Blog

Në Dhomat e Specializuara të Kosovës (DhSK) në Hagë më 28 nëntor do të mbahet një konferencë për ecurinë e çështjes së Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit në rastin kundër administrimit të drejtësisë.

Sipas një njoftimi që e ka bërë mbrojtja e Thaçit e përfaqësuar nga avokatja Sophie Menegon, klienti i saj do të marrë pjesë në këtë konferencë përmes video-lidhjes.

Konferenca pritet të mbahet rreth orës 09:30 me 45 minuta vonesë në transmetim.

Ndërsa, palët janë obliguar që të dorëzojnë parashtrime për gatishmërinë që gjykimi në këtë rast eventualisht të fillojë në javën që nis më 15 dhjetor 2025.

Ndryshe, Hashim Thaçi ndodhet në Qendrën e Paraburgimit në Hagë që nga nëntori i vitit 2020. Ai është duke u gjykuar për krime lufte, si dhe vitin e kaluar i është ngritur aktakuza kundër administrimit të drejtësisë.

Lidhur me rastin kundër administrimit të drejtësisë, Bashkim Smakaj, Fadil Fazliu dhe Isni Kilaj u arrestuan më 5 dhjetor 2024 në Kosovë dhe u transferuan në objektin e paraburgimit në DhSK, më 6 dhjetor 2024 në bazë të aktakuzës së konfirmuar dhe fletarrestimeve të lëshuara nga Haga.

Ndërsa, Thaçit i është dorëzuar fletarrestimi në objektin e paraburgimit në Hagë më 5 dhjetor 2024, gjithnjë sipas njoftimit të DhSK-së.

Kurse, Hajredin Kuçit i është dorëzuar aktakuza e konfirmuar dhe fletëthirrja për t’u paraqitur para gjykatëses së procedurës paraprake për paraqitjen e parë, e cila u mbajt 9 dhjetor.

Sipas aktakuzës, Thaçi individualisht dhe përmes veprimeve të përbashkëta me grupet; Grupi Fazliu (Fadil Fazliu dhe FahriFazliu), Grupin Smakaj (Bashkim Smakaj, Blerim Shala dhe Artan Behrami) si dhe Grupin Kilaj (Isni Kilaj dhe VllaznimKryeziu), kanë ndjekur një model të sjelljes për të penguar personat zyrtarë në kryerjen e detyrave zyrtare.

Në aktakuzë thuhet se Thaçi ka udhëhequr dhe marrë pjesë në këto përpjekje përmes vizitave të tij në objektet e paraburgimit gjatë kohës sa ishte i paraburgosur në kuadër të gjykimit të tij për krime lufte dhe krime kundër njerëzimit.

Aty thuhet se anëtarët e Grupit Fazliu, Grupit Smakaj dhe Grupit Kilaj u koordinuan për të ndikuar në dëshmitarët e ZPS-së gjatë vizitave jo të priveligjuara të datave 2 korrik, 9 shtator dhe 6 tetor 2023.

Si rrjedhojë, ndaj Thaçit rëndojnë tri akuza për pengim të personit zyrtar në kryerjen e detyrave zyrtare, tri për shkelje të fshehtësisë së procedurës dhe katër akuza për mosbindje ndaj gjykatës.

Ndërsa, Kilaj, Smakaj dhe Fazliu akuzohen për tentativë të pengimit të personave zyrtarë në kryerjen e detyrave zyrtare dhe mosbindje ndaj gjykatës. Kurse, Kuçi i ka dy akuza për mosbindje ndaj gjykatës.

Bekë Berisha i AAK-së që nuk arriti ta zë vendin e të parit të Prishtinës, ka publikuar një foto me kundërkandiatin e tij, që e rifitoi kryeqytetin.

Në një postim në Facebook, Berisha ka publikuar një foto me Përparim Ramën dhe ka shkruar shkurt:

“Një kafe me Kryetarin” – duke ia bashkëngjitur flamurin Kuq e Zi.

Ministri në detyrë i Shëndetësisë, Arben Vitia ka njoftuar se kanë filluar punimet për rregullimin e plotë të sistemit të kanalizimit fekal dhe atmosferik në Qendrën Klinike Universitare të Kosovës (QKUK).

Sipas tij, me investimin prej 1.3 milion euro do të zgjidhet përfundimisht një nga problemet më të mëdha infrastrukturore të QKUK-së, pasi në këtë sistem nuk është ndërhyrë që nga vitet ’60.

“Po nisim punimet për rregullimin e plotë të sistemit të kanalizimit fekal dhe atmosferik në QKUK. 👉🏻 Me një investim prej 1.3 milion eurosh, po e zgjidhim përfundimisht një nga problemet më të mëdha infrastrukturore të QKUK-së , një sistem ku nuk është ndërhyrë që nga vitet ’60 dhe që për dekada ka shkaktuar përmbytje të bodrumeve në disa klinika”, ka shkruar Vitia.

