ATV

Blog

  • Ku t’i mbani fshesën me rrymë, kovën dhe leckat për dysheme: 3 zgjidhje ideale për banesa të vogla

    Ku t’i mbani fshesën me rrymë, kovën dhe leckat për dysheme: 3 zgjidhje ideale për banesa të vogla

    Zgjidhje të thjeshta që lirojnë hapësirë dhe e bëjnë banesën të duket më e rregullt

    Në shumë apartamente nuk ka hapësirë të dedikuar për depo. Për këtë arsye, leckat për dysheme, kovët dhe fshesat me rrymë shpesh përfundojnë në qoshe, në ballkone ose pas dyerve, duke krijuar rrëmujë.

    Lajmi i mirë është se edhe në një banesë të vogël mund të organizohet një sistem praktik ruajtjeje, duke shfrytëzuar zona që zakonisht neglizhohen. Për këtë nuk nevojiten punime të shtrenjta dhe as investime të mëdha.

    Shfrytëzimi i hapësirës vertikale dhe boshllëqeve të ngushta

    Rregulli bazë i kursimit të hapësirës është të ruani në lartësi, jo në gjerësi. Shumë mjete pastrimi mund të varen në mur ose të vendosen në hapësira të ngushta midis mobilieve.

    Hapësira pas ose pranë derës

    Hapësira midis derës së hapur të banjës dhe murit shpesh mbetet e pashfrytëzuar. Në atë mur mund të montoni një organizator me grepa ose mbajtëse të thjeshta për leckën e dyshemesë, fshesën dhe furçat. Është e rëndësishme vetëm të kontrolloni që pajisjet të mos pengojnë mbylljen e derës.

    Hapësirat midis mobilieve të mëdha dhe murit

    Hapësirat me gjerësi 15-30 cm midis frigoriferit, dollapit ose rrobalarëses dhe murit shpesh konsiderohen zona të vdekura. Aty mund të vendoset një fshesë me rrymë vertikale ose një raft i ngushtë rrëshqitës me rrota për mjetet e pastrimit dhe gjëra të vogla, transmeton Telegrafi.

    Sipërfaqet e brendshme të dollapëve

    Nëse në korridor keni një dollap, një pjesë të tij mund ta ndani për nevojat e shtëpisë. Mjafton një thellësi prej 30-40 cm. Në anën e brendshme të dollapit mund të montohen mbajtëse për leckën e dyshemesë, ndërsa në dysheme vendoset kova ose fshesa me rrymë. Dyert do t’i fshehin të gjitha nga sytë.

    Zgjidhje të veçanta për ruajtje kompakte

    Për një rregullim më serioz të hapësirës mund të merren në konsideratë opsione që nuk kërkojnë investime të mëdha.

    Dollapë të lartë dhe të ngushtë

    Një dollap me thellësi 30-40 cm, i vendosur në korridor ose në ballkon të mbyllur, mund të mbajë të gjithë “arsenalin” e pastrimit.
    Fshesa me rrymë vendoset poshtë, leckat për dysheme dhe fshesat në grepa anash, ndërsa në rafte vendosen produktet e pastrimit.

    Hapësira nën lavamanin e kuzhinës

    Vend klasik, por shpesh i paorganizuar. Rregull mund të sjellin kontejnerë të varur në derë, shporta rrëshqitëse dhe kovë kompakte të palosshme. Më e rëndësishmja është ta organizoni hapësirën me zgjuarsi, duke marrë parasysh sifonin dhe tubat.

    Zëvendësime kompakte për pajisjet klasike

    Kur hapësira është shumë e kufizuar, ndihmon zëvendësimi i pajisjeve voluminoze me variante më kompakte:

    • Kova silikoni e palosshme, në gjendje të palosur, zë vetëm disa centimetra
    • Pastruesi i dyshemesë me shtrydhëse të integruar nuk kërkon kovë të veçantë
    • Fshesa me rrymë vertikale ose roboti pastrues janë shumë më kompaktë se modelet klasike.

  • Pacolli: Tradhtia dhe pabesia rëndojnë shpirtin dhe kthehen gjithmonë si bumerang

    Pacolli: Tradhtia dhe pabesia rëndojnë shpirtin dhe kthehen gjithmonë si bumerang

    Ish-presidenti i Kosovës, Behgjet Pacolli, ka publikuar një mesazh reflektues në rrjete sociale, ku flet për pasojat e tradhtisë, pabesisë dhe mosmirënjohjes në jetën e njerëzve.

    Sipas Pacollit, veprime si gënjeshtra, shpifja dhe përdorimi i gjuhës së ndyrë ndikojnë negativisht në kualitetin e jetës dhe rëndojnë shpirtin e atyre që i bartin.

