ATV

Blog

  • Dua Lipa dhe artistë të mëdhenj i kërkojnë kryeministrit britanik: “Të ulë çmimet e biletave”

    Dua Lipa dhe artistë të mëdhenj i kërkojnë kryeministrit britanik: “Të ulë çmimet e biletave”

    Më shumë se 40 yje të muzikës, mes tyre Dua Lipa, Coldplay, Radiohead, Sam Fender dhe The Cure, i kanë drejtuar një letër të hapur kryeministrit britanik Keir Starmer, duke kërkuar veprim të menjëhershëm kundër abuzimeve me rishitjen e biletave të koncerteve.

    Artistët e akuzojnë tregtarët online se po “mashtronin fansat” duke blerë bileta në tregun primar dhe më pas duke i rishitur me çmime shumëfish më të larta.

    Megjithëse qeveria kishte nisur një konsultim publik në janar për vendosjen e kufirit të çmimeve, ende nuk është marrë asnjë vendim konkret.

    Sipas një studimi të “Which?”, disa bileta për koncertin e Oasis në “Wembley” janë shitur deri në 5 mijë euro, ndërsa Autoriteti i Konkurrencës dhe Tregjeve zbuloi se çmimet në tregun e dytë janë rritur mesatarisht mbi 50%.

    Yjet kërkojnë që premtimi elektoral të mbahet dhe që fansat të mbrohen nga abuzimet që po e kthejnë muzikën live në luks të paarritshëm.

  • Bebe Rexha emocionon fansat me një foto të rrallë nga fëmijëria: “Cila jam unë?”

    Bebe Rexha emocionon fansat me një foto të rrallë nga fëmijëria: “Cila jam unë?”

    Këngëtarja shqiptare me famë botërore, Bebe Rexha, ka prekur ndjekësit me një postim plot nostalgji. Në rrjetet sociale, ajo ka ndarë një fotografi të rrallë nga fëmijëria, duke u kthyer pas në kohë për t’i treguar fansave një pjesë të vogël të së kaluarës së saj.

    Në imazh, Bebe shfaqet e ulur mes disa fëmijëve që dyshohet të jenë kushërinjtë e saj dhe shihet duke mbajtur në prehër një foshnjë. Me flokët e errët dhe balluket karakteristike, ajo është menjëherë e dallueshme për ndjekësit e saj besnikë.

    Krahas fotos, artistja ka shkruar me humor “Cila jam unë?”.

    Postimi është pritur me shumë komente dhe reagime pozitive, me fansat që kanë shpërndarë dashurinë e tyre për këtë kujtim të ëmbël.

    Edhe pse sot Bebe është një nga zërat më të njohur të muzikës pop në botë, fotoja dëshmon se para famës e skenës, ajo ka qenë një vajzë e thjeshtë, plot ëndrra dhe buzëqeshje, që tani po i jeton ato në shkallën më të lartë të suksesit.

  • Shqipëria synon play-off-in e botërorit me fitore kundër Andorrës

    Shqipëria synon play-off-in e botërorit me fitore kundër Andorrës

    Kombëtarja shqiptare sonte zhvillon ndeshjen më të rëndësishme në kualifikimet e botërorit 2026,ku do të luaj kundër skuadrës së fundit në grupin K Andorrës.

    Shqipëria synon fitoren në këtë ndeshje për të siguruar qind për qind fazën e play-offit të botërorit,dhe njëherësh fitorja e Anglisë kundër Serbisë do ta konfirmonte këtë gjë.

    Përndryshe Andorra nuk ka asnjë fitore në grupin K,teksa në 7 ndeshje të zhvilluara ka siguruar vetëm 1 pikë dhe në këtë ndeshje Shqipëria është favorit për të siguruar 3 pikë.

    Kujtojmë që ndeshja Andorra-Shqipëri pritet të zhvillohet në stadiumin “Estadi de la FAF”, me fillim nga ora 20:45.

  • Loredana shkëlqen pa grim: “Ujë e sapun” dhe më e natyrshme se kurrë!

    Loredana shkëlqen pa grim: “Ujë e sapun” dhe më e natyrshme se kurrë!

