Komisioni Qendror i Zgjedhjeve ka prezantuar sot raportin e Listës Preliminare të Votuesve për zgjedhjet e parakohshme të 28 dhjetorit.
Kjo listë përmban 2,076,422 votues, prej të cilëve 1,067,499 burra dhe 1,008,923 gra.
Sipas një njoftimi të KQZ-së, ajo njëherësh përmban 7 mijë e 324 votues më shumë në krahasim zgjedhjet lokale të 12 tetorit.
KQZ-ja ka miratuar edhe sloganin e zgjedhjeve të parakohshme për Kuvendin e Kosovës i cili do të jetë “KOSOVA VOTON!”, thuhet në njoftim.
Ashtu si edhe pritej, Albin Kurti do të jetë kandidat për kryeministër i Lëvizjes Vetëvendosje për zgjedhjet e parakohshme të 28 dhjetorit.
Glauk Konjufca e nominoi atë para delegatëve.
“Të gjithë jeni duke thënë me siguri, kush do ta meritonte më shumë se ai?! Themelues i Lëvizjes Vetëvendosje, drejtues i saj nëpër të gjitha furtunat e kohës. Gjithnjë duke qenë i gatshëm të jap e sakrifikojë më së shumti nga ne të gjithë”, tha Konjufca.
Ylli brazilian Neymar e bylli sezonin parakohe me skuadrën e Santos-it.
Neymar pësoi dëmtim në meniskun e gjurit të majtë,ku nuk luajti në ndeshjen kundër Internacional.
Përndryshe Globo Esporte raporton se Neymar do të humb ndeshjet vendimtare,duke përfshirë këtu kundër Sport si dhe dy sfidat e fundit të sezonit dhe padyshim këto dëmtime jep sinjal se ish-ylli i Barcelonës mund të rrezikoj botërorin e vitit 2026 me Brazilin.
Kujtojmë që Neymar ka arritur të shënon vetëm 7 gola në të gjithë vitin 2025 për Santosin
Trajneri i Atletico Madrid-it Diego Simeone,ka folur për të ardhmen e tij në vitet e ardhshme.
Simeone ka deklaruar se ka lidhje emocionale me neuroazzurët në kohën sa ishte lojtar,dhe thotë se një ditë dëshiroj ta drejtoj Inter-in.
“ Nuk varet vetëm nga unë, por në karrierën time si trajner e imagjinoj veten duke drejtuar Interin një ditë. Mendoj se do të ndodhë një ditë”
Përndryshe kjo deklaratë e teknikut argjentinas ishte konsideruar si një lllojë bombe në Madrid,teksa në Milano e shohin si një lloj shprese që një ditë emërimi i Simeones do të bëhet realitet.
Kujtojmë që Diego Simeone si futbollist ka luajtur për Interin në vitet 1997-1999.
Cristiano Ronaldo ka bërë një gjest të veçantë për bashkëlojtarët e tij në Kombëtaren e Portugalisë, duke u dhuruar secilit prej tyre një orë luksoze të personalizuar nga “Jacob & Co”, për të festuar triumfin në Ligën e Kombeve.
Sipas raportimeve, këto ora luksoze kushtojnë midis 280,000 dhe 400,000 dollarë secila, gjë që e bën dhuratën edhe më mbresëlënëse.
Ylli i Al Nassr ka treguar gjithashtu një kujdes të veçantë për të nderuar kujtimin e Diogo Jotës, duke dërguar një orë të ngjashme edhe për familjen e sulmuesit të ndjerë të Liverpoolit. Më pak se një muaj para tragjedisë që i mori jetën, Jota ishte pjesë e skuadrës së Portugalisë që mposhti Spanjën në finalen e Ligës së Kombeve.
Pas humbjes së Jotës, Ronaldo shkroi në platformën X:
“Kjo nuk ka kuptim. Vetëm sa ishim bashkë në ndeshjet e kombëtares, dhe ti sapo ishe martuar. Te familja jote, gruaja dhe fëmijët e tu, u shpreh ngushëllimet e mia më të thella dhe gjithë forcën e botës. E di që gjithmonë do të jesh me ta. Prehu në paqe, Diogo dhe Andre. Do të na mungoni të gjithëve.”
Ronaldo njihet për zemërgjerësinë e tij dhe për dhuratat e shpeshta që u bën bashkëlojtarëve dhe stafit në klubet ku luan. /ATVLIVE.TV
Chelsea po përjeton një nga sezonet më mbresëlënëse të viteve të fundit, teksa skuadra e Enzo Maresca-s po arrin rezultate të larta në çdo front.
Blutë aktualisht renditen në vendin e dytë në Premier League, duke qëndruar fort në garë për titullin kampion. Forma e mirë e ekipit është reflektuar edhe në Evropë, ku Chelsea mban vendin e katërt në tabelën e Champions League, duke qenë në pozitë të favorshme për të kaluar më tej.
Sukseset nuk mbarojnë aty. Skuadra londineze ka siguruar edhe kualifikimin në çerekfinale të Carabao Cup, duke konfirmuar se Maresca po menaxhon me mjeshtëri rotacionin dhe ritmin e ndeshjeve.
