ATV

Blog

  • Goditet nga vetura një polic që ishte në pikë kontrolli në Banjë të Istogut, dërgohet në spital

    Goditet nga vetura një polic që ishte në pikë kontrolli në Banjë të Istogut, dërgohet në spital

    Një zyrtar policor është goditur nga një veturë mëngjesin e sotëm, rreth orës 08:35 në fshatin Banjë të Istogut.

    Lajmin e ka konfirmuar zëdhënësi i Policisë për rajonin e Pejës, Driton Rugova, i cili tha se në momentin e aksidentit zyrtari policor ndodhej në një pikë kontrolli.

    Viktima ka pësuar lëndime trupore dhe është dërguar në Spitalin Rajonal në Pejë për tretman mjekësor.

    “Zyrtari Policor ka pësuar lëndime trupore, i njëjti është dërguar në Spitalin Rajonal në Pejë, për tretman mjekësor, ndërsa rasti është duke u hetuar nga Njësiti i Trafikut Rajonal”, tha Rugova.

  • Kapet shqiptari i dënuar për vrasje në vitin 1999

    Kapet shqiptari i dënuar për vrasje në vitin 1999

    Policia e Shqipërisë ka bërë të ditur se Departamenti i Policisë Kriminale, nëpërmjet Fast Albanias të Drejtorisë së Forcës së Posaçme Operacionale, në bashkëpunim me institucione të tjera të sigurisë së vendit dhe Italisë, është ekstraduar Kamer Duhanxhiut, 44-vjeçarin i dënuar për vrasje dhe tentim vrasje.

    Siç njofton Policia, 44-vjeçari ishe në kërkim ndërkombëtar që prej vitit 1999, dhe ishte dënuar nga autoritetet italiane me 30 vjet burgim për veprat e lartcekura, ngjarje të ndodhura në vitin 1999 në Asti, Itali.

    Si rezultat i bashkëpunimit ndërmjet këtyre agjencive partnere ligjzbatuese në Shqipëri dhe Itali, si dhe të Agjencisë për Doganat dhe Mbrojtjen Kufitare (ICE) në Shtetet e Bashkuara, shtetasi Kamer Duhanxhiu, i cili fshihej në SHBA prej shumë vitesh, ishte arrestuar më herët, këtë vit, në Florida.

    Pas përpjekjeve të përbashkëta koordinuese ndërmjet këtyre agjencive, ai u depërtua sot nga SHBA, me fluturim çarter, në Tiranë.

    Sapo mbërriti në aeroportin “Nënë Tereza”, ai u arrestua me qëllim ekstradimin drejt Italisë, bazuar në urdhrin e arrestit ndërkombëtar/kartelën e kuqe të Interpolit, të lëshuar nga autoritetet italiane.

    44-vjeçari do të përballet me dënimin e tij 30-vjeçar, në Itali.

  • Nis sot gjykimi për tragjedinë e Koçanit ku vdiqën 63 persona

    Nis sot gjykimi për tragjedinë e Koçanit ku vdiqën 63 persona

    Gjykimi për tragjedinë në diskotekën “Puls” në Koçan, ku humbën jetën 63 persona, ndërsa rreth 200 u lënduan, fillon sot.

    Seanca e parë është caktuar për në orën 9:30 në sallën gjyqësore në INP Idrizovë, me masa të përforcuara sigurie dhe prani të ekipit mjekësor.

    Rasti përfshin 38 të akuzuar – 35 persona fizikë dhe tre juridikë, ndërsa procedura do të zhvillohet me tempo prej dy seancave në javë. Gjykata u bën thirrje mediumeve për raporti dinjitoz pa senzacionalizëm, me respekt ndaj viktimave dhe familjeve të tyre.

    Procesin do ta zhvillojë gjykatësja Diana Gruevska Ilievska, ndërsa prokuroria do të përfayqësohet nga një ekip i zgjeruar prej 15 prokurorëve publikë, me qëllim që të sigurohet procedurë e drejtë dhe efikase.

    Aktakuza përfshin vepra të rënda kundër sigurisë së përgjithshme, mes të cilave edhe lëshime serioze në organizim të sigurimit të objektit.

    Mes të akuzuarve janë pronarë të lokaleve, drejtorë, inspektorë, kryetarë komunash, anëtarë të sigurimit dhe nëpunës shtetërorë.

  • Përfshihet nga zjarri një ndërtesë në Fushë Kosovë, s’dihet për të lënduar

    Përfshihet nga zjarri një ndërtesë në Fushë Kosovë, s’dihet për të lënduar

    Një ndërtesë është përfshirë nga zjarri mëngjesin e sotëm në Fushë Kosovë.

    Sipas pamjeve të publikuara nga Fushë Kosova – News, flakët janë përhapur me shpejtësi, derisa raportohet se banorët janë evakuuar nga objekti përreth.

    Në vendngjarje ndodhen Policia e Kosovës dhe zjarrfikësit.

