ATV

Blog

  • Albumi i ri i Yll Limanit “TSN” thyen rekordet me 20 milionë dëgjime

    Albumi i ri i Yll Limanit “TSN” thyen rekordet me 20 milionë dëgjime

    Vetëm pak javë pas publikimit të tij më 18 dhjetor, albumi më i fundit i Yll Limanit, me titull “TSN” (Thirrëm Sot ose Nesër), po thyen rekorde në platformat digjitale dhe po bëhet një nga projektet më të komentuar të fillimvitit në muzikën shqiptare.

    Sipas statistikave të fundit, albumi ka arritur të regjistrojë 20 milionë dëgjime në të gjitha platformat muzikore, duke treguar jo vetëm popullaritetin e artistit, por edhe përqafimin e gjerë nga publiku.

    “TSN” përmban gjithsej 16 këngë, të cilat u pritën me shumë interes që në momentin e publikimit.

    Stilistikisht, albumi mban gjurmët e Limanit, me meloditë e veçanta dhe tekstet ndjerë, që arrijnë të kapin vëmendjen e dëgjuesve menjëherë.

    Shumë prej këngëve janë renditur direkt në listat e YouTube, Spotify dhe Apple Music, duke u bërë pjesë e pandashme e ‘playlisteve’ të fansave.

    Label-i Three60 Music ka reaguar përmes rrjeteve sociale, duke falënderuar ndjekësit për mbështetjen e vazhdueshme.

    “TSN sapo arriti 20 milionë dëgjime”, thuhet në njoftim.

    Suksesi i “TSN” konfirmon statusin e Limanit si një nga artistët më të ndjekur dhe me ndikim në skenën muzikore shqiptare, duke e bërë çdo projekt të tij një ngjarje të pritshme dhe të suksesshme.

  • Pistons e Thunder vazhdojnë të jenë lider në NBA, Lakers pëson humbje

    Pistons e Thunder vazhdojnë të jenë lider në NBA, Lakers pëson humbje

    Ka vazhduar spektakli në Ligën më të fortë të Basketbollit në botë, NBA, ku u zhvillun plotë 12 ndeshje.

    Lideri I Konferencës së Perëndimit, Oklahoma City Thunder, është këndellur me fitore pasi mundi kësaj radhe Utah Jazz, me rezultat të ngushtë 129-125.

    Shai-Gilgeous-Alexander, ishte ylli I mbrëmjes duke udhëhequr skuadrën e tijë drejt fitores me 46 pikë, gjashtë kërcime e po aq asistime, derisa Chet Holmgren shtojë 23 pikë e 12 kërcime.

    Nga ana tjetër, Lauri Markkanen u dallua me 29 pikë e 13 kërcime, derisa Keynote George po ashtu pati paraqitje të mirë me 25 pikë e 11 asisitme, por që nuk mjaftuan për fitore.

    Kujtojmë që Jazz renditen në poziten e 13 në Konferencën e Perëndimit, ku kjo ishte humbja e tyre e pestë radhazi.

     

    Lideri I Konferencës së Lindjes, Detroit Pistons, ka vazhdur me fitore duke marrur të tretën radhazi, pasi mundi Chicago Bulls me shifrat 108-93.

    Më meritori për fitoren e Pistons, ishte Isaiah Steëart me 31 pikë të realizuara.

    Te skuadra humbëse, u dalluan Nikola Vucevic me 20 pikë e 16 kërcime dhe Matas Buzelis me 20 sosh.

    Bulls renditen në poziten e 10 në Konferencën e Lindjes.

     

    Los Angeles Lakers ka ësuar humbje nga San Antonio Spurs me rezultat 107-91, gjë që I kushtojë edhe me rënie nga pozita e tretë në të katërten në tabelën e Perëndimit.

    Më efikaset në fitoren e Spurs ishin, Keldon Johnson me 27 pikë e gjashtë asistime, Victor Wembanyama me me 16 pikë e 14 kërcime, Stephon Castle me 15 pikë dhe De’Aron Fox me 14 sosh.

    Naga ana tjetër, përkunder triple-double të realizuar nga Luca Doncic, me 38 pikë, 10 kërcime dhe 10 asistime, Lakers nuk munden ti rezistonin humbjes.

  • E lini dorezën e rubinetit në mes? Ky zakon po ju rrit faturat pa e kuptuar

    E lini dorezën e rubinetit në mes? Ky zakon po ju rrit faturat pa e kuptuar

    Një gabim i vogël me rubinetin që aktivizon bojlerin sa herë hapni ujin e ftohtë

    Ekzistojnë shumë truke të vogla shtëpiake që mund të ndikojnë drejtpërdrejt në jetëgjatësinë e pajisjeve ose në shpenzimet mujore, dhe ky është një prej tyre.

