Blog

Policia ka njoftuar se një vajzë në Drenas ka raportuar se është ngacmuar seksualisht nga një person.

I dyshuari është arrestuar, e vajza ka pranuar trajtim mjekësor.

Sipas Policisë, i dyshuari është me të meta mendore.

“Viktima femër kosovare- e mitur, ka raportuar rastin  ndaj të dyshuarit mashkull kosovar me të meta mendore. Viktima ka pranuar tretman mjekësor ndërsa i dyshuari është arrestuar dhe me vendim të prokurorit është dërguar në mbajtje”, thuhet në raportin e PK-së.

Një tërmet i fortë, me magnitudë 5.1, u ndje në orën 5:53 të mëngjesit në Reggio Calabria, të Italisë me raportime të shumta edhe nga Messina dhe zona të tjera të Siçilisë dhe Kalabrisë.

Epiqendra, sipas faqes së internetit të Institutit Kombëtar të Gjeofizikës dhe Vullkanologjisë, ishte në det pranë bregdetit Jon në një thellësi prej 65 kilometrash.

Mediat italiane, referuar të dhënave të autoriteteve vendase bëjnë të ditur se nuk janë raportuar dëme.

Sulmet me dronë gjatë natës mes Rusisë dhe Ukrainës kanë lënë të plagosur dhe kanë shkaktuar dëme të mëdha, me tre persona që janë plagosur në rajonin ukrainas të Dnipropetrovskut, tha guvernatori Oleksandr Hanzha.

Një burrë u plagos në Dnipro, dhe një burrë e një grua u plagosën në Krivi Rih. Sulmet kanë shkaktuar zjarr, tha Hanzha.

“Infrastruktura ka pësuar dëme, ka ndërprerje të rrymës”, theksoi ai.

Sipas autoriteteve, mbrojtja ajrore ka arritur që të rrëzojë 27 dronë rusë.

Në Rusi – shtet që nisi pushtimin në shkallë të plotë të Ukrainës më 2022 – Ministria e Mbrojtjes ka raportuar se ka rrëzuar 59 dronë ukrainas. Nga këto fluturake, 11 u rrëzuan mbi Detin e Zi dhe dhjetë të tjerë në rajonin rus të Krasnodarit, njofton rel.

Edhe Rusia ka raportuar për dëme nga sulmet.

Sipas guvernatorit të rajonit Volgograd, Andrey Bocharov, një depo e naftës në Oktiabrski është goditur nga copëzat e dronëve të rrëzuar. Kjo gjë ka shkaktuar zjarr në këtë depo dhe zjarrfikësit kanë dalë në vendngjarje për të shuar flakët.

Autoritetet kanë evakuuar banorët për shkak të zjarreve, sipas Bocharovit.

Ra me automjetin që drejtonte në përroin e fshatit Dars, nuk njoftoi Policinë dhe u largua nga vendngjarja, dyshohet se nuk i dha ndihmë pasagjerit në brendësi të automjetit, Policia identifikon, kap dhe arreston 24-vjeçarin.

Shërbimet e Policisë dhe polumbarët e RENEA-s vijojnë kërkimet për gjetjen e pasagjerit, që dyshohet se e ka marrë rrjedha e përroit.

Rreth orës 01:30, është marrë informacion se në vendin e quajtur ura e fshatit Dars, njësia administrative Klos, një mjet tip “Audi”, me targa angleze, ka dalë nga rruga dhe ka rënë në përroin e fshatit Dars.

Menjëherë në vendngjarje kanë shkuar shërbimet e Policisë dhe shërbimi zjarrfikës.

Nga veprimet e shpejta të kryera nga shërbimet e Policisë u bë i mundur identifikimi i drejtuesit të mjetit, shtetasit A. L., 24 vjeç, banues në fshatin Fullqet, Klos.

Po nga veprimet dyshohet se në automjet ka qenë edhe një pasagjer, shtetasi J. K., 30 vjeç, banues në fshatin Fullqet, të cilin dyshohet se e ka marrë rrjedha e përroit.

