ATV

Blog

  • Si të prezantohesh në 15 sekonda

    Si të prezantohesh në 15 sekonda

    Gjetja e një pune në këto kohëra po bëhet gjithnjë më e vështirë dhe kompetitive. Sigurohuni që ju mund të ngjallni interes për veten tuaj me efektivitet me një punëdhënës të mundshëm, qoftë dhe gjatë një ngjitje/zbritje me ashensor.

    Përdor këto këshilla për të “shitur” veten në më pak se 15 sekonda:

    1. Bëj ushtrime praktike – Mos u kap pa mendje. Bëj praktikë me situata të ngjashme shumë herë para se rasti të shfaqet.

    2. Përqendrohu tek vlerat tuaja dhe ndikimi që ato kanë –  Mos thuaj me një frymë CV-në tënde. Në vend që të përqëndrohesh tek vitet e eksperiencës, përshkruaj ndikimin tuaj pozitiv tek punët e mëparshme, dhe çfarë mendon të arrish tek puna të cilën po kërkon..

    3. Harro çfarë keni mësuar nga prindërit – Na është thënë mos të mburremi, por të “shesësh” veten e kërkon thyerjen e kësaj tabuje. Përgatitu të “mburesh” për veten por me respekt.

  • Çfarë tregon për shëndetin e folura në gjumë?

    Çfarë tregon për shëndetin e folura në gjumë?

    A ju ka thënë dikush që flisni në gjumë? Apo keni dëgjuar dikë që flet ndërsa fle? Askush nuk mund ta mbajë mend çfarë flet në gjumë.

    Studimet, thonë se të folurit në gjumë janë fjali të shkurtra dhe pa sens që zgjasin një ose dy sekonda, sepse ndodhin gjatë një momenti kur truri nuk është i ndërgjegjshëm.

    Çfarë është të folurit në gjumë?

    Bëhet fjalë për mërmëritje ose edhe për dialogë edhe pse gati pa kuptim.

    Ky fenomen vihet re kryesisht te fëmijët dhe te meshkujt, por gjithsesi nuk konsiderohet një problem shëndetësor.

    Të folurit në gjumë ndodh edhe në fazën REM (lëvizja e shpejtë e syve) edhe në fazën jo -REM.

    Kur e folura ndodh në fazën REM, fazë kur njeriu sheh ëndrra, goja dhe kordat vokale që janë jo aktive gjatë gjumit, ndizen papritur dhe fjalët që thuhen në ëndërr, i thoni me zë.

    Çfarë e shkakton të folurin në gjumë?

    Tek të rriturit, e folura në gjumë shkaktohet kryesisht nga stresi, depresioni, problemet me pagjumësinë apo alkooli.

  • Akademikë, profesorë e ish-zyrtarë i drejtohen Kuvendit me peticion: Kërkojnë rezolutë për padrejtësitë nga Gjykata Speciale

    Akademikë, profesorë e ish-zyrtarë i drejtohen Kuvendit me peticion: Kërkojnë rezolutë për padrejtësitë nga Gjykata Speciale

    Profesorë, ish-akademikë e zyrtarë të lartë, i janë drejtuar me peticion Kuvendit të Kosovës.

    Ata kanë kërkuar rezolutë kundër padrejtësive nga Gjykata Speciale.

    Peticioni është nënshkruar nga Enver Hasani, profesorë, jurist e ish-zyrtarë.

    Komunikata:

    Qëllimi i këtij Peticioni është i qartë dhe i domosdoshëm: të riafirmohet në mënyrë institucionale se themelimi i Dhomave të Specializuara dhe Zyrës së Prokurorit të Specializuar – i realizuar me vendimmarrjen e vetë Kuvendit të Republikës së Kosovës – ka qenë akt i përgjegjësisë shtetërore për adresimin e pretendimeve të ngritura në Raportin e Asamblesë Parlamentare të Këshillit të Evropës të vitit 2011. Ne dëshirojmë t’ju rikujtojmë se ky bashkëpunim i plotë me komunitetin ndërkombëtar ka qenë dhe mbetet shprehje e vullnetit të Republikës së Kosovës për të demantuar çdo akuzë të pabazuar që cenon vlerat e luftës së UÇK-së dhe sakrificën historike mbi të cilën është ndërtuar shteti ynë.

