ATV

Blog

  • Limaj për VV-në: Po luan lojë për qëllime elektorale, po tallet me shtetin

    Limaj për VV-në: Po luan lojë për qëllime elektorale, po tallet me shtetin

    Kryetari i Nismës Socialdemokrate, Fatmir Limaj, ka reaguar ndaj zhvillimeve të sotme në Kuvend, duke i cilësuar ato si të papranueshme dhe si një shkelje të traditave parlamentare të Kosovës.

    Limaj tha se mënyra se si po procedohet me seanca dhe vendime është “tallje me demokracinë” dhe se po tentohet përmbysja e praktikave të ndërtuara ndër vite.

    “Kjo çfarë ka ndodh sot, nuk është dashur t’i ndodh demokracisë dhe shtetit të Kosovës. Kjo është një tallje, mënyra se qysh tentohet të përmbyset krejt ajo traditë e mirë e ndërtuar në Kosovë”, deklaroi ai pak para nisjes së seancës për formimin e Qeverisë së re

    Sipas tij, procedurat po ndiqen në mënyrë të kundërt me rregullat e Parlamentit.

    “Nuk ka seancë paradite për komisione e buxhet, e pasdite me zgjedh qeveri. Rregullat ndryshe janë: zgjidhet qeveria, pastaj shkohet me komisione e buxhet”, theksoi Limaj.

    Ai shtoi se veprimet e sotme nuk kanë për qëllim adresimin e nevojave të vendit, por synime të pastërta elektorale.

    “Kjo tregon se ne jemi në një lojë, thjeshtë. Lojë, e cila kalkulisht ka qëllim elektoral, nuk e ka aspak shqetësimin e nevojave dhe kërkesave që ka Kosova,” tha lideri i Nismës.

  • AUV ndalon importin e shpezëve nga disa rajone të Gjermanisë pas rasteve të gripit të shpezëve H5N1

    AUV ndalon importin e shpezëve nga disa rajone të Gjermanisë pas rasteve të gripit të shpezëve H5N1

    Agjencia e Ushqimit dhe Veterinarisë së Republikës së Kosovës (AUV) ka njoftuar sot se ka bërë plotësim-ndryshimin e vendimit për ndalesën e importit të shpezëve dhe nënprodukteve të tyre nga Gjermania, duke shfuqizuar ndalesën e mëparshme të datës 30.10.2025.

    Njoftimi i plotë:

    Agjencia e Ushqimit dhe Veterinarisë së Republikës së Kosovës njofton opinionin se ka bërë plotësim-ndryshimin e vendimit për ndalesën e importit të shpezëve dhe nënprodukteve të tyre nga shteti i Gjermanisë, duke shfuqizuar ndalesën e vendimit të datës 30.10.2025.

    Ky vendim është marrë duke iu referuar, raportit të fundit të Organizatës Botërore për Shëndetin e Kafshëve (WOAH), raportit të Komisionit Evropian të datës 28.10.2025 dhe Raportit të Autoritetit Kompetent të Gjermanisë të datës 12.11.2025.

    Në bazë të Ligjit të Veterinarisë Nr. 2004/21, lejohet importi i shpezëve dhe nënprodukteve të tyre nga Gjermania, me përjashtim të zonave administrative të prekura si: Lower Saxony, Bavaria, Brandenburg, Baden-Württemberg, North Rhine-Westphalia, Thuringia, Mecklenburg-Western Pomerania dhe Schleswig-Holstein ku është konfirmuar prania e sëmundjes Avian Influenza (Gripi i Shpezëve), serotipi me patogjenitet të lartë HPAI–H5N1, në disa ferma të shpezëve nga këto zona, nga ku ndalohet importi i shpezëve të gjalla, mishit të shpezëve dhe nënprodukteve të tyre që kanë origjinën nga zonat e lartpërmendura të shtetit të Gjermanisë.

    Kjo ndalesë hyn në fuqi menjëherë dhe do të mbetet aktive deri në vlerësimin e radhës nga autoritetet përkatëse kombëtare dhe ndërkombëtare.

