ATV

Blog

  • Arresti kardiak: Çfarë është, pse ndodh dhe pse minutat e para janë vendimtare

    Arresti kardiak: Çfarë është, pse ndodh dhe pse minutat e para janë vendimtare

    Arresti kardiak është një nga emergjencat më të rënda mjekësore dhe një nga shkaqet kryesore të vdekjeve të papritura në mbarë botën. Ndodh kur zemra ndalon papritur së rrahuri në mënyrë efektive, duke bërë që gjaku të mos qarkullojë më drejt trurit dhe organeve të tjera jetike.

    Brenda pak minutash, mungesa e oksigjenit mund të shkaktojë dëm të parikthyeshëm dhe, nëse nuk ndërhyhet menjëherë, vdekje.

    Çfarë e shkakton arrestin kardiak?

    Arresti kardiak mund të shkaktohet nga shumë faktorë, por zakonisht lidhet me çrregullime elektrike të zemrës. Këtu janë disa nga shkaqet më të zakonshme:

    1. Aritmitë e rënda kardiake

    Shkaku më i shpeshtë është një ritëm i çrregullt dhe i rrezikshëm i zemrës si:

    Fibrilacioni ventrikular – zemra “dridhet” pa pompuar gjak.
    Takikardia ventrikulare – zemra rreh shumë shpejt dhe humbet funksionin e saj.
    Këto çrregullime vijnë shpesh papritur, edhe tek njerëz që nuk kanë pasur simptoma më parë.

    2. Infarkti i miokardit (ataku në zemër)

    Një bllokim i arterieve të zemrës mund të shkaktojë dëme të rënda dhe të çojë në arrest kardiak. Në shumë raste, arresti ndodh gjatë ose menjëherë pas një infarkti.

    3. Sëmundjet e padijagnostikuara të zemrës

    Kardiomiopatia, zmadhimi i zemrës, defektet e lindura të zemrës dhe sëmundjet gjenetike që prekin ritmin janë ndër shkaqet që shpesh zbulohen vetëm pas një episodi.

    4. Shkaktarë të jashtëm

    Arresti kardiak mund të ndodhë edhe për arsye që nuk lidhen drejtpërdrejt me sëmundjet e zemrës, si:

    Mbidozë me droga ose alkool
    Goditje elektrike
    Alergi të rënda (anafilaksi)
    Çrregullime të rënda të elektroliteve
    Trauma të forta fizike

    5. Stresi ekstrem fizik dhe emocional

    Në raste të rralla, një stres shumë i madh emocional ose fizik mund të shkaktojë një reagim të tepruar të sistemit nervor dhe të çojë në arrest kardiak, veçanërisht te individët me predispozicion.

    Simptomat që i paraprijnë arrestit kardiak

    Shpesh arresti ndodh pa paralajmërim, por në disa raste paraprihet nga:

    marramendje e papritur
    humbje e vetëdijes
    dhimbje e fortë gjoksi
    rrahje të çrregullta të zemrës
    vështirësi në frymëmarrje

    Por edhe kur shfaqen, simptomat mund të jenë shumë të shpejta dhe të paqarta.

    Pse minutat e para janë vendimtare?

    Pa qarkullim gjaku, truri fillon të dëmtohet pas 4–6 minutash.

    Ndërhyrja e shpejtë është jetike:

    thirrja e ambulancës
    masazhi kardiak (CPR)
    përdorimi i defibrilatorit (AED) nëse është i disponueshëm

    Sa më e shpejtë ndërhyrja, aq më të larta janë shanset për mbijetesë.

  • Fotografia “e shëmtuar” e Rihannës po qarkullon në internet, reagon artistja

    Fotografia “e shëmtuar” e Rihannës po qarkullon në internet, reagon artistja

    Edhe pse jemi mësuar që Rihanna të duket gjithmonë perfekte, një foto e saj që është bërë sërish virale këto ditë e tregon atë në një version paksa më ndryshe.

    Këngëtarja dhe sipërmarrësja e famshme nuk mungoi të komentonte në postimin që ka përmbytur rrjetet sociale.

    Llogaria e njohur e Instagram-it, Fembase, e mbushur me meme, e cila ka mbi gjysmë milioni ndjekës, postoi një foto të Rihannës të bërë në vitin 2011 në Festivalin V. Në foto, Rihanna kishte flokë të kuq. Fotografia u bë gjithashtu virale atëherë sepse zbulonte një shenjë në mjekër që shumë nuk e kishin vënë re kurrë më parë.