    Lajmi në përditësim…

  • Filmi i Luiz Ejllit dhe Kiara Titos, konfirmohet data e publikimit në kinema

    Filmi i Luiz Ejllit dhe Kiara Titos, konfirmohet data e publikimit në kinema

    Luiz Ejlli dhe Kiara Tito, një nga çiftet më të komentuara dhe më të dashura të publikut shqiptar, kanë konfirmuar zyrtarisht se projekti i tyre më i ri, një film i shumëpritur është drejt finalizimit. Pas muajsh pritjeje dhe aludimesh, dyshja njoftuan se filmi do të shfaqet për herë të parë në shkurt të vitit 2026.

    Lajmi është bërë publik përmes rrjeteve të tyre sociale, ku Luiz dhe Kiara ndanë një postim të shkurtër, por shumë domethënës: “Shkurt 2026 në kinema.” Ky konfirmim ka ngjallur menjëherë reagime të shumta, si nga fansat e çiftit, ashtu edhe nga ndjekës të filmit shqiptar që presin të shohin çfarë historie do të sjellin dy protagonistët.

    Filmi, për të cilin çifti ka punuar prej kohësh në heshtje, besohet të jetë një ndër projektet më personale të tyre. Edhe pse detajet rreth skenarit, zhanrit apo kastës së aktorëve nuk janë zbuluar ende, burime pranë ekipit kanë sugjeruar se projekti përfshin elemente dramatike, romancë dhe momente të frymëzuara nga vetë eksperiencat e tyre të përbashkëta.

    Ky është herën e parë që Luiz dhe Kiara sjellin një projekt artistik të përbashkët në formë filmi, duke e ngritur edhe më tej profilin e tyre si figurat publike që nuk ndalen së befasuari audiencën.

  • Osmani uron Letoninë për Ditën e Pavarësisë

    Osmani uron Letoninë për Ditën e Pavarësisë

    Presidentja e Kosovës, Vjosa Osmani, ka uruar popullin e Letonisë dhe presidentin Edgars Rinkevičs për Ditën e Pavarësisë së këtij vendi.

    Osmani ka theksuar se ishte një privilegj të vizitonte Rīgën dhe një nder të mirëpriste presidentin Rinkevičs në Prishtinë këtë vit, duke vlerësuar vazhdimin e forcimit të lidhjeve të miqësisë dhe bashkëpunimit mes dy vendeve.

    Ajo gjithashtu ka shprehur mirënjohjen për mbështetjen e Letonisë.

    “Jemi mirënjohës për mbështetjen e qëndrueshme të Letonisë dhe presim me padurim të ndërtojmë mbi këtë partneritet në vitet e ardhshme”, ka shkruar Osmani në X.

  • Xhaka: Jam i befasuar që jam fishkëllyer – dhemb, por më duhet ta pranoj atë

    Xhaka: Jam i befasuar që jam fishkëllyer – dhemb, por më duhet ta pranoj atë

    Granit Xhaka ka folur për fishkëllimat që iu bënë në “Fadil Vokrri” nga tifozët e Kosovës.

    Ai ka thënë se është befasuar.

    “Jam i befasuar që jam fishkëllyer. Dhemb, por më duhet ta pranoj atë. Mundohem të koncentrohem vetëm në futboll. Për fat të keq është pjesë e lojës. Gjithnjë kam pasur përkrahjen e tifozëve të Zvicrës, pavarësisht nëse kemi luajtur në shtëpi apo në udhëtim”, ka thënë Xhaka.

  • Rusia sulmon Ukrainën gjatë natës me mbi 470 dronë dhe 47 raketa, vriten nëntë persona

    Rusia sulmon Ukrainën gjatë natës me mbi 470 dronë dhe 47 raketa, vriten nëntë persona

    Presidenti i Ukrainës, Volodymyr Zelensky, ka njoftuar se në sulmet ruse gjatë natës në Ukrainë janë vrarë nëntë persona.

    Rusia ka lëshuar më shumë se 470 dronë dhe 47 raketa në një “sulm të papërmbajtur”, shkroi ai në një postim në Telegram.

    Tre rrethe të qytetit të dytë më të madh të Ukrainës, Kharkiv, u goditën nga një sulm masiv me dronë, duke lënduar më shumë se 30 persona, përfshirë edhe fëmijë. Fotografitë e publikuara online treguan ndërtesa dhe makina në flakë.

    Ministria e Energjisë së Ukrainës njoftoi se ndërprerje të energjisë elektrike po prekin disa rajone në të gjithë vendin.

  • Rregulla të reja në Roblox: Fëmijët s’mund të flasin më me të rritur që s’i njohin

    Rregulla të reja në Roblox: Fëmijët s’mund të flasin më me të rritur që s’i njohin

    Fëmijët nuk do të jenë më në gjendje të bisedojnë me të rritur të panjohur në Roblox – një nga platformat më të njohura të lojërave në botë – si pjesë e zgjerimit të masave të sigurisë.