    Reperja me famë ndërkombëtare Loredana Zefi ka marrë gjithë vëmendjen e rrjeteve sociale me pamjen e saj më të fundit, ku është shfaqur plotësisht natyrale. Në disa momente të ndara nga rutina e përditshme, artistja ka treguar se bukuria nuk ka nevojë për filtra apo grim, mjafton vetëbesimi.

    Në fotot e publikuara, Loredana shihet e relaksuar, e shtrirë nën rrezet e diellit dhe me një buzëqeshje të qetë që reflekton energji pozitive. Fansat kanë përgëzuar reperen për thjeshtësinë dhe autenticitetin e saj, duke e cilësuar “më të bukur se kurrë”.

    Prej disa muajsh, Loredana nuk ka sjellë projekte të reja muzikore, duke zgjedhur të fokusohet në jetën familjare përkrah bashkëshortit të saj, Karim, dhe vajzës së tyre Hana.

    Me këtë paraqitje natyrale, Loredana tregon se edhe pa skenë, pa dritat e koncerteve e pa makijazh, ajo di të shkëlqejë në mënyrën më të sinqertë dhe të pastër të mundshme.

  • Shkencëtarët po kultivojnë mish pa kafshë: a është kjo e ardhmja e ushqimit?

    Shkencëtarët po kultivojnë mish pa kafshë: a është kjo e ardhmja e ushqimit?

    Në botën e ushqimit, një revolucion po ndodh në heshtje. Shkencëtarët po zhvillojnë mish të kultivuar në laborator, pa nevojën e kafshëve të vërteta, dhe kjo ide që dikur dukej si fantazi, po afrohet çdo ditë më shumë me jetën tonë të përditshme. Por çfarë është ky mish i ri, dhe a mund të ndryshojë vërtet mënyrën se si hamë?

    Mishi i kultivuar nuk është eksperiment i thjeshtë. Ai krijohet nga qeliza të kafshëve, të rritura në një medium ushqyes që imiton trupin e kafshës, duke u zhvilluar gradualisht në një produkt që duket, shijon dhe ka strukturë si mishi i zakonshëm. Për dallim nga mishi tradicional, ky proces nuk kërkon therrjen e kafshëve, nuk gjeneron metan në masë të madhe dhe mund të zvogëlojë ndotjen e ambientit. Studime nga Universiteti i Maastricht dhe kompanitë si Memphis Meats tregojnë se prodhimi i mishit të kultivuar mund të reduktojë deri 90% emetimet e gazrave serë dhe të shpenzimeve të ujit krahasuar me fermat tradicionale.

    Në laboratorë nëpër botë, nga SHBA në Izrael dhe Singapor, janë krijuar fileto pule, biftek dhe madje edhe proshutë, të cilat janë provuar nga ekspertë të ushqimit dhe kritikë të gastronomisë. Disa e përshkruajnë shijen si shumë të afërt me të mishit të zakonshëm, ndërsa të tjerët thonë se ka nevojë për përsosje në teksturë dhe aromë. Por pikërisht potenciali për ta përmirësuar në laborator e bën këtë produkt të jashtëzakonshëm për të ardhmen.

    Në Kosovë dhe rajon, ky fenome ende nuk ka filluar të ndjeket nga industria ushqimore dhe startup-et teknologjike. Edhe pse ende nuk është pjesë e përditshmërisë sonë, ekspertët sugjerojnë se mishi i kultivuar mund të arrijë tregjet lokale brenda pak viteve, duke sjellë një alternativë ekologjike dhe etike ndaj fermave tradicionale. Për konsumatorët, kjo do të thotë zgjedhje: shije e njohur, por me ndikim më të ulët në mjedis dhe më pak dhimbje për kafshët.

    Por sfidat mbeten. Çmimi i prodhimit është ende i lartë, perceptimi publik është i ndikuar nga skepticizmi, dhe rregulloret ligjore ndryshojnë nga vendi në vend. Pyetja më e madhe nuk është nëse mund të prodhohet mishi në laborator, por nëse shoqëria është e gatshme ta adoptojë atë si pjesë të jetës së përditshme.