    Ai thekson se këto sjellje, sipas tij, kthehen gjithmonë si “bumerang”.

    “Tradhtia, pabesia, mosmirënjohja, gënjeshtra, shpifja, gjuha e ndyrë etj., ndikojnë negativisht në kualitetin e jetës dhe ato e rëndojnë shpirtin e atij që i bart dhe i kthehen gjithmonë si bumerang. Në përvojën time, njerëzit që më kanë braktisur me dashakeqësi kanë tentuar të më lëndojnë ose më kanë tradhtuar në jetë, kanë dështuar çuditërisht. Unë besoj se njerëzit e mirë shpërblehen dhe të këqijtë ndëshkohen nga jeta. Herët apo vonë”, ka shkruar Pacolli në Facebook.

  • Tre ditë zie në Spanjë për viktimat e aksidentit tragjik hekurudhor

    Tre ditë zie në Spanjë për viktimat e aksidentit tragjik hekurudhor

    Kryeministri spanjoll, Pedro Sanchez ka shpallur tre ditë zie kombëtare për viktimat e aksidentit hekurudhor që vrau të paktën 40 persona.

    Sanchez premtoi gjithashtu se do të zbulojë arsyen pse dy trenat me shpejtësi të lartë u përplasën në Spanjën jugore, ndërsa ekipet e shpëtimit vazhdojnë të kërkojnë nën rrënoja, raporton BBC.

    Më shumë se 120 persona të tjerë u plagosën ndërsa vagonët e një treni që shkonte në Madrid dolën nga shinat dhe kaluan në shinat e kundërta, duke u përplasur me një tren që po vinte përballë në Adamuz të dielën në mbrëmje.

    Aksidenti është më i rëndi që vendi ka parë në më shumë se një dekadë.

  • ​27 vjet nga shpërbërja e TMK-së në FSK

    ​27 vjet nga shpërbërja e TMK-së në FSK

    Ishte viti 1999 ku nisi çarmatimi i Ushtrisë Çlirimtare të Kosovës, për t’u shndërruar më vonë në Trupat Mbrojtëse të Kosovës.

    Nuk shkoi shumë dhe në vitin 2000 përfundon edhe transformimi i UÇK-së në TMK.Kjo e gjitha kishte nisur pas marrëveshjes së Kumanovës dhe në pajtim me marrëveshjen e Rambujesë. Trupat Mbrojtëse të Kosovës (TMK) ishin pjesë përbërëse e Qeverisë së Përkohshme të Kosovës nën protektoratin e OKB-së, saktësisht misionit të OKB-së në Kosovë, UNMIK-ut.

    Udhëheqësi i parë i TMK-së u emërua gjeneral-lejtënant, Agim Çeku. Sipas marrëveshjes, detyrat dhe të drejtat e TMK-së në atë kohë ishin veprimi për ndalimin dhe zvogëlimin dëmeve nga katastrofat natyrore dhe aksidentet, ofrimi i ndihmës në zona të rrezikuara, ndihma në pastrimin e fushave të minuara, ndihma për ri-ndërtimin dhe komunitetet, raporton KP.

    TMK u themelua në kohën e fillimit të organizmit institucional të vendi që po ndodhnin jo vetëm në Kosovë, por edhe në rajon, e cila rritej e forcohej, por në kushte jo të mira dhe paga të ulëta.

    Më 2 shkurt 2007 i dërguari special për statusin e Kosovës, Martti Ahtisaari, dorëzoi propozimin e tij në Prishtinë dhe Beogradit, “Standardet për Kosovën”, në të cilën parashihej edhe shpërbërja e TKM-së, dhe krijimi i një force të re.

    “Do të krijohet një forcë e re, profesionale dhe shumë-etnike për sigurinë e Kosovës, e cila do të jetë e armatosur lehtë dhe do të jetë e aftë të mbulojë nevoja të caktuara të sigurisë sipas Shtesës VII të kësaj marrëveshje. Trupat Mbrojtëse të Kosovës, pasi e arritën qëllimin e tyre, duke përfshirë këtu lehtësimin e rindërtimit pas lufte të Kosovës. Ato do të shpërndahen 1 vit pas miratimit të kësaj marrëveshjeje”, shkruhej në Planin e Ahtisaarit.

    Por më 2009 kjo forcë prapë u shpërbë për tu shndërruar në një forcë tjetër, tash Forca e Sigurisë së Kosovës.

