa po priste udhëtimin e tij për në Zvicër.

    Sipas raportit të Policisë së Kosovës, shtetasit të huaj i është përkeqësuar gjendja shëndetësore, por pavarësisht ndihmës mjekësore ai ka ndërruar jetë.

    Me vendim të prokurorit trupi i pajetë është dërguar në IML për obduksion.

    “Aeroporti Adem Jashari, Lipjan 22.10.2025 – 21:00. Është raportuar se një mashkull shtetas zviceran, i cili ka qenë duke pritur për të udhëtuar për në Zvicër, i është keqësuar gjendja shëndetësore i është ofruar ndihma mjekësore, por pastaj ka ndërruar jetë. Me vendim të prokurorit trupi i pajetë është dërguar në IML për obduksion”, thuhet në raportin e Policisë së Kosovës.

  • Policia shqipton mbi 2 mijë e 100 gjoba trafiku brenda 24 orëve të fundit

    Policia shqipton mbi 2 mijë e 100 gjoba trafiku brenda 24 orëve të fundit

    Policia e Kosovës ka shqiptuar 2156 gjoba për kundërvajtësit e trafikut brenda 24 orëve të fundit.

    Në 24 orët e fundit janë raportuar 37 aksidente trafiku me dëme materiale, 21 aksidente trafiku kanë përfunduar me të lënduar.

    Policia e Kosovës ka arrestuar 15 persona, 10 janë dërguar në mbajtje, kurse një person është në vuajtje.

  • Presidentja udhëton drejt Gjermanisë, mban sot një fjalim në Universitetin e Berlinit

    Presidentja udhëton drejt Gjermanisë, mban sot një fjalim në Universitetin e Berlinit

    Presidentja e Republikës së Kosovës, Vjosa Osmani, është nisur drejt Gjermanisë, ku do të mbajë sot një fjalim në Fakultetin Juridik, në Universitetin e Berlinit.
    E para e vendit do të dalë përballë studentëve për të folur për mbrojtjen e demokracisë.
    Ngjarja është paralajmëruar të ketë pjesëmarrje të konsiderueshme studentësh, meqë në universitet është duke u zhvilluar Java e Takimeve me Personalitete Evropiane.

    Kjo ndalesë e Osmanit është në vazhdën e takimeve të shumta që ajo do të zhvillojë, në vizitën e saj zyrtare në Gjermani.

  • Koalicion me LVV-në, Haziri: LDK nuk ka ndryshuar qëndrim, do të mbetemi në opozitë

    Koalicion me LVV-në, Haziri: LDK nuk ka ndryshuar qëndrim, do të mbetemi në opozitë

    Deputeti i Lidhjes Demokratike të Kosovës, Lutfi Haziri, ka deklaruar se partia e tij nuk ka ndryshuar qëndrimin politik në lidhje me një bashkëqeverisje të mundshme me Lëvizjen Vetëvendosje.

    Haziri tha se LDK ka mbajtur një qëndrim të qartë që nga 9 shkurti: të garojë për fitore në zgjedhje dhe, në rast të kundërt, të qëndrojë në opozitë.
    “LDK nuk ka ndryshuar qëndrim politik. Që nga 9 shkurti, e kemi bërë të qartë se hyjmë në garë për të fituar dhe, nëse nuk fitojmë, qëndrojmë në opozitë. Edhe pas 9 shkurtit, pas ofertave për bashkëpunim institucional nga VV-ja, ne e kemi konfirmuar qëndrimin tonë”, tha Haziri.

  • Një Rolex i vitit 1953 shitet për mbi 5 milionë euro në ankand

    Një Rolex i vitit 1953 shitet për mbi 5 milionë euro në ankand

    Një shembull jashtëzakonisht i rrallë i Rolex-it, me referencë 6062, është shitur për një shumë marramendëse prej 5.33 milionë euro në ankandin e shtëpisë Monaco Legend fundjavën që lamë pas.

