Blog

Mesfushori turk Hakan Çalhanoğlu pritet që t’i mungojë gjigantit italian Inter në ndeshjet e rradhës.

E përditshmja italiane Gazzetta dello Sport bën të ditur se turku pësoi një lëndim në këmbën e majtë,dhe se do të mugojë për 1 muaj larg fushave të gjelbërta.

Përndryshe Çalhanoğlu u detyrua të largohej nga loja në ndeshjen kundër Napolit në fundjavë,dhe pas disa kontrolleve mjekësore u konfrmua se 32 vjeçari nuk do të mund të luaj në ndeshjet kundër Udineses,Arsenalit dhe Pisës.

Kujtojmë që Hakan Çalhanoğlu në 24 ndeshje për Interin ka shënuar 8 gola e dhuroi 4 asistime në të gjitha garat.

Kombëtarja e Kosvës U18 në vollejboll pësoi humbje me rezultat 3:0 (25:10, 25:16, 25:11),ndeshje kjo në kuadër të turneut kualifikues të EuroVolley 2026.

Ndeshja u zhvillua në palestrën “Hristo Botev” në Sofje,ku vashat dardane u dominuan nga bullgaret të cilat ishin më të mira gjatë gjithë kohësh.

Për Kosovën lojtarja më e mirë në këtë ndeshje ishte Era Bajramaliu ku u dallua me një mesatare prej 7 pikësh,teksa në anën tjetër për vendaset më e mira ishte Kalina Veneva që pati 19 pikë,si  dhe  Edna Todorova shtoi edhe 8 pikë të tjera në fitoren e ekipit bullgar.

Kujtojmë që Kombëtarja e Kosovës U18 në vollejboll gjendet në grupin A të turneut kualifikues të EuroVolley 2026 që do të mbahet nga 1 deri më 12 korrik në Letoni dhe Lituani,ku përpos Bullgarisë janë edhe Greqia dhe Mali i Zi,kurse fituesi i turneut siguron biletën për më tutje.

Gjiganti kroat Dinamo Zagreb po synon që të mbajë anësorin shqiptar Arbër Hoxha deri në fund të sezonit.

Sipas raprtimeve të mediave turke dhe ato kroate drejtuesit e klubit kroat kanë refuzuar një ofertë të gjigantit turk Galatasaray për Hoxhën,dhe se një gjë e tillë nuk vihet në konsideratë pasi oferta nuk i duket e përshtatshme.

Përndryshe një ofertë e gjigantit tjetër turk Fenerbahçe për reprezentuesin e Kombëtares Shqiptare po konsiderohet më bindëse për Dinamo Zagreb,ku përfshihet një shkmbim mes Hoxhës dhe portierit Dominik Livakovic dhe kjo mund të ndryshojë vetëm nëse vije një ofertë që e pranueshme për gjigantët kroatë.

Kujtojmë që Arber Hoxha është një prej lojatrëve kryesorë tek Dinamo Zagreb,ku në në 17 ndeshje në ligën kroate shënoi 6 gola e dhuroi 3 asistime.

Ish-kampioni i UFC-së Khabib Nurmagendov ka bërë reagim lidhur me shkarkimin e Xabi Alonsos nga posti i trajnerit të Real Madrid.

Nurmagendov i doli në mbrojtje Alonsos,duke thënë se nuk e meritoi shakrkimin për shkak të sjelljeve të disa lojtarëve siç i quajti të llastuar dhe të padëgjueshëm.

“Nuk ka rëndësi nëse je në palestër apo në fushë, nëse punon me luftëtarë apo futbollistë – si trajner je shefi dhe udhëheqësi. Por nëse në ekipin tënd ekziston një ambient ku kërkesat e tua nuk respektohen, atëherë nuk jeni në të njëjtën rrugë,”

Përndryshe Habib e vlerëson mjaft shumë Alonson për punën e tij,duke e konsideruar si një prej trajnerëve më të mirë të ekopës modern.