Mosfunksionimi i rrjetit aktual për dekada ka shkaktuar përmbytje të bodrumeve në disa klinika, duke krijuar rreziqe dhe vështirësi në funksionimin e tyre.

Projekti, i cili pritet të zgjasë tre vjet, do të modernizojë tërësisht rrjetin e kanalizimit, duke siguruar kushte më të mira, më shumë siguri dhe funksionalitet për stafin mjekësor dhe pacientët.

Vitia theksoi se ky investim është pjesë e përpjekjeve për përmirësimin e infrastrukturës së përgjithshme brenda QKUK-së dhe garantimin e standardeve të duhura në shërbimet shëndetësore.

Ish-anëtari i LVV-së, Eman Rrahmani, bashkë me Visar Korenicën dhe Amir Ahmetin i janë bashkuar Partisë Demokratike të Kosovës për të garuar së bashku në zgjedhjet e 28 dhjetorit.

Rrahmani në një konferencë për media bashkë me kreun e PDK-së, Bedri Hamza, ka treguar se gjatë kësaj kohe kanë zhvilluar negociata me parti politike për koalicione të mundshme, derisa ka veçuar Lidhjen Demokratike të Kosovës.

Rrahmani e ka falendëruar partinë e Abdixhikut për konstruktivitet në diskutime.

Megjithatë ai ka treguar se në këto zgjedhje kanë vendosur që të garojnë me Partinë Demokratike të Kosovës.

Dy persona kanë pësuar lëndime pas një aksidenti që ka ndodhur sot rreth orës 13:25, në rrugën rajonale Skenderaj-Klinë, në segmentin rrugor në fshatin Llaushë.

Zëdhënësi i Policisë për rajonin e Mitrovicës, Avni Zahiti, tha se në aksident janë përfshirë një kamion dhe dy vetura,

“Aksident trafiku me lëndime i shkaktuar sot rreth orës 13:25, në rrugën rajonale Skenderaj-Klinë, në segmentin rrugor në fshatin Llaushë. Në aksident janë përfshirë një kamion dhe dy vetura, përveç dëmeve materiale lëndime kanë pësuar dy persona,” ka thënë Zahiti.

Një burrë është paralajmëruar se përballet me një dënim të gjatë me burg pasi ndoqi një oficer policie me sharrë elektrike dhe u përpoq ta vriste atë.

Liridon Kastrati ishte akuzuar për përplasjen e një makine në një automjet policie dhe më pas ndoqi me sharrë elektrike oficerët më 6 maj të vitit të kaluar.

32-vjeçari mohoi një akuzë për përpjekje për të vrarë katër oficerë policie, por dje ai u shpall fajtor për një akuzë për tentativë vrasjeje në lidhje me një person, pas një gjyqi në Gjykatën e Lartë në Paisley.

Akuza e ndryshuar gjithashtu hoqi referencën për aksidentin me makinë.

Të hënën, Kastrati u lirua nga akuzat për thyerje të qetësisë, vjedhje të një makine dhe kundërvajtje rrugore kur prokuroria tërhoqi këto katër akuza, të cilat ai i kishte mohuar.

Kastrati do të dënohet më 19 dhjetor dhe gjykatësi Gallacher i tha atij të presë një “dënim të konsiderueshëm”.

Pamjet video të incidentit të tmerrshëm që u shfaqën në atë kohë tregonin Kastratin duke vrapuar në rrugë me sharrën elektrike në duar.

Trembëdhjetë persona, përfshirë një zjarrfikës, janë vrarë dhe të paktën 15 të tjerë ndodhen në gjendje kritike si pasojë e një zjarri të fuqishëm që po përfshin një kompleks banimi në lagjen Tai Po të Hong Kongut. Flakët kanë përfshirë edhe skelat prej bambuje nëpër shtatë blloqe, duke lënë shumë banorë të bllokuar brenda.

Re të mëdha tymi të errët u ngritën lart në qiell në vendngjarje, në Wang Fuk Court, të mërkurën, ndërsa flakët u përhapën me shpejtësi në shtatë nga tetë blloqet e kompleksit, shkruan South China Morning Post.

Policia tha se kishte marrë raportime për njerëz të bllokuar në ndërtesën ku nisi zjarri, përfshirë një burrë dhe një grua që raportohej se ishin të pavetëdijshëm dhe me djegie.

Wang Fuk Court, që ndodhet në lagjen Tai Po, është një nga 18 distriktet e Hong Kongut. Ky kompleks banimi përbëhet nga tetë ndërtesa dhe pothuajse 2,000 njësi banimi, dhe bën pjesë në programin qeveritar për strehim të subvencionuar.

Sipas faqes së internetit të pronës, kompleksi është i banuar që nga viti 1983.

Përfshihen nga zjarri disa kulla banimi në Hong Kong, humbin jetën katër persona