    Me këtë çmim rekord, ora është pozicionuar si Rolex-i i tretë më i shtrenjtë që është shitur ndonjëherë në një ankand, raporton Hypebeast.

    Bëhet fjalë për një orë automatike me faza të hënës dhe kalendar të trefishtë, e prodhuar rreth vitit 1953, me kuti prej ari të verdhë 18 karatësh.

    Ky model përfaqëson një moment të rëndësishëm në historinë e markës Rolex, kur kompania arriti të ndërthurë një mekanizëm kompleks me kalendar të plotë dhe me kutinë e famshme Oyster, të njohur për qëndrueshmërinë dhe papërshkueshmërinë nga uji.

    Modeli 6062 është një ndër orët më të rralla të prodhuara nga Rolex gjatë gjysmës së dytë të shekullit të kaluar, me vetëm rreth 350 njësi të prodhuara. Variantet me dial të zi dhe indekse diamanti kanë fituar status legjendar në mesin e koleksionistëve, ndërsa versionet me tregues yjesh (stelline) dhe shembulli i njohur Bao Dai janë ndër më të çmuarit.

    Ora që u shit – një nga pak ekzemplarët me këtë konfigurim unik të dial-it dhe diamanteve – konsiderohet një nga versionet më të dëshiruara të referencës 6062.

    Ky shembull i veçantë ka edhe një histori të gjatë dhe të dokumentuar. Ai ishte pjesë e ankandit të koleksionit Mondani, të organizuar nga Antiquorum në vitin 2006, dhe është përfshirë në disa prej botimeve më të rëndësishme që trajtojnë orët vintage të Rolex-it.

    Rikthimi i kësaj ore në treg pas shumë vitesh pronësie private, në gjendje të shkëlqyer dhe me rrip origjinal prej ari 18 karatësh, e bëri atë objektin më të kërkuar të ankandit, duke ngjallur interes të jashtëzakonshëm nga koleksionistët e njohur në mbarë botën.

  • Këto janë vendet të cilat do të mbesin pa rrymë sot

    Këto janë vendet të cilat do të mbesin pa rrymë sot

    Kompania për Distribuimin e Energjisë Elektrike në Kosovë (KEDS) bën të ditur se sot, do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    Punime të domosdoshme për siguri të sistemit

    Nga NS 35/10[kV] Koliqi do të ndërprehet:

    Dalja 10[kV] J06 Koliqi (kodi: 14016002) nga ora 10:00 deri 15:30.
    Vendet: fshatrat: Koliq, Ballaban dhe Nishevc.

    Arsyeja: Mirëmbajtje preventive. Intervenim në eliminimin e defekteve dhe të gjeturave nga inspektimi me dron.

    Nga TS 35/10kV Drenasi do të ndërprehet:
    Dalja 10 [kV] J04 Poklek i ri (kodi: 16100007) nga ora 11:30 deri 12:30.
    Vendet: Poklek i Ri, Korreticë e Ulët, Komoran Bashota, Komoran, Mulliri Komoran, Banesat Poklek, Hib Petrol Zabel.

    Arsyeja: Ndërrimi i mbrojtjes rele.

    Nga TS 35/10kV Drenasi do të ndërprehet:

    Dalja 10 [kV] J05 Gurthyesi K.Drenices (kodi: 16100052) nga ora 11:30 deri 12:30.
    Vendet: Gurëthyesi.

    Arsyeja: Ndërrimi i mbrojtjes rele.

    Nga NS 220/10 [kV] Drenasi do të ndërprehet:

    Dalja 10[kV] J11 Zabeli i Ulët (kodi: 16100005) nga ora 11:30 deri 12:30.
    Vendet: Zabel i Ulët, Komoran, Hib Petroll Llapushnik, Haxha dhe Hajdini Palace.

    Arsyeja: Ndërrimi i mbrojtjes rele.