    AUV do të vazhdojë të monitorojë me kujdes situatën epidemiologjike dhe të bashkëpunojë me institucionet vendore dhe ndërkombëtare për parandalimin e përhapjes së sëmundjes. Publiku dhe operatorët ekonomikë do të njoftohen me kohë për çdo ndryshim të mundshëm.

  • Krenaria e shqiptarëve: Mesazhi i Taulant Xhakës për Granitin

    Krenaria e shqiptarëve: Mesazhi i Taulant Xhakës për Granitin

    Granit Xhaka ishte protagonist kryesor mbrëmjen e djeshme në stadiumin “Fadil Vokrri” gjatë ndeshjes Kosovë – Zvicër. Që nga fillimi i sfidës e deri në momentin që u zëvendësua, mesfushori me origjinë shqiptare, që luan për Zvicrën, u prit me fërshëllime nga të pranishmit.

    Për këtë moment ka reaguar edhe vëllai i tij, Taulant Xhaka, i cili nuk ka kursyer elozhet, duke e quajtur Granitin “krenaria e shqiptarëve” dhe duke i premtuar mbështetje deri në vdekje.

    “Gjithmonë deri në vdekje me ty, vëlla. Krenaria e shqiptarëve! Zoti i ruajt të gjithë shqipëtarët e vërtetë nëpër botë,” shkroi ish-mesfushori i Kombëtares shqiptare në rrjetet sociale. /ATVLIVE.TV

  • Hamza takon përfaqësuesit e ShBA-së, paralajmëron zgjedhje të reja

    Hamza takon përfaqësuesit e ShBA-së, paralajmëron zgjedhje të reja

    Kryetari i PDK-së, Bedri Hamza angazhimin e ri e nisi me një takim me të ngarkuarën me punë në Ambasadën e ShBA-së në Kosovë, Anu Prattipati.

    Përmes një postimi në Facebook, Hamza bën të ditur se në takim ka bërë të qarta se vijat e kuqe të partisë janë të qarta: Kushtetuta dhe ligjet e vendit.

    “PDK-ja është konstruktive dhe unë do ta vazhdoj praktikën e dialogut, bashkëpunimit dhe kompromisit politik. Vijat tona të kuqe janë të qarta: Kushtetuta dhe ligjet e vendit. Çdo veprim që i cenon këto është i papranueshëm, prandaj sot nuk morëm pjesë në seancën e parë të Kuvendit”, ka thënë Hamza.

    Ndër të tjera, i parti i PDK-së thotë se me Prattipatin diskutuan edhe për zgjedhjet e reja, për të cilat, sipas tij, janë rruga për të dalë nga kriza.

    “Zgjedhjet e reja janë rruga për të dalë nga kriza dhe e vlerësoj shumë mbështetjen e SHBA-së në proceset që po kalon vendi. Kosovës i duhet stabiliteti, zhvillimi ekonomik dhe partnerët e saj”, ka thënë kreu i Partisë Demokratike të Kosovës.

  • Haxhiu para seancës: Sot është momenti që pozitë e opozitë ta votojnë Konjufcën për kryeministër

    Haxhiu para seancës: Sot është momenti që pozitë e opozitë ta votojnë Konjufcën për kryeministër

    Para nisjes së seancës së sotme në Kuvendin e Kosovës, për zgjedhjene e qeverisë me të mandatuarin Glauk Konjufca, nënkryetarja e Kuvendit, Albulena Haxhiu, ka kritikuar ashpër opozitën për, siç tha ajo, mosreflektim dhe bllokim të proceseve të rëndësishme për vendin.

    Haxhiu deklaroi se kishte pritur një qasje më konstruktive nga opozita, veçanërisht sa i përket çështjes së buxhetit.

    “Unë sot prita që opozita të ketë qasje ndryshe, sepse e kam theksuar edhe në seancën e mbajtur pak më herët: buxheti i shtetit nuk është buxhet i kryeministrit Kurti. Ai është përpiluar nga qeveria në detyrë dhe është buxhet për qytetarët e Kosovës, me vlerë mbi 4 miliardë euro si kurrë më parë,” u shpreh Haxhiu.

    Sipas saj, veprimet e opozitës rrezikojnë futjen e vendit në krizë sociale.