    Më 20 janar 2009, TMK-ja zyrtarisht u shpërbë në FSK. Forca e Sigurisë së Kosovës, fillimisht kishte përgjegjësi që të përballet me katastrofat e rënda, siç janë tërmetet, vërshimet ose zjarret që mund të kërcënojnë Kosovën.

    Më 4 mars të vitit 2014, Qeveria e Kosovës mori vendimin që të formohen Forcat e Armatosura të Kosovës, si ushtri e Kosovës, e cila parashihet t’i mbërrijë kapacitetet që të mund të sigurojë integritetin e Kosovës. Më 14 dhjetor 2018, Parlamenti i Kosovës me 106 vota pro dhe një abstenim, miratoi tri ligjet që e ndryshojnë mandatin e Forcës së Sigurisë së Kosovës (FSK) në ushtri të Kosovës, por pa iu ndërruar emri.

    Ligjet e miratuara ishin Projektligji për Ministrinë e Mbrojtjes, Projektligji për Forcën e Sigurisë së Kosovës dhe Projektligji për shërbim në Forcën e Sigurisë së Kosovës. Deputetët serbë në Parlamentin e Kosovës nuk morën pjesë në seancë, pasi ata ishin kundër formimit të Ushtrisë së Kosovës.

  • Zelensky paralajmëron: Rusia po përgatit një sulm masiv ndaj Ukrainës

    Zelensky paralajmëron: Rusia po përgatit një sulm masiv ndaj Ukrainës

    Presidenti i Ukrainës, Volodymyr Zelensky, ka paralajmëruar se Rusia ka përgatitur një sulm masiv kundër Ukrainës, duke u bërë thirrje qytetarëve të tregojnë vigjilencë të shtuar, pasi mbetet e paqartë koha kur forcat ruse do ta ndërmarrin ofensivën.

    “Ditët e ardhshme duhet të qëndrojmë në gatishmëri të lartë, Rusia është përgatitur për një sulm masiv dhe po pret momentin e duhur për ta realizuar. Kushtoni vëmendje të veçantë paralajmërimeve për sulme ajrore. Çdo rajon duhet të jetë gati të reagojë shpejt dhe të mbështesë qytetarët tanë”, deklaroi Zelensky.

    Autoritetet ukrainase kanë shtuar masat e sigurisë, ndërsa situata mbetet e tensionuar në të gjithë vendin, mes frikës për një përshkallëzim të ri të luftës, ka transmetuar Panorama.

  • ​Turqia feston 105 vjetorin e pavarësisë

    ​Turqia feston 105 vjetorin e pavarësisë

    Më 20 janar të vitit 1921, Turqia shpallet shtet i pavarur mbi atë që kishte mbetur nga perandoria osmane.

    Kushtetuta e vitit 1921 (Kanunu) ishte ligji themelor i Turqisë për një periudhë të shkurtër 1921-1924.

    “Kanunu” ishte një dokument i thjeshtë i përbërë nga vetëm 23 artikujve të shkurtër.

    Në tetor 1923, kushtetuta u shtua për të deklaruar se Turqia është republikë.

    Në prill të vitit të ardhshëm kushtetuta u zëvendësua me një dokument krejtësisht të ri, Kushtetuta e 1924.

  • Horoskopi për sot

    Horoskopi për sot

    Dashi

    Do ndiheni aq te lumtur sot ne krahët e partnerit tuaj, saqë nuk do dëshironi te shkëputeni asnjë moment prej tij. Emocionet dhe kënaqësitë do jene te mëdha. Beqaret do fillojnë te pëlqejnë tej mase një person te cilin me pare as qe e konsideronin fare. Ne planin financiar do ndërmerrni sfida te vështira, por ne fund do ja dilni ta stabilizoni situatën.

    Demi

    Nëse jeni ne një lidhje qe prej kohesh, sot do kaloni një dite shume te veçante dhe te mbushur me surpriza te mëdha. Tregohuni ne çdo moment te disponueshem për partnerin. Beqaret duhet t’i bëjnë sytë katër sepse personi ideal do jete shume afër tyre. Ne planin financiar duhet ta dyfishoni maturinë. Nëse e kaloni me sukses këtë dite do ndiheni me te qete.

    Binjaket

    Mos kërkoni t’i zgjidhni menjëherë te gjitha problemet e jetës suaj ne çift sot sepse nuk do mund t’ia dilni dot. Mundohuni te paktën te sqaroni gjerat me kryesore. Beqaret nuk duhet te presin shume për te pranuar ftesën qe do iu beje dikush sepse te tjerë persona do jene gati ta bëjnë atë. Ne planin financiar do ketë vetëm disa probleme te vogla.

