ATV

Blog

  • Karim Adeyemi thyen heshtjen pas gjobës 450 mijë euro: Kam dështuar si shembull

    Karim Adeyemi thyen heshtjen pas gjobës 450 mijë euro: Kam dështuar si shembull

    Futbollisti i Borussia Dortmund dhe partneri i reperes Loredana, Karim Adeyemi, ka reaguar për herë të parë pas bujës së madhe që solli lajmi se ai ishte gjobitur me rreth 450 mijë euro nga autoritetet gjermane.

    Sipas mediave, Adeyemi u vu nën hetim pasi në një pako të porositur online u gjetën objekte të ndaluara nga ligji, një histori që futbollisti e cilëson si një gabim të pafalshëm nga pakujdesia.

    Nëpërmjet një ‘Instastory’, Adeyemi ka shpjeguar se gjithçka nisi në fillim të vitit 2024, kur ai kishte porositur nga interneti një të ashtuquajtur “Mystery Box” nga “Darknet”, pa e menduar pasojën. Brenda saj ndodheshin objekte që, sipas ligjit gjerman, klasifikohen si armë të ndaluara.

    Pakoja kishte mbërritur me muaj vonesë dhe, siç tregon ai, krejt rastësisht kishte përfunduar e paçelur në duart e policisë.

    Futbollisti ka shprehur publikisht pendimin, duke pranuar se është ndier i turpëruar jo vetëm financiarisht, por mbi të gjitha moralisht.

    “Ishte një gabim i madh. Më vjen shumë keq dhe e ndiej thellë pendesën. Jam një figurë publike dhe duhet të jem shembull, këtë herë nuk e kam përmbushur.” – shkroi ai.

    Adeyemi shton se gabimi e ka mësuar të jetë më i kujdesshëm, sidomos me ndikimin që ka tek të rinjtë.

    Në fund, partneri i Loredanës falënderoi të gjithë ata që e kanë mbështetur gjatë këtij procesi, duke siguruar se një situatë e tillë nuk do të ndodhë më.

  • Kurti propozohet për ministër të Punëve të Jashtme në Qeverinë Konjufca

    Kurti propozohet për ministër të Punëve të Jashtme në Qeverinë Konjufca

    Mandatari i Lëvizjes Vetëvendosje, Glauk Konjufca, ka prezantuar kabinetin qeveritar, që duhet të sigurojë të paktën 61 vota në Kuvendin me 120 deputetë për t’u miratuar.

    Ky është kabineti i prozuar:

    Zëvendëskryeministër i parë dhe Ministër i Punëve të Jashtme dhe Diasporës, Albin Kurti

    Zëvendëskryeministre e dytë dhe Ministre e Drejtësisë, Donika Gërvalla

    Zëvendëskryeministër i tretë për çështje të pakicave dhe bashkëpunim ekonomik, Fikrim Damka

    Ministër i Financave dhe Ekonomisë, Hekuran Murati

    Ministër për Familje dhe Mirëqenie Sociale, Andin Hoti

    Ministër i Mbrojtjes, Ejup Maqedonci

    Ministër i Punëve të Brendshme, Xhelal Sveçla

    Ministër i Administratës Publike dhe Digjitalizimit, Lulëzon Jagxhiu

    Ministër i Shëndetësisë, Arben Vitia

    Ministër i Arsimit dhe Shkencës, Avni Zogiani

    Ministër i Kulturës dhe Turizmit, Fatmir Spahiu

    Ministër i Sportit dhe Rinisë, Blerim Gashani

    Ministër i Administrimit të Pushtetit Lokal, Rasim Demiri

    Ministre e Mjedisit dhe Planifikimit Hapësinor, Fitore Pacolli

    Ministër i Bujqësisë, Pylltarisë dhe Zhvillimit Rural, Armend Muja

    Ministër i Infrastrukturës dhe Transportit, Besnik Bislimi

    Ministre e Tregtisë, Industrisë dhe Integrimeve Evropiane, Mimoza Kusari

    Ministre e Energjisë dhe Minierave, Artane Rizvanolli

    Ministër për Komunitete dhe Kthim, Nenad Rashiq

    Ministër për Zhvillim Rajonal, Sejnur Veshall

  • Nis seanca për votimin e Qeverisë, Konjufca del ta prezantojë kabinetin

    Nis seanca për votimin e Qeverisë, Konjufca del ta prezantojë kabinetin

    Ka filluar seanca e Kuvendit për zgjedhjen e Qeverisë së re.

