ATV

Blog

  • Aksident i rëndë në Miami – Motra e Messit detyrohet të shtyjë dasmën

    Aksident i rëndë në Miami – Motra e Messit detyrohet të shtyjë dasmën

    Motra e Lionel Messit, Maria Sol Messi, është detyruar të shtyjë dasmën e planifikuar më 3 janar, pasi ka pësuar një aksident të rëndë trafiku në Miami.

    Sipas mediave argjentinase, 32-vjeçarja ka humbur kontrollin e automjetit dhe është përplasur me një mur, duke pësuar fraktura në shtyllën kurrizore dhe djegie. Megjithatë, ajo nuk është në rrezik për jetën dhe tashmë ka nisur rehabilitimin në Rosario, sipas konfirmimit të familjes.

    Dasma me Julian “Tuli” Arellano, anëtar i stafit trajner të ekipit U-19 të Inter Miamit, është shtyrë për një datë tjetër. Në ceremoni pritej të merrte pjesë e gjithë familja Messi, përfshirë edhe yllin e Inter Miamit.

    Familja ka bërë të ditur se prioritet mbetet shërimi i plotë i Maria Sol. /ATVLIVE.TV

  • Finale dramatike në Prishtinë – Drita, Lidhja e Prizrenit dhe TTC Ferizaj shpallen fitues

    Finale dramatike në Prishtinë – Drita, Lidhja e Prizrenit dhe TTC Ferizaj shpallen fitues

    Të dielën në Palestrën e Fakultetit të Edukimit Fizik dhe Sportit, në Prishtinë është mbajtur gara për Kupën e Kosovës për kategorinë e seniorëve (M&F) dhe atë të juniorëve (U15M).

    Te seniorët, favoritët: Drita (F) dhe Lidhja e Prizrenit (M) titullit të Kampionit të garave ekipore ia kanë shtuar edhe trofeun e Kupës, për vitin 2025.

    Te kategoria U15, favorite ishte skuadra kampione nga garat Ekipore 2025, KVPP Prizreni, por TTC Ferizaj, ka arritur që ta fitojë Kupën për edicionin 2025.

    Te seniorët, si te femrat Drita – Prishtina, ashtu edhe te meshkujt Lidhja e Prizrenit – Liria, në finale janë takuar rivalët e njëjtë sikur në edicionin 2024.

    Paraprakisht, në ndeshjet gjysmëfinale, Drita e ka mundur Lirinë e Prizrenit me 3:0, kurse Prishtina e ka mundur Ahmet Hoxhën me 3:1.

    Në finale, Drita me 3:1 e ka mundur Prishtinën, fituesin e edicionit 2024.

    Te meshkujt, Lidhja e Prizrenit, në gjysmëfinalen e parë, e ka mundur Dardaninë me 3:1, kurse Liria me 3:0, ka fituar ndaj Shkolla Prizrenit.

    Në finale, u takuan dy skuadrat më të mira, aktualisht të Superligës dhe fitorja me rezultat të ngushtë 3:2 i ka takuar Lidhjes së Prizrenit, e cila e ka mbrojtur titullin e fituar para një viti.

    Në gjysmëfinalet e juniorëve, TTC Ferizaj e ka mundur Ahmet Hoxhën MK me 3:1, kurse KVPP Prizreni Gani Malokun me 3:0. Në finale janë takuar KVPP Prizreni, kampione e Ligës U15M dhe TTC
    Ferizaj, nënkampione. TTC në finalen e sotme tregoi lojë më të mire se rivali (3:1) dhe me meritë e fitoi Kupën për herë të parë.

    FPPK falënderon edhe KPP Dardania për bashkëpunimin në organizim dhe përgaditje të shkëlqyer të arenës për lojë. /ATVLIVE.TV

  • Rrahje në Dumnicë të Podujevës, dërgohet në mbajtje një person

    Rrahje në Dumnicë të Podujevës, dërgohet në mbajtje një person

    Një person ka raportuar se pas një mosmarrëveshje është sulmuar fizikisht nga dy persona të tjerë.

