ATV

Blog

  • Talenti gjerman Lennart Karl tërbon tifozët e Bayern-it-Ëndrron që një ditë të luaj për Real Madridin

    Talenti gjerman Lennart Karl tërbon tifozët e Bayern-it-Ëndrron që një ditë të luaj për Real Madridin

    Njëri nga talentët premtues të futbollit gjerman Lennart Karl ka bërë disa deklarata që ka tërbuar tifozët e Bayern Munich.

    Ylli i bavarezëve kishte deklaruar se një ditë do të ëndërronte të luante për Real Madridin,dhe këto i tha gjatë një takimi tradicional për vitin e ri me tifozët.

    ‘Bayerni është një klub shumë, shumë i madh dhe është një ëndërr të luash aty, por një ditë do të më pëlqente të shkoja te Reali i Madridit. Është klubi i ëndrrave të mia  por kjo të mbetet mes nesh ’

    Përndryshe Karl në fund shtoi se Bayern është një klub special për të,por këto deklarata kanë ngritur dyshime për besnikërinë e 17 vjeçar-it kundrejt ekipit bavarez pasi Karl shihet si një nga liderët e bavarezëve në vitet e ardhshme.

    Kujtojmë që Lennart Karl në vitin 2018 kishte pasur prova tek Real Madrid,teksa në sezonin debutues në 21 ndeshje shënoi 6 gola e dhuroi 1 asistim për Bayern Munich.

  • Sunderland krenar – Xhaka mbi 100 ndërhyrje të suksesshme

    Sunderland krenar – Xhaka mbi 100 ndërhyrje të suksesshme

    Sunderland vazhdon të ketë shumë krenari për kapitenin e tyre, Granit Xhakën, i cili po bën një sezon të jashtëzakonshëm.

    Klubi anglez njoftoi se Xhaka është lojtari i vetëm nga pesë ligat më të forta evropiane që ka arritur të realizojë mbi 100 ndërhyrje të suksesshme këtë sezon. Kjo statistikë e vendos mesfushorin zviceran në një kategori të veçantë, duke treguar përkushtimin dhe ndikimin e tij në fushë.

    Performanca e Xhakës ka qenë vendimtare për Sunderland, duke ofruar stabilitet në mesfushë, ndërkohë që ndihmon mbrojtjen dhe fillimin e sulmeve nga prapavija. Ndërhyrjet e tij të suksesshme nuk janë vetëm tregues i agresivitetit dhe vendosmërisë në lojë, por edhe i inteligjencës taktike dhe pozicionimit të tij të shkëlqyer.

    33 vjecari këtë sezon në 20 ndeshje numëron një gol dhe pesë asistime. /ATVLIVE.TV

  • Amorim ikën nga United, kompensimi i milionave nuk mungon

    Amorim ikën nga United, kompensimi i milionave nuk mungon

    Manchester United ka konfirmuar zyrtarisht shkarkimin e trajnerit Ruben Amorim.

    Largimi i tij vjen pas rezultateve jo të kënaqshme dhe një konference për shtyp që Amorim mbajti dje, pas barazimit 1-1 me Leeds United në “Elland Road”. Në konferencë, portugezi deklaroi se kishte ardhur tek Unitedi për të qenë një menaxher i plotë, jo vetëm trajner i skuadrës.

    Megjithatë, shkarkimi duket se nuk e ka shqetësuar 40 vjecarin, i cili është parë sot duke ecur buzëqeshur me gruan e tij në rrugët e Manchesterit. Buzëqeshja mund të lidhet me faktin se ai pritet të përfitojë mbi 11 milionë euro, pasi klubi do t’ia kompensojë të gjithë kontratën e tij deri në qershor 2027.

    Portugezi u emërua trajner i United në nëntor 2024, me “Djajtë e Kuq” që paguan 10.6 milionë euro te Sportingu si klauzolë lirimi. Për krahasim, në tetor 2024, ekipi anglez kishte paguar 16.7 milionë euro dëmshpërblim pas shkarkimit të Erik ten Hag.

    United ka bërë të ditur gjithashtu se ish-mesfushori Darren Fletcher do të udhëheqë skuadrën në ndeshjen ndaj Burnley më 7 janar në “Turf Moor”. /ATVLIVE.TV

  • Cihan Yilmaz emërohet Drejtor Menaxhues i Bankës TEB

    Cihan Yilmaz emërohet Drejtor Menaxhues i Bankës TEB

    Banka TEB ka njoftuar emërimin e Cihan Yilmaz në pozitën e Drejtorit Menaxhues, me efekt nga 1 janari 2026.

