Blog

Në ditën e katërt nga moti i keq, janë 1587 banesa dhe 13211 hektarë tokë të përmbytura.

Bilanci u shpall në mbledhjen e këshillit të Emergjencave Civile të cilin e drejtori kryeministri Rama. Për situatën e krijuar janë vënë në dispozicion 50 milionë euro, dhe sipas kreut të ekzekutivit, do dëmshpërblehen banorët e prekur.

Ndërkohë sot është shfaqur që përmirësim i situatës në disa zona, ku ka nisur tërheqja e ujit.

Në Durrës vijon të mbetet problematike, edhe pse në disa zona ka shenja të përmirësimit. Në Durrësin e Ri (ish-Kënetë), strukturat e emergjencave dhe grupet e shërbimit ndodhen në terren, ku po punohet për normalizimin e plotë të situatës. Paralelisht, vijojnë verifikimet dhe vlerësimet në banesat e përmbytura, ku deri më tani janë konstatuar 2 380 banesa të prekura nga uji. Në qytetin e Durrësit, situata është ende e ndjeshme. Aktualisht janë 356 persona të evakuuar, prej të cilëve 123 janë akomoduar në hotele, ndërsa 304 të tjerë janë strehuar në dy konvaleshencat e ministrive të Brendshme dhe të Mbrojtjes.

Në Sukth, situata paraqitet disi më e lehtësuar. Në zonën e Vadardhës, uji ka nisur të tërhiqet, megjithatë autoritetet mbeten në gatishmëri për shkak të pasojave të shumta të përmbytjeve. Në këtë zonë janë evakuuar 322 persona, nga të cilët 76 janë strehuar në hotele, ndërsa 246 pranë familjarëve.

Prurjet e lumit Vjosa kanë shënuar rënie gjatë natës. Aktualisht, prurjet e ujit janë ulur dhe niveli i ujit te Ura e Mifolit është 8.4 metra, duke bërë që uji të tërhiqet gradualisht nga zonat e përmbytura. Megjithatë, situata mbetet problematike në zonën e Bishanit, ku nënkalimi vijon të jetë i mbuluar nga rreth 2 metra ujë, duke e bërë të pamundur qarkullimin e automjeteve.

Situata hidrometeorologjike në qarkun e Fierit paraqitet më e qëndrueshme, ndërsa autoritetet raportojnë për ulje të niveleve të lumenjve dhe funksionim normal të infrastrukturës kryesore.

Situata në qarkun e Korçës vijon të jetë problematike në disa zona, si pasojë e reshjeve të shiut, borës dhe temperaturave të ulëta.

Problematika janë evidentuar në disa zona të bashkisë Gramsh, ku si pasojë e motit të keq dhe temperaturave të ulëta është raportuar ndërprerje e energjisë elektrike dhe bllokim të fshatrave për shkak të dëborës./ Tch

Gjermania pritet të përballet me atë që meteorologët e kanë vlerësuar gjendje të rënduar si pasojë e reshjeve të shtuara të borës, këtë fundjavë.

Kjo situatë që po shkon duke u përkeqësuar, ka detyruar anulimin e disa aktiviteteve zyrtare, përfshirë edhe mbylljen e shkollave. Po ashtu, është raportuar edhe për vonesa në fluturime dhe telashe në rrugë e zona të thella, në disa pjesë të vendit.

Shërbimi Meteorologjik Gjerman (DWD) e ka parashikuar motin e fundjavës si “ekstrem”, duke paralajmëruar se në disa rajone mund të bien deri në 20 centimetra dëborë gjatë së premtes.

Është thënë po ashtu se “kombinimi i erës dhe dëborës” mund të sjellë kaos dhe të shkaktojë ndërprerje të mëdha në komunikacion, përfshirë bllokime rrugësh dhe probleme serioze në qarkullim, raporton DPA, përcjell Kosovapress.

Sipas parashikimeve, stuhia “Elli” pritet ta arrijë kulmin e saj të premten, përpara se të dobësohet dhe të lëvizë drejt lindjes, në drejtim të Republikës Çeke, të shtunën.