    Në fund, mishi i kultivuar nuk është vetëm një eksperiment shkencor, por një dritare drejt një të ardhmeje të ushqimit më të qëndrueshëm dhe etik. A do të jetë kjo e ardhmja që hamë çdo ditë, apo vetëm një kuriozitet për të ardhmen? Vetëm koha do ta tregojë.

  • Sydney Sweeney: “U hodha me parashutë nën ndikimin e alkoolit, ishte e tmerrshme!”

    Sydney Sweeney: “U hodha me parashutë nën ndikimin e alkoolit, ishte e tmerrshme!”

    Aktorja e njohur e serialit Euphoria, Sydney Sweeney, ka zbuluar një histori sa qesharake, aq edhe të çuditshme, gjatë paraqitjes së saj në emisionin The Late Show with Stephen Colbert. Ylli 28-vjeçar tregoi se mënyra e saj për të përballuar frikën nga lartësitë ka qenë… jo fort e zakonshme.

    E pyetur nga Colbert për një foto ku shihej duke bërtitur teksa binte nga ajri me parashutë, Sydney pranoi se për ta bërë këtë hap i ishte dashur “pak ndihmë e jashtme”.

    “Isha nën ndikimin e alkoolit,” – tha ajo me sinqeritet, duke shkaktuar të qeshura në publik.

    Aktorja sqaroi se një natë para hedhjes kishte pirë pak më shumë se zakonisht, dhe të nesërmen, e guximshme nga adrenalina (dhe ndoshta pak hangover), vendosi të realizonte ëndrrën e saj për t’u hedhur me parashutë.

    “Jo, nuk më pëlqejnë lartësitë,” shtoi ajo me të qeshur. “Isha e tmerruar! Por ky ishte viti im për të provuar gjëra të reja. Thjesht vendosa të hidhem nga një aeroplan!”

    Pavarësisht frikës, përvoja duket se i ka dhënë Sydney-t një histori të paharrueshme dhe fansat tani e kanë shpallur “mbretëreshën e guximit (dhe humorit)” në rrjete sociale.

  • AI që parashikon sëmundjet përpara se të shfaqen simptomat: shpëtim apo pushtet i tepruar?

    AI që parashikon sëmundjet përpara se të shfaqen simptomat: shpëtim apo pushtet i tepruar?

    Në vitet e fundit, inteligjenca artificiale ka hyrë në spitalet dhe laboratorët më të avancuar të botës, duke u shndërruar nga një term i largët shkencor në një realitet që po ndryshon mjekësinë. Sot, ekzistojnë algoritme që mund të parashikojnë sëmundjet para se të shfaqen simptomat, duke analizuar të dhëna nga gjak, ADN, mënyra e të ecurit dhe madje modelet e gjumit. Ky është një revolucion që mund të shpëtojë miliona jetë, por gjithashtu ngre pyetje të mëdha etike.

    Studime nga Harvard dhe MIT tregojnë se AI mund të identifikojë shenjat e hershme të diabetit, kancerit apo sëmundjeve kardiovaskulare me përpikëri që arrin deri në 90%. Një algoritëm i trajnueshëm mund të analizoje mijëra rezultate laboratorike në sekonda, duke sugjeruar ndërhyrje që mjeku mund t’i shohë vetëm pas viteve përvojë. Në teori, kjo do të thotë trajtim më i hershëm, shanse më të mëdha për shërim dhe kursim të jetës së pacientëve.

    Por kjo fuqia e re sjell edhe dilema. Sa shumë i beson një pacient AI-së, kur rekomandon një diagnozë pa asnjë simptomë? Kush mban përgjegjësi nëse sistemi gabon? Dhe mbi të gjitha, sa privatësi kemi kur një makinë “di” më shumë për trupin dhe jetën tonë sesa ne vetë?

    Në Kosovë dhe rajon, teknologjia është ende në faza testimi, por interesimi po rritet. Klinikat private po eksplorojnë përdorimin e AI për screening të hershëm, dhe shumë qytetarë e shohin si mundësi të shkëlqyer për kontroll personal. Një gjë është e qartë: inteligjenca artificiale nuk po thjesht asiston mjekun, po po riformëson marrëdhënien tonë me shëndetin.