Puna e trajnerit italian ka marrë vlerësime të shumta, pasi ai ka rikthyer identitetin, disiplinën taktike dhe entuziazmin në Stamford Bridge.
Një sezon fantastik deri tani për Enzo Maresca-n dhe ekipin e tij.
Britania e Madhe e ka fituar ndeshjen e parë në IHF Trophy për zonën evropiane, për vajzat deri në 17 vjet.
Të mërkurën pasdite në Pallatin e Rinisë në Prishtinë, Britania e Madhe e fitoi ndeshjen interesante me Azerbajxhanin me rezultat 32:27.
Nga ora 17:00, Kombëtarja e Kosovës luan me Bullgarinë. /ATVLIVE.TV
“Rreth orës 15:00 është raportuar për dy persona të lënduar në një ndërtesë në rrugën “B” në Prishtinë. Me të marrë informatën policia ka dalë në vendin e ngjarjes duke filluar menjëherë me ndërmarrjen e veprimeve hetimore me synim sqarimin e rrethanave të rastit. Në vendin e ngjarjes janë ftuar edhe mjekët emergjent të cilët kanë konstatuar vdekjen e njërit prej personave të lënduar, mashkull, 34 vjeç, ndërsa e lënduara femër, 30 vjeçare është dërguar për tretman mjekësor. Mbështetur në të dhënat fillestare, dyshohet se personat kanë pësuar lëndime nga një mjet i mprehtë, dyshohet thikë. Hetuesit policor po ndërmarrin të gjitha veprimet e duhura hetimore që do t’i kontribuonin hetimit të ngjarjes”, thuhej për rastin.
Mbi këtë ngjarje po atë ditë është deklaruar edhe Prokuroria, ku u tha se po bëhet gjithçka për të zbuluar rrethanat e ngjarjes, shkruan lajmi.net.
“Departamenti për Krime të Rënda, njofton opinionin publik, se sot, më datë 09.05.2025, rreth orës 03:00 në “Rrugën B” në Prishtinë, ka ndodhur një rast i rëndë, ku një (1) person mashkull ka humbur jetën, dhe trupi i pajetë është dërguar për obduksion në Institutin e Mjekësisë Ligjore. Prokurori kujdestar ka dalë në vendin e ngjarjes së bashku me njësitet relevante të Policisë së Kosovës, dhe ka urdhëruar ndërmarrjen e veprimeve të menjëhershme hetimore për ndriçimin e plotë të rastit. Lidhur me këtë rast, Prokuroria ka iniciuar procedurë penale me kallëzim penal si ‘’Hetim mbi vdekjen’’, për të sqaruar rrethanat e kësaj ngjarje. Prokuroria Themelore në Prishtinë, është duke ndërmarrë të gjitha veprimet e nevojshme hetimore për zbardhjen e plotë të rrethanave të këtij rasti tragjik”, thuhej në njoftimin e Prokurorisë.
Të njëjtën ditë, e lënduar kishte mbetur edhe bashkëshortja e Festim Isufit, tiktokerja, Rina Maloku. Ajo kishte dal e përgjakur dhe kishte kërkuar ndihmë në ordinancën dentare “Alba Dent”, e më pas ajo kishte pranuar tretman mjekësor, por që ishte lënduar lehtë.
Që nga maji e deri më sot, nuk janë dhënë detaje të tjera që mund të tregonin rrjedhën e kësaj ngjarjeje.
Sot, Prokuroria Themelore në Prishtinë, ka thënë për lajmi.net se e kanë pranuar raportin e autopsisë dhe se në lidhje me vdekjen tragjike të Festim Isufit kanë intervistuar disa persona.
Ata kanë treguar po ashtu se bashkëshortja e Festim Isufit, Rina Maloku nuk është e dyshuar.
“Lidhur me pyetjen tuaj, ju njoftojmë se Prokuroria Themelore në Prishtinë ka pranuar raportin e autopsisë dhe ka intervistuar disa persona. Nga të dhënat e deritanishme rezulton se nuk ekzistojnë dyshime të bazuara lidhur me këtë rast”,thuhet në përgjigje.
Përpos kësaj, u tha se Prokuroria po pret edhe disa prova shtesë, që do ndihmojnë në zbardhjen e plotë të çështjes.
“R.M. nuk është e dyshuar dhe ndaj saj nuk është nxjerrë aktvendim për fillimin e hetimeve. Megjithatë, Prokuroria është ende në pritje të disa provave shtesë, të cilat do të ndihmojnë në zbardhjen e plotë të çështjes”.
Menjëherë pasi ndodhi rasti, qytetarët në Kosovë kishin zhvilluar pista të ndryshme se si kishte mundur të ndodhte ngjarja. Ata shpesh e kishin fajësuar dhe e kishin shfaqur si të dyshuar bashkëshorten e Festim Isufit, Rina Malokun, e cila që kur ka ndodhur ngjarja kishte reaguar vetëm njëherë dhe më nuk kishte qenë aktive në rrjete sociale.
