Ndonëse ishte paraparë të fillonte në orën 09:30, megjithatë seanca për 400 kg kokainë është shtyrë për në ora 13:15.
Kjo për shkak të ndërprerjes së herë pas hershme të energjisë elektrike që ndodhi në Pallatin e Drejtësisë.
Në këtë rast, të akuzuar janë Izet Sheqiri, Kadri Sheqiri, Faton Vrajolli, Kadri Brahimi dhe Fehmi Bytyçi. Prokuroria i akuzon ata se përmes kompanisë “MC FOOD” kishin lidhur marrëveshje me kompaninë “SEARA” për importin e produkteve të mishit të pulës së ngrirë, por në këto produkte ishin vendosur substanca narkotike.
Në këtë seancë pritet të japë dëshminë e tij Izet Sheqiri, pronar i kompanisë “MC FOOD”.
Pesë të akuzuarit nuk e kanë pranuar fajësinë për veprat penale që u vihen në barrë nga Prokuroria, ndërsa Izet Sheqiri kishte deklaruar se ndihet fajtor vetëm për veprën penale të “armëmbajtjes pa leje”.
Sipas aktakuzës, të akuzuarit në bashkëpunim me persona nga Brazili, përmes kompanisë “MC FOOD”, kanë lidhur marrëveshje me kompaninë “SEARA” për importimin e produkteve të pulës së ngrirë, në brendi të të cilave ishte vendosur substancë narkotike të llojit kokainë.
Kjo sasi prej 400 kilogramësh kokainë ishte gjetur më 17 maj 2021.
Një ngjarje e pazakontë është regjistruar në një aeroport të Algjerisë, ku tre burra nigerianë janë arrestuar teksa përpiqeshin të udhëtonin për në Dubai, të veshur si gra arabe.
Ata kishin veshur rroba tradicionale, hixhabe dhe grim, në tentativë për t’u paraqitur si pasagjere femra. Autoritetet e sigurisë në aeroport u dyshuan për pamjen dhe sjelljen e tyre, dhe pas një kontrolli më të detajuar zbuluan identitetin e vërtetë të burrave.
Arsyet e këtij maskimi mbeten ende të paqarta, por rasti është bërë viral në rrjetet sociale, duke nxitur reagime të shumta dhe habi në publik.
NBA dhuroi një natë spektakolare me 12 përballje plot emocione, por tre ndeshje morën vëmendjen e gjithë botës së basketbollit: rikthimi madhështor i Victor Ëembanyama-s, debutimi historik i VJ Edgecombe dhe dueli epik mes Suns dhe Kings.
Dallas Mavericks u mposhtë në shtëpi nga San Antonio Spurs me rezultat 92 – 125.
Kthim në stil për yllin francez Victor Wembanyama, i cili shpërtheu me 40 pikë, 15 kërcime dhe 0 topa të humbur, duke udhëhequr Spurs drejt një fitoreje të madhe ndaj Dallasit.
I gjatë 226 cm, Wembanyama dominoi çdo aspekt të lojës, me bllokime, fintet dhe një “dunk” spektakolar pas shpine që ndezi publikun.
Ai u bë lojtari i parë në historinë e NBA që arrin 40+ pikë dhe 15+ kërcime me mbi 70% saktësi nga fusha dhe asnjë gabim teknik.
Për Spurs ndihmuan edhe Stephon Castle me 22 pikë dhe Dylan Harper me 15 pikë radhazi, ndërsa për Dallasin më efikasi ishte Anthony Davis me 22 pikë e 13 kërcime.
Me këtë fitore, Spurs ngjiten në vendet e mesme të Konferencës Perëndimore, duke paralajmëruar një sezon të fuqishëm.
Nga ana tjetër Philadelphia 76ers fitoi me vetëm një pikë diferencë 117 – 116 ndaj Boston Celtics.
Një thriller deri në sekondat e fundit!
Debutuesi VJ Edgecombe shkroi histori, duke realizuar 34 pikë në ndeshjen e tij të parë në NBA – debutimi më i mirë që nga viti 1959, kur Ëilt Chamberlain kishte shënuar 43.
Në këtë fitore dramatike, Tyrese Maxey ishte po ashtu fantastik me 40 pikë, duke mbajtur 76ers të pamposhtur në fillim të sezonit.