    Një nga zakonet e shpeshta në shumë familje është lënia e dorezës së rubinetit në pozicionin qendror, vertikal. Megjithatë, ekspertët theksojnë se pikërisht kjo praktikë mund të ndikojë në rritjen e kostove në faturat mujore.

    Sipas specialistëve, pas këtij zakoni fshihet një formë e panevojshme e harxhimit. Kur dorezës së rubinetit ndodhet në pozicionin qendror, sistemi është i projektuar në atë mënyrë që të tërheqë njëkohësisht ujë të ftohtë dhe ujë të ngrohtë.

    Si pasojë, sa herë që hapni çezmën, aktivizohet automatikisht bojleri ose sistemi për ngrohjen e ujit – edhe nëse ju nevojitet vetëm ujë i ftohtë. Kjo sjell konsum të panevojshëm të energjisë elektrike ose të gazit, veçanërisht kur doreza e rubinetit përdoret shpesh gjatë ditës.

    Për këtë arsye, rekomandohet që pas çdo përdorimi ta zhvendosni levën e çezmës djathtas, në pozicionin e ujit të ftohtë. Me këtë veprim të thjeshtë siguroheni që bojleri të mbetet i fikur derisa uji i ngrohtë të jetë realisht i nevojshëm.

    Ky zakon i vogël, por i zgjuar, ndihmon në uljen e konsumit të panevojshëm të energjisë, rrit efikasitetin e pajisjeve shtëpiake dhe ju ndihmon të keni një kontroll më të mirë mbi buxhetin familjar.

    Ekspertët shtojnë se kjo praktikë është veçanërisht e rëndësishme në familjet ku përdoren bojlerë elektrikë, pasi aktivizimi i shpeshtë dhe i panevojshëm i tyre mund të shkurtojë edhe jetëgjatësinë e pajisjes.

  • Vendi ku njerëzit flenë në punë dhe askush nuk ankohet

    Vendi ku njerëzit flenë në punë dhe askush nuk ankohet

    Si kultura e punës e kthen dremitjen në shenjë sakrifice

    Në një vend ku puna është pjesë e identitetit personal dhe përkushtimi matet me orë të gjata e përpjekje të vazhdueshme, gjumi në vendin e punës nuk shihet si mungesë disipline. Përkundrazi, ai interpretohet si shenjë lodhjeje nga puna intensive. Ky vend është Japoni, ku ekziston një fenomen kulturor unik që habit pjesën tjetër të botës.

    Në zyrat japoneze, nuk është e pazakontë të shohësh punonjës që dremisin për disa minuta në tavolinën e punës, gjatë mbledhjeve apo edhe në transportin publik rrugës për në punë. Ky veprim nuk shoqërohet me qortime apo vërejtje, sepse në kulturën japoneze lodhja shihet si pasojë e drejtpërdrejtë e përkushtimit maksimal ndaj detyrave profesionale. Një person që bie në gjumë për pak çaste perceptohet si dikush që ka dhënë më shumë se ç’duhet, jo si dikush që po shmang përgjegjësitë.

    Ky zakon ka rrënjë të thella në shoqërinë japoneze, ku puna kolektive, besnikëria ndaj kompanisë dhe sakrifica personale janë vlera thelbësore. Punonjësit shpesh qëndrojnë në zyrë shumë më gjatë se orari zyrtar, ndërsa presioni për të qenë gjithmonë të pranishëm dhe të përkushtuar është i madh. Në këtë kontekst, dremitja e shkurtër shihet si një pauzë e domosdoshme për të rifituar energji, jo si mungesë profesionalizmi.

    Megjithatë, kjo praktikë e veçantë kulturore e quajtur Inemuri, ka edhe rregulla të pashkruara. Gjumi nuk duhet të jetë i gjatë, nuk duhet të shndërrohet në shtrirje apo rehati të plotë dhe nuk duhet të pengojë punën e të tjerëve. Punonjësi pritet të zgjohet menjëherë nëse i drejtohet një pyetje apo i kërkohet ndërhyrja. Pra, bëhet fjalë për një dremitje të shkurtër dhe diskrete, që tregon prani fizike dhe gatishmëri mendore.