Gjatë veprimeve për zbardhjen e rrethanave të aksidentit, shërbimet e Policisë kapën dhe arrestuan shtetasin A. L., 24 vjeç, i cili dyshohet se pas shkaktimit të aksidentit është larguar nga vendngjarja.

Ky shtetas iu nënshtrua testit të alkoolit, nga i cili rezultoi se e drejtonte mjetin në gjendje të dehur.

Ndërkohë, polumbarët e RENEA-s, shërbimet e Policisë dhe zjarrfikësit vijojnë kërkimet në përroin e fshatit Dars për gjetjen e pasagjerit, shtetasit J. K.

Materialet procedurale iu referuan Prokurorisë për veprime të mëtejshme.

Ka vdekur një person i cili ishte aksidentuar më 30 dhjetor të 2025-ës, në Prishtinë.

Nga Policia kanë njoftuar se ai ishte duke marrë tretman mjekësor.

“Rr. Sokol Sopi, Prishtinë  30.12.2025 – 16:45. Me 09.01.2026 është raportuar se viktima mashkull kosovar, gjersa ishte në tretman mjekësor, si pasojë e lëndimeve të marra në aksident ka ndërruar jetë. Me vendim të prokurorit trupi i pa jetë është dërguar në IML për obduksion”, thuhet në raportin 24 orësh të Policisë.

Qendra Kombëtare për Menaxhim Kufitar (QKMK) ka përditësuar të dhënat, duke njoftuar se kohët e pritjeve në pikat kufitare të Kosovës janë rritur.

Në pikëkalimin kufitar në Merdarë, pritjet për të dalë nga Kosova arrijnë deri në 40 minuta, ndërsa për hyrje deri në 5 minuta.

Në pikat e tjera kufitare fluksi i udhëtarëve dhe koha e pritjes mbeten më të ulëta, sipas QKMK-së.

Presidenti i SHBA-së, Donald Trump, ka kërkuar të paktën 100 miliardë dollarë (75 miliardë paund) investime nga industria e naftës për Venezuelën, por ka marrë një reagim të vakët në Shtëpinë e Bardhë, pasi një nga drejtuesit paralajmëroi se vendi i Amerikës së Jugut aktualisht është “i painvestueshëm”.

Drejtuesit e kompanive më të mëdha amerikane të naftës që morën pjesë në takim pranuan se Venezuela, e cila zotëron rezerva të mëdha energjetike, përfaqëson një mundësi joshëse.

Megjithatë, ata theksuan se do të duheshin ndryshime të mëdha për ta bërë rajonin tërheqës për investime. Asnjë angazhim i madh financiar nuk u bë menjëherë, raporton BBC, transmeton SInjali.

Trump ka deklaruar se do ta çlirojë naftën e këtij vendi të Amerikës së Jugut pasi forcat amerikane kapën liderin e tij, Nicolas Maduro, gjatë një operacioni më 3 janar në kryeqytet.

“Një nga gjërat që Shtetet e Bashkuara do të përfitojnë nga kjo do të jenë çmime edhe më të ulëta të energjisë,” tha Trump gjatë takimit të së premtes në Shtëpinë e Bardhë.

Por drejtuesit e industrisë së naftës shprehën kujdes.

Shefi ekzekutiv i Exxon-it, Darren Woods, tha: “Neve na janë sekuestruar asetet atje dy herë dhe mund ta imagjinoni se rikthimi për herë të tretë do të kërkonte disa ndryshime shumë të mëdha krahasuar me atë që kemi parë historikisht dhe me gjendjen aktuale.”

“Sot është i painvestueshëm.”

Venezuela ka pasur një marrëdhënie të ndërlikuar me kompanitë ndërkombëtare të naftës që nga zbulimi i naftës në territorin e saj më shumë se 100 vjet më parë.

Chevron është kompania e fundit e madhe amerikane e naftës që ende operon në këtë vend.