Kujtojmë që Xabi Alonso u shkarkua nga posti i trajnerit të klubit mbretëror spanjoll Real Madrid,dhe në vend të tij është emëruar ish-futbollisti Alvaro Arbeloa.

Basketbollisti amerikan Kevin Durant vazhdon të shkruajë historinë e NBA-së edhe në moshën 37-vjeçare, duke arritur një tjetër rekord personal. Me një trepikësh të realizuar ndaj Portland Trail Blazers, Durant kaloi legjendarin Wilt Chamberlain dhe ngjitet në vendin e shtatë të realizuesve më të mirë të të gjitha kohërave në ligë.

Durant, i njohur për aftësinë e tij për të shënuar nga çdo pozicion dhe për elegancën në lëvizje, vazhdon të tregojë nivel elit edhe në këtë fazë të karrierës. Gjuajtja e tij nga pika e lartë e bën pothuajse të pamundur mbrojtjen kundër tij.

Ky sezon po e gjen “KD” në formë të jashtëzakonshme, me mesatare 26.1 pikë, 5.1 kërcime dhe 4.4 asistime për ndeshje, duke u renditur si një nga lojtarët më produktivë të ligës mbi 37 vjeç, vetëm pas Stephen Curry.

Edhe pse shpesh krahasohet me LeBron James dhe quhet “anti-LeBron” për rrugëtimin e tij të veçantë, Durant ka treguar vazhdimisht se është një nga shënuesit më të rrezikshëm në historinë e NBA-së. Ai ka lënë gjurmë të pashlyeshme, duke u përfshirë edhe në listën e 75 lojtarëve më të mirë të historisë së ligës në 75-vjetorin e NBA-së.

Pas një periudhe të gjatë negociatash dhe disa tensioneve administrative, FC Barcelona ka zyrtarizuar huazimin e mbrojtësit portugez, Joao Cancelo, nga Al-Hilal.

Mbrojtësi 31-vjeçar mbërriti në Barcelonë me fluturim privat për t’u nënshtruar testeve mjekësore dhe për të finalizuar marrëveshjen, e cila u shty disa orë për shkak të vonesave në shkëmbimin e dokumentacionit ndërkombëtar.

Cancelo do të mbajë fanellën me numrin 2, të njëjtin që kishte gjatë huazimit të tij në sezonin 2023-24. Prezantimi i tij zyrtar në klubin katalanas u realizua në prani të presidentit Joan Laporta, zëvendëspresidentit Rafa Yuste, drejtorit të futbollit Deco, anëtarit të bordit Joan Soler, si dhe familjes së lojtarit.

Zyrtarizimi i huazimit vjen pas përfundimit të gjithë procedurave të nevojshme administrative nga ana e klubit saudit, duke e bërë Cancelon pjesë të ekipit katalanas për sezonin aktual.

Mbrojtësi i kombëtares shqiptare, Mario Mitaj, është i vendosur të largohet nga Al Ittihad dhe Arabia Saudite, duke hapur rrugën për një transferim në një nga ligat kryesore europiane.

Sipas mediave në Spanjë dhe Angli, dy skuadra të mëdha po ndjekin me kujdes 22-vjeçarin: Atletico Madrid, ekipi i Cholo Simeone, dhe Sunderland, ku kapiten është Granit Xhaka.

Drejtori sportiv i Al Ittihad ka konfirmuar se mbi tavolinën e tij ka ardhur oferta nga La Liga dhe Premier Liga, duke e vendosur Mitajn në qendër të një merkatoje të nxehtë dimërore.

Mediat spanjolle e paraqesin Mitajn si një mundësi interesante për formacionin e Atletico Madrid, megjithatë theksojnë se konkurrenca brenda skuadrës dhe rivaliteti i fortë në mbrojtje mund të kufizojnë kohën e tij të lojës.

Nga ana tjetër, oferta e Sunderland i siguron Mitajt një hap të madh në Premier Ligë dhe një ambient të njohur për shqiptarët, me prezencën e Granit Xhakës si pikë e fortë për integrimin e tij.

