ATV

Blog

  • Trump dhe Melania shpërndajnë çokollata në Shtëpinë e Bardhë

    Trump dhe Melania shpërndajnë çokollata në Shtëpinë e Bardhë

    Presidenti amerikan, Donald Trump dhe bashkëshortja e tij, Melania, shpërndanë çokollata për mysafirët e vegjël mes kungujve të gdhendur dhe dekorimeve vjeshtore në Shtëpinë e Bardhë.

    Kostumet më të përfolura të mbrëmjes: fëmijë të veshur si presidenti, zonja e parë dhe truproja e tyre e Shërbimit Sekret; një familje që kishte kthyer karrocën e fëmijës në një “McDonald’s drive-thru”; dhe një djalë i veshur si… një tualet i pistë (shaka e mbrëmjes?).

    Një vajzë madje i shtrëngoi dorën Trumpit me qëllim që ai ta vërente – dhe ia arriti.

    Mediat amerikane kujtuan edhe festën e Halloween-it të vitit të kaluar në Shtëpinë e Bardhë, kur Joe Biden në mënyrë të pashpjegueshme bëri sikur kafshonte një fëmijë të veshur si pulë. /Telegrafi/

  • Cardi B habit fansat, pohon se nuk i ka larë flokët për tre muaj

    Cardi B habit fansat, pohon se nuk i ka larë flokët për tre muaj

    Cardi B ka bërë një rrëfim të pazakontë për sa i përket higjienës së flokëve gjatë një transmetimi të drejtpërdrejtë në rrjetet sociale.

    Reperja u shfaq së fundmi në Instagram Live, dukshëm me një kapelë elastike që përdoret nën paruke, derisa zbuloi se kanë kaluar muaj pa i larë flokët natyral.

    “Nuk i kam larë për rreth dy muaj”, u tha ajo ndjekësve që më pas u shpërnda edhe në X, duke shtuar: “Në fakt po gënjej, ndoshta rreth tre muaj, nuk e di fare”.

    “Ka mundësi që kam të gjitha llojet e vezëve të gjarprit, vezëve të mushkonjave, gjithçka këtu brenda”, tha ajo, duke treguar në kokën e saj.

    Në pjesë tjetër të videos, reperja 33-vjeçare ndau planet e saj për flokët.

    “Duhet të vajos skalpin, sepse nesër do të merrem me flokët e mi të vërtetë”, zbuloi ajo. “Do t’i laj, dhe rreth të mërkurës do t’i bëjë gërsheta”.

    Disa përdorues në X u tronditën nga ky rrëfim i saj, shumë prej tyre duke reaguar me një habi për higjienën e flokëve.

    Por kishte edhe të atillë që e morën me një dozë humori dhe mosbesimi.

     

  • Model i ri argëtimi në Manchester, siguri, kursim dhe pije nga shtëpia

    Model i ri argëtimi në Manchester, siguri, kursim dhe pije nga shtëpia

    Në Manchester po ndodh diçka që po e ndryshon krejt mënyrën si dalim nëpër klube! Një klub ka vendosur një ide që askush s’e kishte bërë më parë aty nuk shitet alkool fare, por ti mund ta marrësh pijën tënde nga shtëpia!

    Ja si funksionon në hyrje, stafi të kontrollon dhe të etiketojnë shishet me emrin tënd. Pastaj, kur do të pish, shkon te banaku, paguan vetëm një gotë për shërbimin, dhe ata ta servirin pijën tënde.
    Pra, nuk ke nevojë të paguash 10 euro për një koktej sepse shishen e ke sjellë vetë!

    Ky sistem po pëlqehet shumë njerëzit thonë se ndihen më të sigurt, ka më pak dehje të tepërt dhe më shumë respekt mes vizitorëve. Sidomos për vajzat, është krijuar një ambient shumë më i qetë dhe i sigurt.

    Klubi quhet XLR dhe është klubi i parë në Britani që e lejon këtë mënyrë. Sipas pronarit, ideja është që nata e klubeve të mos lidhet vetëm me pirjen, por me argëtimin, muzikën dhe shoqërinë.