Bostonit nuk i mjaftuan Jaylen Broën dhe Derrick Ëhite me nga 25 pikë secili.
Pas kësaj fitoreje, Philadelphia ngjitet në krye të Konferencës Lindore, duke treguar se është gati për titull.
Një tjetër ndeshje elektrizuese erdhi nga Arizona, ku Phoenix Suns triumfuan ndaj Sacramento Kings me rezultat 120-116, pas një përmbysjeje të vonë.
Kevin Durant udhëhoqi skuadrën me 32 pikë dhe 8 kërcime, ndërsa Devin Booker shtoi 27 pikë e 6 asistime.
Në anën tjetër, De’Aaron Fox ishte i pandalshëm për Kings me 35 pikë, por mungesa e efikasitetit në fund i kushtoi skuadrës kaliforniane.
Me këtë fitore, Suns qëndrojnë në tre vendet e para të Konferencës Perëndimore, duke treguar stabilitet që në start të sezonit.
Një natë që do të mbahet mend në NBA — rikthime, rekorde dhe adrenalinë në maksimum.
Mbarëvajtja e zgjedhjeve lokale në Kosovë shihet në Bashkimin Evropian si një hap i mirë drejt mundësisë së heqjes së masave të vendosura që nga viti 2023.
Duke iu referuar vizitës së fundit të Presidentes së Komisionit Evropian, Ursula von der Leyen, në Kosovë, një zëdhënës i BE-së ka theksuar se ajo është inkurajuar nga raundi i parë paqësor, konkurrues dhe gjithëpërfshirës i zgjedhjeve lokale, me pjesëmarrjen e të gjitha komuniteteve.
“Ky ishte një sinjal i rëndësishëm i deeskalimit në veri, që do të merret në konsideratë në kontekstin e heqjes së mëtejshme të masave,” ka konfirmuar zëdhënësi i BE-së në një përgjigje me shkrim për RTK-në.
Javën e kaluar, gjatë qëndrimit të saj në Prishtinë, von der Leyen pati – siç thuhet – diskutime konstruktive si me Presidenten Vjosa Osmani, ashtu edhe me Kryeministrin Albin Kurti.
Sipas të njëjtit burim, Bashkimi Evropian pret që edhe raundi i dytë i zgjedhjeve lokale të zhvillohet në të njëjtën mënyrë, si dhe një tranzicion të rregullt të qeverisjes lokale.
Për rundin e dytë të zgjedhjeve për kryetarë të Komunave, i cili pritet të mbahet më 9 nëntor, nuk do të ketë një proces të ri të regjistrimit të votuesve jashtë Kosovës. Votimi përmes postës do të organizohet vetëm për ata shtetas që janë regjistruar nga 23 korriku deri më 29 gusht.
Sipas të dhënave jopërfundimtare, rundi i dytë do të zhvillohet në 18 komuna, ndërsa numri i votuesve jashtë Kosovës të këtyre komunave është 29,712.
Zëdhënësi i KQZ-së, Valmir Elezi, tha se votuesit e regjistruar tashmë do të marrin përmes postës pakon me fletëvotim. Detyrë e tyre është të dërgojnë fletëvotimin në kutitë postare të vendosura në 22 shtete, përfshirë Australi, Gjermani, SHBA, Mbretëri të Bashkuar, Kanada, Shqipëri e Kosovë.
Numri i votuesve jashtë Kosovës për komunat e rundit të dytë është si më poshtë: Gjakovë (3,150), Gjilan (2,066), Dragash (2,776), Kaçanik (1,149), Klinë (2,229), Fushë Kosovë (490), Mitrovicë e Jugut (1,186), Obiliq (221), Rahovec (1,902), Pejë (1,897), Prishtinë (1,715), Prizren (2,866), Suharekë (3,325), Viti (1,980), Vushtrri (1,020), Junik (1,344), Mamushë (357) dhe Kllokot (39).
Gjykata Themelore në Mitrovicë, dega në Vushtrri, të martën ka shpallur aktgjykimin ndaj ish mësimdhënësit Faik Kadriu që akuzohej se ka ngacmuar seksualisht nxënëset në Vushtrri.
