ATV

Blog

  • Kurti: Nesër nisin shtesat e rritura për fëmijët

    Kurti: Nesër nisin shtesat e rritura për fëmijët

    Kryeministri në detyrë, Albin Kurti, ka njoftuar se nga dita e nesërme do të fillojë ekzekutimi i shtesave të rritura për fëmijët, pas vendimit të Qeverisë për rritjen prej 50 për qind të këtij programi social.

    Përfitues të kësaj rritjeje do të jenë rreth 400 mijë fëmijë në mbarë vendin.

    Në një postim në Facebook, Kurti e quajti këtë një lajm të mirë për mijëra familje kosovare, duke theksuar se mbështetja financiare për fëmijët po zgjerohet ndjeshëm.

    “Lajm i mirë për të gjitha nënat që marrin shtesa për fëmijët: nga nesër fillon ekzekutimi i pagesave me rritjen e miratuar prej 50%. Nga kjo rritje do të përfitojnë 400 mijë fëmijë,” shkroi Kurti.

    Ai sqaroi se me rritjen e re, mbështetja mujore për familjet do të jetë dukshëm më e lartë.

    “Një familje me dy fëmijë, që ka marrë 40 euro, nga nesër do të marrë 60 euro; një familje me tre fëmijë, që ka marrë 90 euro, nga nesër do të marrë 135 euro; një familje me katër fëmijë, që ka marrë 120 euro, nga nesër do të marrë 180 euro, e kështu me radhë”.

  • Senatorja e djathtë australiane hyri në parlament me burkë, revoltohen myslimanet

    Senatorja e djathtë australiane hyri në parlament me burkë, revoltohen myslimanet

    Senatorja australiane e ekstremit të djathtë, Pauline Hanson, hyri në parlament me burkë si mjet politik në përpjekjen e saj për të ndaluar veshjen myslimane në hapësira publike, gjë që shkaktoi akuza për racizëm nga senatorët myslimanë.

    Hanson e veshi burkën menjëherë pasi iu refuzua paraqitja e një projektligji për ndalimin e burkave dhe mbulesave të tjera të fytyrës në vende publike në Australi.

    Hyrja e saj në Senat shkaktoi shpërthim zemërimi, dhe seanca u ndërpre kur Hanson refuzoi ta hiqte atë. Deputetet myslimane e akuzuan atë për “fyerje të fesë”, raporton index.hr.

    Reagime të ashpra nga senatoret myslimane
    “Kjo është një senatore raciste që po shfaq racizëm të hapur,” tha Mehreen Faruqi, senatore myslimane e partisë së Gjelbër nga Uellsi i Ri Jugor.

    Myslimanja Fatima Payman, senatore e pavarur nga Australia Perëndimore, e quajti këtë veprim “të turpshëm”.

    Edhe Penny Wong, drejtuese e qeverisë laburiste në Senat, si dhe Anne Ruston, zëvendësdrejtuese e Senatit nga koalicioni opozitar, dënuan veprimet e senatores së djathtë.

    Wong i quajti ato “të padenja për një anëtare të Senatit australian” dhe paraqiti kërkesë për pezullimin e Hanson pasi ajo nuk hoqi mbulesën. Pasi Hanson refuzoi të largohej, debatet në Senat u ndërprenë.

    Histori e gjatë qëndrimesh kontroverse
    Hanson, senatore e Queensland-it, u bë e njohur në vitet ’90 për kundërshtimin e ashpër ndaj emigracionit nga Azia dhe kërkuesve të azilit, dhe prej vitesh ka luftuar kundër veshjeve islame gjatë karrierës së saj parlamentare.

    Në një deklaratë të publikuar më vonë në Facebook, ajo tha: “Pra, nëse parlamenti nuk e ndalon, unë do të vazhdoj të vesh këtë mbulesë shtypëse, radikale, jothelbësisht fetare, e cila rrezikon sigurinë tonë kombëtare dhe e degradon gruan në parlamentin tonë, që çdo australian të kuptojë se çfarë është në rrezik.”