    Sipas raportit 24 orësh të Policisë thuhet se rasti ka ndodhur të hënën rreth orës 07:35 në fshatin Dumnicë të Podujevës.

    Tutje në raport thuhet se njëri nga të dyshuarit është arrestuar, ndërsa tjetri nuk është hasur.

    “Ankuesi mashkull kosovar, ka raportuar se pas një mosmarrëveshje, është sulmuar fizikisht nga dy të dyshuar meshkuj kosovarë. Njëri nga të dyshuarit është arrestuar, ndërsa tjetri nuk është hasur. Me vendim të prokurorit, i dyshuari është dërguar në mbajtje”, thuhet në raport. /Telegrafi/

  • Muçi në superformë, 7 gola dhe 1 asist në 5 ndeshje

    Muçi në superformë, 7 gola dhe 1 asist në 5 ndeshje

    Në javën e 17-të të Superligës turke, vëmendja e tifozëve shqiptarë ishte tek Ernest Muçi, i cili po vazhdon të shkëlqejë me Trabzonsporin.

    Edhe pse skuadra e tij u mund 4-3 nga Gençlerbirliği, Muçi ishte protagonist. Në minutën e 50-të, ai asistoi për Augusto-n, duke barazuar përkohësisht rezultatin në 2-2. Megjithatë, Gençlerbirliği shënoi edhe dy gola të tjerë për të marrë avantazhin 4-2.

    Në minutën e 67-të, sulmuesi shqiptar shfrytëzoi një penallti të fituar dhe ngushtoi rezultatin në 4-3, që mbeti shifra përfundimtare.

    Me këtë gol, Muçi shkon në kuotën e 7 golave dhe një asist në pesë ndeshjet e fundit, duke u konfirmuar si lojtari më në formë i Trabzonsporit për momentin dhe një nga figurat kryesore të
    skuadrës në Superligën turke. /ATVLIVE.TV

  • Rusia sulmoi Kievin herët në mëngjes, Polonia ngre avionët luftarakë për të mbrojtur hapësirën ajrore

    Rusia sulmoi Kievin herët në mëngjes, Polonia ngre avionët luftarakë për të mbrojtur hapësirën ajrore

    Rusia sulmoi infrastrukturën energjetike të Kievit dhe Ukrainës herët këtë mëngjes, duke shkaktuar ndërprerje emergjente të energjisë elektrike dhe duke e shtyrë Poloninë, anëtare të NATO-s, të ngrinte avionë luftarakë për të mbrojtur hapësirën e saj ajrore, dy ditë pas përfundimit të bisedimeve të paqes të ndërmjetësuara nga SHBA-të në Miami.

    Bisedimet e paqes, të mbajtura gjatë fundjavës në Miami , përfshinë zyrtarë amerikanë, delegacione ukrainase dhe evropiane, si dhe kontakte të ndara me përfaqësues rusë. Në orën 08:20 u shpallën alarme për sulme ajrore në pjesën më të madhe të Ukrainës, sipas Forcave Ajrore të vendit.

    Mbeturinat ranë pranë një ndërtese banimi në lagjen Sviatosinsky të Kievit, duke thyer dritaret, tha kryebashkiaku Vitali Klitschko nëpërmjet Telegramit.

    Ministria e Energjisë e Ukrainës tha se ndërprerje emergjente të energjisë elektrike kishin ndodhur në një numër rajonesh, përfshirë Kievin dhe zonën përreth, pasi Rusia sulmoi përsëri objektet e energjisë.

    Kompania shtetërore e energjisë e Ukrainës, Ukrenergo, raportoi një “sulm masiv me raketa dhe dronë” dhe tha se punimet e restaurimit do të fillonin sapo situata e sigurisë ta lejonte.