  • Abdixhiku për seancën e Qeverisë: S’presim asgjë veçse janë humbur 15 ditë

    Abdixhiku për seancën e Qeverisë: S’presim asgjë veçse janë humbur 15 ditë

    Kryetari i LDK-së, Lumir Abdixhiku para fillimit të seancës deklaroi se nga seanca e jashtëzakonshme për formimin e qeverisë së re, nuk presin asgjë.

    Sipas tij, Lëvizja Vetëvendosje e ka ditur qysh herët që nuk i ka numrat dhe se kjo parti ka vendosur të shfrytëzojë edhe 15 ditë.

    Tutje, Abdixhiku potencoi se VV po bën shfaqje teatrale, derisa shtoi se do t’ua japin një të tillë.

    “Sot, LDK-ja nuk pret asgjë, përveç faktit të konfirmimit që janë humbur 15 ditë, duke e ditur dhe pritur rezultatin e njëjtë. Pra, Lëvizja Vetëvendosje e ka ditur që nuk i ka numrat, e ka ditur që e kemi një krizë, e kemi paralajmëruar që kemi një krizë, dhe sërish kanë vendosur që të na i shfrytëzojnë 15 ditë”, tha Abdixhiku.

    “Gjithë ky shpenzim kohe është bërë për një qëllim, për shfaqje teatrale. Dhe nëpërmjet një shfaqje teatrale të tillë me disa kundërshtarë imagjinarë, kështu t’i përgatitet material për fushatë elektorale”, tha ai.

  • Haradinaj: Votojmë kundër Konjufcës, sot është dita e kthesës

    Haradinaj: Votojmë kundër Konjufcës, sot është dita e kthesës

    I pari i Aleancës për Ardhmërinë e Kosovës, Ramush Haradinaj, ka thënë se ‘’situatës së rëndë’’ politike po i vjen fundit, dhe se, ‘’sot është dita e kthesës’’.

    Ai ka shtuar edhe se nga sot ‘’koha fillon me numru ndryshe’’, përcjell Gazeta Express.

    ‘’Po i vjen fundi gjithë kësaj situate të randë. Kemi humbur shumë muaj shumë javë, të vlefshme për Kosovën dhe shumë mundësi. Sot është dita e kthesës, nga sot fillon me numru koha ndryshe, dhe jam optimist se zgjedhjet do të jenë zgjidhja. Ju kërkojmë falje të gjithë qytetarëve të vendit, sidomos atyre që janë prek më shumë.’’, ka thënë ai.

    Më tej, Haradinaj ka bërë të ditur se AAK’ja do të votojë kundër Konjufcës, duke thënë edhe se ky i fundit duhet të kërkojë falje qytetarëve për vonesën dy javëshe.

    ‘’AAK është shumë e qendrshme në vendimet e veta. Çdo deklarim i yni më përpara ka qenë çështja e kryetarit të kuvendit, ka qenë i Aleancës dhe jo vetëm i individëve. Edhe atëherë kur kemi votuar lirshëm ka qenë vendim i Aleancës, është vendim i Aleancës që votojmë kundër kësaj kandidature, këtij mandatari, që po ashtu nuk është shumë i qendrushëm sepse nuk ka paraqitur nënshkrime. Konjufca duhet të kërkojë falje qytetarëve që i ka vonuar edhe dy javë, nëse asgjë tjetër i ka vonuar edhe dy javë Kosovën dhe institucionet’’, ka shtuar ai.

  • Jeep prezanton modelin e ri të Recon, vetura elektrike me 650 kuaj-fuqi

    Jeep prezanton modelin e ri të Recon, vetura elektrike me 650 kuaj-fuqi

    eep Recon 2026 më në fund është këtu. Prodhuesi i makinave njoftoi për herë të parë SUV-in elektrik jashtë rrugës në vitin 2022, por me prodhimin që fillon diku në fillim të vitit të ardhshëm, Jeep është gati të publikojë detajet mbi Recon-in e ri, i cili do të lançohet fillimisht në versionin Moab.