    Në fund, pyetja nuk është nëse AI mund të parashikojë sëmundjet, sepse ajo tashmë mundet, por si do ta përdorim këtë fuqi. A do të jetë shpëtim që na bën më të shëndetshëm dhe më të informuar, apo pushtet i tepruar që vendos mbi trupin dhe jetën tonë? E ardhmja e mjekësisë është këtu, dhe zgjedhja është e jona.

  • Vesa zbulon me humor “xhelozinë” e Mirlind Dakut: “S’po më lë me postu, po frikësohet prej msyshit!”

    Vesa zbulon me humor “xhelozinë” e Mirlind Dakut: “S’po më lë me postu, po frikësohet prej msyshit!”

     Vesa Vllasaliu, ka rrëmbyer vëmendjen në rrjetet sociale me deklaratat e saj plot humor për marrëdhënien me partnerin, futbollistin e njohur të Kombëtares, Mirlind Daku.

    Gjatë një sesioni pyetjesh me ndjekësit në Instagram, Vesa u pyet pse kohët e fundit po poston vetëm foto të vjetra dhe jo imazhe të reja. Me stilin e saj të drejtpërdrejtë dhe plot batuta, ajo dha një përgjigje që shkaktoi të qeshura:

    “S’po më lë burri me postu të reja, se po m’kap kishe msyshi.”

    Deklarata u mor fillimisht si shaka, por pyetja pasuese e konfirmoi se “burri” për të cilin bëhej fjalë është pikërisht sulmuesi Mirlind Daku. Vesa tregoi se marrëdhënia e tyre funksionon mbi respekt dhe mbështetje të ndërsjellë, duke shtuar:

    “Një burrë që s’e suporton gruan e vet, për mu s’o burrë. Po n’kët rast burri jem nuk um thotë ‘lëre punën’, edhe s’ka me ma thonë kurrë, se vet o fytyrë publike dhe më përkrah në çdo hap.”

    Me këtë përgjigje, ajo i dha fund çdo dyshimi mbi lidhjen e tyre, duke e bërë të qartë se marrëdhënia me Dakun është serioze dhe e qëndrueshme.

    Vesa zbuloi gjithashtu se aktualisht po e shijon jetën private dhe pushimin nga televizioni, duke lënë të kuptohet se nuk do të rikthehet në ekran deri në vitin 2026.
    Për momentin, ajo po i përkushtohet vetes, udhëtimeve dhe dashurisë — dhe sipas saj, “me pak msysh, por shumë dashuri në mes.”

  • Nis verifikimi i pakove me fletëvotime nga diaspora

    Nis verifikimi i pakove me fletëvotime nga diaspora

    Komisioni Qendror i zgjedhjeve ka tërhequr mbi 13,000 pako të supozuara me fletëvotime nga kutitë postare të hapura në 22 shtete të ndryshme të botës.

    Zëdhënësi i KQZ-së, Valmir Elezi, tha se ka filluar procesi i vlerësimit dhe verifikimit të këtyre pakove, me qëllim që të përcaktohet nëse ato janë dërguar nga shtetas të Kosovës të regjistruar si votues jashtë vendit.

    “Pra, procesit të vlerësimit do t’i nënshtrohen 13,000 pako dhe në fund do të kemi më shumë detaje. KQZ i referohet këtyre pakove si “pako të supozuara me fletëvotime” sepse në këtë fazë nuk mund ta dijmë me saktësi nëse brenda tyre ka fletëvotime dhe nëse të njëjtat janë dorëzuar nga votuesit e regjistruar”, theksoi ai.

    Tutje, Elezi shtoi se gjatë periudhës së regjistrimit (23 korrik – 29 gusht 2025) numri i shtetasve të regjistruar për të votuar përmes postës në raundin e dytë të zgjedhjeve për Kryetarë të 18 komunave ishte: 29,725 votues.

  • A do të zëvendësojnë influencerët virtualë njerëzit e vërtetë?

    A do të zëvendësojnë influencerët virtualë njerëzit e vërtetë?