    Nëse një ide e tillë do vinte në Kosovë, ndoshta do na dukej çudi në fillim por pse jo? Secili me shishen e vet, me shokët, me humor e muzikë.
    Më pak shpenzime, më shumë argëtim… dhe një natë që e kujton, jo që ta harrosh!

  • LDK shpreh kritika ndaj Qeverisë në detyrë për miratimin e buxhetit të vitit 2026

    LDK shpreh kritika ndaj Qeverisë në detyrë për miratimin e buxhetit të vitit 2026

    Lidhja Demokratike e Kosovës ka reaguar pas vendimit të Qeverisë në detyrë për të miratuar buxhetin e vitit 2026, duke e cilësuar këtë veprim si të paprecedent në aspektin politik dhe institucional. Sipas LDK-së, një qeveri pa mandat dhe pa legjitimitet nuk ka të drejtë të marrë vendime të tilla me peshë të madhe shtetërore.

    Në një komunikatë për media, LDK thekson se ky vendim është marrë në një periudhë kur vendi ndodhet në proces zgjedhor — si për balotazhin e zgjedhjeve komunale, ashtu edhe për zgjedhjet e parakohshme parlamentare — duke e interpretuar këtë si përpjekje për të ndikuar në rezultatin elektoral.

    Sipas partisë, veprimi i Qeverisë bie ndesh me parimet demokratike dhe përbën tejkalim të kompetencave institucionale. LDK kujton se buxheti është dokumenti më i rëndësishëm financiar i shtetit dhe duhet të miratohet vetëm nga një qeveri me mandat të plotë nga qytetarët.

    Po ashtu, LDK u bën thirrje qytetarëve të jenë të vëmendshëm ndaj çdo përdorimi të buxhetit për qëllime politike, duke theksuar se ndihmat sociale dhe mbështetjet financiare duhet të bazohen në politika afatgjata dhe të qëndrueshme, jo në vendime të marra në fund të mandatit të një qeverie në largim.

    Në fund, partia nënvizon se do të vazhdojë të ndjekë me kujdes zhvillimet institucionale dhe do të angazhohet për rikthimin e besimit të qytetarëve dhe të qeverisjes përgjegjëse në Kosovë.

  • Qetësoni dhimbjen e dhëmbit me këto metoda të thjeshta

    Qetësoni dhimbjen e dhëmbit me këto metoda të thjeshta

    Kariesi (prishja e dhëmbëve) është shkaku më i zakonshëm i dhimbjes së dhëmbëve, si tek fëmijët ashtu edhe tek të rriturit.

    Bakteret që jetojnë në gojë ushqehen me sheqernat dhe niseshtenë që ndodhen në ushqim. Këto baktere formojnë një shtresë ngjitëse të quajtur pllakë bakteriale, e cila ngjitet në sipërfaqen e dhëmbëve.

    Acidet që prodhojnë bakteret në pllaka dëmtojnë shtresën e fortë të jashtme të dhëmbit, të quajtur smalt. Kjo krijon një zonë të prishur të quajtur kavitet (vrimë në dhëmb).

    Shenja e parë e prishjes mund të jetë dhimbja kur ha diçka shumë të ëmbël, shumë të ftohtë ose të nxehtë. Ndonjëherë, prishja shfaqet si njollë e bardhë ose kafe në dhëmb.

    Shkaqe të tjera të dhimbjes së dhëmbit

    Copëza ushqimi e mbetur mes dhëmbëve ose pllaka bakteriale.

    Enjtje ose infeksion në rrënjën e dhëmbit ose në mishrat e dhëmbëve.

    Lëndim i dhëmbit (si përplasje apo shtrëngim i fortë i dhëmbëve).

    Çarje ose copëtim i papritur i dhëmbit.

    Çarje që ndodh me kalimin e kohës në dhëmb ose në mbushje.

    Dalja e dhëmbëve të rinj (si tek foshnjat që u dalin dhëmbët).

    Dhëmbët e mençurisë që nuk kanë hapësirë të dalin si duhet – quhen dhëmbë të mençurisë të bllokuar.

    Infeksioni i sinusit, që mund të ndihet si dhimbje dhëmbi.

    Në shumicën e rasteve, dhimbja e dhëmbit kërkon trajtim nga dentisti.

