Blog

Ylli turk Kenan Yildiz ështëshumë afër të nënshkruaj një kontratë të re me gjigantin italian Juventus.

E përditshmja italiane “Tuttosport”bën të ditur se Zonja e Vjetër ka ofruar një marrëveshje reprezentuesit të Turqisë,ku përfshihet një kontratë deri në vitin 2031 si dhe një pagë deri në 6 milionë euro.

Përndryshe oferta për një pagë prej 4.5 milionë euro për Yildiz u refuzua nga agjentët e lojtarit,dhe kjo detyroi bianconerët që të përmirësojnë ofertën në mënyrë që mos ta lejojnë turkun të largohet në drejtim të Premierligës.

Ndërkohë Juve dëshiron me çdo kusht ta mbajë Yildiz,i cili konsiderohet si lider i ardhshmë për vitet e ardhshme.

Kujtojmë që Kenan Yildiz në 23 ndeshje ka realizuar 7 gola e dhuroi 3 asistime për Juventusin këtë sezon.

Ousmane Dembélé po përjeton sezonin më të suksesshëm të karrierës së tij, duke u shndërruar në një nga figurat qendrore të futbollit botëror në vitin 2025. Sulmuesi francez ka qenë protagonist absolut në çdo kompeticion ku ka marrë pjesë, duke mbledhur një koleksion mbresëlënës trofesh dhe çmimesh individuale.

Në nivel skuadre, Dembélé ka fituar të gjitha trofetë kryesore të mundshme: Ligue 1, Coupe de France, French Supercup, UEFA Champions League, UEFA Super Cup dhe FIFA Intercontinental Cup, duke kompletuar një sezon historik dhe pothuajse perfekt.

Paralelisht me sukseset kolektive, francezi ka dominuar edhe në aspektin individual. Ai është shpallur fitues i Topit të Artë (Ballon d’Or), The Best FIFA Men’s Player, si dhe Men’s Player of the Year nga Globe Soccer Awards. Po ashtu, Dembélé është vlerësuar si Lojtari më i mirë në botë nga Federata Ndërkombëtare e Historisë dhe Statistikave të Futbollit dhe Lojtari i Vitit në Ligue 1.

Forma e jashtëzakonshme e tij është reflektuar edhe në statistika, duke e bërë bashkë-shënuesin më të mirë të Ligue 1, si dhe Lojtarin e Sezonit në UEFA Champions League. Për më tepër, ai është përfshirë në The Athletic European Men’s Team of the Season, një tjetër dëshmi e ndikimit të tij në elitën e futbollit evropian.

Me një vit të mbushur me arritje historike, Ousmane Dembélé ka konfirmuar statusin e tij si një nga lojtarët më të mirë të brezit aktual. Nëse vazhdon me këtë ritëm, vitrina e trofeve mund të mos mjaftojë për të gjitha sukseset që e presin.

Ylli i ri i Barcelonës dhe i Kombëtares spanjoll, Lamine Yamal, ishte një nga protagonistët kryesorë të ceremonisë prestigjioze Globe Soccer Awards, e mbajtur mbrëmjen e kaluar në Dubai, ku u shpërblye me plot tre çmime të rëndësishme.

Talenti 17-vjeçar u nderua me çmimin Best Forward Award, duke konfirmuar formën e jashtëzakonshme dhe ndikimin e tij në nivel elitar. Po ashtu, Yamal fitoi edhe çmimin LaLiga Best U23 Award, si lojtari më i mirë i ri i kampionatit spanjoll.

Kulmi i mbrëmjes për të ishte marrja e Diego Armando Maradona Award, një vlerësim special që u jepet lojtarëve me talent dhe ndikim të veçantë në fushë, duke e vendosur atë në një shoqëri shumë ekskluzive.

Me këto arritje, Lamine Yamal vazhdon të dëshmojë se është një nga emrat më premtues të futbollit botëror, duke ngritur pritshmëritë për një të ardhme të ndritur.

Paris Saint-Germain po monitoron Marcus Rashford, sulmuesin aktualisht në pronësi të Manchester United, që po aktivizohet te Barcelona. Klubi francez raportohet i gatshëm të paguajë deri në 50 milionë euro për ta transferuar.

Barcelona ka një opsion blerjeje prej 30 milionë eurosh në fund të sezonit, por ende nuk ka vendosur nëse do ta përdorë. Trajneri Hansi Flick ka bërë të qartë se dëshiron ta mbajë sulmuesin, ndërsa vetë Rashford shprehet i vendosur të qëndrojë në Camp Nou.