    Yilmaz pason Orcun Ozdemir, i cili do të vazhdojë të kontribuojë në rritjen e bankës si anëtar i Bordit të Drejtorëve të TEB Sh.A.

    Me 19 vite përvojë në sektorin bankar dhe shërbimet financiare, Yilmaz sjell ekspertizë të provuar në strategji, bankim për individë dhe NVM, transformim digjital, menaxhim risku dhe përvojë të klientit.

    Ayse Asardag, Kryetare e Bordit të Drejtorëve në TEB Bank, në lidhje me emërimin tha: “Jemi të bindur se lidershipi dhe vizioni i z. Yilmaz do të forcojnë pozicionin e TEB Bank në treg dhe do të përforcojnë angazhimin tonë për rritje të qëndrueshme, inovacion dhe bankim të orientuar drejt klientit.”

    Yilmaz shtoi: “Është një nder të udhëheq TEB Bank Kosova. Pres me padurim të punoj ngushtë me ekipet tona për të ndërtuar mbi themelet e forta, për të rritur vlerën për klientët tanë, për të kontribuar pozitivisht në ekonomi dhe komunitetet që shërbejmë, si dhe për të siguruar përputhshmëri të plotë me kërkesat rregullatore.”

    Nën udhëheqjen e tij, TEB Bank do të vazhdojë të fokusohet në prioritetet strategjike: Digjitalizimi, Përfshirja financiare, Rritja e biznesit në Retail dhe Kartela, Mbështetja për NVM, Qëndrueshmëria dhe ESG dhe Inovacioni.

    Që nga 2008, TEB Bank është e pranishme në Kosovë si një ndërmarrje e përbashkët me BNP Paribas apo Bankën më të madhe në Eurozonë. Me një pozicion të fortë në Retail dhe Kartela, TEB Bank ka sjellë standarde moderne bankare në Kosovë, duke ofruar zgjidhje financiare inovative dhe duke ruajtur marrëdhënie të ngushta me klientët dhe stafin.

  • Trepça e revoltuar – Investuam mbi 100 mijë euro, palestra u shkatërrua

    Trepça e revoltuar – Investuam mbi 100 mijë euro, palestra u shkatërrua

    Klubi basketbollistik i Trepçës ka reaguar ashpër në rrjetet sociale, duke shprehur pakënaqësinë për dëmtimet e shkaktuara në palestrën “Minatori” gjatë procesit të numërimit të votave për zgjedhjet e parakohshme parlamentare në Kosovë.

    Në reagimin e publikuar në Facebook, KB Trepça ka fajësuar Komisionin Komunal të Zgjedhjeve (KKZ) dhe Këshillin e Qendrës së Votimit (KKQ), duke theksuar se objekti është lënë në gjendje të rëndë. Sipas klubit, në palestër janë gjetur edhe mbetje cigaresh, si dhe janë shkaktuar dëme të tjera që kanë pamundësuar zhvillimin normal të stërvitjeve.

    Klubi ka bërë të ditur se ka investuar mbi 100 mijë euro në palestrën “Minatori”, ndërsa ka theksuar se edhe Ministria e Kulturës, Rinisë dhe Sportit (MKRS) ka realizuar investime të konsiderueshme në këtë objekt.

    Reagimi i plotë i klubit:

    Jemi thellësisht të indinjuar nga mënyra se si po trajtohet palestra “Minatori”.

    Për rreth katër vjet KB Trepça ka investuar mbi 100 mijë euro në këtë objekt, sepse nuk kemi pranuar ta shohim palestrën të degradohet. Natyrisht, nga investimet kanë përfituar edhe klubet tjera me të cilat e ndajmë këtë objekt me rëndësi.

    Por situata është rënduar seriozisht nga veprimet e papërgjegjshme të KQZ dhe KKZ-së, që e kanë lënë palestrën në gjendje të mjerueshme. Në parketin për të cilin janë investuar mjete marramendëse nga MKRS-ja, janë lënë shpuza cigareje dhe janë shkaktuar dëme, duke e bërë pothuajse të pamundur vazhdimin normal të stërvitjeve.