  • Sulmi me sëpatë në Lipjan, ish-çifti erdhi nga Franca para pak muajsh

    Sulmi me sëpatë në Lipjan, ish-çifti erdhi nga Franca para pak muajsh

    Me drejtësinë do të përballet burri që sulmoi sot ish-gruan e tij me sëpatë.

    Sipas banorëve të Gadimes, krimi mund të ishte parandaluar nëse policia do të kishte vepruar më efikasitet.

    I dyshuari dhe viktima kishin ardhur para dy muajsh nga Franca dhe ishin vendosur në Fushë Kosovë, por pak ditë më vonë u ndanë dhe gruaja shkoi të jetojë në shtëpinë e vëllait të saj.

  • Orav: BE ka investuar 3.7 miliardë euro në Kosovë që nga viti 1999

    Orav: BE ka investuar 3.7 miliardë euro në Kosovë që nga viti 1999

    Ambasadori i BE-së në Kosovë, Aivo Orav, ka thënë se BE-ja ka investuar 3.7 miliardë euro në Kosovë që nga viti 1999.

    Ai tha se pati nderin të hapte sot në Prishtinë ekspozitën fotografike BE-në përkrah, që tregon ndikimin që mbështetja e BE-së ka në jetën e përditshme të njerëzve në Kosovë.

    “Me 3.7 miliardë euro të investuara në Kosovë që nga viti 1999, BE-ja mbetet partneri juaj më i fortë, më i besueshëm dhe ofruesi më i madh i ndihmës financiare”, tha ai, duke theksuar se mbështetja e BE-së për Kosovën vazhdon.

  • Përveç Limajt, Abdixhiku i përmend me emra partitë që i do në listën e LDK’së: Demokristianët, PD, AKR

    Përveç Limajt, Abdixhiku i përmend me emra partitë që i do në listën e LDK’së: Demokristianët, PD, AKR

    Lidhja Demokratike e Kosovës (LDK) shprehet e gatshme që nën listën e kandidatëve për deputetë të LDK-së të përfshihet edhe Nisma Socialdemokrate e Fatmir Limajt.

    Pas mbledhjes së Kryesisë së LDK-së, kreu i këtij subjekti politik, Lumir Abdixhiku tha se do të kujdeset që një pjesë të listës së vet për zgjedhjet e 28 dhjetorit ta hapë për partitë e tjera, “përfshirë edhe Fatmir Limaj me deputetët e vet”.

    “LDK ka vendosur në kryesi se do të garojë e vetme por që brenda listës së LDK-së do të zhvillojë diskutime me individ, aktorë dhe besa edhe parti politike që mund të jenë pjesë e listës së LDK-së. Të gjitha diskutimet që i kemi pasur deri më tani në këtë vendim të kryesisë janë hapur rrugë që të përfshihen në një listë të madhe dhe përbashkuese në këtë garë nacionale… LDK do të kujdeset që një pjesë të listës së vet ta hapë për partitë e tjera, përfshirë edhe zotërin Limaj me deputetët e vet. Për këtë çështje do të zhvillojmë bisedime ditëve në vijim por le të themi se kemi gatishmëri. Siç kemi gatishmëri edhe për partitë të tjera. Demokristianët, Partinë e Drejtësisë, AKR-në. Ne jemi të hapur për parti por edhe për individ”, theksoi Abdixhiku.

    Krahas kësaj, Abdixhiku foli edhe për koalicionet paszgjedhore dhe vijat e kuqe. Ai u shpreh i ashpër karshi qeverisë në detyrë, derisa tha se ata janë alternativë e populizmit të LVV-së.

    Zgjedhjet e parakohshme parlamentare mbahen më 28 dhjetor, pasi që Vetëvendosje në koalicion parazgjedhor me GUXO dhe Alternativa si parti e parë nuk arriti të formojë qeverinë e re pas zgjedhjeve të 9 shkurtit.