    Trajtimi dhe kujdesi në shtëpi

    Derisa të shkosh te dentisti, mund të provosh këto mënyra për të lehtësuar dhimbjen:

    Shpëlaje gojën me ujë të ngrohtë.

    Përdor furçë të vogël dentare për të hequr ushqimin ose pllakat midis dhëmbëve.

    Mund të marrësh ilaç kundër dhimbjes (pa recetë), por mos vendos aspirinë ose ilaç direkt mbi mishrat, sepse mund t’i djegë.

    Nëse dhimbja është nga ndonjë goditje, vendos kompresa të ftohta në faqen e jashtme pranë dhëmbit.

  • Ronela Hajati kapet mat në Kanada, kush është mashkulli misterioz që e shoqëron?

    Ronela Hajati kapet mat në Kanada, kush është mashkulli misterioz që e shoqëron?

    Ronela Hajati duket se po kalon një periudhë të re dhe plot energji pozitive në jetën e saj personale. Prej disa javësh, këngëtarja e njohur shqiptare ndodhet në Kanada, ku siç duket, ka gjetur një ritëm më të qetë larg zhurmës së Tiranës dhe angazhimeve të shumta muzikore.

    Ditët e fundit, Ronela është parë në Toronto, në një ndeshje basketbolli, në shoqërinë e një mashkulli misterioz që ka ngritur shumë pikëpyetje në rrjete sociale. Pamjet që po qarkullojnë në internet tregojnë këngëtaren të qeshur dhe të relaksuar, duke shijuar atmosferën sportive me shumë energji pozitive.

    Videoja është publikuar nga një vajzë shqiptare që jeton në Kanada, e cila e ka dalluar menjëherë Ronelën në tribunë dhe ka ndarë momentin në “TikTok”. Komentet e fansave nuk kanë munguar – shumë prej tyre janë shprehur se këngëtarja duket më e lumtur se kurrë dhe se ndoshta kjo periudhë përfaqëson një “rinisje” për të.

    Në profilin e saj në Instagram, Ronela ka postuar disa foto dhe video nga ndeshja, përfshirë edhe një moment kur në sallë ndodhej reperi i njohur Drake, gjë që ka shtuar edhe më shumë vëmendjen ndaj postimeve të saj.

    Megjithëse ajo nuk ka konfirmuar ende asnjë lidhje të re, ndjekësit janë të bindur se artistja është duke përjetuar një fazë të bukur të jetës, larg kamerave dhe thashethemeve. A është ky një fillim i ri për Ronelën? Ndoshta shumë shpejt do ta zbulojmë nga vetë ajo…

  • U kap me marihuanë, arrestohet 40-vjeçari në Ferizaj

    U kap me marihuanë, arrestohet 40-vjeçari në Ferizaj

    Policia në Ferizaj ka arrestuar një 40-vjeçar nën dyshimin se ka kryer shitblerje të substancave narkotike.

    Siç njofton policia, rasti ka ndodhur ditën e djeshme gjatë patrullimit në një rrugë në Ferizaj ku kanë vërejtur një veturë të tipit Golf me targa vendore dhe afër saj një person të dyshimtë.

    Pas ndërhyrjes nga Policia, tek i dyshuari janë gjetur dhe sekuestruar nëntë qese najloni të mbushura me substancë të dyshimtë narkotike të llojit marihuanë, me peshë totale 7.27 gramë, si dhe një kartëmonedhë.

    “I dyshuari është shoqëruar në stacionin policor në Ferizaj për procedura të mëtejshme, ndërsa rasti i është referuar Njësisë për Hetimin e Narkotikëve.

    Në lidhje me rastin është njoftuar prokurori i shtetit, me urdhër të të cilit i dyshuari është ndaluar për 48 orë. Si prova materiale janë sekuestruar.

    9 qese najloni me substancë të dyshimtë narkotike (marihuanë); një telefon celular dhe një kartëmonedhë.

  • Tottenham-Chelsea kryendeshja e fundjavës në Premierligë

    Tottenham-Chelsea kryendeshja e fundjavës në Premierligë

    Premierliga angleze këtë fundjavë pritet të zhvillojë xhiron e 10-të,ku pritet të ketë ndeshje mjaft interesante.