    Recon ka dy motorë elektrikë që prodhojnë një total prej 650 kuajsh, duke e çuar SUV-in në 100 kilometra në orë në 3.6 sekonda. Ka tërheqje në të gjitha rrotat dhe vjen me logon e lakmuar Trail Rated.

    Motori elektrik i pasmë ka një raport përfundimtar transmisioni 15:1 për shpërndarje të përmirësuar të fuqisë dhe një diferencial elektrik me bllokim, ndërsa motori i përparmë ka një raport përfundimtar transmisioni 11:1 dhe një diferencial të hapur.

    Sistemi i menaxhimit Selec-Terrain në versionin Moab ofron pesë mënyra transmisioni, duke përfshirë një modalitet të dedikuar Rock.

    Recon është rreth pesë inç më i gjatë se Wrangler me katër dyer, por ka një bazë rrotash gjashtë inç më të shkurtër. Vetura elektrike që peshon 2772 kilogramë, është gjithashtu më i gjerë, por të dy janë pothuajse identikë në lartësi. Wrangler gjithashtu ofron pak më shumë hapësirë për bagazhin.

    Fellnet 33 inç të Moab ndihmojnë në sigurimin e 9.1 inç lartësi nga toka me një afrim prej 33.8 gradësh, një largim prej 33.1 gradësh dhe një kënd kapërcimi prej 23.3 gradësh.

    Jeep thotë se e kalibroi gazin për të “ofruar çift rrotullues në një mënyrë të kontrolluar dhe të saktë, për një përvojë të kënaqshme drejtimi jashtë rrugës”.

    Recon nget platformën STLA Large që mbështet Dodge Charger Daytona EV dhe Jeep Wagoneer S. Paketa e baterisë 100.5 kilovat-orë ofron deri në 250 milje autonomi. Shpejtësia maksimale është 180 km/orë.

    Ndërsa mund të mos ketë një motor me djegie nën kapakun e motorit, grila me shtatë vrima e Jeep mbetet, me secilën prej tyre të ndriçuar. Dritat LED të ditës në formë U-je kornizojnë dritat LED.

    Parakolpi i përparmë, i cili ka dy grepa të kuqe për rikuperim, del nga jashtë për të mbrojtur sipërfaqen e mbushur me LED dhe pjesët pas fashës së përparme.

    Pjesa e pasme ka drita të pasme LED të frymëzuara nga Wrangler, një portë rrotulluese dhe një mbajtëse gome rezervë me madhësi të plotë.

    Ashtu si Wrangler, mund të hiqni dyert, të cilat kanë panele modulare të ngarkesës që mund t’i ndërroni. Gjithashtu do të jeni në gjendje të hiqni xhamin e portës rrotulluese dhe dritaret e pasme. Një çati me dy xhama është standarde, por Jeep ofron Sky One-Touch Power Top opsional për drejtim me çati të hapur.

    Brenda, Recon ka një palë ekranesh të orientuara vertikalisht – një ekran shoferi 12.3 inç dhe një ekran qendror infotainment 14.5 inç që përdor Uconnect 5.

    Recon nuk ka butona, duke zgjedhur kontrolle dixhitale HVAC. Recon vjen me një sistem zëri premium Alpine me altoparlantë nën ulëse.

    Me ulëset e rreshtit të dytë të palosura, Recon ofron deri në 65.9 metra kub hapësirë ngarkese. Jeep e projektoi bagazhin e përparmë, me 3.0 metra kub hapësirë ngarkese, për të vendosur një valixhe dore.

    Jeep do të fillojë ndërtimin e Recon në fabrikën e saj të montimit në Toluca në Meksikë në fillim të vitit të ardhshëm, me SUV-in që do të dalë në shitje fillimisht në Shtetet e Bashkuara dhe Kanada, e më pas do të lansohet globalisht. Jeep do të njoftojë çmimet më afër datës së fillimit të shitjes.

  • “KOSOVA, miq e armiq, është në ‘Play-Off”!” – shkruan Agim Ademi

    “KOSOVA, miq e armiq, është në ‘Play-Off”!” – shkruan Agim Ademi

    Kombëtarja e Kosovës zyrtarisht është pjesë e fazës ‘play off’ të Kampionatit Botëror dhe presidenti Agim Ademi ka reaguar ditën e sotme, duke thënë se kjo arritje është falë një pune shumëvjeçare.

