Blog

KFOR ka bërë të ditur se disa ushtarë të këtij misioni, së bashku me oficerë të Policisë së Kosovës, kanë dhuruar gjak si pjesë e fushatës së organizuar nga Qendra e Transfuzionit të Gjakut të Kosovës në Kampin Vrelo.

Në postim thuhet edhe se, nisma synon të mbështesë institucionet shëndetësore në mbarë Kosovën dhe të forconte më tej bashkëpunimin ndërmjet KFOR-it dhe Policisë së Kosovës, për të mirën e njerëzve në gjithë Kosovën.

Ushtarët nga Komanda Rajonale Lindje e Forcës së Kosovës (KFOR), që është pjesë e misionit të udhëhequr nga NATO, së bashku me oficerë të Policisë së Kosovës (PK), morën pjesë në një fushatë dhurimi gjaku të organizuar nga Qendra e Transfuzionit të Gjakut të Kosovës në Kampin Vrelo.

Nisma synonte të mbështeste institucionet shëndetësore në mbarë Kosovën dhe të forconte më tej bashkëpunimin ndërmjet KFOR-it dhe Policisë së Kosovës, për të mirën e njerëzve në gjithë Kosovën.

Personeli i KFOR-it mbështet rregullisht fushata shtesë të dhurimit të gjakut në kohë dhe vende të ndryshme, duke dëshmuar përkushtimin e tyre të vazhdueshëm ndaj aktiviteteve humanitare.

KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qëndrueshëm për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili në rolin e vet si reagues të sigurisë.

Gjykata Themelore në Prishtinë ka shpallur aktgjykim dënues ndaj Sasha Mirkoviq, ish-nënkryetar i Kllokotit, duke e dënuar me 1 vit burgim lidhur me akuzën për cenim të përcaktimit të lirë të votuesve.

Aktgjykimi ndaj Mirkoviq u shpall të mërkurën nga kryetari i trupit gjykues, Lutfi Shala, raporton “Betimi për Drejtësi“.

Ndaj Mirkoviq, Gjykata ka shqiptuar edhe dënim plotësues- Ndalimi i ushtrimit të funksionit në administratë publike ose në shërbim publik në kohëzgjatje prej 2 viteve.

Gjykata obligoi të akuzuarin që në emër të shpenzimeve gjyqësor të paguajë shumën prej 100 euro, 100 euro në emër të paushallit gjyqësor dhe 100 euro për Fondin e Kompensimit të Viktimave.

Ndryshe, sipas aktakuzës së ngritur më 14 gusht 2023 nga Prokuroria Speciale e Republikës së Kosovës (PSRK), Sasha Mirkoviq akuzohej se në periudhën kohore janar – shkurt 2021, në territorin e Komunës së Kllokotit, në cilësinë e nënkryetarit të Komunës së Kllokotit, në bashkëkryerje me të dënuarin Bozhidar Dejanoviq dhe persona të tjerë, ka përdorur kanosje serioze ndaj qytetarëve të nacionalitetit serbë, me qëllim të ndikimit në vullnetin e tyre zgjedhor, gjatë periudhës kohore para dhe gjatë zgjedhjeve të Përgjithshme të Parakohshme Parlamentare të mbajtura më 14 shkurt 2021.

Në aktakuzë thuhet se, së bashku me kryetarin e Komunës së Kllokotit, të dënuarin Bozhidar Dejanoviq, kanë ushtruar presion dhe kërcënim serioz ndaj qytetarëve të nacionalitetit serbë të Komunës së Kllokotit, duke u kërkuar që të votojnë për subjektet e caktuara politike, me kërcënimin se do t’i largonin nga puna, ashtu që Dejanoviq në cilësinë e kryetarit të Komunës, ka siguruar vota në mënyrë të kundërligjshme për subjektin politik “Lista Serbe”.

Gjithnjë sipas aktakuzës, i akuzuari Mirkoviq, në cilësinë e nënkryetarit të Komunës së Kllokotit, ka siguruar vota me metoda të njëjta, për subjektin politik me numër 129 “Ujedinjina Zajdenica- Ardiana Hoxhiq”, duke i kanosur qytetarët me humbje të vendit të punës apo me humbjen e të drejtës në pagesë sociale dhe kështu kanë ndikuar dhe i kanë detyruar qytetarët që të votojnë në mënyrë të caktuar, përkatësisht për subjektin politik me numër 129 “Ujedinjina Zajdenica- Ardiana Hoxhiq”.