    Derbi i fundjavës pritet të zhvillohet të shtnën,ku Tottenham e pret rivalin lokal Chelsean.

    Spurs synon që me fitore të vazhdojë formën pozitive,dhe njëherësh të përfitoj nga një gabim i Bornemouth për tu ngritur në pozitën e dytë,teksa Chelsea do tentoj që më një fitore të mbesë në garë për pozitat që dërgojnë në Evropë.

    Ndeshja Tottenham-Chelsea pritet të nis nga ora 18:30.

    Kampioni aktual Liverpool në Anfield do e presë skuadrën e Aston Villas,ku “The Reds”synojnë të dalin nga kriza e rezultateve dhe të rikthehet fitoreve,teksa Villa do të tentoj që të marrë fitoren e rradhës dhe t’ia vështirësojë punët skuadrës së Arne Slot.

    Në ndeshjet që do të zhvillohen në Angli Manchester City e pret Bournemouthin në Etihad,teksa lideri Arsenal luan në udhëtim kundër Burnley-it.

    Man United do të jetë mysafir i Nottingham Forest,teksa Newcastle United luan kundër West Ham United.

  • Krasniqi: Thesi i mashtrimeve të një “babadimri” që kurrë s’erdhi për qytetarët e Kosovës

    Krasniqi: Thesi i mashtrimeve të një “babadimri” që kurrë s’erdhi për qytetarët e Kosovës

    Kryetari i PDK-së, Memli Krasniqi e ka quajtur thes të mashtrimeve buxhetin për vitin 2026 që ndau Qeveria në detyrë dhe vendimin për rritjen e pensioneve dhe shtesave për fëmijët.

    “Thesi i mashtrimeve të një “babadimri” që kurrë s’erdhi për qytetarët e Kosovës, sado që premtoi çdo vit për pesë vjet, s’mundet me e rikthy besimin e humbur të qytetarëve e as nuk mund të arrijë qëllimin e blerjes së votës për balotazh dhe për zgjedhje parlamentare. Krejt ato që sot u thanë në mbledhjen e fundit të kësaj qeverie, e që s’u bënë pesë vjet me radhë, do të bëhen: më mirë, më shumë e më shpejt, por me qeverinë e ardhshme, pa Albin Kurtin e pa Vetëvendosjen. Mashtrimi elektoral nuk kalon. Uji i turbullt s’pihet dy herë!:, ka shkruar Krasniqi.

    LEXONI EDHE:

    Qeveria miraton projektbuxhetin për vitin 2026: Rritje pagash, pensionesh dhe shtesash për lehona

  • Rrëzohet kërkesa e PD-së për shkarkim të presidentit Begaj

    Rrëzohet kërkesa e PD-së për shkarkim të presidentit Begaj

    Komisioni i Ligjeve ka refuzuar me nëntë votat e mazhorancës kërkesën e Partisë Demokratike për nisjen e procedurës për shkarkimin e Presidentit të Shqipërisë, Bajram Begaj. Raporti për këtë vendim do t’i dorëzohet seancës plenare.
    Gjatë diskutimeve në komision, deputeti i PD-së, Gjin Gjoni, akuzoi Presidentin Begaj për shkelje të rëndësishme të Kushtetutës dhe ligjeve.

    Ai vuri në dukje veçanërisht dekretin për zgjedhjet e pjesshme në Bashkinë e Tiranës, të cilin e cilësoi si “anti-kushtetues”, duke pretenduar se Begaj ka marrë kompetenca që i takojnë sistemit gjyqësor dhe ka shkaktuar konfuzion te qytetarët.

    Sipas Gjonit, Presidenti nuk mund të vazhdojë të jetë përfaqësues i unitetit kombëtar, pasi ka kryer shtatë shkelje të Kushtetutës dhe ligjit, të mjaftueshme për ta shkarkuar.

    Ai akuzoi Begajn se dekreti për zgjedhjet në Tiranë u nxorr pa krijuar vakancën kushtetuese, duke krijuar ngërç në procesin zgjedhor dhe duke minuar legjitimitetin e tij, duke shkaktuar kështu konfuzion te votuesit dhe duke marrë kompetenca që u takojnë gjyqësorit.