ATV

Blog

  • Prattipati takon kryetarët e komunave në veri: ShBA-ja pret qeverisje transparente dhe shërbime të barabarta për të gjitha komunitetet

    Prattipati takon kryetarët e komunave në veri: ShBA-ja pret qeverisje transparente dhe shërbime të barabarta për të gjitha komunitetet

    E Ngarkuara me punë në Ambasadën e ShBA-së në Prishtinë, Anu Prattipati ka takuar të martën kryetarët e katër komunave në veri, shkruan Reporteri.net.

    Prattipati ka theksuar pritshmëritë e ShBA-së për qeverisje transparente dhe ofrim të barabartë të shërbimeve për të gjitha komunitetet.

    “E ngarkuara me punë Anu Prattipati u takua sot me katër kryetarët e sapoinauguruar të Mitrovicës së Veriut, Zveçanit, Zubin Potokut dhe Leposaviqit, si dhe me përfaqësues të shoqërisë civile të serbëve të Kosovës në veriun e Kosovës. Ajo theksoi pritshmëritë e SHBA-së për qeverisje transparente dhe efektive, ofrim të barabartë të shërbimeve dhe rëndësinë e angazhimit me institucionet e sigurisë publike që janë të përkushtuara për t’u shërbyer të gjitha komuniteteve”, thuhet në njoftimin e ambasadës.

  • Goce Sedloski emërohet trajner i ri i Maqedonisë së Veriut, synon Kupën e Botës 2026

    Goce Sedloski emërohet trajner i ri i Maqedonisë së Veriut, synon Kupën e Botës 2026

    Goce Sedloski është emëruar trajneri i ri i kombëtares së Maqedonisë së Veriut në futboll. 51-vjeçari zëvendëson Blagoja Milevskin, pas skadimit të kontratës së tij dhe pritet të sjellë energji të re në ekip për të synuar një vend në Kupën e Botës 2026.

    Kreu i Federatës së Maqedonisë së Veriut, Masar Omeragic, komentoi zgjedhjen e Sedloskit:

    “Dua ta falenderoj publikisht Milevskin për rezultatet e deritanishme. Por ndryshimet ndodhin në futboll dhe ekipi ka nevojë për energji të re për të arritur play-off-in dhe për të synuar fazën finale të Kupës së Botës.”

    Maqedonia e Veriut do të marrë pjesë në play-off-in e marsit 2026, ku fillimisht do të përballet me Danimarkën dhe nëse kalon këtë rival, do të luajë ndaj fituesit të çiftit Çeki – Irlandë.

    Ekipi i Sedloskit do të përbëhet edhe nga disa futbollistë shqiptaro-maqedonas.

    Sedloski njihet në Shqipëri pasi gjatë sezonit 2023-24 drejtoi për disa muaj Vllazninë e Shkodrës, duke fituar përvojë të vlefshme në futbollin shqiptar. /ATVLIVE.TV

  • Zhduket një 55-vjeçare në Rahovec, policia kërkon ndihmën e qytetarëve për gjetjen e saj

    Zhduket një 55-vjeçare në Rahovec, policia kërkon ndihmën e qytetarëve për gjetjen e saj

    Policia e Kosovës ka njoftuar se një 55-vjeçare, Pemlushe Sadrijaj është zhdukur në Rahovec, dhe njëkohësisht po kërkon ndihmën e qytetarëve për të lokalizuar vendndodhjen e saj.

    55-vjeçarja është nga Rahoveci, derisa organet kompetente lusin qytetarët që kushdo që ka informacion për vendndodhjen e saj, të lajmërojë Policinë e Kosovës apo të lajmërohet në stacionin më të afërt policor.

    Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë), 039 432 327-Drejtoria Rajonale Pejë, E-mail adresa: [email protected].

  • Talenti 19-vjeçar i Logroñés, Rezola, bashkohet me Real Madridin

    Talenti 19-vjeçar i Logroñés, Rezola, bashkohet me Real Madridin

    Manex Rezola, mesfushori sulmues 19-vjeçar i ekipit Logroñés, do t’i bashkohet Real Madridit duke filluar nga janari, konfirmoi klubi i tij të martën. Talenti i ri, një nga lojtarët më premtues të La Riojas dhe objektiv i 15 klubeve gjatë këtij afati kalimtar, do të monitorohet nga afër nga trajneri i Castilla-s, Álvaro Arbeloa.

    Real Madridi ka paguar rreth 150,000 euro për klauzolën e lirimit të lojtarit. Ky transferim nënvizon përkushtimin e klubit ndaj zhvillimit të talenteve të reja spanjolle dhe rrit edhe më shumë reputacionin e La Riojas si një zonë prodhuese e lojtarëve premtues. /ATVLIVE.TV

  • Pasi fitoi Super Kupën, Napoli siguron 9,5 milionë euro shpërblim

    Pasi fitoi Super Kupën, Napoli siguron 9,5 milionë euro shpërblim

    Napoli mbylli vitin 2025 në mënyrën më të mirë të mundshme, duke fituar Superkupën e Italisë me rezultat 2-0 ndaj Bolonjës në Riad, të Arabisë Saudite.

