ATV

Blog

  • 6 ushqime që ndihmojnë në lehtësimin e dhimbjes së kokës

    6 ushqime që ndihmojnë në lehtësimin e dhimbjes së kokës

    Dhimbjet e kokës janë një nga sëmundjet më të zakonshme dhe më të bezdisshme me të cilat njerëzit përballen çdo ditë. Dieta, për fat të mirë, mund të luajë një rol vendimtar në parandalimin ose reduktimin e intensitetit të dhimbjeve të kokës.

    Ka disa ushqime që ndihmojnë në lehtësimin e dhimbjeve të kokës, falë vetive të tyre ushqyese dhe përbërësve që përmbajnë.

    Dehidrimi është një nga shkaqet më të zakonshme të dhimbjes së kokës. Prandaj, pirja e shumë ujit mund të ndihmojë në lehtësimin dhe parandalimin e dhimbjeve të kokës. Hidratimi adekuat siguron që trupi të funksionojë pa probleme dhe redukton intensitetin e dhimbjeve të kokës.

    Frutat me përmbajtje të lartë uji (si p.sh. shalqiri dhe kastravecat)

    Frutat dhe perimet që përmbajnë shumë ujë ndihmojnë në mbajtjen e trupit të hidratuar, duke reduktuar gjasat për dhimbje koke. Shalqiri, kastraveci dhe luleshtrydhet janë zgjedhje të shkëlqyera për të rritur hidratimin tuaj.

    Salmoni dhe peshku i yndyrshëm

    Salmoni, sardelet dhe peshq të tjerë yndyrorë janë të pasur me acide yndyrore omega-3, të cilat kanë efekte anti-inflamatore dhe ndihmojnë në uljen e intensitetit të dhimbjeve të kokës. Këto acide yndyrore përmirësojnë qarkullimin e gjakut dhe reduktojnë inflamacionin në tru.

    Spinaqi dhe perimet me gjethe jeshile

    Spinaqi dhe perimet e tjera me gjethe jeshile përmbajnë magnez, një mineral që është treguar se zvogëlon shpeshtësinë dhe intensitetin e dhimbjeve të kokës. Magnezi ndihmon në relaksimin e muskujve dhe përmirëson qarkullimin e gjakut.

    Bajame dhe arra

    Bajamet dhe arrat janë të pasura me magnez, si dhe me vitaminë E, e cila ka veti antioksiduese dhe mund të ulë intensitetin e dhimbjeve të kokës. Konsumimi i tyre mund të ndihmojë në parandalimin e dhimbjeve të kokës dhe zvogëlimin e kohëzgjatjes së tyre.

    Çaji me xhenxhefil ose kamomil

    Xhenxhefili ka efekte anti-inflamatore dhe analgjezike, të cilat mund të zvogëlojnë intensitetin e dhimbjeve të kokës, ndërsa kamomili ka një efekt qetësues që mund të lehtësojë dhimbjen.

    Përfshirja e këtyre ushqimeve në dietën tuaj mund të kontribuojë ndjeshëm në uljen e shpeshtësisë dhe intensitetit të dhimbjeve të kokës. Megjithatë, ju lutemi vini re se në rast dhimbje koke kronike ose shumë të rënda, është gjithmonë një ide e mirë që të konsultoheni me një mjek për diagnozë dhe trajtim të mëtejshëm.

  • Jashari: Një person po kërkon para në emrin tim, është mashtrim

    Jashari: Një person po kërkon para në emrin tim, është mashtrim

    Ish-kryetari i Skenderajt, Bekim Jashari, ka bërë të ditur se një person, me numër nga Bosnja dhe Hercegovina po keqpërdor emrin e tij.

    Jashari shkruan se një person, po kontakton biznese, qytetarë, hoxhallarë dhe humanistë, duke u prezantuar në emrin e tij dhe duke kërkuar para, kinse për shërimin e një të afërmi në një shtet tjetër.

    Ai bëri thirrje për qytetarët që të tregojnë kujdes, të mos bien “pre e këtij mashtrimi të turpshëm dhe t’i raportoni menjëherë rastet në Polici”.

    “Njëkohësisht, u kërkoj organeve të rendit që të merren urgjentisht me këtë rast dhe të ndërmarrin veprimet e nevojshme”, shkroi Jashari.