Edhe disa kompani nga vende të tjera, përfshirë Repsol-in e Spanjës dhe Eni-n e Italisë, të cilat ishin të përfaqësuara në takimin në Shtëpinë e Bardhë, janë aktive në Venezuelë.

Trump tha se administrata e tij do të vendosë se cilat kompani do të lejohen të operojnë.
“Ju po merreni drejtpërdrejt me ne. Nuk po merreni fare me Venezuelën. Ne nuk duam që ju të merreni me Venezuelën,” tha ai.

Shtëpia e Bardhë ka bërë të ditur se po punon për të tërhequr “në mënyrë selektive” sanksionet amerikane që kanë kufizuar shitjet e naftës venezueliane.

Zyrtarët thonë se janë duke u koordinuar me autoritetet e përkohshme në vend, i cili aktualisht drejtohet nga ish-numri dy i Madurros, nënpresidentja Delcy Rodríguez.

Por ata kanë bërë të qartë gjithashtu se synojnë të ushtrojnë kontroll mbi shitjet, si një mënyrë për të ruajtur ndikimin ndaj qeverisë së Rodríguez-it.

SHBA-ja këtë javë ka sekuestruar disa cisterna nafte që transportonin naftë të sanksionuar. Zyrtarët amerikanë kanë deklaruar se po punojnë për të ngritur një proces shitjeje, ku paratë e mbledhura do të depozitohen në llogari të kontrolluara nga SHBA-ja.

“Ne jemi të hapur për biznes,” tha Trump.

Dashi: Energjia jote është e lartë dhe të shtyn të marrësh iniciativa të guximshme. Në punë mund të shfaqet një mundësi e papritur që kërkon vendim të shpejtë. Në dashuri, shmang tonet e ashpra dhe dëgjo më shumë.

Demi: Kjo ditë të fton të ngadalësosh ritmin dhe të reflektosh. Çështjet financiare kërkojnë kujdes dhe planifikim të matur. Në familje, një bisedë e sinqertë sjell qetësi.

Binjakët: Komunikimi është pika jote e fortë sot. Takime, mesazhe dhe lajme të reja mund të ndryshojnë planet e ditës. Në dashuri, një flirt i lehtë të ngre humorin.

Gaforrja: Ndjeshmëria është më e theksuar se zakonisht. Kujdes të mos marrësh gjithçka personale, sidomos në ambientin e punës. Mbrëmja është ideale për qetësi dhe kohë me njerëzit e afërt.

Luani: Vëmendja është mbi ty dhe di ta shfrytëzosh. Një sukses i vogël profesional të motivon për hapa më të mëdhenj. Në dashuri, tregohu më bujar me ndjenjat.

Virgjëresha: Detajet bëjnë diferencën sot. Organizimi dhe përkushtimi të sjellin rezultate konkrete. Mos e lodh veten tepër, një pushim i shkurtër do të të bëjë mirë.

Peshorja: Kërkon ekuilibër mes dëshirave personale dhe detyrimeve. Një vendim emocional mund të ndikojë marrëdhëniet. Dëgjo intuitën, por mos anashkalo arsyen.

Akrepi: Dita sjell intensitet dhe vendime të rëndësishme. Një e vërtetë del në dritë dhe të ndihmon të sqarosh situata të paqarta. Në dashuri, pasioni është i fortë.

Shigjetari: Optimizmi yt është ngjitës. Një ide për udhëtim ose projekt të ri fillon të marrë formë. Kujdes me shpenzimet impulsive.

Bricjapi: Përgjegjësitë janë të shumta, por ti di si t’i menaxhosh. Një përpjekje e mëparshme nis të japë fryte. Në planin emocional, hapu më shumë.

Ujori: Kreativiteti dhe mendimi ndryshe të dallojnë sot. Mund të lindë një bashkëpunim interesant. Në dashuri, surprizat janë të këndshme.

Peshqit: Imagjinata është e fortë dhe të ndihmon në zgjidhjen e problemeve. Kujdes të mos humbasësh në ëndrra dhe të harrosh realitetin. Një gjest i vogël dashurie bën diferencën.