    Interesant është fakti se ky zakon nuk kufizohet vetëm në zyra. Në trenat e mbushur të Tokios, në stacione apo në hapësira publike, njerëzit flenë për pak minuta pa frikë dhe pa u gjykuar. Kjo tregon një nivel të lartë besimi shoqëror dhe një kuptim të përbashkët të lodhjes si pjesë e jetës moderne urbane. Madje, në disa kompani dhe zona urbane janë krijuar hapësira të posaçme për pushime të shkurtra, ku punonjësit mund të mbyllin sytë për disa minuta gjatë ditës.

    Nga jashtë, kjo praktikë mund të duket e çuditshme ose madje problematike, sidomos në kulturat ku gjumi në punë konsiderohet shkelje e rëndë e disiplinës. Por në Japoni, ajo reflekton një realitet tjetër: një shoqëri që punon shumë, shpesh përtej kufijve të shëndetshëm, dhe që ka gjetur mënyra alternative për të përballuar lodhjen pa e prishur strukturën e punës.

    Në fund, ky fenomen ngre edhe pyetje më të thella për balancën mes punës dhe jetës personale. Ndërsa për disa është simbol i përkushtimit, për të tjerë është shenjë e një kulture pune tepër të rëndë. Sidoqoftë, mbetet një nga kuriozitetet më interesante të botës moderne, që tregon se edhe gjumi – në kontekste të caktuara – mund të ketë kuptime krejtësisht të ndryshme.

  • Përfundon aksioni i Prokurorisë së Prizrenit, 35 persona të arrestuar dhe sekuestrohen rreth 20 mijë euro

    Përfundon aksioni i Prokurorisë së Prizrenit, 35 persona të arrestuar dhe sekuestrohen rreth 20 mijë euro

    Një aksion i madh i Krimeve Ekonomike të Policisë së Kosovës, i udhëhequr nga Prokuroria Themelore në Prizren, është zhvilluar sot në disa qytete të Kosovës.

    Burime e Televizionit Tëvë1 bëjnë të ditur se aksioni pa përfunduar ku ky aksion përfshin hetimet për vepra të rënda penale në fushën e krimeve ekonomike, ndërsa deri më tani janë arrestuar rreth 35 persona. Sipas të njëjtave burime, vlera e dëmit të shkaktuar dyshohet se tejkalon shifrën mbi 1 milion euro.

    Gjatë bastisjeve të realizuara në kuadër të këtij aksioni, autoritetet kanë sekuestruar edhe rreth 20 mijë euro para të gatshme, si dhe materiale të tjera që pritet të shërbejnë si prova në procedurat hetimore.

    Në mesin e të arrestuarve janë edhe emra të njohur, përfshirë Sami Mazrekun, ish-drejtor i Byrosë Kosovare të Sigurimeve (BKS), si dhe Valon Berisha, ish-drejtor i Financave në këtë institucion.

    Burime brenda hetimeve bëjnë të ditur se aksioni lidhet me dyshime për keqpërdorime financiare dhe veprime të kundërligjshme që kanë dëmtuar buxhetin dhe funksionimin e institucioneve përkatëse. Hetimet për këtë rast kanë qenë në zhvillim për një periudhë më të gjatë, ndërsa aksioni i sotëm konsiderohet si fazë kyçe e tyre.

  • Komuna e Kaçanikut nis pastrimin e rrugëve, apelon qytetarët për kujdes

    Komuna e Kaçanikut nis pastrimin e rrugëve, apelon qytetarët për kujdes

    Komuna e Kaçanikut ka angazhuar kompaninë e kontraktuar për mirëmbajtjen dhe pastrimin e rrugëve pas reshjeve të borës, ndërsa punimet kanë nisur që në orët e hershme të mëngjesit.

    Ekipet e pastrimit janë në terren dhe po punojnë për largimin e borës dhe sigurimin e qarkullimit normal në rrugët kryesore dhe dytësore.

    Sipas Drejtorit të Shërbimeve Publike dhe Emergjencës, Arian Teneqja, “të gjitha rrugët kryesore janë të pastruara dhe të qarkullueshme, ndërsa kërkohet kujdes i shtuar nga drejtuesit e automjeteve për shkak të ngricave eventuale”.

    Komuna apelon tek qytetarët që të adaptojnë shpejtësinë dhe të respektojnë udhëzimet për siguri gjatë lëvizjes në rrugë.

  • Shkëmbim bombastik në NBA, Trae Young transferohet te Wizards

    Shkëmbim bombastik në NBA, Trae Young transferohet te Wizards

    Një nga lëvizjet më të bujshme të afatit të shkëmbimeve në NBA ka përfshirë Trae Young. Ylli i Atlanta Hawks ka vendosur të vazhdojë karrierën e tij te Washington Wizards, duke mbyllur një kapitull tetëvjeçar në Atlanta.