    Gaforrja

    Marrëdhënia ne çift nuk do jete aspak ashtu si ju e keni pritur. Do ketë debate edhe për disa gjera elementare dhe kjo për shkak te kokëfortësisë. Beqaret do realizojnë takime pa fund dhe me ne fund do e gjejnë një person te përshtatshëm për t’i qëndruar pranë. Me financat do jeni me te kujdesshëm se kurrë. Gjendja do jete e shkëlqyer.

    Luani

    Pasioni do ndizet flake gjate kësaj dite për ju qe jeni ne një lidhje dhe do përjetoni kënaqësi te papërshkrueshme. Shfrytëzojeni deri ne maksimum çdo sekonde. Beqaret do jene te paqarte për atë qe duan te bëjnë dhe nuk do guxojnë as te pranojnë ftesa. Financat do jene goxha te qëndrueshme. Nuk do keni për çfarë te qaheni sepse do i kryeni shpenzimet e nevojshme.

    Virgjeresha

    Do kaloni një dite mjaft interesante sot juve qe jeni ne një lidhje dhe do ndiheni me te vërtetë mire. Disa mund te mendojnë te hedhin edhe ndonjë hap me serioz. Beqaret duhet te presin edhe pak kohe për te ndryshuar statusin e tyre. Ende nuk ka ardhur koha e duhur. Perspektivat financiare do jene goxha te mira. Mund t’i kryeni pa frike shpenzimet e domosdoshme.

    Peshorja

    Partneri do ju mbaje ne pëllëmbe te dorës gjate gjithë kësaj dite dhe ju nuk do keni aspak për çfarë te qaheni. Nga ana tjetër edhe ata qe kane pasur mosmarrëveshje do ndihen me te qete. Beqaret do kenë mundësi shume te mira për te filluar lidhje serioze. Ne planin financiar do keni goxha vështirësi, te cilat mund t’i zgjidhni vetëm fale ndihmës se specialisteve.

    Akrepi

    Ata qe janë ne një lidhje do marrin komplimente te shumta nga parteri dhe do ndiheni mjaft mire. Ne fakt kishin kohe qe ato kishin munguar. Beqaret do kalojnë një dite harmonike dhe plot takime. Se çfarë do ndodhe me pas do e kenë vete ne dore. Ne planin financiar do keni goxha vështirësi nëse nuk tregoheni te kujdesshëm me çdo shpenzim.

    Shigjetari

    Venusi do jete planeti qe do krijoje një klime harmonike ne jetën tuaj ne çift. Do ndiheni me se miri ne krahët e atij qe dashuroni dhe do i harroni te gjitha problemet e se kaluarës. Beqaret do jene te vendosur ta bëjnë për vete personin qe pëlqejnë dhe do ja dalin mbanë. Dielli do ju ndihmoje ta përmirësoni gjendjen financiare. Ne këtë mënyrë do mund te shpenzoni edhe pak me tepër.

    Bricjapi

    Dite shume delikate kjo e sotmja për ata qe janë ne një lidhje. Kujdes me çdo gjë qe do i thoni partnerit sepse pa dashje mund ta lëndoni. Beqaret do kenë surpriza pa fund dhe takime mbresëlënëse. Priten ndryshime rrënjësore ne jetën sentimentale. Me financat duhet te merreni me shume sot. Po i late gjerat te përmirësohen me kohen do dilni te humbur.

    Ujori

    Te dashuruarit duhet te gjejnë mënyrën e duhur për ta joshur sa me shume partnerin he per ta mbajtur gjithë kohës pas vetes. Disa persona do kërkojnë t’ua rrëmbejnë. Ata qe sapo kane mbetur beqare për shkak te një ndarjeje me mire te qëndrojnë ashtu si janë dhe te reflektojnë për te ardhmen. Financat ne përgjithësi do jene te mira dhe pa probleme.

    Peshqit

    Te dashuruarit do kalojnë një dite te zakonshme dhe pa asgjë te veçante. Gjithsesi e rëndësishme është qe nuk do kenë probleme. Për beqaret priten dashuri me shikim te pare gjate kësaj dite. Gjithçka ka për te ndryshuar njëherë e mire për ta. Ne planin financiar mos shpenzoni kuturu sepse ne një moment situata mund te dale jashtë kontrollit.

  • “Paramendoni se çka ka mujtë me ndodhë në zgjedhje lokale”, Ismet Kryeziu nga DnV për dyshimet për manipulime me vota

    “Paramendoni se çka ka mujtë me ndodhë në zgjedhje lokale”, Ismet Kryeziu nga DnV për dyshimet për manipulime me vota

    Pas rinumërimit të votave të kandidatëve për deputetë, proces që po vazhdon – ka rezultuar që të ngriten dyshime serioze për manipulim të votave.