Me këtë, Sasha Mirkoviq akuzohej se në bashkëkryerje ka kryer veprën penale “Cenimi i përcaktimi të lirë të votuesve” e sanksionuar me nenin 210 të Kodit Penal të Republikës së Kosovës, vepër kjo e dënueshme me një deri në pesë vjet burg.

Pas lajmit të rëndë për vdekjen e këngëtarit të njohur Shpat Kasapi, ka reaguar kryetari i BDI-së, Ali Ahmeti, i cili ka shprehur ngushëllimet e tij për familjen dhe miqtë e artistit.

Ahmeti e ka quajtur të parakohshme ndarjen nga jeta të Kasapit, duke shkruar: “Herët Shpat, shumë herët. Ngushëllimet e mia më të sinqerta familjes dhe miqve të Shpat Kasapit për ndarjen e tij të papritur nga jeta në moshë kaq të re.”

“E premtja e zezë” ose siç njihet edhe si ‘Black Friday’ i mori në qafë britanikët të cilët vuajnë nga obeziteti apo siç njihet mbipesha. Zbritjet e mëdha të vaksinave për humbje peshe e që kushtojnë shumë zakonisht, i bën që britanikët të blejnë me të madhe.

Duke i paralajmruar dhe alarmuar se sasia është e limituar ara blenë vaksinat nëpër faqe të ndryshme të internetit e që dolën të jenë verzione të falsifikuara.

Nga krejt kjo çmenduri e blerjes me zbritje të vaksinave që bëjnë “mrekulli” në humbje peshe, mjekët kanë treguar se si pacientët kanë pësuar kriza dhe madje janë lënë në gjendje kome duke iu rrezikuar jeta pasi kanë marrë versione të falsifikuara.

Një rast i till është edhe vdekja e një gruaje që vdiq pasi iu injektua me vaksinë nga tregu i zi.

Vajza e saj ka bërë thirrje për një goditje ndaj shitjes së ilaçeve të palicencuara për humbje peshe.

Në një intervistë ekskluzive me ITV News, familja është e para në Mbretërinë e Bashkuar që flet publikisht për një vdekje të lidhur me injeksione të rreme për humbje peshe.

Karen McGonigal, 53 vjeç, nga Salford në Greater Manchester, vdiq në maj, vetëm disa ditë pasi iu administrua ilegalisht një dozë semaglutide.

Ndërkaq Injeksionet një herë në javë, të prodhuara nga gjigantët farmaceutikë Novo Nordisk dhe Eli Lilly, ofrohen në NHS për të ndihmuar pacientët me diabet të tipit 2 të kontrollojnë nivelet e sheqerit në gjak.

Sipas raporteve thuhet se medikamentete ineksione Semaglutide dhe tirzepatide, emri gjenerik për Ozempic, Wegovy dhe Mounjaro gjithashtu shkaktojnë humbje peshe dhe përfitime të mëdha.

Por kërkesa e madhe globale ka bërë që versionet e falsifikuara të përmbyten në treg vitet e fundit.

Përpara të Premtes së Zezë, ekspertët u kanë kërkuar njerëzve të mos u besojnë faqeve të internetit që ofrojnë kode zbritjeje për të Premten e Zezë, për shkak të shqetësimeve se ato mund të jenë të falsifikuara.

Agjencia e Statistikave të Kosovës (ASK) ka publikuar Indeksin e Çmimeve të Prodhimit për tremujorin e tretë të vitit 2025, duke bërë të ditur se çmimet e prodhimit janë më të larta se në tremujorin e dytë të këtij viti.

Po ashtu, në krahasim me të njëjtën periudhë të vitit të kaluar, çmimet e prodhimit kanë shënuar rritje prej 5.5%.

“Indeksi i tërësishëm i çmimeve të prodhimit në Kosovë në TM3 2025 krahasuar me TM2 2025 u ngrit prej 1,3%. Poashtu, krahasuar me të njëjtën periudhë të vitit paraprak (TM3 2024) Indeksi i çmimeve të prodhimit u ngrit për 5,5%”, thuhet në njoftimin e ASK-së.

ASK-ja ka sqaruar se ngritjet më të mëdha janë vërejtur në disa degë të veprimtarive ekonomike: “Prodhimi tjetër p.k.t. 4.7%, energjia elektrike, gazi, avulli dhe furnizimi me ajër të kondicionuar 3.9%, prodhimi i mobilieve 2.7%, prodhimi i makinerisë dhe pajisjeve p.k.t 2.0%, prodhimi i pajisjeve elektrike 1.9%, prodhimi i metaleve 1.3%, përpunimi i produkteve ushqimore 0.7%, prodhimi i letrës dhe produkteve prej letrës 0.5%, prodhimi i produkteve minerale jo metalike 0.2%, nxjerrja e xehes së metalit 0.1%”.