Këtë sezon, Rashford ka shënuar 7 gola dhe ka dhënë 11 asistime në 24 paraqitje, kryesisht nga krahu i majtë, me një mesatare prej një goli ose asist çdo 87 minuta. Megjithatë, ai po përballet me rol më të kufizuar pas rikthimit të Raphinha. /ATVLIVE.TV

Klubi mbretëror spanjoll Real Madrid po synon të transferojë një qendërmbrojtës për sezonin e ardhshëm.

“Los Blancos”janë vënë në ndjekje të qendërmbrojtësit të Borussia Dortmund Nico Schlotterbeck,dhe për të siguruar shërbimet duhet të paguaj klubit gjerman rreth 70 milionë euro.

Përndryshe Real Madrid është e gatshme për të ofruar dy futbollistë 6të saj tek Dortmund,duke përshirë këtu Gonzalo Garcian i cili nuk po gëzon minuta këtë sezon si dhe mbrojtësin 18 vjeçar Diego Aguado si dhe 35 milionë euro në këmbim të gjermanit.

Në anën tjetër tek drejtesit e Dortmund-it e shohin si mjaft të vështirë arritjen e një marrëveshje,edhe pse Schlotterbeck do dëshironte që të taransferohej në Santiago Bernabeu.

Kujtojmë që Nico Schlotterbeck po kërkohet edhe nga klube të tjera në Evropë,duke përshirë këtu gjigantët si Bayern Munich dhe Barcelona.

Los Angeles Clippers triumfuan ndaj liderit të Konferencës së Lindjes, Detroit Pistons me rezultatin 112:99, në një ndeshje ku Kawhi Leonard ishte absolutisht i pandalshëm, duke realizuar pothuajse gjysmën e pikëve të skuadrës vendase.

Me këtë sukses, Clippers regjistruan fitoren e katërt radhazi, ndërsa Leonard vendosi edhe një rekord personal në karrierë. Ai e mbylli ndeshjen me plot 55 pikë, 11 kërcime dhe dy asistime, duke qenë protagonisti kryesor i përballjes. James Harden kontribuoi me 28 pikë, shtatë asistime dhe katër kërcime, ndërsa Nicolas Batum shtoi 12 pikë dhe katër ribaunde.

Te Detroit Pistons, më i dalluari ishte Cade Cunningham me 27 pikë, nëntë asistime dhe pesë kërcime. Jalen Duren regjistroi një “double-double” me 18 pikë dhe 14 kërcime, duke shtuar edhe dy asistime, ndërsa Ivey e përfundoi ndeshjen me 11 pikë, tre kërcime dhe tre asistime.

Clippers renditen në vendin e 13 në Konferencën e Perëndimit.

Ndërkohë, Luka Dončić shkëlqeu në fitoren bindëse të LA Lakers ndaj Sacramento Kings, 125:101, duke shënuar 34 pikë, shtatë asistime dhe pesë kërcime, derisa kontribut dha edhe LeBron James që ishte vendimtar me 24 pikë, pesë asistime dhe tre kërcime.

Te skuadra humbës më efikasi ishte DeMar DeRozan me 22 pikë.

Kujtojmë që Lakers renditen në vendin e katërt në Perëndim derisa Kings në poziten e 14.

Portland Trail Blazers janë këndellur me fitore pasi munden Boston Celtics me rezultat 114-108.

Shaedon Sharpe udhëhoqi skuadrën e tijë drejt fitores me 26 pikë, derisa kontribut dhan edhe Deni Avdija me 24 pikë, shtatë kërcime e 10 asistime Toumani Camara me 20 sosh.

Nga ana tjetër Jaylen Brown ishte fantastik me 37 pikë por që nuk mjaftuan për fitore.

Blazers renditen në vendin e 10 në Perëndim derisa Celtics në poziten e tretë në Lindje.

Paris Saint-Germain ka shfaqur interes të madh për qendërmbrojtësin e Sporting CP, Ousmane Diomande, duke paraqitur një ofertë prej 45 milionë eurosh.

Sipas gazetës “A Bola”, 22-vjeçari është prioriteti kryesor i PSG-së për mbrojtjen këtë merkato dimërore. Trajneri Luis Enrique e sheh 22 vjeçarin si zgjidhjen ideale për strategjinë e tij taktike.

Mbrojtësi nga Bregu i Fildishtë spikat për aftësinë për të ndërtuar lojën nga mbrojtja, përdorimin e të dyja këmbëve dhe forcën fizike, karakteristika që e bëjnë të përshtatshëm për stilin e lojës pariziene.

Diomande shihet si një investim afatgjatë, duke marrë parasysh se Marquinhos tashmë ka 31 vjet dhe klubi dëshiron të rinovojë gradualisht mbrojtjen. Sporting ka kontratë me të deri në 2027, me plane për zgjatjen deri në 2030, ndërsa klauzola e lirimit është 80 milionë euro.

