Blog

Politikani shqiptar, Izet Mexhiti, ka reaguar pas lajmeve për vdekjen e këngëtarit Shpat Kasapi.

Mexhiti ka thënë se “ikja e tij e papritur” ka lënë një boshllëk të madh te familja, miqtë dhe të gjithë ata që e vlerësonin artin e tij.

“Me dhimbje të thellë morëm lajmin e ndarjes nga jeta të këngëtarit Shpat Kasapi. Ikja e tij e papritur ka lënë një boshllëk të madh te familja, miqtë dhe të gjithë ata që e vlerësonin artin e tij. Shpati la pas një trashëgimi të çmuar artistike dhe kujtime që do të mbeten gjatë në zemrat e publikut. Muzika e tij është një vlerë që nuk shuhet. Në këtë ditë të rëndë, u shprehim ngushëllimet më të sinqerta familjes Kasapi, të afërmve dhe gjithë komunitetit artistik. Qoftë i përjetshëm kujtimi i tij, dhe u prehtë në paqe”, ka shkruar Mexhiti.

Sipas raportimeve të mediave në Maqedoni, ai ka vdekur nga ataku kardiak.

Një vajzë ka sulmuar fizikisht babain e saj, në Mitrovicë të Veriut.

Rasti ka ndodhur mbrëmë, pak para mesnatës.

Sipas policisë, viktima ka pranuar trajtim mjekësor. I njëjti kishte urdhër mbrojtës të mos i afrohet vajzës së tij.

“Të dyshuarit janë shoqëruar në stacionin policor dhe pas intervistimit me vendim të prokurorit janë liruar në procedurë të rregullt” thuhet në raportin policor.

Rasti është iniciuar si “Lëndim i lehtë trupor” dhe “Mosrespektim i urdhërave të gjykatës”.

Situata në Radio Televizionin e Kosovës po përkeqësohet teksa punëtorët kanë hyrë në muajin e tretë pa marrë pagat e tyre.

Në një komunikatë të lëshuar sot, Sindikata e Punëtorëve të RTK-së (SPERTK) ka bërë të ditur se institucionet po i injorojnë kërkesat e punonjësve, ndërsa gjendja e tyre sociale dhe funksionimi i transmetuesit publik po rëndohen çdo ditë e më shumë.

Sindikata ka bërë të qartë se greva nuk do të ndalet, duke kërkuar mbështetje të plotë nga të gjithë punëtorët e mediumit.

Ajo paralajmëroi se brenda kësaj jave do të marrë qëndrim për bojkot të plotë të punës, përfshirë ndaljen e mbulimit të ngjarjeve politike dhe të fushatës elektorale.

“Po hyjmë në muajin e tretë pa paga. Institucionet po na injorojnë plotësisht, ndërsa gjendja e punëtorëve dhe vetë transmetuesit publik është e rënduar në skaj,” thuhet në komunikatë.

Sindikata pyet se “Si është e mundur të gjenden para për zgjedhje, e të mos gjenden për bukën e gojës së 700 familjeve?”

SPERTK i ka bërë thirrje Qeverisë së Kosovës të zgjidhë urgjent problemin e alokimit të buxhetit, duke theksuar se ajo është njoftuar “dhjetëra herë” për këtë situatë, por pa përgjigje.

Sipas sindikatës, pas konstituimit të legjislaturës së re, duhet të miratohet pa vonesë ligji për financimin e pavarur të RTK-së dhe të adresohet çështja e pronës, për të garantuar funksionim të qëndrueshëm të transmetuesit publik.

Në komunikatë theksohet gjithashtu se, ndonëse buxheti i RTK-së është më i vogli në rajon për televizionet publike, “jo vetëm që nuk kemi marrë rritjen 0.7% nga buxheti nacional, por na janë hequr edhe 2.2 milionë euro nga buxheti”.

Sindikata ka njoftuar menaxhmentin se kërkon zyrtarisht ndërprerjen e mbulimit të ngjarjeve politike dhe të fushatës elektorale, përderisa nuk ka një vendim nga qeveria. Vendimi përfundimtar pritet në fund të kësaj jave, me mundësinë që bojkoti të hyjë menjëherë në fuqi.

Greva në RTK ndërkohë vazhdon pa afat.

Policia e Kosovës ka arrestuar një të dyshuar 19-vjeçar për tentativë grabitje dhe mbajtje të armëve pa leje në Prishtinë.

Sipas Policisë, rasti ka ndodhur mbrëmjen e kaluar, kur i dyshuari, nën kërcënimin e armës, ka tentuar të kryejë një grabitje. Falë reagimit të shpejtë të zyrtarëve të stacionit policorë Veriu në Prishtinë dhe punës intensive hetimore, ka arritur të identifikohet dhe të arrestohet personi.

I dyshuari, B.M., një mashkull 19-vjeçar, është dërguar në mbajtje për 48 orë, pas një vendimi të Prokurorit të Shtetit.

Ai është nën hetim për veprat penale “Grabitje në tentativë” dhe “Mbajtje në pronësi, kontroll ose posedim të paautorizuar të armëve”.

Policia e Kosovës ka theksuar se po vazhdon angazhimin e saj për sigurinë publike dhe do të ndërmarrë veprime të shpejta dhe profesionale ndaj çdo veprimi kriminal që kërcënon rendin dhe sigurinë në vend.

Tri dekada pas rrethimit të Sarajevës, prokuroria italiane ka hapur një hetim që më në fund mund të hedhë dritë mbi një nga segmentet më të errëta të luftës në Bosnjë dhe Hercegovinë: “snajperistët e fundjavës” që, sipas dëshmitarëve, paguheshin për të qëlluar mbi civilë.

Një nga të parët që e zbuloi këtë histori ishte Edin Subashiq, ish-oficer i inteligjencës së Ushtrisë së Bosnjë dhe Hercegovinës.

Subashiq për TRT Balkan tregoi detajet e rrëfimit: nga momenti kur e zbuloi deri te informacionet e fundit që lidhen me hetimin e prokurorisë italiane.

“Sipas dëshmive të mbledhura, këta individë nuk kishin asnjë lidhje me konfliktin në Bosnjë. “Ata vinin nga vende të ndryshme të Evropës – kryesisht nga Italia – vetëm për të qëlluar mbi qytetarët e Sarajevës, duke e kthyer vrasjen në argëtim. Bëhej fjalë për persona të pasur, gjuetarë profesionistë në vendet e tyre, të cilët kërkonin “përjetime adrenaline” në zonën e luftës, duke përfaqësuar një sistem të deformuar vlerash”.

Ai thotë se ata vinin në Bosnjë në mënyra të ndryshme, e kishte edhe linja të ndryshme transferimi, e që pika kryesore e nisjes ishte Italia.

Qytetarët e Komunës së Prishtinës as sot nuk do të kenë transport publik në dispozicion për qarkullim në kryeqytet.

Linjat e autobusëve të Trafikut Urban dhe operatorëve privatë kanë pezulluar punën pas bllokadës financiare që ka Komuna e Prishtinës.

Stacionet e autobusëve në kryqytet shihet të boshatisura, në mungesë të transportit publik, teksa kolonat e gjata kanë shkaktuar kaos në trafik.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit