Blog

Pronari i barit zviceran, ku vdiqën 40 persona në një zjarr tragjik gjatë natës së Vitit të Ri, është arrestuar.

Çifti i martuar Jacques Moretti, 49 vjeç, dhe gruaja e tij Jessica, 40 vjeç, po hetohen për disa krime që lidhen me zjarrin tragjik në klubin e nates në Crans-Montana, ku humbën jetën 40 persona, përfshirë shumë adoleshentë. Ata janë akuzuar për vrasje nga pakujdesia, lëndim trupor nga pakujdesia dhe zjarrvënie nga pakujdesia.

Policia tha se Jacques Moretti, i cili dyshohet të ketë pasur një karrierë të mëparshme si prokuror, u arrestua për shkak se rrezikonte të arratisej. Grua e tij, Jessica, u pyet gjithashtu nga autoritetet, por u lejua të qëndronte në liri.

Sipas ‘The Sun‘, hetimet kanë zbuluar se Jacques dhe Jessica kanë pasur një ndikim të madh në përhapjen e këtij zjarri vdekjeprurës, ndërsa Jessica dyshohet të ketë ikur me një arkë plot me para natën e zjarrit, duke injoruar të pranishmit që ishin në rrezik. Ajo mund të përballet me akuza të tjera për “mosndihmë për njerëzit në rrezik”.

Zjarri shpërtheu në klubin e natës Le Constellation, një lokal shumë i frekuentuar nga të rinjtë, ku 40 persona, përfshirë 26 adoleshentë, humbën jetën. Pjesa më e madhe e viktimave ishin të moshës 14 deri në 39 vjeç. Disa prej viktimave ishin shtetas të Francës, Italisë, Rumanisë dhe vendeve të tjera, përfshirë një shtetas francez 14-vjeçar dhe një 14-vjeçar nga Zvicra.

Një hetim më i thelluar ka zbuluar se çifti Moretti mund të ketë shkelur standardet e sigurisë, duke mos siguruar pajisje të duhura për shuarjen e zjarrit dhe daljet e emergjencës. Ka pasur raporte për mungesën e një daljeje emergjente që ishte gjithmonë e mbyllur.

Një nga detajet më shqetësuese është se llogaritë e mediave sociale të lokalit, përfshirë Facebook dhe Instagram, u bllokuan mes orës 3 të mëngjesit dhe 6:30 të mëngjesit të natës së zjarrit, ndërsa operacionet e shpëtimit ishin ende në zhvillim. Avokatët e disa të plagosurve kanë ngritur dyshime për mundësinë e shkatërrimit të provave.

Në një zhvillim tjetër, ka dalë në pah se Jacques Moretti kishte një të kaluar kriminale, përfshirë dënime për mashtrim dhe rrëmbim. Hetimet po përqendrohen gjithashtu në punimet e rinovimit të barit në vitin 2015, të cilat mund të kenë ndikuar në rrezikshmërinë e zjarrit, shkruan Insajderi.org

Një minutë heshtje është mbajtur në të gjithë Zvicrën për të nderuar viktimat, ndërkohë që presidenti zviceran Guy Parmelin, së bashku me homologët e tij francezë dhe italianë, morën pjesë në një ceremoni përkujtimore në Martigny. Tragjedia e këtij zjarri ka goditur Zvicrën thellë dhe ka shkaktuar një shpërthim dhimbjeje në të gjithë vendin.

Ministri në detyrë i Drejtësisë, Blerim Sallahu, ka reaguar pas pranimit të aktgjykimit të Gjykatës Kushtetuese lidhur me Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.

Përmes një postimi në Facebook, Sallahu e cilësoi procesin si të vonuar dhe të dëmshëm për luftën kundër korrupsionit.

Sipas Sallahut, aktgjykimi është pranuar pas një viti e 28 ditësh, duke tejkaluar afatet ligjore.

“Është joligjore, joprofesionale dhe joetike, që një ligj kaq me rëndësi për luftimin e krimit dhe korrupsionit të zyrtarëve publik të mbahet në sirtarët e Gjykatës me shumë se një vit vetëm për çështje procedurale!” shkroi Sallahu.

Ky është postimi i plotë i tij:

Pas 1 viti e 28 ditësh pranuam aktgjykimin e Gjykatës Kushtetuese lidhur me vlerësimin e Projektligjit për Byronë Shtetërore për Verifikimin dhe Konfiskimin e Pasurisë së Pajustifikueshme.

Gjykata pas shkeljes së afateve ligjore, konstatoi se ka shkelje procedurale të miratimit të projektligjit përkatës në Kuvend, andaj serish duhet t’i kthehet Kuvendit për miratim.

Është joligjore, joprofesionale dhe joetike, që një ligj kaq me rëndësi për luftimin e krimit dhe korrupsionit të zyrtarëve publik të mbahet në sirtarët e Gjykatës me shumë se një vit vetëm për çështje procedurale!

Vonesa të tilla, cenojnë kompetencat ekskluzive kushtetuese të Qeverisë dhe Kuvendit në miratimin e ligjeve.

Përfundimisht mund të themi se pavarësisht pengesave nga akterë me qëllime të caktuara, konfiskimi i pasurisë së pajustifikueshme do të fillojë këtë vit!