    Megjithatë, përvoja e viteve të fundit dëshmon se mënyra e administrimit të drejtësisë nga Dhomat e Specializuara ka ngritur dyshime serioze dhe të qëndrueshme në raport me respektimin e standardeve ndërkombëtare për një proces të drejtë dhe të paanshëm gjyqësor. Përgjatë pesë viteve të paraburgimit të zgjatur të të akuzuarve, trajtimit formalist të mjeteve juridike, administrimit të pabarabartë të provave dhe perceptimit gjithnjë e më të theksuar për anësi institucionale në favor të prokurorisë, është vërejtur rrezik i drejtpërdrejtë për cenimin e parimeve kushtetuese, të drejtave themelore të njeriut dhe vetë integritetit të drejtësisë.

    Për këto arsye, ne – nënshkruesit e këtij Peticioni – ju drejtohemi si organi më i lartë përfaqësues i popullit të Kosovës, duke kërkuar miratimin e Rezolutës së propozuar në Aneks. Kjo Rezolutë është hartuar me kujdes profesional dhe në përputhje të plotë me Kushtetutën e Republikës së Kosovës, standardet ndërkombëtare dhe pavarësinë e pushtetit gjyqësor. Ajo nuk ndërhyn në çështjet meritore gjyqësore, por kërkon vetëm garantimin e një procesi të drejtë, të paanshëm e transparent për të gjitha palët. Përmes saj, kërkohet që institucionet e Republikës së Kosovës të kërkojnë nga Komisioni Evropian dhe shtetet mike – si financues e mbikëqyrës të Dhomave të Specializuara – për të siguruar që qytetarëve të Kosovës t’u respektohen të gjitha të drejtat dhe t’u ofrohet trajtim në përputhje me liritë dhe të drejtat themelore të parashikuara në Kushtetutë dhe në Ligjin e vitit 2015 për Dhomat e Specializuara./ATVLIVE/

  • Trump falënderon Cristiano Ronaldon për vizitën në Shtëpinë e Bardhë

    Trump falënderon Cristiano Ronaldon për vizitën në Shtëpinë e Bardhë

    Presidenti amerikan Donald Trump ka shprehur publikisht mirënjohjen e tij ndaj Cristiano Ronaldos, i cili mori pjesë në një event zyrtar në Shtëpinë e Bardhë gjatë vizitës së princit saudit Mohammed bin Salman. Trump e përshëndeti yllin portugez me fjalët:

    “Faleminderit Cristiano Ronaldo për prezencën në Shtëpinë e Bardhë, është nder të të kemi këtu.”

    Sipas raportimeve, Ronaldo ishte pjesë e një darke shtetërore ku morën pjesë personalitete të nivelit të lartë, duke përfshirë edhe figura të njohura si Elon Musk dhe CEO-t kryesorë të teknologjisë. Ylli portugez u ul pranë delegacionit saudit, duke tërhequr vëmendjen e mediave për shkak të pranisë së tij të rrallë në Shtetet e Bashkuara.

    Në event, Trump ka treguar se edhe djali i tij, Barron Trump, është një admirues i madh i Ronaldos, duke shtuar se takimi i tyre ka qenë moment i veçantë për të gjithë familjen presidenciale.

    Vizita e Ronaldos erdhi në kuadër të marrëdhënieve diplomatike mes SHBA-së dhe Arabisë Saudite, ndërsa futbollisti – aktualisht pjesë e Al-Nassr në Ligën Saudite – shoqëroi princin e kurorës gjatë takimeve zyrtare në Washington DC.

    Pjesëmarrja e tij ka krijuar jehonë të madhe në rrjetet sociale dhe në median ndërkombëtare, e cila e ka konsideruar Ronaldon si një nga figurat më të spikatura të mbrëmjes.

  • Fitore e madhe e Bashkimit ndaj Dijonit – prizrenasit festojnë në Francë!

    Fitore e madhe e Bashkimit ndaj Dijonit – prizrenasit festojnë në Francë!

    Skuadra e Bashkimit ka regjistruar një nga fitoret më të rëndësishme në historinë e saj evropiane, duke triumfuar në ndeshjen e fundit të fazës së grupeve në FIBA Europe Cup. Prizrenasit arritën të mposhtin në udhëtim ekipin francez të Dijonit me rezultat bindës 84:93, në një sfidë ku nuk munguan emocionet, kthesat dramatike dhe një atmosferë e jashtëzakonshme.

    Që nga fillimi i ndeshjes, Bashkimi tregoi vendosmëri dhe qartësi taktike, duke e kontrolluar ritmin e lojës dhe duke shfaqur një organizim të shkëlqyer në të dyja anët e parketit. Edhe pse Dijon u përpoq disa herë të rikthehej në ndeshje, portokallezinjtë reaguan fuqishëm në momentet vendimtare, duke ruajtur epërsinë dhe duke treguar pjekuri të madhe në lojë.