    Këtë herë Fembase e përdori atë për një postim me titull: “Gratë nuk e kuptojnë se sa shumë i duan të dashurit e tyre fotot ‘e këqija’ të tyre”.

    Me sa duket, Rihanna nuk e pranoi shumë mirë faktin që përfundoi si shembull i kësaj teorie. Tre ditë pas njoftimit, ajo shkroi shkurtimisht në Twitter nga profili i saj @badgalriri: “Si përfundova unë në këtë histori?”

  • A do të ketë koalicion me Vetëvendosjen? – flet Kusari – Lila

    A do të ketë koalicion me Vetëvendosjen? – flet Kusari – Lila

    Kryetarja e Alternativës Mimoza Kusari – Lila, në emisionin DPT te Fidani ka folur rreth situatës politike në vend si dhe zgjedhjeve të reja.

    Ajo foli edhe rreth asaj se a do të ketë koalicion parazgjedhor me Lëvizjen Vetëvendosje.

    Kusari – Lila deklaroi se ky koalicion do të zyrtarizohet edhe në KQZ.

    “Deri më tani kemi qenë pjesë e listës, tash prapë garojmë me një listë të përbashkët, por koalicioni është i regjistruar”, deklaroi ajo.

    Ish-shefja e Grupit Parlamentar të VV-së shtoi se nuk ka rëndësi rreth emrit të koalicionit, por sipas saj është e rëndësishme që partitë të regjistrohen si entitete të ndara.

  • A është i sigurt dhe i shëndetshëm zbardhimi i dhëmbëve?

    A është i sigurt dhe i shëndetshëm zbardhimi i dhëmbëve?

    Goja dhe dhëmbët e bukur janë padyshim një nga sekretet e një pamje dhe buzëqeshje po ashtu të bukur. Megjithatë ndodh jo rrallë herë që përgjatë përditshmërisë, dhëmbët shpesh të humbasin ngjyrën e tyre të bardhe e të shndritshme. Kjo për shkak të ushqimeve, pijeve apo për një sërë arsyesh të tjera që mun dtë lidhen edhe me gjenetikën apo sëmundje. Zgjidhja për këtë është trajtimi i dhëmbëve dhe zbardhja e tyre sa në kushtet e shtëpisë ashtu edhe tek dentisti. Rezultati përfundimtar ndodh që të jetë i kënaqshëm, por a e dini se si ndikon kjo në shëndetin afatgjatë të dhëmbëve tuaj?

    Çfarë është zbardhja e dhëmbëve

    Zbardhimi i dhëmbëve mund të bëhet në disa mënyra, duke filluar që nga ai profesionali që kryeht tek dentist deri tek metodat më popullore natyrale. Metoda më e shpejtë dhe efikase është ajo e zbardhjes tek dntisti me solucione dhe aparatura të posaçme. Është më efikase pasi ndryshimin mund ta shikoni menjëherë më pas që në senacat e para dhe me gjasë do të zgjasë më shumë në krahasim me metodat natyrale. Për njerëzit që kanë një ngjyrim mesatar e gjithë procedura mun dtë mbarojë në vetëm një orë dhe dhëmbët e tyre të jenë të bardhë e të shkëlqyeshëm si të rinj. Dhëmbët zbardhen me hidrogjen peroksidi i cili konsidoret si i shëndetshëm për përdorim nga ekspertët. Megjithatë kjo nuk është gjithçka që duhet të dini për këtë mënyrë zbardhje.

    A ka efekte anësore

    Siç edhe shpjeguam më lartë, kjo metodë konsiderohet si e sigurtë për t’u përdorur nga stomatologët dhe mjekët. Gjithësesi nëse i nënshtroheni një procedure të tillë, duhet të kini parasysh se mund të ketë efekte anësore mbi ju. Së pari dhëmbët tuaj do të bëhen më të ndjeshëm ndaj faktorëve të jashtëm, përfshirë këtu edhe ushqimin. Këtë ndryshim të dhëmbëve tuaj, do ta ndjeni menjëherë pas sencave të para, por në shumicën e rasteve mjekët shpjegojnë se kjo ndjesi kalon.