    Verifikimi i detyrueshëm i moshës do të futet për llogaritë që përdorin opsionet e bisedës, duke nisur në dhjetor për Australinë, Zelandën e Re dhe Holandën, e më pas në gjithë botën nga janari.

    Roblox është kritikuar për lejimin e fëmijëve që të hyjnë në përmbajtje të papërshtatshme dhe të komunikojnë me të rritur, dhe aktualisht po përballet me padi lidhur me sigurinë e fëmijëve në disa shtete të SHBA-së.

    Ky lansim vjen pak para ndalimit të rrjeteve sociale për nën-16 vjeçarët në Australi – dhe qeveria është nën presion që në këtë ndalim të përfshihen edhe platformat e lojërave si Roblox. Në mars, shefi ekzekutiv i Roblox, Dave Baszucki, i kishte thënë BBC-së se prindërit që shqetësohen për shërbimin “nuk duhet t’i lënë fëmijët e tyre në të”.

  • Tregu i hapur energjetik shkaktoi 30 milionë euro humbje për bizneset

    Tregu i hapur energjetik shkaktoi 30 milionë euro humbje për bizneset

    Vendimi i ZRRE-së për tregun e hapur energjetik që ka prekur mbi 1300 bizneseve në Kosovë, që sipas ekspertëve ekonomikë, rrezikon ta destabilizojë ekonominë e vendit, u anulua nga Gjykata Supreme. Në një vendim të saj, Supremja shfuqizoi dy nene si të paligjshme në vendimin e ZRrE-së për tregun e hapur energjetik. Gjykata ka konstatuar se tregu i hapur energjetik në formën se si është bërë ka krijuar një situatë të pasigurisë ligjore dhe ekonomike për konsumatorët e energjisë elektrike. Pas këtyre zhvillimeve, afaristi, Ramiz Kelmendi, konsideron se Supremja ndaloi korrupsionin e hapur me energji elektrike.

    “ Vetëm kompania ime në bazë të përllogaritjeve i binte të paguante energji elektrike 2.4 milionë euro në vit. Sepse dallimi në fatura është mbi 200 mijë euro dhe kur i shumëzon me 12 muaj na dalin 2.5 milionë euro që sigurisht i rrezikonte punësimet, investimet….”, tha Kelmendi.

    Sipas vendimit të Supremes, ZRrE krijoi paqartësi juridike edhe kur vendosi kufirin se cilat kompani do të dalin në treg të hapur, meqë, ajo kishte vendosur që në tregun energjetik do të dalin kompanitë që kanë mbi 50 punëtorë ose mbi 10 milionë euro qarkullim. Gjykata Supreme tha se vendimi i saj nuk mund të ankimohet. Ndërkohë, RTV21, ka provuar të marr një qëndrim edhe nga ZRrE lidhur me këtë vendim, por që deri më tani nuk janë përgjigjur. Tregu i hapur energjetik, i cili u shpall u jashtëligjshëm, gjatë 5 muajve sa ka funksionuar shkaktoi dëme të mëdha financiare për bizneset vendore, thotë Kushtrim Ajvazi, nga klubi i prodhuesve.

    “Po sipas të dhënave që i kemi bizneset kanë shpenzuar 1mijë megavat energji ëlektrike në ditë për 5 muaj i bie 150 mijë megavat dhe kur i llogarisim sigurisht që kostoja është tepër e lartë…”

    Çmimi për një megavat në bursat ndërkombëtare ku bizneset e Kosovës u detyruan të blejnë rrymën së bashku me transportin mesatarisht ka kushtuar rreth 200 euro, ndërsa në disa raste çmimi për megavat ka shkuar mbi 500 euro. Ndërkaq në një përllogaritje të thjeshtë, tregu i hapur energjetik, bizneseve për 5 muaj u kushtoi rreth 30 milionë euro. Ndërkohë, pothuajse e gjithë kostoja financiare për bizneset në fund u pagua nga qytetari konsumator, i cili gjatë këtyre 5 muajve u ballafaqua në vazhdimësi me shtrenjtim të çmimeve të produkteve.

    “Energjia elektrike ndikon drejtë për drejt në rritjen e çmimeve veçanërisht tek produktet e freskëta dhe produktet e ngrira. Ato duhet të mirëmbahen me temperatura ku energjia elektrike është jetike…dhe çdo rritje e komponentes që ndikon në tregtim, prodhim dhe deponim ndikon në rritje të çmimit për konsumatorët andaj qeveria nuk bënë mirë kur fajëson tregtarët për rritje të çmimeve sepse qysh në fillim ka mundur që ta rregullojë këtë çështje të tregut të hapur energjetik…”

    Aktualisht inflacioni mujor në Kosovë sipas matjeve të fundit të ASK-së ka mbërritur në 5.1%. Në ketë periudhë më së shumti u shtrenjtua energjia elektrike e cila shënoi rritje për 20.1%, rritje kjo që ka ndikuar që të shtrenjtohet pothuajse çdo produkt tjetër nëpër tregjet e Kosovës.