Blog

Portieri i Real Madridit, Thibaut Courtois, është detyruar të lërë kampin e Kombëtares së Belgjikës pasi stafi mjekësor ka konfirmuar lëndimin e tij.

Sipas raportimeve nga mediat belge, Courtois ndjeu shqetësime gjatë stërvitjes me skuadrën kombëtare dhe pas ekzaminimeve mjekësore u vendos që ai të mos vazhdojë grumbullimin për të shmangur përkeqësimin e situatës.

Lajmi ka shkaktuar shqetësim te tifozët belgë dhe te Real Madridi, pasi portieri 32-vjeçar sapo kishte rifituar formën pas një dëmtimi të rëndë që e mbajti për muaj të tërë jashtë fushave.

Federata belge ka konfirmuar largimin e tij nga grumbullimi me një njoftim zyrtar, duke uruar rikuperim të shpejtë për gardianin e tyre.

“Pas vlerësimeve mjekësore, u vendos që Thibaut të largohet nga kampi për t’u fokusuar në rikuperim,” – thuhet në komunikatën e Federatës.

Aktualisht nuk ka një afat zyrtar për rikthimin e Courtois, por sipas burimeve pranë Real Madridit, klubi do të ndjekë me kujdes gjendjen e tij fizike përpara rikthimit në ndeshjet e La Ligës dhe Ligës së Kampionëve.

Një prej duele më të zjarrta në boks pritet të zhvillohet në muajin dhjetor,ku Anthony Joshua pritet të ndeshet kundër Jake Paul në Miami.

Sipas asaj që raporton Daily Mail Sport dueli mund të zhvillohet në datat 12 ose 19 dhjetor,teksa janë duke u zhvilluar bisedimet për zyrtarizimin e plotë.

Përndryshe Paul pati të zhvillonte duelin kundër Gervonta Davis,por që dështoi për shkak të akuzave për dhunë në familje u anulua.

Tani Paul e ka kthyer fokusin tek Joshua teksa vendimi për këtë meç sipas promotorit Eddie Hearn do të merrët brenda javës,dhe nëse zyrtarizohet atëherë do të ishte një prej dueleve më të forta të vitit.

Kujtojmë që Anthony Joshua duelin e fundit e pati kundër Daniel Dubois vitin e kaluar,ku britaniku pësoi humbje në raundin e 5-të.

Ylli brazilian i Barcelonës, Raphinha, ka folur me sinqeritet për përvojën e tij pas garës për Topin e Artë (Ballon d’Or), duke pranuar se kishte pritshmëri të larta, por se zhgënjimi e ka bërë më të pjekur si futbollist dhe si njeri.

Në një intervistë të fundit, Raphinha tregoi se fillimisht ishte i zhgënjyer që nuk arriti të ishte mes fituesve, por ajo përvojë i ka dhënë një mësim të vlefshëm.

“Kisha pritshmëri të mëdha për të fituar Topin e Artë… Po, u zhgënjeva.
…Por në të njëjtën kohë, ajo më mësoi përulësinë dhe perspektivën,” – tha lojtari i krahut të Barcelonës.

Braziliani theksoi se futbolli është mbi të gjitha një sport kolektiv dhe se suksesi personal vjen si pasojë e punës së ekipit.

“Topi i Artë është një çmim individual, por futbolli është një sport ekipor. Kur shikoj gjithçka që kam arritur me Barçën dhe Brazili, e kuptoj se kam shumë për t’u falënderuar, jo për t’u zhgënjyer. Jam përnjëmend mirënjohës,” – shtoi ai.

Raphinha përfundoi duke nënvizuar se fokusi i tij aktual është tek objektivat e skuadrës:

“Çmimi im i ardhshëm? Dua që të jetë kolektiv. Fokusi im është vetëm te suksesi i ekipit.”

Deklaratat e tij kanë marrë vëmendje të madhe në rrjetet sociale, ku tifozët kanë përgëzuar lojtarin për qëndrimin e tij të pjekur dhe të përulur.

Trajneri legjendar i Real Madridit, Carlo Ancelotti, ka dhënë një deklaratë plot humor lidhur me ish-yllin e tij, Cristiano Ronaldo. Në një prononcim për mediat, tekniku italian u shpreh me admirim për golashënuesin portugez, i cili vazhdon të thyejë rekorde edhe në moshën 40-vjeçare.

“Cristiano është një fenomen i vërtetë. Ai nuk ndalet kurrë. Shpresoj vetëm që të mos harrojë të më ftojë në festën e tij kur të arrijë 1000 gola,” – tha Ancelotti me buzë në gaz.

Ronaldo aktualisht është afër shifrës historike të 1000 golave në karrierë, duke përfshirë ndeshjet me klubet dhe Kombëtaren e Portugalisë. Nëse ritmi i tij mbetet i njëjtë, “CR7” mund të jetë lojtari i parë në histori që arrin këtë numër të jashtëzakonshëm.

Deklarata e Ancelottit është pritur me shumë reagime në rrjetet sociale, ku fansat kanë vlerësuar marrëdhënien e ngushtë dhe respektin e ndërsjellë mes trajnerit dhe superyllit portugez.