    I mandatuari për kryeministër, Glauk Konjufca, po mbanë ekspozenë si dhe do ta prezantojë kabinetin qeveritar.

    Partitë tjera e kanë bërë të qartë se nuk kanë votë për Konjufcën.

    Ai është i mandatuari i dytë nga VV për krijimin e Qeverisë, pas dështimit të Albin Kurtit.

    Atij i nevojiten 61 vota për t’u bërë kryeministër.

  • Zbulime historike: RNA-ja më e vjetër e njohur dhe një foshnje mammuthi e ruajtur pothuajse perfekt

    Zbulime historike: RNA-ja më e vjetër e njohur dhe një foshnje mammuthi e ruajtur pothuajse perfekt

    Shkencëtarët kanë bërë një hap gjigant në studimin e organizmave të lashtë pasi kanë sekuencuar RNA-në më të vjetër të njohur ndonjëherë, të marrë nga mammuthi i ngrirë Yuka, i vjetër rreth 39 mijë vjet. Ky rezultat tregon se edhe molekulat më të ndjeshme gjenetike mund të ruhen për dhjetëra mijëra vite në ngricën e përhershme, duke hapur një epokë të re në analizën e qelizave dhe gjeneve të specieve të zhdukura.

    Zbulimi pritet të ndihmojë shkencën të kuptojë më mirë mënyrën si funksiononin indet e kafshëve prehistorike, si dhe të identifikojë sëmundjet apo viruset që mund t’i kenë prekur ato gjatë Epokës së Akullnajave.

    Ndërkohë, një tjetër zbulim spektakolar ka ardhur nga territori i Yukon-it në Kanada, ku një minator ari ka hasur rastësisht një foshnje mammuthi të mumifikuar dhe të ruajtur në gjendje pothuajse të përsosur. Foshnja, e quajtur Nun cho ga (“kafsha e madhe foshnja” në gjuhën Hän), mendohet të jetë mbi 30 mijë vjeç dhe përfaqëson ekzemplarin më të mirëruajtur të këtij lloji në Amerikën e Veriut.

    Me lëkurë, qerpikë dhe thonj të paprekur, ky zbulim është cilësuar si një moment historik për kërkimet paleontologjike. Dr. Grant Zazula, paleontolog i njohur i Yukon-it, e përshkroi takimin me foshnjën e mammuthit si “realizim i një ëndrre të jetës”.

    Të dy zbulimet RNA-ja më e vjetër e dokumentuar dhe foshnja e ruajtur në mënyrë të jashtëzakonshme po ofrojnë një dritare të rrallë drejt botës së lashtë, duke hapur mundësi të reja për studimin e klimës, evolucionit dhe jetës së epokave të hershme.

  • Australia vendos kufizimin më të rreptë: Nga 10 dhjetori, rrjetet sociale ndalohen për fëmijët nën 16 vjeç

    Australia vendos kufizimin më të rreptë: Nga 10 dhjetori, rrjetet sociale ndalohen për fëmijët nën 16 vjeç

    Australia ka miratuar një ligj të ri që hyn në fuqi më 10 dhjetor 2025, duke ndaluar përdorimin e rrjeteve sociale për të gjithë personat nën moshën 16 vjeç. Ky konsiderohet një nga kufizimet më të forta globale në fushën e sigurisë dixhitale për të miturit.

    Ligji u vendos përgjegjësi të drejtpërdrejtë platformave të mëdha të mediave sociale, të cilat tani janë të obliguara të parandalojnë krijimin e llogarive të reja nga të miturit dhe të fshijnë llogaritë ekzistuese të përdoruesve nën 16 vjeç. Pavarësisht ndalimit, nuk parashikohen masa ndëshkuese për fëmijët apo prindërit, ndërsa penalitetet për platformat që nuk respektojnë ligjin mund të arrijnë deri në 49.5 milionë dollarë australianë.