    Rusia ka goditur vazhdimisht rrjetin dhe objektet e energjisë të Ukrainës në luftën gati katërvjeçare, duke intensifikuar sulmet në dimër për të ndërprerë energjinë elektrike dhe ngrohjen, për të tendosur furnizimet dhe ekonominë, si dhe për të rritur presionin mbi Kievin.

    Polonia, një anëtare e NATO-s që kufizohet me Ukrainën perëndimore, njoftoi se avionë polakë dhe aleatë u vendosën për të mbrojtur hapësirën ajrore polake pasi sulmet ruse shënjestruan zona të Ukrainës perëndimore pranë kufirit.

    “Këto masa janë parandaluese dhe synojnë të sigurojnë dhe mbrojnë hapësirën ajrore”, tha Komanda Operacionale Polake nëpërmjet X.

  • Tentoi t’i japë ryshfet një polici, një shtetas i Shqipërisë përfundon në pranga

    Tentoi t’i japë ryshfet një polici, një shtetas i Shqipërisë përfundon në pranga

    Një shtetas i Shqipërisë, është arrestuar në pikëkalimin kufitar në Vërmicë, pasi dyshohet se i kishte ofruar ryshfet një zyrtari policor gjatë kryerjes së detyrës zyrtare.

    Me vendim të prokurorit të shtetit, i dyshuari është dërguar në mbajtje, ndërsa rasti do të trajtohet nga organet kompetente.

  • KQZ mblidhet sot, ky është rendi i ditës

    KQZ mblidhet sot, ky është rendi i ditës

    Komisioni Qendror i Zgjedhjeve do të mbajë mbledhje sot nga ora 13:30.

    Ky është rendi i ditës.

  • Dhoma e Tregtisë alarmon: Bizneset po dëmtohen nga reduktimet e rrymës ditëve të fundit

    Dhoma e Tregtisë alarmon: Bizneset po dëmtohen nga reduktimet e rrymës ditëve të fundit

    Dhoma e Tregtisë dhe Industrisë Kosovë, ka thënë se reduktime të ashpra të rrymës po aplikohen thuajse në të gjithë vendin ditët e fundit.

    DhTIK thotë se ditëve të fundit është njoftuar nga një numër i madh i bizneseve anëtare se po përballen me ndërprerje të shpeshta dhe të pa planifikuara të energjisë elektrike, të cilat po shkaktojnë rritje të menjëhershme të kostove operative, humbje në prodhim dhe rrezikim të vazhdueshëm të funksionimit të tyre.

    Në reagim thuhet se kjo situatë është vazhdimësi e rëndimit edhe më tej të gjendjes së bizneseve nga rritja e çmimit të energjisë elektrike për 16.1% si dhe nga dalja e mbi 1300 bizneseve në tregun e hapur të energjisë.

    Po ashtu iu është bërë thirrje akterëve përgjegjës të sektorit energjetik që të ndërmarrin veprime urgjente dhe konkrete për stabilizimin e furnizimit me energji elektrike.

    “Dhoma e Tregtisë dhe Industrisë Kosovë shpreh shqetësimin e saj të thellë lidhur me reduktimet e ashpra të energjisë që po aplikohen thuajse në të gjithë vendit dhe pasojat serioze që kjo gjendje po shkakton për bizneset në vend.

    Gjatë ditëve të fundit, DhTIK është njoftuar nga një numër i madh i bizneseve anëtare se po përballen me ndërprerje të shpeshta dhe të pa planifikuara të energjisë elektrike, të cilat po shkaktojnë rritje të menjëhershme të kostove operative, humbje në prodhim dhe rrezikim të vazhdueshëm të funksionimit të tyre.

    Kjo situatë është vazhdimësi e rëndimit edhe më tej të gjendjes së bizneseve nga rritja e çmimit të energjisë elektrike për 16.1% për konsumatorët e rregulluar, si dhe nga dalja e mbi 1300 bizneseve në tregun e hapur të energjisë, zhvillime këto që tashmë kanë prodhuar dëme të konsiderueshme ekonomike dhe po ndikojnë negativisht në konkurrueshmërinë e sektorit privat.