    Ekspertët shpjegojnë se me gjasë do të keni ndjesi të shtuara të të ftohtit dhe të ngrohtit teksa konsumoni ushqime. Nëse keni probleme të tilla pas zbardhimit profesional, dentisti mund t’ju sugjerojë të përdorni kalium nitrati apo xhel me flour. Së dyti mishrat e dhëmbëve tuaj mund të irritohen pas këtij procesi. Kjo mund të ndodhë për shkak të kontaktit të produktit zbardhues me mishrat. Pra nëse jeni një person që vuani nga mishrat e dhëmbëve, zbardhimi i dhëmbëve mund të mos jetë për ju. Po ashtu mund të ndjeni mpirje të dhëmbëve, inflamacion apo irritim. Ky proces sipas dentistëve, kryhet vetëm në dhëmbë natyralë dhe jo më shumë se 1-2 herë përgjatë vitit, pasi mund të shkaktojë efekte anësore të vazhdurshme.

  • Shpërthen granata e dorës, vdes një person në Zubin Potok

    Shpërthen granata e dorës, vdes një person në Zubin Potok

    Një person ka vdekur në Zubin Potok si pasojë e shpërthimit të granatës së dorës.

    Për këtë rast është deklaruar Petrit Fejza, shef i operacioneve të policisë në veri.

    “Rreth orës 16:45 kemi pranuar një informacion se një person dyshohet të ketë vdekur si pasojë e një shpërthimi. Kemi shkuar në vendin e ngjarjes, ku brenda një shtëpie e kemi gjetur një person të vdekur, sipas të gjitha gjasave nga shpërthimi i granatës së dorës”, deklaroi Fejza.

    “Në vendin e ngjarjes janë njësitë relevante të cilat po e hetojnë rastin. Rasti po cilësohet si “Hetim i vdekjes”. Pas hetimeve fillestare do të bëhen të ditura edhe detaje të tjera”.

  • Arrestohet në Prishtinë shtetasi i huaj i kërkuar nga Interpoli me urdhër-arrest ndërkombëtar, Policia jep detaje

    Arrestohet në Prishtinë shtetasi i huaj i kërkuar nga Interpoli me urdhër-arrest ndërkombëtar, Policia jep detaje

    Policia e Kosovës, ka njoftuar se është arrestuar një person i kërkuar me urdhër arrest ndërkombëtar.

    I arrestuari, me shtetësi të huaj, ka qenë në kërkim nga INTERPOL-i me urdhër arrest ndërkombëtar të lëshuar nga autoritetet e një shteti tjetër, për dyshime lidhur me kryerjen e veprave penale që lidhen me shfrytëzim të miturve dhe privim të paligjshëm të lirisë.

    Komunikata:

    Prishtinë, 26 nëntor 2025

    Policia e Kosovës, Drejtoria për Bashkëpunim Ndërkombëtar Policor, përkatësisht njësiti i specializuar FAST, ka realizuar me sukses arrestimin e një personi të kërkuar me urdhër arrest ndërkombëtar.

    Sot, më 26.11.2025, rreth orës 13:30, zyrtarët policorë të kësaj drejtorie, në koordinim me njësitë tjera relevante të Policisë së Kosovës, kanë ndaluar një person me shtetësi të huaj, i cili ishte i kërkuar nga INTERPOL-i me urdhër arrest ndërkombëtar të lëshuar nga autoritetet e një shteti tjetër, për dyshime lidhur me kryerjen e veprave penale që lidhen me shfrytëzim të miturve dhe privim të paligjshëm të lirisë.

    Personi i arrestuar është shoqëruar për procedura të mëtejme, ndërsa me vendim të prokurorit kujdestar i është caktuar masa e ndalimit policor për 48 orë, për të vijuar pastaj me hapat e tjerë ligjorë sipas praktikave dhe marrëveshjeve ndërkombëtare për bashkëpunim policor.

    Policia e Kosovës mbetet e përkushtuar në realizimin e detyrave ligjore dhe bashkëpunimin ndërkombëtar në funksion të sigurisë së përgjithshme dhe luftimit të krimit pa kufij.

  • Seancë e jashtëzakonshme nesër në Kuvendin e Prishtinës për buxhetin 2026

    Seancë e jashtëzakonshme nesër në Kuvendin e Prishtinës për buxhetin 2026

    Kuvendi Komunal i Prishtinës do të mbajë gjatë ditës së nesërme një seancë të jashtëzakonshme.

    Në këtë seancë do të diskutohet lidhur me mjetet vetanake dhe buxhetin për vitin 2026.

    Sipas njoftimit, seanca do të fillojë në ora 15:00.