    Fillimisht, YouTube nuk ishte pjesë e listës së platformave të ndaluara, por autoritetet vendosën që edhe kjo platformë të përfshihet në rregulloren e re për llogaritë personale të të miturve.

    Sipas qeverisë australiane, ky vendim synon të rrisë mbrojtjen e fëmijëve nga ndikimet e dëmshme të qëndrimit të zgjatur në rrjetet sociale, duke forcuar standardet e sigurisë në internet. Ligji tashmë cilësohet si një shembull i qasjes më të ashpër ndaj platformave dixhitale në të gjithë botën.

  • Sot mbyllet votimi: Sunny Hill garon për çmimin e festivalit më të mirë evropian

    Sot mbyllet votimi: Sunny Hill garon për çmimin e festivalit më të mirë evropian

    Sot është dita e fundit për të votuar Festivalin Sunny Hill në “European Festival Awards”, ku festivali garon në kategorinë Best Medium-Sized Festival. Votimi vazhdon online dhe çdo votë është vendimtare për të mbështetur pozicionimin e Sunny Hill si një nga festivalet më me ndikim në Evropë. Votimi bëhet përmes linkut: surveymonkey.com/r/publicvoting25, duke zgjedhur Sunny Hill në kategorinë e festivaleve të mesme.

    Vitin e kaluar, festivali u rendit në top 5 festivalet më të mira evropiane, duke dëshmuar nivel të lartë organizimi dhe prezencë të fuqishme në skenën ndërkombëtare. Përfshirja edhe këtë vit në garë konfirmon suksesin dhe rëndësinë e tij në industrinë muzikore.

    Sunny Hill ka sjellë në Prishtinë yje të mëdhenj botërorë si Dua Lipa, Calvin Harris, J Balvin, Martin Garrix, Miley Cyrus, Burna Boy, Shawn Mendes, Bebe Rexha, Stormzy e shumë të tjerë, duke e bërë një pikë të rëndësishme referimi për adhuruesit e muzikës.

    Organizatorët ftojnë publikun, partnerët dhe komunitetin e gjerë që ta mbështesin sot festivalin, me qëllim që Sunny Hill të forcojë edhe më shumë reputacionin dhe ndikimin e tij global.

  • Koncert premierë në Prishtinë me maestros Jacopo Sipari: Filharmonia dhe Kori i Operës bashkojnë forcat

    Koncert premierë në Prishtinë me maestros Jacopo Sipari: Filharmonia dhe Kori i Operës bashkojnë forcat

    Sonte, në ora 19:30, në Sallën e Kuqe të Pallatit të Rinisë dhe Sporteve, Filharmonia e Kosovës dhe Kori i Operës së Kosovës mbajnë një koncert premierë nën drejtimin e maestros italian Jacopo Sipari di Pescasseroli. Ngjarja organizohet në bashkëpunim me Fondacionin Domenico Bartolucci dhe mbështetet nga Qeveria e Kosovës, MKRS dhe Ambasada e Kosovës në Romë.

    Publiku do të dëgjojë oratoriumin “La Tempesta sul Lago” të kompozitorit Domenico Bartolucci, një vepër e fuqishme për solistë, kor dhe orkestër. Në skenë performojnë artistë të njohur: sopranoja Besa Llugiqi, mezosopranoja Ivana Hoxha, tenori Carlos Cardoso dhe basi italian Biagio Pizzuti. Përgatitja e koreve është bërë nga dirigjenti Hajrullah Syla.

    Koncerti vjen si hyrje e prezantimit të Filharmonisë së Kosovës në Romë më 23 nëntor 2025, ku Orkestra dhe Kori do të performojnë në Bazilikën Santa Maria in Aracoeli, në kuadër të aktiviteteve të Jubileut në Vatikan rikthim i shumëpritur pas gati dhjetë vitesh.