    David Neres ishte protagonist me dy gola, ndërsa skuadra e Antonio Contes tregoi një dominim të plotë gjatë gjithë takimit, duke shpërblyer tifozët e Partenopeit.

    Fitimi i Superkupës solli për Napolin rreth 9,5 milionë euro, një shumë që pritet të rritet në 11 milionë euro pas ndeshjes miqësore kundër fituesit të Superkupës së Arabisë Saudite. Ky sukses vjen pas fitimit të Scudettos së dytë brenda tre viteve, duke bërë vitin 2025 një sezon historik për klubin.

    Trofeu jo vetëm që pasuron vitrinën e Napolit, por edhe forcon financat e klubit përmes shpërblimeve nga fondi prej 23 milionë eurosh të dedikuar për Superkupën e këtij viti. /ATVLIVE.TV

  • E konfirmon ZRrE-ja: Në mars merret vendimi për tarifat e reja energjetike

    E konfirmon ZRrE-ja: Në mars merret vendimi për tarifat e reja energjetike

    Zyra e Rregullatorit për Energji (ZRrE) e ka konfirmuar se në muajin mars do të merret vendimi për tarifat e reja energjetike të cilat do të hyjnë në fuqi në muajin prill.

    ZRRE tha se aplikimet për të hyrat e lejuara nga operatorët dhe furnizuesit e licencuar pritet të dorëzohen gjatë muajit janar.

    “ZRRE ju informon se procesi i shqyrtimit të tarifave të energjisë elektrike zhvillohet në disa faza rregullative. Aplikimet për të hyrat e lejuara nga operatorët dhe furnizuesit e licencuar pritet të dorëzohen gjatë javës së tretë të muajit janar 2026, pas së cilës ZRRE do të bëjë shqyrtimin rregullativ. Vendimi përfundimtar për tarifat pritet gjatë muajit mars 2026, ndërsa zbatimi i tarifave të reja, do të fillojë nga muaji prill 2026, në përputhje me kornizën ligjore në fuqi”, thonë në përgjigjen dhënë për RTV21.

    Aktualisht konsumatorët që shpenzojnë energji elektrike deri në 800 kilovat brenda një muaji paguajnë 9.05 centë për kilovat nga 7.79 centë sa ishte vitin e kaluar. Ndërkohë, ata që shpenzojnë më shumë se 800 kilovatë brenda një muaji, paguajnë 15.43 centë për kilovat nga 13.29 centë sa ishte vitin e kaluar. Ndërkohë, nga muaji maj konsumatorët e energjisë elektrike do të pranojnë faturat e tyre me tarifa të reja të cilat pritet të hyjnë në fuqi në prill të vitit 2026.

  • Raphinha dhe bashkëshortja e tij shpërndajnë gëzim në Brazil për festat e fundvitit

    Raphinha dhe bashkëshortja e tij shpërndajnë gëzim në Brazil për festat e fundvitit

    Futbollisti brazilian Raphinha, së bashku me bashkëshorten e tij Natalia, kanë dhënë një shembull të bukur humanizmi në prag të Krishtlindjeve, duke organizuar një aktivitet bamirësie në Brazil për familjet në nevojë.

    Çifti organizoi një ngjarje të veçantë ku u shpërndanë ushqime dhe dhurata për dhjetëra familje më pak fatlume, duke sjellë buzëqeshje dhe shpresë në shtëpitë e tyre gjatë kësaj periudhe festive. Atmosfera ishte e mbushur me emocione, ndërsa fëmijët dhe prindërit u pritën me ngrohtësi dhe dashuri.

    Ky veprim fisnik vlerësohet si një tjetër dëshmi se përtej fushës së blertë, Raphinha vazhdon të tregojë zemër të madhe edhe jashtë saj. Gjestet e tilla të solidaritetit janë bërë gjithnjë e më të rëndësishme në botën e sportit, duke shërbyer si frymëzim për shumë të tjerë.

    Në prag të Krishtlindjeve, iniciativa e Raphinhës dhe Natalias përcjell një mesazh të fuqishëm: futbolli nuk është vetëm lojë dhe konkurrencë, por edhe humanizëm, ndihmë dhe dashuri për ata që kanë më shumë nevojë.