Gjykata në Mitroivcë ka thënë për Express se Kadriu është dënuar më 1 vit e 4 muaj burgim për veprat penale “Keqtrajtim gjatë ushtrimit të detyrës zyrtare ose autorizimeve publike” dhe “Ngacmim seksual”.
“Gjykata Themelore në Mitrovicë – Dega në Vushtrri, me datë 21.10.2025 ka bërë shpalljen e aktgjykimit ndaj të pandehurit F.K., duke i shqiptuar denim unik për burgim në kohëzgjatje prej 1 (një) vit e 4 (katër ) muaj, për kryerjen e veprave penale: “Keqtrajtim gjatë ushtrimit të detyrës zyrtare ose autorizimeve publike” nga neni 195 par.2 lidhur me par.1 të KPRK-së“, “Ngacmim seksual” nga neni 183 par.3 lidhur me par.1 e lidhur me nenin 77 të KPRK-së.”, thuhet në përgjigje.
KFOR-i është deklaruar për takimet e të së mërkurës të komandantit Ozkan Ulutash me presidentin e Shqipërisë, Bajram Begaj, dhe shefin e Shtabit të Përgjithshëm të Forcave të Armatosura, Gjenerallejtënant Arben Kingji në Tiranë.
Sipas njoftimit të KFOR-it, në këto takime u bisedua situata e sigurisë në Kosovë dhe stabiliteti rajonal.
“Ata diskutuan një sërë çështjesh, përfshirë situatën e sigurisë në Kosovë dhe stabilitetin rajonal. Gjeneralmajor Ulutash rikonfirmoi angazhimin e KFOR-it për të garantuar një mjedis të sigurt për të gjithë njerëzit dhe komunitetet që jetojnë në Kosovë dhe për të mbështetur dialogun e lehtësuar nga BE-ja midis Beogradit dhe Prishtinës. Ai përshëndeti gjithashtu kontributet e gjata të Shqipërisë në KFOR dhe profesionalizmin e shfaqur nga personeli shqiptar në mbështetje të veprimtarive të përditshme të misionit”, thuhet në njoftim.
Mbi 13 milion njerëz në mbarë botën kanë parë një postim të ish-futbollistit shqiptar Qëndrim Kameraj, i cili shfaqet në dy foto: njëra në fushë me Cristiano Ronaldon dhe tjetra në një kantier ndërtimi. Postimi u bë viral dhe ngriti shumë pyetje mbi situatën aktuale të tij.
Ekskluzivisht për mediat, Kameraj shpjegoi se fotografia në kantier nuk tregon një punë të përhershme:
“Unë nuk punoj në kantier. Postimi ishte thjesht për hajgare. Firmën time e drejtoj për të ofruar punëtorë kur ka nevojë,” tha ai.
Kameraj shtoi se reagimet e njerëzve ishin kryesisht pozitive dhe inkurajuese:
“Shumë njerëz më shkruan mesazhe motivuese. Nuk e prisja që postimi të shkonte kaq viral,” tha ai.
Ai folur edhe për karrierën e tij në futboll, ku ka kaluar në Akademinë e Juventusit dhe ka pasur fatin të stërvitet me Cristiano Ronaldon:
“Kur më ka ardhur mesazhi nga menaxheri se do të stërvitesha me Ronaldon, ishte emocion i madh. Stërvitja ishte e fortë dhe shumë serioze,” tregoi Kameraj.
Megjithatë, lëndimet e përsëritura e kanë detyruar të tërhiqet nga futbolli aktiv:
“Kam pësuar tre herë këputje të ligamentit, por jam duke bërë terapi dhe mendoj për të ardhmen si trajner,” tha ai.
Qëndrim Kameraj dërgon një mesazh motivues për të rinjtë me pasion për futbollin:
“Mos e humbni shpresën, punoni shumë dhe besoni në veten tuaj. Edhe kur gjërat shkojnë keq, duhet të vazhdoni.”
Në një kohë kur aktivitetet fizike po marrin forma e qasje të reja, një ndër emrat që po e çon përpara kulturën e pilatesit në Kosovë është Erlet Muçolli, trajner dhe bashkëthemelues i një prej studiove më të njohura të kësaj disipline në vend. Bashkë me bashkëshorten e tij, Krenaren, ata kanë krijuar një hapësirë që nuk është vetëm për stërvitje — por për ekuilibër trupor e mendor.