    Nga NS 220/10 [kV] Drenasi do të ndërprehet:

    Dalja 10[kV] J07 Ibër Lepenci (kodi: 16100009) nga ora 12:30 deri 13:30.
    Vendet: Gjimnazi ‘’Gjergj Kastrioti Skënderbeu ‘’, Sh.M.P ‘’Fehmi Lladrovci‘’, pjesërisht konsumatorë në Korroticë të Epërme dhe Flamuras (Sankoc).

    Arsyeja: Ndërrimi i mbrojtjes rele.

    Nga TS 220/10[kV] Drenasi do të ndërprehet:

    Dalja 10[kV] J10 Drenasi 3 (kodi: 16100003) nga ora 12:30 deri 13:30.
    Vendet: Te Feronikeli Lagjja e Poshtme dhe e Epërme, Drenas (një pjesë), Çikatovë e Re, Çikatovë e Vjetër te Miniera (Morinët), rr.Adem Jashari, rr Xhevat Demaku, Qendra Zejtare e re, Drenas te Qorovitë, lagjja Bajraktari, Te Vorrezat.

    Arsyeja: Ndërrimi i mbrojtjes rele.

    Nga NS 220/1[kV] Drenas do të ndërprehet:

    Dalja 10[kV] J11 Drenas Qendra (kodi: 16100001) nga ora 12:30 deri 13:30.
    Vendet: Rr.14 Qershori, rr.Feronikeli, rr.Fehmi Xheve lladrovci, rr.Rasim Kiqina,rr.Bedri Shala, nje pjese e Drensait-kah qendra.

    Arsyeja: Ndërrimi i mbrojtjes rele.

    Nga TS 35/10kV Drenasi do të ndërprehet:

    Dalja 10[kV] J12 Vasileva (kodi: 16100006) nga ora 13:30 deri 14:30.
    Vendet: Pokleku, Vasileva, Sefë Hasi-Ferma e lopëve dhe Rexhep Cërrvadiku.

    Arsyeja: Ndërrimi i mbrojtjes rele.

    Nga TS 35/10kV Drenasi do të ndërprehet:

    Dalja 10kV J13 Shtrubullova (kodi: 16100004) nga ora 13:30 deri 14:30.
    Vendet: Shtrubullovë, Krajkovë, Domanek, Baicë, Obri dhe Drenasi një pjesë

    Arsyeja: Ndërrimi i mbrojtjes rele.

    Nga NS 220/10[kV] Drenasi do të ndërprehet:

    Dalja 10kV J14 Gllobari (kodi: 16100014) nga ora 13:30 deri 14:30.
    Vendet: Binjak, Gllobar, Vërbovc dhe Terstenik.

    Arsyeja: Ndërrimi i mbrojtjes rele.

    Në TS 110/10/20 kV Prishtina 2

    Nga dalja 10 kV Normalja të ndërprehet Ts-i:

    TS 10/04kV Normalja-Gjin Gazulli 1 (kodi: 11000081045) prej orës 10:00 deri në ora 15:30
    Vendet: rr.Nazim Gafurri.

    Arsyeja: Shtrirja e kabllos ABC sipas projektit.

    Punime në projekte investive

    Nga TS 110/10(20)kV Prishtina 7 do të ndërprehet:

    LP 10kV J13 Fabrika e Kasetave (kodi: 19000039) nga ora 09:00 – 18:00.
    Vendet: Fabrika e Kasetave, Hajvali Vorret dhe Busia Petroll.

    Arsyeja: Punimi i lidhëseve dhe energjizimi i linjave të reja.

    Nga TS 110/10(20)kV Prishtina 7 do të ndërprehet:

    Dalja 10kV J12 Hajvalia (kodi: 19000040) nga ora 09:00 – 18:00.
    Vendet: Hajvali Shkolla, Hajvali Policia, Hajvali Ulzat 1, Hajvali Ulzat 2, Mili Hajvali

    Arsyeja: Punimi i lidhëseve dhe energjizimi i linjave të reja.