    Shkrimi i tij i plotë:

    “Të nderuar dashamirës të futbollit, tifozë dhe qytetarë të Kosovës,
    Mbrëmë ishim dëshmitarë të një paraqitjeje tjetër heroike dhe me shpirt të madh nga futbollistët tanë dardanë. Një lojë e shkëlqyer që solli një tjetër rezultat pozitiv në rrugëtimin tonë drejt ëndrrës së madhe.
    Pavarësisht se nuk arritëm fitoren kundër Zvicrës (1:1), ne jemi kualifikuar për herë të parë në ‘Play-Off’ dhe kjo pa dyshim është një arritje historike e Kombëtares së Kosovës në vetëm 9 vjet të pranimit në UEFA e FIFA, për çka edhe u festua nga të gjithë ne.
    Është për të ardhur keq që nga televizione e portale të caktuara dhe analistë që më së paku kanë të bëjnë me futbollin, suksesi dhe arritja historike e Kosovës u la në hije. Për fat të keq, vëmendja u zhvendos tek gjërat që s’kanë lidhje me futbollin dhe tek të pavërtetat, duke lënë mënjanë paraqitjen e mirë të Kombëtares sonë.
    Mbizotëroi propaganda e urrejtja e atyre që nuk e duan ose iu dhemb suksesi i Kosovës, duke u marrë me pesimizëm dhe negativitet, e duke anashkaluar thelbin: futbollin dhe arritjet tona kulmore!
    U krijuan narrativa të pavërteta, se ndeshja nuk do të zhvillohet, se gjendja e fushës është e keqe, por pikërisht ndeshja e mbrëmshme e vërtetoi se fusha u ndërtua në nivelin më të lartë, duke e përballuar me plot sukses shiun e pandërprerë të dy ditëve.
    Mos mendoni se kritikat e njerëzve që s’kanë asnjë lidhje me futbollin dhe që nuk ia duan të mirën sportit tonë kanë peshë.
    Përkundrazi, raste të tilla vetëm sa e zbulojnë nivelin e ulët dhe keqdashjen e atyre që përpiqen të errësojnë sukseset tona.
    Prandaj, ju bëjmë thirrje të gjithëve: Kthehuni njëherë e përgjithmonë tek realiteti! Mos shtini shpifje, defetizëm dhe urrejtje mes popullit e mes shteteve tona mike. Këta djem, gladiatorët e Dardanisë, janë krenaria dhe e ardhmja e Kosovës!
    Të nderuar dashamirës të futbollit, tifozë dhe qytetarë të Kosovës,
    Mbrëmë ishim dëshmitarë të një paraqitjeje tjetër heroike dhe me shpirt të madh nga futbollistët tanë dardanë. Një lojë e shkëlqyer që solli një tjetër rezultat pozitiv në rrugëtimin tonë drejt ëndrrës së madhe.
    Pavarësisht se nuk arritëm fitoren kundër Zvicrës (1:1), ne jemi kualifikuar për herë të parë në ‘Play-Off’ dhe kjo pa dyshim është një arritje historike e Kombëtares së Kosovës në vetëm 9 vjet të pranimit në UEFA e FIFA, për çka edhe u festua nga të gjithë ne.
    Është për të ardhur keq që nga televizione e portale të caktuara dhe analistë që më së paku kanë të bëjnë me futbollin, suksesi dhe arritja historike e Kosovës u la në hije. Për fat të keq, vëmendja u zhvendos tek gjërat që s’kanë lidhje me futbollin dhe tek të pavërtetat, duke lënë mënjanë paraqitjen e mirë të Kombëtares sonë.
    Mbizotëroi propaganda e urrejtja e atyre që nuk e duan ose iu dhemb suksesi i Kosovës, duke u marrë me pesimizëm dhe negativitet, e duke anashkaluar thelbin: futbollin dhe arritjet tona kulmore!
    U krijuan narrativa të pavërteta, se ndeshja nuk do të zhvillohet, se gjendja e fushës është e keqe, por pikërisht ndeshja e mbrëmshme e vërtetoi se fusha u ndërtua në nivelin më të lartë, duke e përballuar me plot sukses shiun e pandërprerë të dy ditëve.
    Mos mendoni se kritikat e njerëzve që s’kanë asnjë lidhje me futbollin dhe që nuk ia duan të mirën sportit tonë kanë peshë.
    Përkundrazi, raste të tilla vetëm sa e zbulojnë nivelin e ulët dhe keqdashjen e atyre që përpiqen të errësojnë sukseset tona.
    Prandaj, ju bëjmë thirrje të gjithëve: Kthehuni njëherë e përgjithmonë tek realiteti! Mos shtini shpifje, defetizëm dhe urrejtje mes popullit e mes shteteve tona mike. Këta djem, gladiatorët e Dardanisë, janë krenaria dhe e ardhmja e Kosovës!
    KOSOVA, miq e armiq, është në ‘Play-Off”! Realiteti po ndodh dhe ne jemi në mesin e ekipeve që kërkojnë një biletë për në Kampionatin Botëror deshët apo s’deshët ju.