Gjykata Kushtetuse e ka rrëzuar edhe Ligjin për Byronë Shtetërore për Verifikimin dhe Konfiskimin e Pasurisë së Pajustifikueshme. Ky është ligji i 13’të i Qeverisë Kurti, i shfuqizuar gjatë ditës së sotme.

Vendimi është marrë me pesë vota për dhe dy kundër, pas ankesës së PDK’së për vlerësimin e kushtetueshmërisë së këtij ligji.

“TË SHFUQIZOJË, me pesë (5) vota për dhe dy (2) kundër, (i) Vendimet [nr. 08- V-798] dhe [nr. 08-V-844] e 5 dhjetorit 2024, të Kuvendit të Republikës së Kosovës, përmes të cilit është miratuar Ligji nr. 08/L-32 për Byronë Shtetërore për Verifikimin dhe Konfiskimin e Pasurisë së Pajustifikueshme”, thuhet në vendim.

Me Ligjin për Byronë Shtetërore parashihej që të gjithë zyrtarët publikë në Kosovë mund të jenë subjekt i verifikimit të pasurisë nëse ekzistojnë dyshime për prejardhjen e saj.

Presidentja e Kosovës, Vjosa Osmani ka ngushëlluar familjen Sadriu për ndarjen nga jeta të ish-Ministrit të Financave, Ali Sadriu.

E para e shtetit ka thënë se kontributi i tij në shërbim të institucioneve të vendit dhe i palodhur në përkushtim ndaj qytetarëve do të mbetet gjithmonë i paharrueshëm.

“Me pikëllim të thellë mora lajmin për ndarjen nga jeta të z. Ali Sadriu, ish-Ministër i Financave, ish deputet në dy mandate dhe ish-Drejtor Ekzekutiv i QKUK-së. Kontributi i tij i jashtëzakonshëm në shërbim të institucioneve të vendit dhe i palodhur në përkushtimin ndaj qytetarëve do të mbetet gjithmonë i paharrueshëm. Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes.I përhershëm qoftë kujtimi për Ali Sadriun!”, ka shkruar Osmani.

Kompania Rajonale e Ujësjellësit “Prishtina” ka njoftuar se si pasojë e shembjeve të vazhdueshme të dheut në ujërat nëntokësore të Stacionit të Pompimit, një pjesë e konsiderueshme e banorëve të komunës së Shtimes do të përballen me furnizim të kufizuar dhe presion të ulët të ujit të pijshëm.

Këto probleme me ujë pritet t’i kenë fshatrat Davidovc, Rashincë, Muzeqinë, Gjurkovc, Vojnovc dhe Gllavicë të kësaj komune.

KRU “Prishtina” thotë se kjo gjendje është shkaktuar nga turbullirat e krijuara si pasojë e shembjeve të dheut dhe do të zgjasë deri në përmirësimin e kushteve natyrore, duke kërkuar kështu mirëkuptimin e qytetarëve.

Shtrenjtimi deri në dhjetëfishim i taksave gjyqësore me udhëzimin e ri administrativ, është përshtatjeje me realitetin ekonomik dhe standardet aktuale në Republikën e Kosovës.

Në përgjigjen e KGjK-së, thuhet se që nga viti 2017 nuk ka pasur asnjë ndryshim në, pavarësisht ndryshimeve të theksuara në standardin jetësor, zhvillimeve ekonomike dhe rritjes së kostove të sistemit gjyqësor.

Sipas këtij këshilli, vendimi për ndryshimin e taksave, është bërë duke respektuar parimin e proporcionalitetit dhe duke pasur parasysh zgjerimin e ndjeshëm të kategorive të liruara nga pagesa e taksave gjyqësore.

Duke u arsyetuar se taksat gjyqësore të përcaktuara me këtë udhëzim derdhen në Buxhetin e Republikës së Kosovës dhe nuk përbëjnë të hyra të drejtpërdrejta për Këshillin Gjyqësor të Kosovës apo për gjykatat, ky institucion bën me dije se udhëzimi i ri i ka liruar nga pagesa, shfrytëzuesit e asistencës sociale, familjet e dëshmorëve dhe të personave të zhdukur gjatë luftës, invalidët dhe veteranët e luftës, familjet e viktimave civile të luftës, viktimat e dhunës seksuale gjatë luftës, personat me aftësi të kufizuara, përfshirë personat paraplegjikë, tetraplegjikë dhe personat e verbër, si dhe personat që gëzojnë të drejtën për ndihmë juridike falas. /Kp/

Në Gjykatën Themelore të Prizrenit pak më parë ka nisur seanca dëgjimore për caktimin e masës së sigurisë ndaj 39 të arrestuarve, të dyshuar për keqpërdorime në Byronë Kosovare të Sigurimeve.

Kryeprokurori i Prokurorisë Themelore në Prizren, Petrit Kryeziu, dje tha se dëmi vlerësohet të jetë 1 milion e 43 mijë euro, derisa shtoi se cak i hetimeve ishin edhe ish-drejtori i BKS-së, Sami Mazreku dhe ish-drejtori i Financave, Valon Berisha, të cilët po ashtu janë në mesin e të arrestuarve.

Prokuroria ka bërë kërkesë për caktimin e masës se paraburgimit prej 30 ditësh.