Për shkak të këtyre paralajmërimeve, partia në pushtet CDU ka anuluar takimin e saj të parë madhor të vitit që ishte paraparë të mbahet të premten dhe të shtunën, në Mainz. Zëdhënësja e kësaj partie tha të enjten se vendimi u mor për shkak të rrezikut nga moti ekstrem dhe anulimeve të paralajmëruara të trenave dhe fluturimeve.

Komuna e Drenasit ka ftuar zyrtarisht të gjithë qytetarët që kanë pësuar dëme nga vërshimet e ditëve të fundit, që t’i drejtohen Komisionit Komunal për Vlerësimin e Dëmeve.

Përmes një njoftimi publik, komuna ka bërë të ditur se paraqitja e kërkesave brenda një afati sa më të shpejtë është e domosdoshme për të nisur procesin e kompensimit.

Komuna ka kërkuar që kërkesat të dorëzohen në sportelet e administratës komunale, duke respektuar këto kritere.

“Komuna e Drenasit njofton të gjithë qytetarët që janë prekur nga vërshimet që të paraqiten sa më parë me kërkesat e tyre pranë Komisionit Komunal për Vlerësimin e Dëmeve. Paraqitja me kohë e kërkesave është e domosdoshme, në mënyrë që komisioni të mund të fillojë procesin e verifikimit dhe vlerësimit të dëmeve sa më shpejt që të jetë e mundur. Kërkesat duhet të jenë të plota, të shoqëruara me të dhënat e nevojshme dhe të dorëzohen në sportelet e Komunës së Drenasit. Komuna e Drenasit mbetet e përkushtuar për të qenë pranë qytetarëve në këtë situatë dhe për të trajtuar me përgjegjësi çdo kërkesë të paraqitur”, thuhet në njoftimin e Komunës së Drenasit.

Sindikata e Pavarur e Minatorëve të Trepçës, përmes një reagimi ka deklaruar se është duke u bërë presion ndaj minatorëve që kanë ‘’bindje tjetër’’ dhe që ‘’mendon ndryshe’’ nga menaxhmenti i ndërmarrjes.

Në reagimin e sindikatës është thënë edhe se pasojat e ‘’keqpërdorimeve serioze’’ që kanë krijuar humbje të mëdha financiare, po tentohet që tu barten minatorëve.

‘‘Komisionet disiplinore po veprojnë në mënyrë selektive dhe të njëanshme, nën ndikim dhe direktiva, jo mbi bazë të ligjit, fakteve dhe rregulloreve. Minatorëve po u mohohet e drejta në mbrojtje, në informim të drejtë dhe në trajtim të barabartë në raportet e punës’’, thuhet mes tjerash nga sindikata, përcjell Gazeta Express.

Më tej, nga sindikata thuhet edhe se, institucionet përgjegjëse po heshtin ndërsa Inspektorati i Punës nuk po reagon ndaj shkeljeve të vazhdueshme në marrëdhëniet e punës.

Reagimi i plotë:

Reagim për largimin e vazhdueshëm dhe të padrejtë të minatorëve nga Puna.

Të nderuar minatorë,

të nderuar qytetarë të Republikës së Kosovës,

Shprehim shqetësimin dhe pakënaqësinë tonë të thellë për përndjekjen selektive dhe presionin që po ushtrohet ndaj minatorëve në ditët e fundit, për secilin që ka bindje tjetër dhe mendon ndryshe nga menaxhmenti i ndërmarrjes, në një kohë kur problemet reale në Trepçë vazhdojnë të mbesin pa përgjegjësi dhe pa zgjidhje.

Ndër vite janë evidentuar keqmenaxhime dhe keqpërdorime serioze, me humbje të mëdha financiare, për të cilat askush nga udhëheqja nuk ka dhënë llogari.

Sot, pasojat e këtyre dështimeve po tentohen t’u barten minatorëve, të cilët po trajtohen si fajtorë për gabime që nuk i kanë shkaktuar.

Komisionet disiplinore po veprojnë në mënyrë selektive dhe të njëanshme, nën ndikim dhe direktiva, jo mbi bazë të ligjit, fakteve dhe rregulloreve.