    Për dikë jemi shtet i vogël, por në fakt jemi komb i madh! Së bashku me bashkatdhetarët tanë kudo që veprojnë ne vazhdojmë të bëjmë krenar vendin tonë.
    Gjithmonë kemi theksuar se individët si Granit Xhaka e Xherdan Shaqiri janë aset kombëtar dhe ambasadorët më të mirë të popullit tonë, ashtu si Dua Lipa, Rita Ora, Ramë Lahaj e shumë të tjerë.
    Graniti ka qenë dhe do të jetë gjithmonë i mirëpritur në atdheun e tij. Ai kudo që të jetë është djali i Ragip Xhakës, një familje atdhetare që jeton e vepron në Prishtinë, prandaj ne i jemi gëzuar gjithmonë sukseseve dhe karrierës së tij të bujshme.
    Disa po harrojnë një të vërtetë të madhe: Shumë prej rilindasve tanë kanë jetuar dhe vepruar në vende të ndryshme, por kontribuan për kombin në forma të ndryshme. Nga Jeronim De Rada, Pashko Vasa, Isa Boletini, Sami e Naim Frashëri e shumë të tjerë që dhanë shpirtin dhe mendjen për çështjen kombëtare, e deri te patriotë të tjerë që jetuan jashtë vendit por punuan për të ardhmen e shqiptarëve. Ashtu siç ata kontribuuan nga diaspora, edhe sportistët tanë e bëjnë sot një gjë të tillë me punë, sakrificë dhe dinjitet.
    Ne i gjykojmë fishkëllimat që ndodhën, edhe pse ato nuk erdhën nga e gjithë masa dhe as nga tifogrupi ‘Dardanët’, por gjërat negative ndonjëherë janë të pashmangshme në stadiume. Ato kanë qenë të panevojshme dhe të paarsyeshme dhe i gjykojmë, sikurse i gjykojmë edhe deklaratat e atyre që vjellin vrerë edhe kur Kosova shënon rezultate kulmore.
    Në fund dua të shpreh një falënderim të veçantë për publikun e mrekullueshëm që përkundër propagandës së madhe për moszhvillim të ndeshjes dhe përkundër rrebeshit të shiut erdhi në stadium dhe nuk u ndal në asnjë moment së përkrahuri djemtë tanë.
    Ju jeni zemra e suksesit tonë!
    Vazhdojmë me krenari e përgjegjësi drejt ëndrrës sonë,
    Forca Kosova! Realiteti po ndodh dhe ne jemi në mesin e ekipeve që kërkojnë një biletë për në Kampionatin Botëror deshët apo s’deshët ju.
    Për dikë jemi shtet i vogël, por në fakt jemi komb i madh! Së bashku me bashkatdhetarët tanë kudo që veprojnë ne vazhdojmë të bëjmë krenar vendin tonë.
    Gjithmonë kemi theksuar se individët si Granit Xhaka e Xherdan Shaqiri janë aset kombëtar dhe ambasadorët më të mirë të popullit tonë, ashtu si Dua Lipa, Rita Ora, Ramë Lahaj e shumë të tjerë.
    Graniti ka qenë dhe do të jetë gjithmonë i mirëpritur në atdheun e tij. Ai kudo që të jetë është djali i Ragip Xhakës, një familje atdhetare që jeton e vepron në Prishtinë, prandaj ne i jemi gëzuar gjithmonë sukseseve dhe karrierës së tij të bujshme.
    Disa po harrojnë një të vërtetë të madhe: Shumë prej rilindasve tanë kanë jetuar dhe vepruar në vende të ndryshme, por kontribuan për kombin në forma të ndryshme. Nga Jeronim De Rada, Pashko Vasa, Isa Boletini, Sami e Naim Frashëri e shumë të tjerë që dhanë shpirtin dhe mendjen për çështjen kombëtare, e deri te patriotë të tjerë që jetuan jashtë vendit por punuan për të ardhmen e shqiptarëve. Ashtu siç ata kontribuuan nga diaspora, edhe sportistët tanë e bëjnë sot një gjë të tillë me punë, sakrificë dhe dinjitet.
    Ne i gjykojmë fishkëllimat që ndodhën, edhe pse ato nuk erdhën nga e gjithë masa dhe as nga tifogrupi ‘Dardanët’, por gjërat negative ndonjëherë janë të pashmangshme në stadiume. Ato kanë qenë të panevojshme dhe të paarsyeshme dhe i gjykojmë, sikurse i gjykojmë edhe deklaratat e atyre që vjellin vrerë edhe kur Kosova shënon rezultate kulmore.
    Në fund dua të shpreh një falënderim të veçantë për publikun e mrekullueshëm që përkundër propagandës së madhe për moszhvillim të ndeshjes dhe përkundër rrebeshit të shiut erdhi në stadium dhe nuk u ndal në asnjë moment së përkrahuri djemtë tanë.
    Ju jeni zemra e suksesit tonë!
    Vazhdojmë me krenari e përgjegjësi drejt ëndrrës sonë,
    Forca Kosova!

