Blog

Parlamenti Evropian ka propozuar kufizimin e qasjes në mediat sociale për fëmijët nën 16-vjeç për të forcuar mbrojtjen online për të miturit.

Gjatë një seance plenare, eurodeputetët miratuan një raport jolegjislativ me 483 vota pro, 92 kundër dhe 86 abstenime, duke bërë thirrje për veprime ambicioze për të mbrojtur të miturit online.

Sipas njoftimit nga Parlamenti Evropian, eurodeputetët kërkuan “moshën minimale prej 16-vjeç në të gjithë BE-në dhe ndalimin e praktikave më të dëmshme që krijojnë varësi”.

“Për të ndihmuar prindërit të menaxhojnë praninë digjitale të fëmijëve të tyre dhe të sigurojnë angazhim online të përshtatshëm për moshën, parlamenti propozon moshë minimale digjitale të harmonizuar në BE prej 16-vjeç për qasje në mediat sociale, platformat e ndarjes së videove dhe shoqëruesit e inteligjencës artificiale, duke lejuar njëkohësisht qasjen e 13-16 vjeçve me pëlqimin e prindërve”, thuhet në njoftim.

Eurodeputetët kërkuan ndalimin e platformave që nuk përputhen me rregullat e BE-së, marrjen e masave kundër teknologjive bindësi, siç janë reklamat e synuara dhe marketingu i influencuesve, mbrojtjen e të miturve nga shfrytëzimi komercial dhe adresimi urgjent i sfidave etike dhe ligjore të paraqitura nga mjetet gjeneruese të inteligjencës artificiale, përfshirë deepfake dhe chatbot-et shoqëruese.

Ushtruesi i detyrës së ministrit të Infrastrukturës, Hysen Durmishi ka njoftuar se sipas parashikimeve meteorologjike, ditëve në vijim pritet të ketë reshje bore në disa zona të Kosovës.

Ai theksoi se institucionet përgjegjëse janë të përgatitura për t’i mirëmbajtur të gjitha rrugët nacionale dhe rajonale të hapura dhe të qarkullueshme.

“Sipas parashikimeve meteorologjike, gjatë ditëve në vijim pritet që në disa zona të Kosovës të ketë reshje bore. Ju njoftoj se jemi të përgatitur që të gjitha rrugët nacionale dhe rajonale të jenë të mirëmbajtura dhe të qarkullueshme”, ka shkruar Durmishi.

Durmishi u ka bërë thirrje qytetarëve që të kenë kujdes të shtuar gjatë qarkullimit, për shkak të kushteve të vështiruara atmosferike që mund të paraqiten.

“Ju faleminderit për mirëkuptimin dhe udhëtim të sigurt!”, përfundon njoftimi i tij.

Ndryshe Instituti Hidrometeorologjik i Kosovës ka njoftuar se e mërkura do të karakterizohet nga ndikimi i fushave të presionit në rënie, të cilat do të favorizojnë zhvillimin e vranësirave të dendura në gjithë vendin.

Parashihet mot kryesisht i vranët, me mundësi për riga të dobëta dhe lokale shiu.

IHMK bën të ditur se temperaturat pritet të jenë të qëndrueshme, me minimale nga -1°C deri në 7°C dhe maksimale që do të arrijnë deri në 11°C, duke shënuar vlerat më të larta termike të javës.

Kryetari i Partisë Demokratike të Kosovës, Bedri Hamza, gjatë një konference për media është deklaruar për një koalicion të mundshëm mes PDK’së dhe NISMA’s së Fatmir Limajt, duke thënë se ai ende s’ka pasur takimin e kryetarin e NISMA’s.

Hamza, ka potencuar se me Limajn kanë shoqëri mes vete dhe kanë miq të përbashkët, porse ende s’ka diçka konkrete, transmeton Gazeta Express.

‘‘Unë kam respekt për të gjitha subjektet politike në Kosovë, dhe të gjithë ata që dëshirojnë me garu në këto zgjedhje. Ne jemi në komunikime, deri me tash i keni pa këto çka i kemi finalizu. Nëse do të ketë finalizim të ndonjë marrëveshje ne prapë do të jemi këtu para juve, dhe do ta bëjmë publike. Sidoqoftë, njerëzit kanë të drejt të bëjnë koalicione me ata që gjinden në interesa, unë e vlerësoj atë, dhe se kush me kë bën prapë do të jenë të vlerësuar nga ana e jonë.

Unë personalisht ende nuk kam mbërri në atë pikë do të thotë që ne të kemi takime. Ne jemi shokë dhe miq, kemi bashkëpunu, por nëse ka diçka konkrete ne do të dalim këtu prapë para juve.’, ka thënë Hamza.

Kryeministri në detyrë i Kosovës, Albin Kurti, i ka shprehur ngushëllime familjes Kasapi pas ndarjes nga jeta të këngëtarit shqiptar, Shpat Kasapi.

Përmes një telegrami ngushëllimi, kryeministri shkroi se një ikje e tillë, e papritur dhe e parakohshme, dhemb shumë dhe vjen si e padrejtë.

“Humbja e tij na ka prekur të gjithëve, pa marrë parasysh profesionet apo gjeneratat. Shumë breza të pasluftës janë rritur me figurën e tij dhe këngët emblematike. Ai ka mbajtur një vend të veçantë në zemrat e të gjithëve si një djalë punëtor, i qeshur, dhe mbi të gjitha, shumë karizmatik”, u shpreh kryeministri.

Kurti theksoi se muzika e Shpat Kasapit ka arritur të bashkojë shqiptarë në mbarë botën, duke veçuar bashkimin e shqiptarëve të Kosovës, Luginës, Maqedonisë së Veriut dhe Shqipërisë.

Telegrami i plotë:

E nderuar familja Kasapi,

Me zemër të rënduar pranova lajmin për ndarjen nga jeta të Shpatit. Një ikje e tillë, e papritur dhe e parakohshme, dhemb shumë dhe vjen si e padrejtë. Tingëllon edhe e pavërtetë, aq i ri ishte dhe gjithë atë energji e mbante dhe e rrezatonte.

Humbja e tij na ka prekur të gjithëve, pa marrë parasysh profesionet apo gjeneratat. Shumë breza të pasluftës janë rritur me figurën e tij dhe këngët emblematike. Ai ka mbajtur një vend të veçantë në zemrat e të gjithëve si një djalë punëtor, i qeshur, dhe mbi të gjitha, shumë karizmatik. Komuniteti artistik ka humbur njërin nga figurat më të dashura të tij, sepse secili prej tyre ka vetëm fjalë të mira për Shpatin. Muzika e tij ka arritur të bashkojë shqiptarë gjithandej botës, por më së shumti ka bashkuar shqiptarët e Kosovës e të Luginës, Maqedonisë së Veriut dhe Shqipërisë. Ky kontribut i tij do të mbetet përherë i pashlyeshëm.

Ngushëllime gjithë familjes Kasapi, komunitetit artistik, miqve dhe bashkëpunëtorëve të tij. Ngushëllime zonjës Gjylymser, zonjës Selvije dhe djalit Roel. Zoti u dhashtë forcën për të përballuar këtë humbje.

Me respekt të thellë,

Albin Kurti

Partia Demokratike e Kosovës, dhe Lista për Familjen e udhëhequr nga Eman Rrahmani sot kanë konfirmuar marrëveshje bashkëpunimi për zgjedhjet e 28 dhjetorit.

Në një konferencë për media, Hamza tha se koalicioni me Listën për Familje, është vlerë e shtuar për partinë.