  • Erdogan nderohet me Çmimin Evropian të OBSH-së për punën humanitare të Turqisë në Palestinë

    Erdogan nderohet me Çmimin Evropian të OBSH-së për punën humanitare të Turqisë në Palestinë

    Presidenti turk, Recep Tayyip Erdogan, ka marrë Çmimin për Evropën të Organizatës Botërore të Shëndetësisë (OBSH) për përpjekjet humanitare të Turqisë për palestinezët dhe rolin e saj në lehtësimin e evakuimeve mjekësore nga Gaza.

    Çmimi u dha nga Drejtori Rajonal i OBSH-së për Evropën, Hans Kluge, gjatë Kongresit të 11-të Botëror Mjekësor Turk në Ankara të mërkurën.

    Në fjalën e tij në ceremoni, Erdogan kritikoi heshtjen e bashkësisë ndërkombëtare për shkatërrimin e spitaleve dhe vrasjen e pacientëve, punonjësve të shëndetësisë dhe foshnjave në Gaza gjatë dy viteve të fundit, shkruajnë mediat e huaja.

    “Sigurisht që nuk do të jetë e lehtë për botën të largohet nga një realitet ku, për dy vjet të plota, mbeti spektatore ndërsa spitalet në Gaza u bombarduan dhe pacientë, punonjës të shëndetësisë, fëmijë dhe madje edhe foshnja të pafajshme në inkubatorë u vranë”, tha ai.

    Erdogani shtoi se bota do të bëhej “një parajsë” ditën kur njerëzimi do të ndajë gëzimin kolektiv të shpëtimit të një jete dhe do të festojë mbërritjen e sigurt të çdo të porsalinduri si lumturinë e vet.

    “Kjo është pikërisht ajo për të cilën po punojmë”, tha ai.

    Erdogan theksoi se Turqia e ka riorganizuar sistemin e saj të kujdesit shëndetësor në 23 vitet e fundit, duke e shndërruar atë në një rrjet të përhapur, me cilësi të lartë dhe të përballueshëm që i shërben të gjithë popullsisë.

    Ai vuri në dukje se vendi tani ofron shërbime të klasit të parë për 86 milionë njerëz me mbështetjen e më shumë se 1.47 milionë personelit shëndetësor.

  • Adelina Ismaili dekorohet me mirënjohje presidenciale nga Osmani

    Adelina Ismaili dekorohet me mirënjohje presidenciale nga Osmani

    Sonte, në mbrëmjen gala të mbajtur në AMC Hall, një nga momentet më emocionuese të recitalit të Adelinë Ismailit erdhi para se të niste koncerti.

    Presidentja e Kosovës, Vjosa Osmani, i ka dorëzuar këngëtares së njohur Mirënjohjen Presidenciale, në shenjë vlerësimi për kontributin e jashtëzakonshëm të saj në muzikën shqiptare ndër vite.

    Në fjalimin e saj, Presidentja Osmani ka çmuar thellë figurën artistike të Adelinës, duke e cilësuar si një nga ikonat më të mëdha të skenës sonë muzikore. Ajo theksoi se Adelina, e njohur gjerësisht si diva e muzikës moderne shqiptare, ka qenë frymëzim për disa gjenerata dhe një zë i fuqishëm artistik e shoqëror.

    Ky moment vjen në kuadër të jubileut të madh të artistes, e cila këtë vit shënon 40 vjet karrierë – një rrugëtim që e ka bërë atë simbol të identitetit dhe emocioneve muzikore shqiptare. Në kuadër të këtij përvjetori, Adelina ka publikuar edhe mini-albumin e saj më të ri, të titulluar “Grua”, një projekt që është pritur me entuziazëm nga publiku.

    Koncerti recital pritet të sjellë një performancë të veçantë, duke rikthyer këngët dhe momentet më kulmore të karrierës së saj të pasur.

  • Kosova U17 në hendboll konkurrenca e femrave pëson humbje nga Bullgaria

    Kosova U17 në hendboll konkurrenca e femrave pëson humbje nga Bullgaria

    Kombëtarja e Kosovës U17 në hendboll në konkurrencën e femrave pësoi humbje nga Bullgaria me rezultat 25:17,në kuadër të IHF Trophy për zonën evropiane.

    Njëherësh kjo ishte ndeshja e parë e “dardaneve”në këtë garë,ku pritet një garë tejet e fortë, dhe kombëtarja që fiton fazën ndërkontinentale kualifikohet në botërorin e kësaj grupmoshe.

    Kujtojmë që ndeshjen e rradhës Kosova U17 e zhvillon ndaj Azerbajxhanit me fillim nga ora 17:00,dhe të gjitha takimet zhvillohen në Pallatin e Rinisë dhe të Sporteve.