  • Reshje shiu e erë e fuqishme, parashikimi i motit për nesër

    Reshje shiu e erë e fuqishme, parashikimi i motit për nesër

    Të martën parashikohet të mbajë mot me vranësira dhe intervale me diell, ku pritet herë pas here të ketë reshje lokale shiu, kryesisht të përqëndruara në perëndim të vendit.

    Era do të fryjë nga drejtimi i jugut dhe juglindjes, e cila kohë pas kohe pritet të jetë mjaft e fuqishme, me shpejtësi prej 15-50 km/h.

    Temperaturat minimale do të lëvizin prej 2 deri në 7°C, ndërsa ato maksimale prej 10 deri në 14°C.

  • ‘Black Friday’/ Ekspertët paralajmërojnë për mashtrime online, 5 këshillat për blerje të sigurta

    ‘Black Friday’/ Ekspertët paralajmërojnë për mashtrime online, 5 këshillat për blerje të sigurta

    Ndërsa tregu hyn në një periudhë me konsum të shtuar dhe në pritje të Black Friday, transaksionet online shumëfishohen dhe rreziku i mashtrimit online rritet ndjeshëm.

    Konsumatorëve u kërkohet të lundrojnë në një mjedis ku ofertat, reklamat dhe mesazhet promocionale mbushin ekranet e tyre, shpesh në mënyra që e bëjnë të vështirë dallimin e së vërtetës nga ajo mashtruese.

    Në këtë kontekst, Autoritetet Kombëtare të Sigurisë Kibernetike, me qëllim informimin dhe mbrojtjen e qytetarëve, thekson se njohuria dhe parandalimi mbeten armët më të fuqishme kundër kriminelëve kibernetikë.

    Ekspertët thonë se mashtruesit po përdorin teknologjinë, truket dhe presionin psikologjik për të arritur te përdoruesit e pavetëdijshëm, nga profilet e rreme dhe mesazhet mashtruese deri te faqet e internetit që duken krejtësisht legjitime. Në të njëjtën kohë, shpejtësia me të cilën po evoluon tregtia elektronike po krijon mundësi të reja, por edhe kërcënime të reja.

    Prandaj, informimi i konsumatorëve tani konsiderohet thelbësor, jo vetëm për mbrojtjen e parave të tyre, por edhe për sigurimin e të dhënave të tyre personale. Me rastin e sezonit festiv dhe rritjes së blerjeve online, të dy organet paraqesin këshilla praktike që mund të ulin ndjeshëm rrezikun e mashtrimit dhe të forcojnë besimin në mjedisin dixhital.

    Pesë rregulla për blerje të sigurta online:

    Kontrolloni burimin

    Mashtruesit investojnë në detaje: ata krijojnë faqe interneti që duken legjitime, përdorin reklama tërheqëse për syrin dhe shfrytëzojnë teknologjitë moderne, madje edhe inteligjencën artificiale, për të simuluar mesazhe ose fytyra të vërteta. Ekspertët rekomandojnë vetëm një hap para se të klikoni: disa sekonda të menduari kritik. Vlerësimi i përmbajtjes dhe besueshmërisë së burimit mund të parandalojë gabime serioze.

    Kini kujdes nga “mundësitë” joshëse

    Ofertat që skadojnë brenda pak minutash, dhuratat falas ose zbritjet e pabesueshme janë një praktikë e zakonshme e mashtruesve, të cilët mbështeten në presionin e kohës dhe nxitimin e përdoruesit. Konsumatorët inkurajohen të bëjnë një kërkim të shkurtër: a është oferta realiste? A ka ndonjë vlerësim? A ka kompania një faqe zyrtare interneti?