    Nga TS 35/10kV Badovci do të ndërprehet:Dalja 10kV J13 Hajvalia (kodi: 10014002) nga ora 09:00 – 18:00.
    Vendet: Hajvalia, një pjesë e Graçanicës

    Arsyeja: Punimi i lidhëseve dhe energjizimi i linjave të reja.

    Punime nga pala e tretë

    Në TS 110/10(20)kV Prishtina 7

    Nga dalja 10 kV Dalja nr 3 PR7 do të ndërprehet trafostacioni:
    TS 10/04kV Holger Petersen – Lagjja e Spitalit 2 (kodi: 19000074196) prej orës 09:00 deri në ora 11:00.
    Vendet: Lagjja e Spitalit.

    Arsyeja: Ngritja e shtyllave nën tension.

    Prizren

    Punime nga palët e treta

    Nga NS 110/10kV Prizreni 3 do të ndërprehet:

    Dalja 10kV Kamenica (kodi: 31000029) nga ora 13:00 deri 17:00.
    Vendet: Lagjet Gurishti, Petrovë dhe lagjja Arbana.

    Arsyeja: Punime sipas pëlqimit elektro-energjetik dhe projektit te aprovuar.

    Gjakovë

    Punime të domosdoshme për siguri të sistemit

    Nga TS 35/10(20)kV Gjakova III do të ndërprehet:

    Dalja 10kV J04 Dalja 21 (kodi: 81084018) nga ora 12:00 deri 13:30.
    Vendet: rrugët: Fehmi Agani, Ibrahim Fehmiu, UÇK-së, Sadik Pozhegu dhe Sadik Stavileci

    Arsyeja: Ndërrimi i mbrojtjes rele.

    Nga TS 35/10(20)kV Gjakova III do të ndërprehet:

    Dalja 10kV J11 Elektrokosova (kodi: 81084020) nga ora 12:00 deri 13:30.
    Vendet: rrugët: Ali Pashë Tepelena, Armand Pier Pailand, Fan Stilian Noli, Ferhat Binishi,
    Ismail Qemali, Marin Barleti, Mbretresha Teuta, Musa Zajmi, Naum Veqilhargji,
    Nënë Tereza dhe Selman Riza.

    Arsyeja: Ndërrimi i mbrojtjes rele.

    Nga TS 110/10(20)kV Gjakova 2 do të ndërprehet kthina J09 dhe pa tension mbesin daljet:

    Dalja 10kV J03 Inkubatori (kodi: 81084019) nga ora 13:30 deri 15:30.
    Dalja 10kV J09 Nertili (kodi: 81084033) nga ora 13:30 deri 15:30.
    Dalja 10kV J14 Dalja 40 (kodi: 81084023) nga ora 13:30 deri 15:30.

    Vendet: rruga Tirana. Qendra tregtare Nertili, rr. UÇK-së, rr. Rruga Tirana, rr.Wesley Clark, rr.Bajram Curri, rr.Dërgut Vokshi, rr.Ismail Qemali, rr.Marin Barleti (një pjesë), rr.Nënë Tereza, rr.Pjetër Budi, rr.Rruga e UÇK-së, rr.Sadik Pozhegu, rr.Sadik Stavileci, rr.Skënderbeu, rr.Sylejmon Vokshi dhe Inkubatori.

    Arsyeja: Ndërrimi i mbrojtjes rele.

    Nga TS 110/35/10 kV Rahoveci do të ndërprehet:

    Dalja 10kV Opterusha (kodi: 82000010) prej orës 10:30 deri në ora 13:30
    Vendet: fshatrat: Bellacërkë, Brestoc, Celinë,H oçë e Vogël, Hoçë e Madhe, Nagavc, Opterushë, Velika Hoca dhe Zoçishtë.

    Arsyeja: Përgatitja për shkarkimin e L.P. Opterusha sipas projektit M.25.07.023.