Pas eksperiencave në Greqi, Rusi dhe Arabinë Saudite, Mario Mitaj është gati të bëjë një tjetër kapitull në karrierën e tij dhe të sfidojë veten në një nga kampionatet më të forta të Europës.

Mesfushori kosovar, Besfort Zeneli, ka bërë një hap të madh në karrierën e tij duke iu bashkuar Union Saint-Gilloise, kampionit në fuqi të Belgjikës, me një kontratë që shtrihet deri në vitin 2030.

23-vjeçari vjen nga Elfsborg i Suedisë, ku u formua që në moshë të vogël dhe u dallua si një lider i natyrshëm. Në sezonin e fundit ai mbante rregullisht shiritin e kapitenit dhe regjistroi 93 paraqitje, me 5 gola dhe 15 asistime, duke ndihmuar klubin suedez të mbyllë kampionatin në vendin e tetë.

Zeneli ka një histori të veçantë edhe në nivel ndërkombëtar: pas paraqitjeve me Kosovën U21, ai vendosi të përfaqësojë Suedinë në ekipin A, ku ka regjistruar deri më tani 5 ndeshje, debutimin e tij duke e bërë më 22 mars 2025 kundër Luksemburgut.

“Kur folëm me drejtuesit e klubit, e dija menjëherë që doja të vijoja këtu. Union është një klub me ambient familjar, por gjithmonë në nivel maksimal,” deklaroi Zeneli për faqen zyrtare të Saint-Gilloise.

Në skuadër, ai do të mbajë fanellën me numrin 23, duke nisur kështu një kapitull të ri në karrierën e tij europiane.

Trajneri i sapoemëruar i Real Madridit, Alvaro Arbeloa, ka zbuluar ambiciet e tij për të vendosur standarde të larta dhe për ta kthyer klubin në një makinë fituese.

Sot, pasuesi i Xabi Alonsos zhvilloi seancën e tij të parë stërvitore me ekipin dhe më pas mbajti konferencën e prezantimit për media.

“Ky klub ka të bëjë me fitoren, fitoren dhe fitoren përsëri. Ne duhet të tregojmë ADN-në që na ka sjellë deri këtu”, tha Arbeloa.

Trajneri shtoi se vlerat që mësoi si lojtar në dhomën e zhveshjes të Real Madridit janë ende të pranishme dhe se obsesioni i tij është të vazhdojë të mbushë kabinetin e trofeve të klubit.

“Skuadra është një grup lojtarësh me shumë entuziazëm. Pavarësisht sfidave të ndeshjeve të fundit, ata janë të motivuar për të dhënë më të mirën, për të fituar dhe për të kënaqur tifozët,” përfundoi Arbeloa.

Ky është fillimi i një kapitulli të ri për Real Madridin, ndërsa trajneri i ri synon të kthejë ekipin në majat e futbollit spanjoll dhe evropian.

Trajneri i Napolit, Antonio Conte, është ndëshkuar me dy ndeshje pezullim dhe një gjobë prej 15 mijë eurosh, pas kartonit të kuq të marrë gjatë ndeshjes së së dielës kundër Interit në “Giuseppe Meazza”.

Vendimi është konfirmuar nga Lega Serie A, e cila bëri të ditur se Conte nuk do ta udhëheqë Napolin në sfidat e radhës ndaj Parmas dhe Sassuolos.

Incidenti ndodhi në pjesën e dytë të takimit, pasi Interi fitoi një penallti pas rishikimit me VAR. Conte reagoi ashpër ndaj vendimit, duke humbur kontrollin emocional. Ai goditi topin nga zona teknike, hodhi një shishe në tokë dhe bërtiti ndaj gjyqtarit të katërt, që solli kartonin e kuq.

Napoli do të rikthehet në fushë nesër ndaj Parmës, ndërsa të shtunën përballet me Sassuolon, pa praninë e trajnerit italian në stol.

Në të njëjtën xhiro, kartonë të kuq morën edhe trajnerët Paolo Vanoli (Fiorentina) dhe Davide Nicola (Cremonese), por ata u ndëshkuan vetëm me një ndeshje pezullim secili, ndryshe nga Conte.