    Në epokën e rrjeteve sociale, ku çdo klikim krijon ndikim dhe çdo “story” formon opinione, një brez i ri influencuesish po fiton terren, ata që nuk ekzistojnë fizikisht. Quhen influencerë virtualë: figura digjitale të krijuara nga inteligjenca artificiale që flasin, promovojnë dhe ndërveprojnë sikur të ishin njerëz realë. Por pyetja që po lind gjithnjë e më shpesh është e drejtpërdrejtë: a do të zëvendësojnë ata influencuesit e gjallë, me emocione dhe jetë reale?

    Në rrjetet globale, emra si Lil Miquela, një vajzë “virtuale” me më shumë se 3 milionë ndjekës në Instagram, kanë bërë bashkëpunime me marka si Prada, Calvin Klein apo Samsung. Ajo poston, bën fushata, ka mendime për çështje shoqërore dhe madje “debatohet” me ndjekësit e saj, por nuk është njeri. Pas çdo postimi që duket spontan, qëndron një ekip programuesish, dizajnerësh dhe psikologësh që modelojnë personalitetin e saj. Dhe megjithatë, shumë ndjekës e përjetojnë si një person real, me ndjesi e karakter.

    Kjo ndarje mes realitetit dhe virtualitetit po bëhet gjithnjë e më e paqartë. Njerëzit ndjekin përmbajtje që duket autentike, edhe kur dihet se nuk është. Për markat, influencuesit virtualë janë ëndrra perfekte: nuk lodhen, nuk kërkojnë pushime, nuk përfshihen në skandale dhe mund të përshtaten me çdo kërkesë estetike apo narrative. Në tregje të mëdha si Japonia apo Koreja e Jugut, ku teknologjia është pjesë e identitetit kulturor, këto figura po bëhen pjesë e përditshmërisë, duke udhëhequr trende, reklama dhe madje edhe kauza sociale.

    Por ajo që i bën këta influencues tërheqës, përsosmëria është njëkohësisht edhe dobësia e tyre më e madhe. Sepse, sado realistë të duken, ata nuk mund të zëvendësojnë ndjenjën e vërtetë që krijon një person i gjallë. Nuk mund të përcjellin pasiguritë, momentet e papritura apo dështimet që e bëjnë ndikimin njerëzor të besueshëm. Pikërisht këto “papërsosmëri” janë arsyeja pse ndjekësit lidhen emocionalisht me dikë sepse ndihen pjesë e së njëjtës përvojë njerëzore.

    Në Kosovë dhe rajon, ky fenomen sapo ka nisur të tërheqë vëmendjen. Disa agjenci marketingu tashmë po testojnë krijimin e figurave digjitale për fushata, duke imituar stilin dhe tonin e influencuesve realë. Por pyetja që lind është etike: nëse një influencues nuk është njeri, kush mban përgjegjësi për mesazhin që shpërndan? Dhe a është e drejtë që një “personazh i krijuar” të konkurrojë me dikë që punon realisht për të ndërtuar një komunitet besimi?

    Ekspertët e komunikimit digjital parashikojnë se influencuesit virtualë nuk do të zëvendësojnë njerëzit, por do të bashkëjetojnë me ta, duke krijuar një lloj simbioze të re mes realitetit dhe imagjinatës. Ata do të përdoren për kampanja të mëdha, për botë virtuale dhe për eksperienca interaktive, ndërsa influencuesit realë do të mbeten të pazëvendësueshëm për autenticitetin dhe lidhjen emocionale me publikun.

    Në fund, ajo që po ndodh nuk është zhdukja e njeriut nga ekrani, por një fazë e re e evolucionit digjital. Një botë ku realja dhe virtualja po ndërthuren, ku ndikimi nuk vjen më vetëm nga kush je, por edhe nga si krijohesh.
    E ardhmja e influencës, ndoshta, do të jetë një kombinim i të dyjave, e gjallë në ndjesi, por e programuar në përsosmëri. Dhe ndoshta, për herë të parë, njerëzit do të duhet të mësojnë të konkurrojnë me versionet e tyre… ideale.