    Nga TS 110/35/10 kV Rahoveci do të ndërprehet:

    Dalja 10kV Shkoza (kodi: 82000009) prej orës 12:00 deri në ora 15:30
    Vendet: CONDOR SH.P.K., ” KOSOVA-PACK ” SH.P.K., MULLIRI NPT”VETONI”,ODS-METAL, ” GENDER ” SH.P.K., N.T.SH,,PISTA”, Rr.486 Xhelal Hajda-Toni, Rr.497 Shkelzen Krasniqi, Rr.498 Xhevat e Alajdin Elshani

    Arsyeja: Përgatitja për shkarkimin e L.P. Opterusha sipas projektit M.25.07.023.

    Punime në projekte investive

    Nga NS 35/10[kV] Gjakova I do të ndërprehet:

    Dalja 10[kV] J02 Ponosheci (kodi: 80080006) nga ora 09:00 deri 18:00.
    Vendet: fshatrat: Babaj Bokës, Dallashaj, Devë, Duzhnjë, Gusk, Jahoc, Korenicë, Madanaj, Mejë, Morinë, Nec, Orize, Ponoshec, Popoc, Ramoc, Rracaj, Rrypaj, Sheremet, Shishman dhe Smolicë.

    Arsyeja: Projekte investive. Vënia në punë e LP të ri dhe demontimi i atij të vjetër.

    Nga NS 35/10[kV] Gjakova I do të ndërprehet:

    Dalja 10[kV] J02 Beci (kodi: 80080010) nga ora 09:00 deri 18:00.
    Vendet: Fshatrat: Bec, Janosh, Lugbunar, Rr.Mark Malota, Novosellë e Epërme, Novosellë e Poshtme, Osek Pashë, Palabardhë, Qerim, Sopot dhe Trakaniq.

    Arsyeja: Projekte investive. Vënia në punë e LP të ri dhe demontimi i atij të vjetër.

    Nga NS 35/10 [kV] Gjakova I do të ndërprehet:

    Dalja 10[kV ]J04 Skivjan (kodi: 80080009) nga ora 08:30 deri 18:00.
    Vendet: fshatrat: Bitesh, Dobrixhë, Dujakë, Firajë, Hereç, Jasiq, Novosellë e Epërme, Novosellë e Poshtme, Osek Hilë (një pjesë), Osek Pashë, Plançor dhe Skivjan.

    Arsyeja: Konvertimi i linjës nga 10kV ne 20kV.

    Nga TS 35/10 kV Malisheva do të ndërprehet:

    Dalja 10kV J02 Kijeva (kodi: 82082007) nga ora 09:00 deri 12:00.
    Vende: fshatrat: Balincë, Bubavec, Drenoc, Gollubovc, Kijevë, Llazicë, Lubizhdë, Mleqan, Plloçicë, Polluzhë dhe Stapanicë.

    Arsyeja: Përmirësimi i vërejtje ne Lot 20 nga komisioni për pranim teknik.

    Nga TS 35/10[kV] Malishevë do të ndërprehet:

    LP 10kV J02 Spitali (TMK) 1 (kodi: 82082003) nga ora 09:00 deri 12:00.
    Vendet: QMF e Qytetit në rrugën 608 Hamdi Berisha

    Arsyeja: Përmirësimi i vërejtje ne Lot 20 nga komisioni për pranim teknik.

    Nga TS 35/10 kV Malisheva do të ndërprehet:
    Dalja 10kV J07 Banja (kodi: 82082008) nga ora 14:00 deri 17:00.
    Vendet: Rr.602 Gjergj Kastrioti – Skënderbeu, fshatrat: Banjë dhe Gajrak.

    Arsyeja Përmirësimi i vërejtje ne Lot 20 nga komisioni për pranim teknik.

    Gjilan

    Punime të domosdoshme për siguri të sistemit

    Nga TS 110/35/10 kV Gjilani 1 do të ndërprehet:
    Dalja 10kV Thertorja (kodi: 60062012) prej orës 10:00-10:15 dhe nga ora 14:00-14:15
    Vendet: Fani, Therrtorja, Fludi, TMK-ja, Stacioni i pompave Velekincë, Resti dhe Laza.