    Ky triumf ka një peshë të veçantë, pasi vjen në edicionin debutues të Bashkimit në FIBA Europe Cup. Me këtë fitore, skuadra prizrenase hedh një hap të rëndësishëm drejt kualifikimit, duke e mbyllur grupin me bilanc të barabartë – tre fitore dhe tre humbje – po aq sa ka arritur edhe Dijon.

    Festimi i tifozëve prizrenas në palestër, e madje edhe jashtë saj, e dëshmoi entuziazmin e madh që ka krijuar kjo skuadër në arenën ndërkombëtare. Bashkimi ka treguar se mund të garojë denjësisht me ekipet evropiane, duke e rritur dukshëm reputacionin e basketbollit kosovar.

    Portokallezinjtë tashmë presin zhvillimet e radhës në grup për të mësuar nëse do të kalojnë në fazën tjetër, por performanca e treguar deri tani i ka dhënë skuadrës besim dhe motiv shtesë për të vazhduar rrugëtimin evropian. /ATVLIVE.TV

  • GO+ Peja pëson humbjen e tretë në ENBL kundër Dziki Warszawa

    GO+ Peja pëson humbjen e tretë në ENBL kundër Dziki Warszawa

    GO+ Peja ka pësuar humbje në Poloni ndaj ekipit Dziki Warszawa me rezultat 103:81 (28:18, 32:22, 15:20, 28:21) në kuadër të Ligës ENBL.

    Pas një fillimi të barabartë gjatë pesë minutave të para, polakët morën kontrollin e ndeshjes dhe e fituan çerekun e parë me rezultat 28:18. Vendasit vazhduan me ritëm të lartë edhe në periudhën e dytë, të cilën e mbyllën 32:22, duke shkuar në pushim me epërsi 54:40.

    Në pjesën e dytë, Dziki Warszawa arriti ta ruajë dhe ta zgjerojë avantazhin, duke triumfuar në fund me shifrat bindëse 103:81.

    Jordan Johnson ishte lojtari më i dalluar i Pejës, duke përfunduar ndeshjen me 20 pikë dhe katër asistime.

    Pas kësaj sfide, Dziki Warszawa ka bilanc prej tri fitoreve dhe një humbjeje, ndërsa GO+ Peja qëndron me një fitore dhe tri humbje. /ATVLIVE.TV

  • Çitaku: PDK nuk do të jetë pjesë e një seance të paligjshme

    Çitaku: PDK nuk do të jetë pjesë e një seance të paligjshme

    Sekretarja e Përgjithshme e Partisë Demokratike të Kosovës, Vlora Çitaku ka njoftuar se PDK nuk do të marrë pjesë në seancën e jashtëzakonshme e cila pritet të fillojë nga ora 11:00.

    Ajo në një konferencë për media tha PDK është për mbrojtjen e rendit kushtetues dhe institucionet e Republikës së Kosovës.
    “PDK nuk do të jetë pjesë e një seance të paligjshme. Nuk do të bëhemi fasadë për mbulimin e dështimeve të të tjerëve. Sepse kjo seancë nuk është thirrur për qytetarët. Nuk është thirrur për ligjet. As për komisionet. Kjo seancë është thirrur për t’i shpëtuar fajit, fajit të një pushteti që për 10 muaj rresht ka refuzuar të marrë vendime, të ndërtojë dialog, të krijojë shumicë dhe të formojë qeveri. Thirrjet për të shkelur ligjin nuk janë zgjidhje. As për vendin, as për Kuvendin, as për demokracinë tonë. Ato janë derë e hapur për kaos. Janë precedentë të rrezikshëm që dëmtojnë themelet e shtetit ligjor”, ka theksuar ajo.

    Çitaku ka thënë se kjo seancë është një skemë e radhës e Qeverisë në ikje siç tha ajo për të mbuluar krizën në të cilën po e fusin vendin, si dhe është e paligjshme dhe tërësisht në kundërshtim me rendin kushtetues të Republikës së Kosovës.

    “Prej 10 muajsh, Kosova është mbajtur peng. Prej 10 muajsh, vendi është zhytur në bllokim institucional. Prej 10 muajsh, qytetarët tanë presin qeverinë e re, parlament funksional, komisione pune, e shtet normal. Fatkeqësisht, edhe pas 10 muajsh: asnjërën nuk e kemi. Rrjedhimisht, Republika e Kosovës ka humbur tërësisht vitin 2025. Kosova, qytetarët e Kosovës, nuk e kanë pasur këtë luks. Përkundrazi, ne kemi pasur nevojë për një vit dinamik dhe produktiv si asnjëherë më parë”, ka shtuar ajo.