  • Supergol nga Florent Muslija, Kosova barazon me Zvicrën

    Supergol nga Florent Muslija, Kosova barazon me Zvicrën

    Kosova ka shënuar gol ndaj Zvicrës, duke barazuar kështu rezultatin.

    Ishte Florent Muslija, ai që shënoi në minutën e 74’të.

    Ai realizoi me një goditje precize në këndin e majtë të Kobel.

    Aktualisht rezultati është 1:1.

  • Edhe një shqiptar në fushë për Zvicrën kundër Kosovës

    Edhe një shqiptar në fushë për Zvicrën kundër Kosovës

    Edhe një shqiptar ka ‘zbarkuar’ në fushë për Zvicrën kundër Kosovës në “Fadil Vokrri”.

    Andi Zeqiri hyri në lojë në minutin e 69-të duke e zëvendësuar autorin e golit të epërsisë Ruben Vargas.

    Pos tij, në “Fadil Vokrri” për “helvetikët” po luan edhe kapiteni Granit Xhaka.

  • Moti nesër dhe ditëve në vazhdim

    Moti nesër dhe ditëve në vazhdim

    Nesër në Kosovë na pret mot plotësisht i vranët dhe me reshje të herëpashershme, lokale shiu. Intensiteti i reshjeve do të zvogëlohet, megjithatë ende priten reshje shiu të cilat do të jenë të herëpashershme.

    Temperaturat maksimale pritet të arrijnë deri në 12 gradë Celsius.

    Në Shqipëri, Maqedoninë Veriore, Luginë të Preshevës dhe Mal të Zi e mërkura sjellë vranësira të dendura dhe reshje të herë pas hershme shiu. Reshje më intensive priten në shumë pjesë të Shqipërisë dhe Maqedonisë së Veriut. Borë pritet në malet më të larta.

    E Enjta sjellë ulje të intensitetit të reshjeve në të gjitha viset. Parashihen vranësira të shpeshta dhe intervale kohore me diell. Rrymimet ajrore nga jugu do të fuqizohen përsëri dhe temperaturat do të shënojnë rritje. Reshjet do të më të pakta dhe më të izoluara, por vonë në mbrëmje pritet të ketë reshje të reja shiu.

    Edhe e Premtja dhe fundjava do të karakterizohet me mot jo-stabil, me reshje të herëpashershme shiu e në viset kodrinore-malore reshje bore.

  • Vlora Çitaku i kujton shqiponjat e Xhakës dhe Shaqirit: Kush i fishkëllen, i fishkëllen historisë sonë

    Vlora Çitaku i kujton shqiponjat e Xhakës dhe Shaqirit: Kush i fishkëllen, i fishkëllen historisë sonë

    Kosova po luan kundër Zvicrës në “Fadil Vokrri”, në kuadër të kualifikimeve për Botërorin 2026.

    Gjatë ndeshjes, disa tifozë dardanë kanë fishkëlluar për Granit Xhakën

    Për këtë ka reaguar nënkryetarja e PDK-së, Vlora Çitaku, ku tha se kush fishkëllen, i ka fishkëlluar historisë sonë.

    “Kam qenë Ambasadore e Kosovës në SHBA kur Zvicra fitoi kundër Serbisë në Kampionatin Botëror. Ato ditë, e gjithë vëmendja mediatike botërore ishte tek ajo ndeshje. Dhe pas golave, pas shqiponjave të Granit Xhakës dhe Xherdan Shaqirit, vëmendja u rrit edhe më shumë. Fale asaj ndeshjeje, mediat më prestigjioze ndërkombëtare iu rikthyen historisë sonë: folën për luftën tonë, për shtypjen dhe gjenocidin serb, për dhimbjet që kemi kaluar, për atë që na ka mbajtur në këmbë. Folën për diasporën tonë dhe rolin vendimtar që ajo ka pasur në mbijetesën dhe forcimin e Kosovës. Folën për babain e Granitit, që ishte i burgosur politik. Folën për Xherdanin dhe rrugëtimin e tij. Të gjithë duam që Kosova të fitojë sonte. Por një gjë duhet thënë qartë: kush i fishkëllen Granit Xhakës, i fishkëllen historisë sonë”, ka shkruar Çitaku në Facebook.