    Arsyeja: Manipulim me ndarësit.

    Në TS 110/35/10 kV Gjilani 1
    Nga dalja 10kV Thertorja do të ndërprehet Ts-i:
    TS 10/04kV Bazeni (kodi: 60062012429) prej orës 10:00 deri në ora 14:15
    Vendet: Bazeni.

    Arsyeja: Ndërrimi i ndërprerësit të tensionit të ulët.

  • Sllovakia tërheq veton, BE gati sanksionet ndaj Rusisë

    Sllovakia tërheq veton, BE gati sanksionet ndaj Rusisë

    Sllovakia ka vendosur të tërheqë veton e saj ndaj paketës së 19-të të sanksioneve të BE-së kundër Rusisë, duke zhbllokuar kështu procesin për miratimin e masave të reja kufizuese.

    Njoftohet se është nisur një procedurë me shkrim dhe, nëse nuk ngrihen kundërshtime, paketa do të miratohet zyrtarisht deri në orën 8:00 të mëngjesit të nesërme.

    Paketa e re synon të shënjestrojë burimet kryesore të të ardhurave të Kremlinit duke futur sanksione të reja në sektorët e energjisë, financave dhe tregtisë.

  • Detektivja shqiptare tregon kohën kur çiftet tradhtojnë më shumë

    Detektivja shqiptare tregon kohën kur çiftet tradhtojnë më shumë

    Detektivja private, Shkënda Lili, në një intervistë në Top Albania Radio, ka folur për tradhtinë në çift dhe periudhën kur çiftet tradhtojnë më shumë.
    Ajo komentoi periudhën e festave të fundvitit në raport me punën e saj.

    “Kjo është periudhë e mirë për punën time sepse ka më shumë lëvizje. Pas verës qetësohen çiftet. Me periudha është edhe puna ime. Muajt e verës dhe dhjetori janë super full. Në këtë periudhë vijnë shumë nga emigracioni, fillojnë dyshimet. Ata që vijnë nga jashtë duan ta shfrytëzojnë sa më shumë periudhën. Edhe djem, edhe vajza ka. Tradhtitë për mua janë njësoj, nuk mund të them që meshkujt tradhtojnë më shumë”.

    Por a e falin shqiptarët tradhtinë?!

    “Shqiptarët bëjnë sikur nuk e falin, por përfundimi është që e falin. Në Shqipëri është numri i pakët i grave që nuk e falin. E mendojnë gjatë. Është ekonomia, është dhuna në familje, por për tradhti nuk ndahen përgjithësisht… Gratë e politikanëve, artistëve bëjnë pakt me veten, ai me një anë, vetë me një anë, ekonomia dhe fëmijët bashkë. Është një fasadë… Opinioni publik vazhdon akoma, veriorët e kanë më të theksuar. Meshkujt shqiptarë e kanë shumë të vështirë ta falin tradhtinë. Janë shumë të rrallë ata që ta falin, por gratë po. Edhe kur ndahen nuk përmendin tradhtinë, por një faktor tjetër. Unë kur shoh në rrjete sociale çifte të lumtur, që në fakt i kam patur në zyrë, qesh. Kanë ardhur personazhe të njohur, është ajo fasada. Tendencën më të madhe e kanë njerëzit që kanë pushtet nga ana ekonomike”, ka thënë Lili.

  • Fero thirrje Arbenitës: Të lutem, mundëso që të takoj vajzën, nuk e kam dhunuar

    Fero thirrje Arbenitës: Të lutem, mundëso që të takoj vajzën, nuk e kam dhunuar

    Fero do të jetë i ftuari i radhës në podcastin e Arbana Osmanit, dhe vetëm publikimi i trilerit ka mjaftuar që rrjetet sociale të shpërthejnë në diskutime.