    Kjo është papërgjegjësi totale ndaj sportit dhe pronës publike.

    Është alarmante po ashtu që për vitin 2025 asnjë klub sportiv nuk ka përfituar subvencione nga komuna, ndërkohë që sporti mbahet gjallë vetëm me sakrificë.

    Palestra “Minatori” shfrytëzohet nga mijëra qytetarë dhe sportistë gjatë vitit dhe meriton trajtim serioz dhe veprim të menjëhershëm.

    Apelojmë te kryetari i ri i Komunës, z. Faton Peci, të angazhohet që palestra të jetë vetëm në shërbim të sportit, për çka është e destinuar, dhe që të kërkojë përgjegjësi nga organet që nuk e dorëzuan në gjendjen që e kanë pranuar.

    Sporti nuk mund të vazhdojë të paguajë çmimin e papërgjegjësisë institucionale apo personave të papërgjegjshëm në institucione.

    Qytetarë të dashur, ju presim të mërkurën në palestrën e ngrohtë. Përcjellja e ndeshjes në kushte të volitshme është e mundur falë angazhimit dhe punës së stafit dhe punëtorëve të palestrës, si dhe përkushtimit të klubit tonë.

  • Florent Hasani largohet nga skuadra turke Boluspor

    Florent Hasani largohet nga skuadra turke Boluspor

    Sulmuesi kosovar Florent Hasani i ka dhënë fund aventurës së tij tek skuadra turke Boluspor.

    Hasani shkëputi kontratën e tij me Boluspor,teksa flitet se kosovari do të transferohet tek Amedspor.

    Përndryshe në një postim në rrjetin social Instagram Hasani konfirmoi largimin e tij nga Boluspor,duke i falenderuar për periudhën fantastike që kaloi me ekipin nga Liga e Parë e Turqisë.

    “Për tifozët, faleminderit për mbështetjen, pasionin dhe energjinë që po sillni në secilën lojë. Do t’i mbaj gjithmonë këto kujtime pranë meje. I uroj klubit asgjë përpos suksesit në të ardhmen. Krenar për këtë rrugëtim. Faleminderit klubit”.

     

    “Kurrë nuk do t’i harroj njerëzit e këtij qyteti të bukur. Do t’i mbaj mend këto kujtime”

    Kujtojmë që Florent Hasani pati një formë fantastike këtë sezon me Boluspor,ku në 18 ndeshje ka shënuar 14 gola.

  • Harry Kane dëshiron të mbetet tek Bayern Munich përtej kontratës aktuale

    Harry Kane dëshiron të mbetet tek Bayern Munich përtej kontratës aktuale

    Sulmuesi Harry Kane pritet që të mbetet tek gjiganti gjerman Bayern Munich.

    Anglezi dëshiron të qëndrojë në Allianz Arena edhe përtej qershorit të vitit 2027,duke lënë të kuptohet se dëshiron që të zgjasë kontratën me bavarezët.

    Përndryshe Kane është përfolur shumë për një largim nga Gjermania,duke marrë parasysh ofertat nga gjiganti katalunas Barcelona si dhe për një rikthim tek Tottenham.

    Ndërkohë Kane i cili u pyet edhe nga e përditshmja Bild ka thënë se është i lumtur tek Bayern,dhe se po e shijon kohën që po e kalon në Mynih dhe në fund shton se rinovimi është vetëm çështje kohe.

    Kujtojmë që Harry Kane po kalon formë fantastike me Bayern-in këtë sezon,ku për ekipin e Vincent Kompany ka shënuar 30 gola e bëri 3 asistime në 25 ndeshje.

  • Presidenti kolumbian kërcënon Trumpin: Nëse më arrestojnë do të ketë kryengritje popullore

    Presidenti kolumbian kërcënon Trumpin: Nëse më arrestojnë do të ketë kryengritje popullore

    Presidenti kolumbian Gustavo Petro ka paralajmëruar se do t’i “ngrejë armët” nëse SHBA vendos ta sulmojë atë ose vendin e tij pas një serie kërcënimesh nga presidenti amerikan Donald Trump.

    Në një postim në X, Petro theksoi përpjekjet e tij për ta luftuar trafikimin e drogës, të cilat Trump i ka kritikuar, dhe vazhdoi duke pretenduar se sulmet ushtarake amerikane kundër trafikantëve në Kolumbi do të rrezikonin vrasjen e fëmijëve dhe do të nxisnin rekrutimin për grupet separatiste që kanë qenë në konflikt me shtetin për dekada.