    Basketbollisti 27-vjeçar, katër herë All-Star, kalon te Wizards në një marrëveshje që dërgon CJ McCollum dhe Corey Kispert te Hawks. Ky transferim shënon një hap të rëndësishëm si për Washingtonin, ashtu edhe për vetë Young.

    Një nga arsyet kryesore të këtij vendimi është ribashkimi i Young me Travis Schlenk, drejtuesin ekzekutiv të Wizards, i cili ishte personi që e përzgjodhi atë në Draftin e vitit 2018.

    Washington Wizards, që aktualisht renditen në fundin e Konferencës Lindore me bilanc 10 fitore dhe 26 humbje, e konsiderojnë Young një gur themeli në projektin e rindërtimit të skuadrës, me objektivin për t’u rikthyer në garën për playoff në sezonet e ardhshme.

    Sezoni aktual nuk ka qenë i lehtë për Young për shkak të dëmtimeve, pasi ka zhvilluar vetëm 10 ndeshje. Megjithatë, ai ka arritur të ruajë një mesatare mbresëlënëse prej 25 pikësh për ndeshje, duke treguar se forma e tij mbetet në nivel të lartë.

    Trae Young shpreson që pas transferimit te Wizards të lërë pas problemet me dëmtimet dhe të rikthehet plotësisht në formën e tij më të mirë.

    Nga ana tjetër, Atlanta Hawks përfitojnë përvojën dhe qetësinë që sjell CJ McCollum, ndërsa Corey Kispert i jep skuadrës më shumë energji dhe thellësi në rotacion.

  •  Xhamitë më të bukura në Botë që do t’ju lënë pa fjalë…

     Xhamitë më të bukura në Botë që do t’ju lënë pa fjalë…

    Nga kupolat shkëlqyese deri te mozaikët që të lënë pa frymë, këto xhami nuk janë vetëm vende adhurimi, janë kryevepra arkitekturore që duken si të dalura nga një ëndërr.

    Duke përshkuar kontinente dhe shekuj, ja shtatë nga xhamitë më të bukura në botë që vazhdojnë të mahnitin miliona njerëz.

    1. Xhamia Sheikh Zayed – Abu Dhabi, UAE
    Mermer i pastër i bardhë, llambadarë gjigantë dhe qilimi më i madh i endur me dorë në botë, kjo xhami është luks, qetësi dhe spiritualitet në një vend të vetëm.

    2. Masjid al-Haram – Mekë, Arabinë Saudite
    Vendi më i shenjtë në Islam mbart një fuqi shpirtërore të pakrahasueshme. Rrethuar nga Qabja, madhësia e saj e jashtëzakonshme dhe atmosfera e shenjtë e bëjnë një nga xhamitë më të mahnitshme në tokë.

    3. Xhamia Blu (Sultan Ahmed Mosque) – Stamboll, Turqi
    E famshme për pllakat e saj të bukura të Iznik-ut dhe kupolat e kaskaduara, kjo xhami ikonike kombinon elegancën osmane me simetri të mahnitshme. Një simbol i vërtetë i shpirtit të Stambollit.

    4. Xhamia Hassan II – Casablanca, Marok
    E vendosur dramatikisht mbi Oqeanin Atlantik, kjo xhami ka minaren më të lartë në botë. Punimet e saj të detajuara dhe vendndodhja pranë oqeanit e bëjnë të paharrueshme.

    5. Xhamia Nasir al-Mulk (Xhamia Rozë) – Shiraz, Iran
    Kur drita e mëngjesit depërton përmes dritareve të saj me xhama të ngjyrosur, brendësia shpërthen në nuanca rozë, vjollce dhe blu. Nuk është thjesht një xhami është një kryevepër arti.

    6. Xhamia Al-Aqsa – Jerusalem
    E pasur me histori dhe domethënie të thellë shpirtërore, Al-Aqsa qëndron si një nga vendet e shenjta të Islamit. Bukuria e saj e përjetshme shoqërohet vetëm nga trashëgimia e saj e fuqishme.

    7. Xhamia Badshahi – Lahore, Pakistan
    Magjike, e guximshme dhe mbretërore, kjo xhami gjigande prej gurëve të kuq reflekton madhështinë Mughal në kulmin e saj. Në perëndim të diellit, ajo transformohet në një vizion të bukurisë së pastër të artë.