Minatorëve po u mohohet e drejta në mbrojtje, në informim të drejtë dhe në trajtim të barabartë në raportet e punës.

Në këtë situatë, institucionet përgjegjëse po heshtin dhe po vonohen në reagim.

Inspektorati i Punës nuk po reagon ndaj shkeljeve të vazhdueshme në marrëdhëniet e punës. Prokuroria po vonon trajtimin e rasteve të dyshuara për keqpërdorime dhe shkelje ligjore. Gjykatat po zvarrisin procedurat, duke e bërë drejtësinë të vonuar dhe praktikisht të mohuar për minatorin.

Shtrojmë publikisht pyetjen:

Nëse minatori nuk mbrohet nga ligji dhe institucionet, kush e mbron atë?

Po cenohet rëndë e drejta elementare për dinjitet në punë, për siguri, për trajtim njerëzor dhe për drejtësi.

Është më e lehtë të ndërtosh karrierë personale duke mbyllur sytë para padrejtësive sesa të marrësh përgjegjësi për t’i ndrequr ato.

Ne besojmë se drejtësia mund të vonojë, por nuk mund të shuhet. Edhe nëse sot dikush i shmanget përgjegjësisë, nesër ajo do të kërkohet nga ligji, nga shoqëria dhe nga vetë historia.

U bëjmë thirrje minatorëve që të ruajnë qetësinë, unitetin dhe dinjitetin e tyre.

Ne nuk kërkojmë konflikt, por drejtësi. Nuk kërkojmë privilegje, por trajtim të barabartë dhe njerëzor.

Dhe se pavarsisht kostos që padrejtesisht na e faturoni neve si minator, asnjeher nuk do të mund të na nënshtroni dhe të na e ndrroni bindjen.

Sindikata është duke e ndjekur situatën me vëmendje të plotë dhe së shpejti do të ndërmarrë hapa konkretë, bashkë me minatorët, për të kërkuar zgjidhje dhe drejtësi.

Prandaj tani, për të saten herë, i bëjme ftesë publike Prokurorisë Speciale të Republikës së Kosovës që të zhvilloj hetime serioze dhe të mos rrij duarkryq përball kësaj katrahure dhe përndjekje.

Zyra për Mbrojtje dhe Ndihmë të Viktimave ka trajtuar 51 raste për shtatë ditë.

Në një komunikatë të Zyra për Komunikim Publik e Kryeprokurorit të Shtetit janë listuar rastet ku prijnë rastet me dhunë në familje.

Gjatë periudhës njëjavore të punës në Zyrën për Mbrojtje dhe Ndihmë të Viktimave, mbrojtësit e viktimave në nivel të Kosovës kanë trajtuar gjithsej 51 raste të reja të paraqitura. Prej tyre:

48 raste – dhunë në familje

1 rast – trafikim

2 raste – sulm seksual

3 Kërkesa për Urdhër Mbrojtje (KUM) të parashtruara në gjykatë

8 Kërkesa për Urdhër Mbrojtje Emergjente (KUME)

1 kërkesë për ndërprerje të UM-së

2 Kërkesa për Urdhër Mbrojtje të përkohshëm Emergjente (KUME)

6 aktvendime të aprovuara

16 seanca gjyqësore

4 seanca në prokurori

51 këshilla juridike

6 aktgjykime dënuese

2 përfaqësime të rastit në polici

8 referime të rastit në QPS

Me përgjegjësi institucionale dhe besim të plotë, sot mora vendim për emërimin e Diamant Bytyqit në detyrën e Nënkryetarit të Komunës.

Diamanti është një njeri i përkushtuar, me integritet dhe vizion për të ardhmën. Jam i bindur se, me punë, urtësi dhe bashkëpunim, do t’u shërbejë me nder dhe përgjegjësi qytetarëve tanë.

I uroj shumë sukses në këtë detyrë të rëndësishme dhe në punën tonë të përbashkët ka njoftuar Kryetari i Komunes se Lipjanit, Imri Ahmeti.