  • Policia e Kosovës me aksion në Leposaviq – sekuestrohen armë, municion dhe pajisje ushtarake

    Policia e Kosovës me aksion në Leposaviq – sekuestrohen armë, municion dhe pajisje ushtarake

    Policia në Veri të Mitrovicës, përkatësisht në Stacionin Policor Leposaviq, me datat 19.12.2025 dhe 20.12.2025, janë iniciuar dy (2) raste për veprën penale “Mbajtje në pronësi, kontroll ose posedim i paautorizuar i armëve”.

    Rasti I

    Me datë 19.12.2025, rreth orës 22:07, zyrtarë policorë nga Njësia për Ndërhyrje të Shpejtë (NJNSH), gjatë patrullimit në fshatin Rvatska, Komuna e Leposaviqit, në një shtëpi të pabanuar kanë gjetur dhe sekuestruar:

    1 (një) armë gjuetie,

    1 (një) karabinë,

    1 (një) armë të llojit AK-47,

    240 (dyqind e dyzet) fishekë,

    1 (një) palë dylbi.

    Si rrjedhojë e procedurave hetimore, më datë 22.12.2025, zyrtarët policorë në objektet përcjellëse të shtëpisë kanë gjetur dhe sekuestruar edhe:

    1 (një) pushkë ajrore,

    mekanizëm për barut,

    1 (një) thikë ushtarake,

    1 (një) frotroll për revole.

    Lidhur me rastin, të gjitha veprimet janë ndërmarrë në koordinim me Prokurorin e Shtetit, i cili ka udhëzuar inicimin e rastit penal për veprën penale “Mbajtje në pronësi, kontroll ose posedim i paautorizuar i armëve”.

    Aktualisht nuk ka persona të arrestuar dhe rasti është në procedurë hetimore.

    Rasti II

    Me datë 20.12.2025, rreth orës 06:45, Policia ka arrestuar personin R.R. (1965), pasi gjatë kontrollit në shtëpinë e tij në fshatin Veacev, Komuna e Leposaviqit, janë gjetur dhe sekuestruar:

    1 (një) pushkë gjuetie,

    1 (një) pushkë gjysmë automatike,

    1 (një) bombë dore,

    2 (dy) tromblona, fishekë të kalibrave të ndryshëm, pajisje të ndryshme ushtarake (çantë, xhaketë, thikë, etj).

    Me urdhër të Prokurorit të Shtetit, pas inicimit të rastit, i dyshuari është liruar në procedurë të rregullt.

    Policia e Kosovës mbetet e përkushtuar në luftimin e posedimit të armëve të zjarrit, duke vepruar në funksion të ruajtjes së rendit, paqes dhe sigurisë së përgjithshme për të gjithë qytetarët pa dallim.

  • Kjo është gjendja në pikat kufitare

    Kjo është gjendja në pikat kufitare

    Tashmë disa ditë shumë bashkatdhetarë kanë mësyrë vendlindjen e tyre Kosovës.

    Kjo ka bërë që të krijohen pritje të gjata dhe kolona në disa pika kufitare.

    Sipas Qendrës Kombëtare për Menaxhimin Kufitar, pritjet më të mëdha variojnë te “Dheu i Bardhë” nga 35-45 minuta, ndërsa kolonat janë deri në 150 metra.

    Sakaq, në pikat e tjera kufitare pritjet variojnë nga 3 deri në 15 minuta.

  • Listës Serbe i shqiptohet gjobë prej 20 mijë eurosh nga PZAP

    Listës Serbe i shqiptohet gjobë prej 20 mijë eurosh nga PZAP

    Paneli Zgjedhor për Ankesa dhe Parashtresa (PZAP) ka gjobitur me 20 mijë euro subjektin politik Lista Serbe, për shkelje të Kodit të Etikës dhe Mirësjelljes gjatë fushatës zgjedhore.

    Sipas vendimit të PZAP-së, ankesa është paraqitur nga subjekti politik Kosovski Savez, i cili ka pretenduar se në komunën e Leposaviqit, në disa lokacione të ndryshme, Lista Serbe ka vendosur materiale propagandistike në kundërshtim me ligjin. Për këto pretendime, Lista Serbe nuk ka dorëzuar përgjigje ndaj ankesës.

    Paneli ka vlerësuar se ankesa është e bazuar, duke theksuar se ankuesi ka bashkëngjitur fotografi si dëshmi të vendosjes së materialeve promovuese. Sipas vendimit, materialet ishin vendosur në hapësira publike, përfshirë shtylla elektrike, parqe, stacione autobusi, mbikalime, trafo-stacione elektrike dhe rrugë publike.

    Në arsyetim thuhet se vendosja e materialeve promovuese pa leje të organeve kompetente përbën shkelje të legjislacionit zgjedhor. PZAP ka obliguar Listën Serbe që menjëherë t’i largojë posterët dhe materialet e tjera zgjedhore, duke paralajmëruar se moszbatimi i këtij vendimi mund të sjellë sanksione shtesë.