    “Dhe nëse e arrestojnë një president që e ka mbështetjen dhe respektin e një pjese të madhe të vendit, ata do të nxisin një kryengritje popullore”, shtoi ai.

    Petro, ish-anëtar i grupit gueril M19, gjithashtu tha se ai vetë do të luftonte për ta mbrojtur Kolumbinë, raporton CNN.

    “Betova të mos prek më armë… por për atdheun do t’i ngre armët përsëri”, tha ai.

    Trump pati fjalë të ashpra për Petron të dielën, duke e përshkruar atë si “një njeri të sëmurë që i pëlqen të prodhojë kokainë dhe ta shesë në Shtetet e Bashkuara, dhe nuk do ta bëjë këtë shumë gjatë”.

    Kur u pyet nga një gazetar nëse këto komente nënkuptonin se mund të ketë një “operacion” në Kolumbi në të ardhmen, Trump u përgjigj, “më tingëllon mirë”.

    Duke folur për The New York Times të hënën, ministri i mbrojtjes i Kolumbisë, Pedro Sanchez, refuzoi t’i trajtonte kërcënimet e Trumpit, duke theksuar në vend të kësaj se dy vendet kanë “një marrëdhënie shumë të afërt”.

    Sanchez tha se mbetet në komunikim me zyrtarët amerikanë dhe se sulmet e mundshme ushtarake ndaj Kolumbisë nuk janë diskutuar gjatë bisedimeve të fundit, raportoi Times.

  • Haxhiu thotë se nga ky muaj KPK fillon punën më përbërjen e re ligjore prej 7 anëtarë

    Haxhiu thotë se nga ky muaj KPK fillon punën më përbërjen e re ligjore prej 7 anëtarë

    Ish-ministrja e Drejtësisë, Albulena Haxhiu ka ka thënë se si rezultat i ndryshimeve të miratuara, nga janari 2026 Këshilli Prokurorial i Kosovës fillon punën me përbërjen e re ligjore prej 7 anëtarë.

    Haxhiu ka thënë se sapo të konstituohet Kuvendit, edhe anëtari i mbetur jo-prokuror të zgjidhet pa vonesa.

    “Për dallim nga përbërja e kaluar, balanci mes anëtarëve prokurorë dhe jo‑prokurorë është dukshëm më i afërt. Kjo siguron që KPK, si një institucion kyç për funksionimin e drejtësisë, të mos mbetet një rreth i mbyllur i grupeve të interesit brenda sistemit prokurorial, por të përfshijë edhe zëra të pavarur nga jashtë, që marrin vendime pa u ndikuar nga askush”, ka shkruar ndër të tjera Haxhiu.

  • U raportua i zhdukur që nga 23 dhjetori, familja në kërkim të Riza Thaqit

    U raportua i zhdukur që nga 23 dhjetori, familja në kërkim të Riza Thaqit

    Një burrë raportohet të jetë zhdukur.

    Bëhet fjalë për Riza (Rrustem )Thaqi, i lindur në vitin 1983 në Rogovë të Hasit , me banim në Prizren.

    Familjarët kanë raportuar për zhdukjen e Riza Thaqit që nga data 25 dhjetor 2025 dhe deri më tani nuk kanë pranuar asnjë informacion rreth vendndodhjes së tij.

    “Pasi është iniciuar rasti nga Sektori Rajonal i Hetimeve të Drejtorisë Rajonale të Policisë së Prizrenit, që nga ajo kohë janë ndërmarrë të gjitha veprimet hetimore dhe është duke u kërkuar personi i raportuar si i zhdukur, megjithatë, deri më sot nuk është gjetur. Me qëllim të ndriçimit të rastit nga Prokuroria Themelore në Prizren, kemi marr Autorizimin në pajtim dispozitave të nenit 76 prag 2 të KPPRK-së, për publikimin e fotografive të personit te raportuar si i zhdukur, në mediume televizive dhe media sociale, ku kërkohet bashkëpunim-ndihmë nga qytetarët në ofrimin e informatave, që do të na ndihmonin në lokalizimin edhe gjetjen e viktimës”.

    Policia ka kërkuar bashkëpunim nga qytetarët, për gjetjen e tij.