    Mos i beso vetëm profilit — kontrollo dërguesin e vërtetë

    Mesazhet që duket se vijnë nga miq, persona me ndikim ose biznese të njohura mund të jenë rezultat i llogarive të kompromentuara. Ekspertët rekomandojnë verifikimin përmes një kanali tjetër: një telefonatë, vizita në faqen zyrtare të internetit ose kontrolli me shërbimin ndaj klientit mund të zgjidhë çdo dyshim.

    Kontaktoni lëshuesin e kartës

    Aktivizimi i vërtetimit me dy faktorë, mbajtja e aplikacioneve të përditësuara dhe cilësimet e sigurta të privatësisë janë masa kryesore mbrojtëse. Përveç kësaj, çdo postim ose reklamë e dyshimtë duhet të raportohet në platformën ku është gjetur. Në rast të një transferimi të dyshimtë parash, komunikimi i menjëhershëm me lëshuesin e kartës është thelbësor.

    Metoda të sigurta pagese — ose asnjë fare

    Ndarja e të dhënave bankare në platformat e mediave sociale është një nga kurthet më të zakonshme. Pagesat nëpërmjet transferit bankar, kur kërkohen nga tregtarë të panjohur, pothuajse gjithmonë konsiderohen të dyshimta. Konsumatorët inkurajohen të përdorin vetëm sisteme zyrtare pagesash që ofrojnë mbrojtje dhe të shmangin blerjet kur këto nuk ofrohen.

  • Dasma e Cristiano Ronaldos dhe Georginës, mësohet data dhe vendi ku do të bëhet

    Dasma e Cristiano Ronaldos dhe Georginës, mësohet data dhe vendi ku do të bëhet

    Cristiano Ronaldo dhe Georgina Rodriguez do të martohen në ishullin e Madeirës në verën e vitit 2026, menjëherë pas Kupës së Botës.

    Sipas medias lokale Jornal da Madeira, ceremonia pritet të zhvillohet në Katedralen e Funchal (Sé do Funchal), e më pas do të shtrohet një pritje në një hotel luksoz në ishull.

    Çifti, i cili njoftoi fejesën në gusht, po përgatitet për një nga momentet më të pritura të marrëdhënies së tyre, e cila filloi në vitin 2017. Cristiano i propozoi Georginës nëntë vjet pasi u takuan në një dyqan Gucci në Madrid.

    Ylli portugez zbuloi në një intervistë të kohëve të fundit me Piers Morgan se propozimi erdhi spontanisht, në një mbrëmje të qetë me familjen:

    “ Mendova se ishte momenti sepse ajo është nëna e fëmijëve të mi dhe personi që dua më shumë”, tha Ronaldo. “Ishte një moment i bukur, mbajta një fjalim të thjeshtë. Nuk jam shumë romantik, jam romantik në mënyrën time.”

    Ronaldo theksoi se dasma do të zhvillohet pas Kupës së Botës dhe nënvizoi se Georgina preferon ceremoni diskrete larg festimeve të mëdha.

    Zgjedhja e Madeirës, ​​vendlindjes së futbollistit, pritet ta kthejë vëmendjen e botës drejt ishullit, pasi aty do të zhvillohet një nga ceremonitë më të përfolura të vitit të ardhshëm.

  • Si të dalloni një tradhtar: Shkencëtarët zbulojnë 4 shenjat që tregojnë rrezikun e mashtrimit

    Si të dalloni një tradhtar: Shkencëtarët zbulojnë 4 shenjat që tregojnë rrezikun e mashtrimit

    Nga Bill Clinton tek Tiger Woods, shumë personazhe të njohur janë përfshirë në skandale të famshme të tradhtisë. Por a ka mënyra për të kuptuar nëse dikush mund të tradhtojë para se të ndodhë?

    Shkencëtarët nga Universiteti Koç në Stamboll identifikuan katër shenja paralajmëruese që mund të tregojnë se dikush është i prirur për të pasur një aferë.