  • Xhaka u fishkëllye në “Fadil Vokrri”, reagon ish-Kryetari i Prishtinës: Marre po më vjen

    Xhaka u fishkëllye në “Fadil Vokrri”, reagon ish-Kryetari i Prishtinës: Marre po më vjen

    Mesfushori dhe kapiteni i kombëtares së Zvicrës me prejardhje shqiptare, Granit Xhaka është fishkëllyer në stadiumin “Fadil Vokrri”, gjatë ndeshjes Kosovë – Zvicër.

    Për këtë rast ka reaguar edhe ish-Kryetari i Komunës së Prishtinës, Shpend Ahmeti.

    Ai ka bërë një postim në rrjetin social “Facebokk”, ku ka thënë se po i vie turp për situatën e ndodhur në stadiumin “Fadil Vokrri”.

    “Marre po më vjen që po i fishkëllohet Xhakes! Marre!”, ka shkruar ai.

    Përgjatë tërë pjesës së parë – e cila përfundoi 0-0 – Granit Xhaka u fishkëllye sa herë e prekte topin.

  • Zvicra kalon në epërsi ndaj Kosovës

    Zvicra kalon në epërsi ndaj Kosovës

    Zvicra ka kaluar në epërsi ndaj Kosovës në minutat e parë të pjesës së dytë të ndeshjes.

    Ruben Vargas shënoi në minutën e 47-të.

    Ndeshja po zhvillohet në stadiumin “Fadil Vokrri”, në kuadër të kualifikimeve për Kupën e Botës.

  • Reshjet e fundit, KRU “Prishtina” del me një njoftim të rëndësishëm

    Reshjet e fundit, KRU “Prishtina” del me një njoftim të rëndësishëm

    Kompania Rajonale e Ujësjellësit “Prishtina” ka njoftuar se furnizimi me ujë për momentin është stabil, pavarësisht reshjeve të dendura që kanë goditur rajonin.

    Sipas kompanisë, shirat mund të shkaktojnë turbullira në kanalin Ibër-Lepenc, gjë që mund të ndikojë përkohësisht në procesin e trajtimit të ujit. Autoritetet thonë se situata po monitorohet vazhdimisht.

    KRU “Prishtina” bëri të ditur se ekipet e saj janë në terren pa ndërprerje, duke punuar me kapacitet të plotë në hapjen dhe pastrimin e pusetave të ujërave të zeza, si dhe në ndihmën për qytetarët e zonave më të prekura nga reshjet.

  • Xhaka fishkëllehet për çdo prekje të topit në “Fadil Vokrri”

    Xhaka fishkëllehet për çdo prekje të topit në “Fadil Vokrri”

    Në ndeshjen e fundit të Grupit B ndërmjet Kosovës dhe Zvicrës në stadiumin “Fadil Vokrri”, kapiteni i përfaqësueses zvicerane, Granit Xhaka, është përballur me reagime të menjëhershme nga tifozët vendas sa herë ka prekur topin.

    Shkak për këtë duket se janë deklaratat e tij të mëparshme lidhur me dy yjet e Kosovës, Albian Hajdari dhe Leon Avdullahu, të cilët nuk u grumbulluan për këtë takim.

    Xhaka kishte përmendur se dy lojtarët nuk janë të gatshëm për t’u aktivizuar ndaj Zvicrës dhe kishte përdorur shembullin e Ardon Jashaarit, duke thënë se ai ka një përvojë më të madhe dhe ka luajtur më shumë ndeshje.

    Megjithatë, tifozët kosovarë duket se nuk e kanë pritur mirë këtë koment, dhe sot çdo prekje e Xhakës është shoqëruar me vëshkallime dhe brohoritje kundër kapitenit zviceran.

    Situata ka tërhequr vëmendjen e mediave, duke e kthyer deklaratën e tij në një moment tensioni brenda stadiumit.

    Kosova, megjithëse kërkon të përballet me Zvicrën me seriozitet dhe të japë maksimumin në fushë, ka treguar se edhe deklaratat jashtë saj mund të ndikojnë në atmosferën e ndeshjes, duke bërë që tifozët të reagojnë fuqishëm ndaj lojtarëve kundërshtarë.