    Në videon e shkurtër që është bërë publike sot, reperi shihet i prekur emocionalisht, ndërsa rrëfen për herë të parë pas një kohe të gjatë lidhur me akuzat që e kanë përfshirë dhe marrëdhënien me vajzën e tij.

    Në fragmentin që ka qarkulluar gjerësisht, ai dëgjohet duke thënë: “Nuk e kam dhunuar unë atë… nuk e do njeri vajzën tem më shumë sesa unë. Të lutem, mundësoma me pa çikën.”

    Kjo deklaratë vjen pas periudhës së trazuar që pasoi ndarjen e bujshme të tij me modelen dhe influenceren Arbenita Ismajli.

    Çifti, i cili dikur shihej si një ndër më të komentuarit në showbiz-in shqiptar, u përfshi në debate publike dhe akuza të ndërsjella, të cilat kulmuan me publikimin e dokumenteve dhe deklaratave për dhunë në familje.

    Fero dhe Arbenita kanë bashkë një vajzë, të cilën reperi nuk e ka parë për një kohë të gjatë, dhe në këtë intervistë duket se ai synon të tregojë versionin e tij të ngjarjeve.

    Fjalët e tij “Të lutem, mundësoma me pa çikën” kanë prekur shumë ndjekës, të cilët në komente janë ndarë mes mbështetjes dhe kritikave.

  • Meta i shpall “luftë” ChatGPT

    Meta i shpall “luftë” ChatGPT

    “Qasja ose përdorimi i platformës WhatsApp Business është reptësisht i ndaluar”…

    Me këtë ndalim, të shkruar në deklaratën zyrtare të WhatsApp, Meta po i jep fund pranisë së ChatGPT dhe chatbot-eve të tjerë gjenerues të inteligjencës artificiale në aplikacionin e saj të mesazheve.

    Duke filluar nga 15 janari 2026, bisedat me ChatGPT në WhatsApp do të ndërpriten. Asnjë mesazh i ri, asnjë përgjigje automatike, asnjë shaka me inteligjencën artificiale, shkruan La Repubblica.

    Një përçarje e vendosur nga Meta, e cila ka zgjedhur të ndalojë përdorimin e chatbot-eve gjeneruese të IA-së në infrastrukturën e saj të API-t të Biznesit, përkatësisht Zgjidhjen e WhatsApp Business, e përdorur nga zhvilluesit dhe kompanitë për të krijuar shërbime të automatizuara.

    Në një rishikim të kushteve të përdorimit të Business API, WhatsApp prezantoi një klauzolë që në fakt ndalon ofruesit e inteligjencës artificiale gjeneruese, të tillë si OpenAI (ChatGPT), Perplexity, Luzia ose Poke, të shpërndajnë shërbimet e tyre në platformë.

    Dispozita, e drejtuar posaçërisht për “Ofruesit e Inteligjencës Artificiale”, ndalon përdorimin e infrastrukturës së WhatsApp për teknologjitë, funksionaliteti kryesor i të cilave është biseda me inteligjencë artificiale.

    Meta mbyll dyert për chatbot-et “gjeneralistë” dhe mbron modelin e saj të biznesit.

    Sipas Metës, API-ja e WhatsApp Business është projektuar për raste përdorimi në biznes, mbështetje për klientët, rezervime, etj, por jo për të pritur chatbot-e në biseda.

    Shpërthimi i mesazheve të gjeneruara nga inteligjenca artificiale ka rënduar infrastrukturën pa gjeneruar kthime financiare, sepse robotët “gjeneralistë” nuk përshtaten në modelin e monetizimit të WhatsApp, i cili bazohet në ndërveprimet me pagesë midis bizneseve dhe klientëve.

    Me fjalë të tjera, Meta vendosi të mbyllte një kanal që konsumonte burime pa gjeneruar të ardhura, duke mbrojtur perimetrin e biznesit të tij dhe, në të njëjtën kohë, duke konsoliduar rolin e asistentit të tij pronësor, Meta AI.