Në një reagim prekës në Instagram, Rina, bashkëshortja e ndjerë e Festimit, të nesërmen, më 10 maj, ka publikuar një fotografi me të në InstaStory, duke i dhënë lamtumirën me fjalë të dhimbshme: “Prehu i qetë jeta jem, humbja jote e papritshme na ka lënë me dhimbje të papërshkrueshme. Të du e të kujtoj si njeri të mirë, të buzëqeshur si ishe”.
Dyshime se në këtë rast ka qenë i përfshirë edhe një person i tretë, ka nxitur vëllai i viktimës, Lulzim Isufi.
“Sipas informatave që kam vetë unë personalisht, pa prokurori, pa asgjë, me sa e di unë, këtu është i përfshirë një i tretë. Ama pa qenë 100 për qind i sigurt, nuk mund të them më shumë”, ishte shprehur ai pak pasi kishte ndodhur rasti.
Vëllai i stilistit të njohur theksoi më tej: “Besoj që edhe prokuroria e di që ka edhe të tjerë të përfshirë. Ne nuk i përzihemi prokurorisë çka bën, por me sa kam informacion, është edhe një i tretë i përfshirë. Kam thënë që po dyshoj, mirëpo tani në bazë të informacioneve që kam, po besoj që kjo është e sigurt”.
Rina dhe Festimi, që të dy kanë qenë dy personazhe të njohura dhe aktive në media sociale. Festim Isufi ka qenë emër i njohur në dizajn, duke sjell gjithnjë vepra të reja shumë kreative.
Komisioni Qendror i Zgjedhjeve ka vendosur që të krijohen hapësira shtesë për të votuar në zgjedhjet e 28 dhjetorit, jashtë hapësirave diplomatike.
Ky ishte propozim i MPJD, e cila u përkrah nga ana e Lëvizjes Vetëvendosje, dhe që e njëjta u kundërshtuar nga Partia Demokratike e Kosovës, Lidhja Demokratike e Kosovës dhe Aleanca për Ardhmërinë e Kosovës.
Megjithatë, lista e qendrave u hodh në votim e plotë ashtu siç kërkoi VV’ja, ku morri 6 vota pro, dhe ku vota përcaktuese ishte vota e anëtares turke, Mufera Sinik.
Ndryshe, partitë ish-opozitare kërkuan qe votimi të mbahet vetëm në përfaqësi diplomatike. Më saktësisht në 50 përfaqësi diplomatike me 66 vendvotime në 36 shtete, me numër maksimal prej 63 mijë votuesve.
Ushtria amerikane – dhe shtete të tjera të fuqishme – dyshohet se kanë përdorur armë bërthamore për të rrëzuar UFO-t, me qëllim marrjen e teknologjisë së tyre të supozuar.
Pretendimet vijnë nga regjisori Dan Farah, i cili thotë se ka kaluar katër vite duke intervistuar fshehurazi zyrtarë të nivelit të lartë të qeverisë amerikane dhe ushtrisë.
Duke folur në podcast-in e Joe Rogan, Farah deklaroi se burimet e tij, të përfshira në “rekuperimin e UFO-ve”, i kanë treguar se testet bërthamore të viteve ’50 janë përdorur për të “çaktivizuar” anije jashtëtokësore.
Sipas tij, SHBA ka kryer testime bërthamore në lartësi të mëdha me qëllim të “gjuajtjes” së UFO-ve, ndërsa më pas edhe Rusia ka ndjekur të njëjtën strategji. Farah paralajmëroi se kjo praktikë është “shokuese”, pasi rrezikon konflikt bërthamor ose përballje me një specie më inteligjente.
Megjithatë, deri më tani as Farah dhe as personat që intervistohen në dokumentar nuk kanë ofruar prova fizike për UFO-t apo një komplot qeveritar. Qeveria amerikane vazhdon të deklarojë se nuk ka “asnjë dëshmi të verifikueshme” për jetë jashtëtokësore apo për rikuperimin e anijeve të tyre.
Departamenti i Energjisë i SHBA-së raporton se vendi ka kryer mbi 1,000 teste bërthamore nga viti 1945 deri në 1992, përfshirë disa shpërthime në lartësi mbi 50 km dhe të tjera nën ujë gjatë Luftës së Ftohtë. Farah pretendon se pikërisht këto teste lidhen me raportimet për rritje të shfaqjeve të UFO-ve në ajër dhe në oqeane.
Podkasti përmendi gjithashtu deklaratat e kongresmenit Tim Burchett, i cili ka aluduar për ekzistencën e “bazave të UFO-ve nënujore” pranë bregut amerikan – por as ai nuk ka ofruar prova.
Farah thotë se disa zyrtarë amerikanë, përfshirë senatorin Marco Rubio dhe ish-Drejtorin e Inteligjencës Kombëtare James Clapper, janë të shqetësuar se SHBA, Rusia dhe Kina po garojnë për të reverse-inxhinieruar teknologji të supozuar jo-njerëzore – një “Luftë e Ftohtë” e re, shumë më e rrezikshme se ajo bërthamore.
Pretendohet se presidenti Donald Trump ka kërkuar hetime të mëtejshme mbi këto akuza, por nuk ka asnjë konfirmim zyrtar.