    Ismet Kryeziu nga DnV, ka thënë në “Pressing” se 29 mijë vota janë zbritur vetëm në Prizren.

    Ai ka shtruar si dyshim se çfarë ka mundur të ndodh në zgjedhje lokale, kur asambleistët kanë 200-300 vota.

    “Paramendoni në zgjedhje lokale çfarë ka mundur me ndodh, ku ka kandidatë për asamble me 200-300 vota, çfarë ka mundur të ndodh”, ka thënë ai./Indeksonline/

  • Çfarë po përgatit Apple për iPhone 18 Pro dhe 18 Pro Max?

    Çfarë po përgatit Apple për iPhone 18 Pro dhe 18 Pro Max?

    Një raport i ri nga burimet e zinxhirit të furnizimit të ETNews sugjeron se Apple po planifikon të prezantojë panele të përmirësuara LTPO+ OLED në modelet e ardhshme të iPhone 18 Pro dhe 18 Pro Max.

    Përveç faktit që këto ekrane pritet të jenë më efikase në përdorimin e energjisë, ato gjithashtu do të mundësojnë që Apple të vendosë skanerin IR, i cili përdoret për Face ID, pas ekranit.

    Për më tepër, disa njerëz të njohur me çështjen dyshojnë se Apple do ta zhvendosë edhe kamerën selfie pas ekranit pa bërë kompromis me cilësinë.

    Është interesante se kjo do ta nxirrte prodhuesin kinez të paneleve BOE nga zinxhiri i furnizimit të Apple për modelet Pro, pasi vetëm LG dhe Samsung mund të prodhojnë ekrane LTPO+ OLED.

    Megjithatë, BOE mund të prodhojë ende panele për modelet jo-Pro.

    Raporti gjithashtu sugjeron që Apple do të përfshijë panele LTPO+ në M6 MacBook Pro të ridizajnuar.

  • U raportua se Macron refuzoi të jetë në “Bordin e Paqes” për Gazën, Trump reagon ashpër

    U raportua se Macron refuzoi të jetë në “Bordin e Paqes” për Gazën, Trump reagon ashpër

    Presidenti i SHBA-së, Donald Trump, të martën kërcënoi se do të vendosë tarifa 200% mbi verërat dhe shampanjat franceze pasi u raportua se presidenti francez Emmanuel Macron nuk ishte i gatshëm t’i bashkohej “Bordit të Paqes” për Gazën.

    I pyetur nga një gazetar në Miami për qëndrimin e Macronit, Trump e minimizoi ndikimin e udhëheqësit francez dhe tha se do të përdorte penalitete tregtare si mjet presioni.

    “Epo, askush nuk e do sepse ai do të dalë shumë shpejt nga detyra,” tha Trump. “Kështu që, në rregull. Ajo që do të bëj është, nëse ata ndihen [duke qenë] armiqësorë, do të vendos një tarifë 200% mbi verërat dhe shampanjat e tij, dhe ai do të bashkohet. Por nuk ka pse të bashkohet.”

    Mandati pesëvjeçar presidencial i Macronit përfundon në maj 2027 dhe, sipas ligjit francez, ai nuk mund të kandidojë përsëri për një mandat të tretë.

    Bordi i Paqes është një organ global i miratuar nga Këshilli i Sigurimit i Kombeve të Bashkuara në nëntor të vitit të kaluar, i krijuar për të mbikëqyrur armëpushimin Izrael–Hamas.

    Ftesa për t’u bërë pjesë e bordit u janë dërguar disa udhëheqësve botërorë, përfshirë presidentin rus Vladimir Putin, kryeministrin britanik Keir Starmer dhe kryeministrin indian Narendra Modi.

    Trump gjithashtu përsëriti planet e tij për të marrë nën kontroll Grenlandën, duke minimizuar gjasat e kundërshtimit nga Evropa.

    “Nuk mendoj se do të kundërshtojnë shumë,” tha ai. “Ne duhet ta kemi atë… Ata nuk mund ta mbrojnë.”

    Duke iu referuar pretendimeve historike të Danimarkës mbi Groenlandën, Trump tha se udhëheqësit danezë ishin “njerëz shumë të mirë”, por argumentoi se një prani shekullore nuk jep pronësi.

    “[Vetëm] sepse një anije shkoi atje 500 vjet më parë dhe pastaj u largua, kjo nuk të jep titull pronësie.” Nuk ishte e qartë se cilës “anije” i referohej Trump.