    Këto xhami tregojnë se besimi dhe arti mund të takohen në mënyra të mahnitshme. Qoftë përmes historisë, shpirtërisë apo bukurisë absolute, secila tregon një histori që vazhdon të frymëzojë botën.

  • Nga janari i këtij viti, Komuna e Rahovecit jep 600 euro për çdo lindje

    Nga janari i këtij viti, Komuna e Rahovecit jep 600 euro për çdo lindje

    Kryetari i Rahovecit, Smajl Latifi ka nënshkruar vendimin për rritje të subvencionimit për çdo lindje, në 600 euro.

    Nga 500 sa ishte më parë, Latifi ka marrë vendim që nga janari i këtij viti të jetë 600 euro.

    Ndërsa shton se deri në fund të mandatit do të rritet në 750 euro.

    Postimi:

    Nis zbatimi i zotimit tim publik, rritet subvencionimi për çdo lindje në 600€

    Sot, nënshkrova vendimet e para për subvencionimin e dy lindjeve në Qendrën Kryesore të Mjekësisë Familjare (QKMF) “Dr. Fahredin Hoti” në Rahovec.

    Nga janari i këtij viti, çdo lindje e realizuar në repartin e maternitetit të QKMF-së “Dr. Fahredin Hoti”, do të mbështetet nga Komuna e Rahovecit me 600€, nga 500€ sa ishte më parë, ndërsa deri në fund të mandatit, në përputhje me zotimin e dhënë, subvencionimi do të rritet në 750€.

  • Kurti thyen rekord me mbi 400 mijë vota, LVV-ja fiton mbi 51%

    Kurti thyen rekord me mbi 400 mijë vota, LVV-ja fiton mbi 51%

    Kryeministri në detyrë, Albin Kurti, ka shënuar një rezultat historik në zgjedhjet parlamentare, duke kaluar shifrën prej 400 mijë votash individuale dhe duke u renditur si kandidati më i votuar ndonjëherë në Kosovë.

    Sipas të dhënave më të fundit të publikuara nga Komisioni Qendror i Zgjedhjeve, më 8 janar 2026, në orën 09:36, kreun i Lëvizjes Vetëvendosje ka grumbulluar gjithsej 401,241 vota, ndërsa partia që drejton ka siguruar shumicën absolute të votave, me 51.01 për qind apo 484,049 vota, pas numërimit të 100 për qind të vendvotimeve, gjithsej 2,836.

    Duke shikuar nga historiku i zgjedhjeve në Kosovë, Kurti është bërë kandidati më i votuar, duke kaluar edhe presidentin historik, Ibrahim Rugova, që kishte marrë 359,851 vota në vitin 2001.

    Kryetari i LVV-së ishte votuar në masë të madhe edhe më 9 shkurt 2025, ku kishte marrë 337.791 vota, ndërsa Glauk Konjufca ishte votuar në 315.300 sosh. Mbi 300 mijë vota kishte marrë edhe Vjosa Osmani, presidentja aktuale e vendit, saktësisht 300.756 sosh në vitin 2021.

    Kur jemi tek partitë, pas Vetëvendosjes, renditja e subjekteve politike vijon me Partinë Demokratike e Kosovës, e cila ka marrë 20.24 për qind të votave, e ndjekur nga Lidhja Demokratike e Kosovës me 13.26 për qind, si dhe Aleanca për Ardhmërinë e Kosovës me 5.50 për qind.

    Bazuar në këto rezultate preliminare, shpërndarja e ulëseve në Kuvendin e Kosovës parasheh që LVV-ja të ketë 57 mandate, PDK-ja 22, LDK-ja 15, AAK-ja 6, ndërsa 20 ulëse u takojnë përfaqësuesve të komuniteteve joshumicë.

    Sa i përket pjesëmarrjes në zgjedhje, sipas KQZ-së, në procesin zgjedhor kanë marrë pjesë 45.03 për qind e votuesve, përkatësisht 900,330 qytetarë nga gjithsej 1,999,204 votues sa ishin të regjistruar në Listën Votuese brenda vendit. Ndërkohë, 77,086 qytetarë ishin të regjistruar për votim jashtë Kosovës.

    Procesi zgjedhor brenda Kosovës është zhvilluar në 948 qendra të votimit, me gjithsej 2,614 vendvotime, përfshirë votimin e rregullt dhe atë me kusht. Ndërkaq, votimi jashtë vendit është organizuar më 27 dhjetor në 29 përfaqësi diplomatike të Kosovës, të vendosura në 18 shtete, ku të drejtë vote kanë pasur 19,187 votues të regjistruar.