Ndërkaq rënie të çmimeve pati te prodhimi i mjeteve motorike (të transportit), rimorkiove dhe gjysme rimorkiove -2.9%), grumbullimi, trajtimi dhe furnizimi me ujë -1.7%, prodhimi i tekstilit -1.0%, xeherorët dhe guroret tjera -0.8%, veprimtaritë e grumbullimit, trajtimit dhe asgjësimit të mbeturinave -0.8%, prodhimi i drurit dhe i produkteve të drurit dhe të tapës, përveç mobilieve.

Po ashtu edhe tek prodhimi i artikujve nga kashta dhe materialeve të gërshetuara – thurëse – 0.4%, prodhimi i pijeve -0.1%, prodhimi i produkteve kimike -0.1%, prodhimi i produkteve të fabrikuara metalike, përveç makinerisë dhe pajisjeve -0.1%.

Ministria e Kulturës, Rinisë dhe Sportit ka reaguar pas vdekjes së këngëtarit shqiptar, Shpat Kasapi.

Në një komunikatë për media, MKRS ka shprehur ngushëllimet e saj për familjen e këngëtarit dhe pikëllimin për lajmin e ndarjes së tij të hershme nga jeta.

Në reagim është vlerësuar zëri dhe puna artistike e Kasapit, si dhe kontributi i tij në bashkimin e publikut anembanë trojeve shqiptare.

“Shpat Kasapi, me zërin e tij, me punën dhe me prezencën artistike, arriti të bashkonte publikun anembanë trojeve shqiptare dhe të krijonte një lidhje të veçantë me artdashësit. Kontributi i tij mbetet i pashlyeshëm dhe kujtimi për të do të jetojë gjatë”.

“Në emër të Ministrisë së Kulturës shpreh ngushëllimet më të sinqerta familjes Kasapi, komunitetit artistik, miqve, bashkëpunëtorëve të tij, si dhe të gjithë atyre që e deshën dhe e vlerësuan artin e tij”, thuhet në telegramin e ngushëllimit.

Një inspektor parkimi dhe gruaja e tij janë arrestuar me dyshimin për përvetësim të më shumë se 1 milion eurove nga matësit e parkimit të një qyteti të vogël gjerman.

Punonjësi i paidentifikuar i bashkisë mendohet se ka nxjerrë monedha nga matësit e parkimit në Kempten “në raste të shumta”, dhe i ka vendosur ato në llogari bankare në të cilat gruaja e tij kishte qasje, tha policia lokale në një deklaratë.

Një raport për pastrim parash nga një institucion krediti i njoftoi hetuesit për vjedhjen e dyshuar. Inspektori përballet me akuza në lidhje me 720 incidente të dyshuara vjedhjeje, ndërsa gruaja e tij përballet me akuza për ndihmë dhe inkurajim të vjedhjes, gjithashtu në 720 raste.

Kryebashkiaku i Kemptenit, Thomas Kiechle, tha se ishte “i tronditur” nga akuzat.

Në tetor, zyra e prokurorit publik të Kemptenit u informua se paratë e gatshme po depozitoheshin vazhdimisht në disa llogari bankare, sipas agjencisë gjermane të lajmeve DPA.

Policia më pas kontrolloi ambientet e zyrës në orët e para të 24 nëntorit, të njëjtën ditë kur u arrestuan burri 40-vjeçar dhe gruaja 38-vjeçare.

Ata tani po mbahen në ambiente të ndara paraburgimi. Nuk është e qartë se sa kohë mund t’i jetë dashur çiftit për të mbledhur shumën.

Në përgjigje të akuzave, Kiechle njoftoi emërimin e një komisioni për të “shqyrtuar proceset e punës së kaluar, për të zbuluar dobësitë e mundshme dhe për t’i korrigjuar ato në mënyrë të besueshme për të ardhmen”.

Kiechle vuri në dukje se emrat e çiftit nuk mund të publikohen aktualisht, për shkak të hetimit të vazhdueshëm dhe shqetësimeve për privatësinë.

Në një deklaratë me shkrim, Kiechle tha: “Unë natyrisht mbështes zyrën e prokurorit publik dhe policinë në hetimin e tyre të plotë të akuzave”.

“Derisa të përfundojnë procedurat, zbatohet prezumimi i pafajësisë”, shtoi ai.

Kempten është një nga vendbanimet më të vjetra në Gjermani. I vendosur në jug të vendit, ndodhet nën kodrat e Allgäu dhe ka rreth 70,000 banorë.