    Ajo ka akuzuar Lëvizjen Vetëvendosje se ka zgjedhur ta përdorë fitoren jo për të qeverisur, por për të zvarritur, për të manipuluar proceset dhe për të konsumuar çdo afat ligjor, në mënyrë që të shmangë përgjegjësinë që ka ndaj qytetarëve.

    “E përsëris: kjo seancë që do të mbahet pas pak minutash, është farsë. Është truk politik.

    Nuk është zgjidhje, është tentim për të mbuluar dështimin. Ajo që po shohim sot është e dukshme: Kur vjen puna për të formuar institucionet: zvarritje, pasiguri dhe manipulim afatesh nga LVV. Por kur vjen puna për t’i ikur përgjegjësisë: nxitim i çuditshëm, madje duke shkelur rendin kushtetues”, ka thënë Çitaku.

  • Fabrizio Romano: Zinedine Zidane pritet të jetë trajneri i ardhshëm i Francës!

    Fabrizio Romano: Zinedine Zidane pritet të jetë trajneri i ardhshëm i Francës!

    Sipas gazetarit të njohur të transferimeve, Fabrizio Romano, edhe pse askush nuk e konfirmon ende publikisht, plani brenda Federatës Franceze të Futbollit është tashmë i qartë: Zinedine Zidane është kandidati kryesor dhe pritet të marrë drejtimin e kombëtares së Francës.

    Romano raporton se drejtuesit e federatës po punojnë në heshtje për tranzicionin, ndërsa nuk pritet asnjë njoftim zyrtar derisa të përfundojnë procedurat e brendshme. Megjithatë, burimet e tij theksojnë se Zidane është zgjedhja e preferuar dhe se procesi po shkon drejt një marrëveshjeje të pashmangshme.

    Zidane, legjendë e futbollit francez dhe trajner i suksesshëm me tre Champions League, ka qenë prej kohësh i lidhur me këtë post, dhe tashmë skenari duket më i afërt se kurrë.

    Ndërkohë, në Francë ka nisur entuziazmi: tifozët janë të bindur se ardhja e Zidane do të sillte një epokë të re për “Les Bleus”.

  • Sa nga jeta jonë e kalojmë para ekraneve? Zbulohen detaje tronditëse

    Sa nga jeta jonë e kalojmë para ekraneve? Zbulohen detaje tronditëse

    Nëse jeton si shumica e njerëzve sot, do të kalosh vite të tëra të jetës duke parë në ekrane. Aktualisht, një person mesatar shpenzon rreth 7 orë në ditë para ekraneve – nga telefoni te televizori e laptopi.

    Kjo bëhet rreth 2500 orë në vit, ose afërsisht 106 ditë, ndërsa mesatarisht telefoni kontrollohet më shumë se 200 herë në ditë. Gjatë gjithë jetës, ky ritëm përkthehet në rreth 23 vite të kaluara para ekraneve

  • “Asociacioni pa kompetenca ekzekutive”, Mustafa tregon se e ka marrë garancinë nga BE’ja

    “Asociacioni pa kompetenca ekzekutive”, Mustafa tregon se e ka marrë garancinë nga BE’ja

    Ish-kryeministri Isa Mustafa ka deklaruar se gjatë mandatit të tij ka siguruar garanci nga Bashkimi Europian se Asociacioni i komunave me shumicë serbe nuk do të ketë kompetenca ekzekutive.

    Sipas Mustafës, këtë garanci ia kishte dhënë ish-shefja e Politikës së Jashtme të BE-së, Federica Mogherini.

    Ai shtoi se nuk e ka bërë publike këtë dokument pasi, siç u kërkua nga BE-ja, garancia duhej të mbetej konfidenciale — pavarësisht kritikave dhe sulmeve të shumta që, sipas tij, vinin nga Vetëvendosje në atë kohë.

    “Ne kemi kërkuar që marrëveshja të trajtohet në Gjykatën Kushtetuese dhe që statuti të jetë në harmoni të plotë me Kushtetutën. Nuk isha plotësisht i sigurt se palët do t’i përmbaheshin marrëveshjes, prandaj kërkova garanci që askush – as nga BE-ja, as nga Serbia – të mos kërkojë kompetenca ekzekutive për Asociacionin. Ai nuk mund të ketë rol të pushtetit të tretë; nuk ka pushtet tjetër përveç institucioneve të Kosovës”, tha Mustafa në ATV.