  • Studimi: Radioterapia mund të shmanget për shumicën e grave me kancer të gjirit

    Studimi: Radioterapia mund të shmanget për shumicën e grave me kancer të gjirit

    Të dhënat e reja tregojnë se shumica e pacienteve me rrezik të ulët dhe të mesëm mund të shmangin radioterapinë.

    Rrezatimi ka pasur për vite me radhë një rol të rëndësishëm në trajtimin e kancerit të gjirit, por vitet e fundit mjekët po e përdorin më rrallë në fazat e hershme të sëmundjes, pasi përparimet në diagnostikim dhe në trajtimet sistemike kanë përmirësuar ndjeshëm shkallën e mbijetesës.

    Një studim i ri, i publikuar në revistën The New England Journal of Medicine, ka treguar se pas dhjetë viteve ndjekje, rrezatimi i murit të kraharorit nuk ka sjellë asnjë ndryshim në mbijetesën e grave me kancer të gjirit në fazë të hershme, të trajtuara me mastektomi dhe me terapi moderne të synuara.

    Në studimin dhjetëvjeçar morën pjesë 1.600 gra.

    “Studimi ynë ka treguar se me trajtimet bashkëkohore, rreziku i rikthimit të sëmundjes është mjaft i ulët, saqë për shumicën e pacienteve radioterapia mund të shmanget,” thekson dr. Ian Kunkler nga Clinical Oncology, Edinburgh Cancer Centre dhe profesor në University of Edinburgh.

    Në këtë studim u përfshinë 1.600 gra me kancer të gjirit në fazë të hershme; gjysma prej tyre mori radioterapi, ndërsa gjysma tjetër jo. Shkalla e mbijetesës ishte pothuajse identike midis dy grupeve: 81,4 për qind tek pacientet e trajtuara me rrezatim dhe 81,9 për qind tek ato që nuk u rrezatuan. Rrezatimi nuk ndikoi as në kohëzgjatjen e mbijetesës pa rikthim të sëmundjes, as në përhapjen e kancerit në organe të tjera të trupit.