  • Protesta e radhës në përkrahje të ish-krerëve të UÇK-së mbahet në Shkup

    Protesta e radhës në përkrahje të ish-krerëve të UÇK-së mbahet në Shkup

    OVL e UÇK-së është deklaruar rreth takimit me kryetarin e BDI-së, Ali Ahmetin.

    Sipas njoftimit, palët ranë dakord që protesta e radhës në përkrahje të ish-krerëve të UÇK-së që po gjykohen në Hagë, të mbahet në Shkup të Maqedonisë së Veriut.

    “Sot pritëm z. Ali Ahmeti, njërin nga themeluesit e UÇK-së dhe të Ushtrisë Çlirimtare Kombëtare, njëherësh liderin e shqiptarëve në Maqedoninë e Veriut. Bashkë diskutuam dhe u dakorduam që protesta e radhës kundër padrejtësisë të mbahet në Shkup”, thuhet në njoftim.

  • Blenard Azizaj, figura qendrore e mbrëmjes “Ta zbardhi ftyrën” më 21 nëntor

    Blenard Azizaj, figura qendrore e mbrëmjes “Ta zbardhi ftyrën” më 21 nëntor

    Më 21 nëntor, në Teatrin e AAB-së në Fushë Kosovë, KultPlus sjell edicionin e tetë të mbrëmjes artistike “Ta zbardhi ftyrën”, me balerinin dhe koreografin shqiptar me famë ndërkombëtare Blenard Azizaj si figurë qendrore të këtij viti. Ngjarja nis në ora 20:00.

    Ky format, i njohur për vlerësimin e artistëve shqiptarë që veprojnë jashtë vendit, këtë edicion i ndan çmimin “Ta zbardhi ftyrën” Azizajt, i cili vjen në Kosovë pas suksesit të madh në Angli me shfaqjen “Balkan Erotic Epic” të Marina Abramović, ku ai jo vetëm ka performuar, por edhe ka realizuar koreografinë.

    Drejtoresha e KultPlus, Ardianë Pajaziti, ka theksuar se pavarësisht karrierës së tij të shkëlqyer në Gjermani, Francë, Zelandë të Re, Meksikë, Hong Kong, Brazil e Angli, kjo është hera e parë që Azizaj prezantohet para publikut kosovar. Nga janari 2026 ai nis një tur ndërkombëtar me të njëjtën shfaqje.

    Mbrëmja ndahet në dy pjesë: fillimisht një bashkëbisedim me artistin dhe më pas një performancë e tij ekskluzive për publikun kosovar.

    “Ta zbardhi ftyrën” njihet për sjelljen e disa prej emrave më të suksesshëm shqiptarë në botë, ndërsa mbështetet nga MKRS, RTK, AMC dhe Labi Wine.

  • Karim Benzema del në mbrojtje të Vinícius Jr: “Njerëzit janë të padrejtë me të”

    Karim Benzema del në mbrojtje të Vinícius Jr: “Njerëzit janë të padrejtë me të”

    Legjenda e Real Madrid, Karim Benzema, ka folur së fundmi për bashkëlojtarin e tij, Vinícius Jr., duke theksuar se ylli brazilian shpesh trajtohet padrejtësisht nga publiku dhe mediat.

    “Njerëzit janë shumë të padrejtë me Vinícius Jr. Ata harrojnë shumë lehtë gjithçka që ai ka bërë për Real Madrid,” tha Benzema, duke mbrojtur kontributin e brazilianit në sukseset e klubit spanjoll.

    Benzema ka theksuar se Vinícius ka dhënë një kontribut të madh në fitoret e skuadrës, duke sjellë kreativitet, shpejtësi dhe gola vendimtarë, por shpesh kritikat e panevojshme e lënë hije mbi arritjet e tij.

    Fjala e Benzema vjen në një moment kur Vinícius Jr. po përballet me presionin e mediave dhe tifozëve, ndërsa legjenda franceze i jep mbështetje të plotë duke nënvizuar rëndësinë e tij për Real Madrid në konkurrencën e brendshme dhe atë evropiane.

    Ky reagim i Benzema rikujton se edhe lojtarët më të talentuar mund të kritikohen padrejtësisht, por kontributi i tyre në histori dhe tituj nuk mund të harrohet.