    Me këtë rast, Dhoma e Tregtisë dhe Industrisë Kosovë u bën thirrje të gjithë akterëve përgjegjës të sektorit energjetik që të ndërmarrin veprime urgjente dhe konkrete për stabilizimin e furnizimit me energji elektrike, rritjen e transparencës në menaxhimin e sistemit energjetik dhe garantimin e kushteve të qëndrueshme për funksionimin e bizneseve dhe ruajtjen e vendeve të punës”, thuhet në reagim.

  • Neymar operohet me sukses dhe synon rikthimin për Kupën e Botës

    Neymar operohet me sukses dhe synon rikthimin për Kupën e Botës

    Neymar i është nënshtruar me sukses një ndërhyrjeje artroskopike në gju, ka bërë të ditur klubi i tij Santos, teksa ylli brazilian synon të rikthehet në formën optimale për të mbajtur gjallë shanset e tij për pjesëmarrje në Kupën e Botës.

    “Është kryer një artroskopi për trajtimin e një dëmtimi në meniskun medial. Ndërhyrja kirurgjikale ishte e suksesshme dhe lojtari është në gjendje të mirë,” thuhet në deklaratën zyrtare të klubit, ku theksohet se operacioni u realizua nga mjeku i përfaqësueses braziliane, Rodrigo Lasmar.

    33-vjeçari po kalonte një periudhë të mirë me fanellën e Santosit përpara operacionit, duke luajtur edhe me dhimbje dhe duke shënuar pesë gola në katër ndeshjet e fundit, një kontribut vendimtar për mbijetesën e ekipit në elitën e futbollit brazilian. Edhe pse klubi nuk ka dhënë një afat zyrtar për rikuperimin, mediat lokale raportojnë se Neymar mund të mungojë deri në një muaj.

    Neymar është golashënuesi më i mirë në historinë e përfaqësueses braziliane me 79 gola, por nuk ka veshur fanellën e kombëtares që nga viti 2023, për shkak të dëmtimeve të shpeshta. Trajneri Carlo Ancelotti ka qenë i qartë, duke theksuar se ai duhet të jetë “në formë të shkëlqyer” për t’u rikthyer në ekip për Kupën e Botës, e cila do të zhvillohet verën e ardhshme në Kanada, Meksikë dhe Shtetet e Bashkuara të Amerikës.

    Shëndeti dhe koha mbeten faktorët vendimtarë për rikthimin e Neymarit në arenën më të madhe të futbollit botëror. /ATVLIVE.TV

  • Endrick kalon te Lyon në formë huazimi

    Endrick kalon te Lyon në formë huazimi

    Real Madridi ka kompletuar huazimin e sulmuesit brazilian Endrick te ekipi Olympique Lyon.

    Talenti 18-vjeçar i është bashkuar klubit francez në formë huazimi pa opsion blerjeje, ndërsa Lyon do të mbulojë 50 për qind të pagës së lojtarit.

    Lajmi është konfirmuar nga gazetari i njohur Fabrizio Romano, i cili bën të ditur se marrëveshja është mbyllur plotësisht dhe se Endrick do të rikthehet në “Santiago Bernabéu” në muajin qershor.

    “Endrick te Olympique Lyon, marrëveshje e kryer, ashtu siç ishte njoftuar dy muaj më parë,” shkroi Romano.

    “Sulmuesi do t’i bashkohet Lyonit në formë huazimi nga Real Madridi, pa opsion blerjeje, ndërsa klubi francez do të paguajë 50 për qind të pagës së tij. Endrick do të rikthehet te Real Madridi në qershor.”

    Ndërkohë, Real Madridi nuk pritet të kryejë afrime të reja gjatë afatit kalimtar të dimrit, duke ruajtur strategjinë aktuale të klubit.

    Këtë edicion 19 vjeçari numëron vetëm tri paraqitje, asnjë gol dhe asnjë asistim. /ATVLIVE.TV