“Përkundrazi nga sa mendojnë shumëkush, pilates nuk të lodh — të jep energji. Pas seancave, adrenalina të rritet, trupi qetësohet dhe gjen balancën”, tregon Erleti.
Nga dashuria për sportin te zbulimi i pilatesit
Që në fëmijëri, Erleti ishte i lidhur me sportin. “Kam qenë gjithmonë aktiv, kam dashur çdo lloj sporti. Në vitet ‘90, futbolli e basketbolli ishin kryesorët, por me kalimin e kohës llojet e aktiviteteve u shtuan. Megjithatë, një dëmtim në gju më detyroi të kërkoja forma të tjera për ta ruajtur trupin në lëvizje pa e lodhur.”
Gjatë studimeve për fizioterapi, ai nisi të kërkonte mënyra për ta lidhur rehabilitimin me sportin aktiv. Ishte pikërisht atëherë kur bashkëshortja e tij, Krenarja, që studionte jashtë vendit, i sugjeroi të njihte pilatesin.
“Në fillim ishte diçka e re për ne. Në Kosovë nuk dihej pothuajse asgjë për pilatesin, prandaj e nisa duke hulumtuar, provuar vetë dhe pastaj duke ndërtuar programet e para për klientë.”
Kur pilates u pa si “sport për gra”
Në vitet e para, thotë Erleti, sfida më e madhe ishte perceptimi. “Shumë njerëz e shihnin pilatesin si sport të lehtë ose si diçka vetëm për gra. Madje edhe sot, disa burra hezitojnë të vijnë në klasë sepse mendojnë se do të jenë të vetmit meshkuj në grup.”
Por, për të ndryshuar këtë mendim, ai e përdor shembullin e sportistëve më të mëdhenj në botë:
“Pilates e bëjnë edhe Cristiano Ronaldo apo Sylvester Stallone. Është ushtrim që forcon muskujt e thellë, ndihmon në qëndrimin e trupit dhe është perfekt për çdo moshë e gjini. Unë u them burrave: provoje një herë, pastaj gjyko vetë.”
Ushtrim për trupin, terapi për mendjen
Në studion që e drejton me Krenaren, çdo klasë përshtatet sipas nevojave të secilit. “Trupi i secilit është ndryshe, prandaj edhe ushtrimi duhet të jetë ndryshe. E rëndësishme është që klientët të kuptojnë që kjo nuk është vetëm stërvitje fizike, por një mënyrë për ta qetësuar mendjen, për ta rregulluar frymëmarrjen dhe për ta rritur fokusin.”
Për Erletin, puna me njerëz është edhe sfidë, edhe motivim. “Jo të gjithë kanë të njëjtin vullnet. Por kur i sheh që përmirësohen nga java në javë, ajo është shpërblimi më i madh.”
Partnerë në jetë dhe në punë
Bashkë me Krenaren, Erleti ndan çdo ditë punën, pasionin dhe përkushtimin ndaj klientëve.
“Thonë mos e sill punën në shtëpi, por për ne është ndryshe. Flasim për çdo ditë, për çdo klasë, për çdo klient. Sepse kur punon me partnerin që të kupton edhe pa folur, çdo gjë ecën më lehtë.”
Sfida më e madhe: pandemia
Për çiftin, periudha e pandemisë ishte një provë e vërtetë. “Atëherë vendosëm ta zgjerojmë studion, edhe pse të gjithë po mbylleshin. Ishte rrezik, por doli të ishte vendimi më i mirë që kemi marrë. Investuam në ventilim, hapësira të sigurta dhe krijuam një ambient të përsosur për ushtrime. Që prej asaj kohe, kërkesa vetëm është rritur.”, tregoi Erleti.
Pas emocioneve të Ligës së Kampionëve, sot rikthehet Liga e Evropës, e cila në program ka plot 18 ndeshje, të vlefshme për fazën e tretë të grupeve. Nëntë ndeshje zhvillohen nga ora 18:45 dhe nëntë të tjera nga ora 21:00.