    Çfarë zbuluan studimet

    Ekipi hulumtues intervistoi 280 persona për marrëdhëniet e tyre dhe për çdo qëllim të mundshëm për tradhti. Rezultatet treguan se më të prirur për të tradhtuar janë:

    Ata që kanë tradhtuar më parë – historia e tradhtisë në marrëdhëniet e kaluara ka lidhjen më të fortë me qëllimin për të tradhtuar përsëri.

    Ata me prindër që kanë tradhtuar – personat mund të marrin modele të sjelljes pasive-agresive nga prindërit e tyre, duke mos shfaqur ndjenja të sinqerta në marrëdhënie, gjë që mund të rrisë rrezikun e tradhtisë.

    Ata me shmangie të lartë emocionale (high attachment avoidance) – njerëzit që kanë vështirësi me afeksionin ose intimitetin mund të përdorin tradhtinë si mënyrë për të ruajtur ndjenjën e pavarësisë brenda një marrëdhënieje të përkushtuar.

    Ata me intimitet të ulët emocional dhe seksual – mungesa e afeksionit ose kënaqësisë seksuale mund t’i shtyjë disa persona drejt tradhtisë për të plotësuar nevojat e tyre.

    “Këto zbulime mund të ndihmojnë terapistët e çiftit dhe familjes të adresojnë problemet e tradhtisë, intimitetit dhe shmangies emocionale,” shkruajnë autorët e studimit, Esra Selalmaz dhe Gizem Erdem, në The Family Journal.

    Si mund të parandaloni tundimet

    Një studim i veçantë në Universitetin e New Brunswick analizoi strategjitë e përdorura nga 362 të rritur heteroseksualë për të shmangur tradhtinë:

    Forcimi i marrëdhënies – 75% e pjesëmarrësve përdorën këtë strategji, duke përfshirë dalje të shpeshta me partnerin, përkujdesje për pamjen dhe më shumë intimitet seksual.

    Shmangia proaktive – duke ruajtur distancë fizike ose emocionale nga personi i tundimit.

    Zvogëlimi i tërheqjes ndaj tundimit – duke ndjerë faj dhe duke menduar negativisht për personin që tërheq, duke flirtuar më pak me të.

    Megjithatë, studiuesit paralajmërojnë se asnjë nga këto strategji nuk ka ndikim të madh në tradhtinë reale ose mbijetesën e marrëdhënies, pasi ndjenjat e tundimit shpesh janë të vështira për t’u kontrolluar.

    Psikologia Dr. Alex Fradera, e cila nuk ishte pjesë e studimit, thekson:

    “Pasi tundimi ka filluar, pak mund të bëhet për ta ndaluar. Përpjekjet më efektive janë ato parandaluese, përpara se të lindin ndjenjat e tradhtisë.”

  • Alonso merr vendimin drastik: Ky lojtar nuk do të luajë më për Real Madridin

    Alonso merr vendimin drastik: Ky lojtar nuk do të luajë më për Real Madridin

    Trajneri i Real Madridit, Xabi Alonso ka vendosur të mos llogarisë më në David Alabën, derisa mbrojtësi austriak të largohet nga klubi.

    Kwshtu raporton mediumi spanjoll “El Nacional”.

    Kontrata e Alabës me madrilenët skadon në qershor, por në këtë situatë nuk përjashtohet mundësia që largimi i tij të ndodhë që në afatin kalimtar të janarit.

    Nën drejtimin e Alonsos këtë sezon, Alaba është aktivizuar vetëm në tre ndeshje, duke grumbulluar rreth 150 minuta lojë. Kjo pasqyron qartë mungesën e besimit që trajneri bask ka te ai.

    Alonso vlerëson se Alaba nuk është më në nivelin e kërkuar për të qenë pjesë e formacionit titullar të Real Madridit dhe për të konkurruar për një vend në mbrojtje.

    Nëse austriaku nuk largohet gjatë janarit, ai pritet të ketë hapësirë vetëm në ndeshjet e Kupës së Mbretit, pasi në La Liga dhe Champions League, Alonso e ka përjashtuar përfundimisht nga planet e tij.