PSG po monitoron gjithashtu mbrojtësin e Benficës, Tomas Araujo, por Diomande mbetet objektivi kryesor. /ATVLIVE.TV

Trajneri i Lazios, Maurizio Sarri, do t’i nënshtrohet një operacioni tashmë të planifikuar.

Ndërhyrja kirurgjikale do ta mbajë Sarri larg fushës për disa ditë, por nuk pritet të ndikojë në përgatitjet për ndeshjen e parë zyrtare të vitit 2026, kundër Napolit, e cila është programuar të dielën, më 4 janar, në orën 12:30.

Gjatë mungesës së tij, stërvitjet do të drejtohen nga ndihmësi i tij, Marco Ianni.

Megjithatë, Lazio nuk ka arsye për shqetësim, pasi Sarri do të jetë në stol për ndeshjen ndaj Napolit dhe pritet të rikthehet menjëherë pas Natës së Vitit të Ri, duke marrë pjesë në kampin e shkurtër stërvitor të planifikuar për të shtunën.

Pas javës së 17-të, Lazio mban vendin e tetë në tabelë me 24 pikë, ndërsa Napoli të tretin me 34 pikë. /ATVLIVE.TV

Ekipi i Barcelonës po planifikon të nënshkruajë një qendërmbrojtës të ri gjatë afatit kalimtar dimëror, i cili hapet zyrtarisht këtë javë. Mungesa afatgjatë e Andreas Christensen për shkak të këputjes së ligamentit të kryqëzuar, së bashku me pasigurinë që rrethon Ronald Araújon, ka lënë trajnerin Hansi Flick me pak alternativa në mbrojtjen qendrore.

Gjetja e një lojtari të ri në janar nuk do të jetë e lehtë. Ekipi katalanas mund të mbulojë deri në 80% të pagës së Christensen për të sjellë një zëvendësues, por shumica e klubeve nuk janë të gatshme të shesin lojtarët kryesorë gjatë sezonit, përveçse për një shumë të konsiderueshme, diçka që katalanasit nuk mund ta përballojnë.

Për këtë arsye, klubi po shqyrton opsione më të arritshme. Sipas raportimeve të mediumit MD, tre mbrojtës janë në radar dhe aktualisht luajnë në Serie A.

Bëhet fjalë për: Stefan de Vrij të Interit, Koni De Winter të Milanit dhe Juan Jesus të Napolit. Të tre kanë pasur role të kufizuara te klubet e tyre, gjë që mund të lehtësojë një marrëveshje të favorshme me Barcelonën.

Përveç përforcimit afatshkurtër, Barcelona po monitoron edhe opsionet e ardhshme, si Luka Vušković. 18-vjeçari ka shfaqur formë të shkëlqyer me Hamburgun këtë sezon, megjithatë një marrëveshje me Tottenham Hotspur, klubin e tij aktual, mund të rezultojë e vështirë.

Ky sezon ka nxjerrë në pah dobësitë në mbrojtje, të cilat më parë ishin më pak të dukshme me Iñigo Martínez në skuadër dhe është thelbësore që Barcelona të sigurojë një përforcim gjatë afatit dimëror dhe përgjegjësia bie mbi drejtorin sportiv Deco për të zgjedhur opsionin më të përshtatshëm.

Pasojat e zgjedhjeve të ardhshme do të jenë vendimtare për stabilitetin e skuadrës së Flick gjatë pjesës së mbetur të sezonit. /ATVLIVE.TV

Sulmuesi, Bernard Berisha, zhvilloi një paraqitje pozitive me Dinamon në fitoren e Superkupës ndaj Egnatias në Shqipëri me rezultat 3-1.

Anësori 34-vjeçar e nisi ndeshjen si titullar dhe tregoi një nivel të lartë loje. Pas përfundimit të takimit, ai foli për mediat, ku dha edhe një sinjal të qartë për trajnerin Ilir Daja në lidhje me minutazhin e tij.

“Është një ndjenjë shumë e bukur të rikthehesh në Shqipëri dhe të fitosh një trofe. Dua ta falënderoj gjithë ekipin për angazhimin dhe shpresoj të vazhdojmë kështu,” u shpreh Berisha.

Ai pranoi se dëmtimet dhe gjendja fizike kanë ndikuar në aktivizimin e tij gjatë gjysmës së sezonit. “Dëmtimi dhe forma fizike kanë ndikuar në rendimentin tim. Dëshiroj të kem edhe më shumë minuta në fushë,” shtoi ai.

Berisha theksoi se, pavarësisht minutazhit të kufizuar në disa ndeshje, trofeu mbetet më i rëndësishmi. “Pas ndeshjes me Elbasanin nuk kam pasur shumë minuta, por kjo ka pak rëndësi kur fiton një trofe. Puna e madhe që po bëhet te Dinamo duhet të reflektohet në fushë, ashtu si sot,” përfundoi sulmuesi.