ATV

Blog

  • Kaos në Spirit Airlines! – Gruaja dhe bulldogët e saj francezë nxirren nga avioni në video virale

    Kaos në Spirit Airlines! – Gruaja dhe bulldogët e saj francezë nxirren nga avioni në video virale

    Kaosi shpërtheu në një fluturim të “Spirit Airlines” kur një pasagjere dhe dy bulldogët e saj francezë u nxorën nga avioni para nisjes, ndërsa pamjet dramatike po bëjnë xhiron e rrjetit.

    Videoja, e publikuar nga TMZ, tregon momentet e tensionuara që ndodhën në aeroportin Cyril E. King në St. Thomas, “Virgin Islands” të SHBA-së, ndërsa avioni përgatitej për ngritje.

    Pamjet tregojnë gruan duke u përfshirë në një përplasje të ashpër me stafin e Spirit, duke treguar vazhdimisht vendin e saj dhe duke përdorur fjalor të rënduar, ndërsa situata përshkallëzohej. Atmosfera u bë edhe më kaotike kur ndërhyri kompania e sigurimit, e cila e tërhoqi gruan “zvarrë” jashtë avionit dhe e shoqëroi poshtë shkallëve, ndërkohë që pasagjerët e tjerë filmonin gjithçka me telefonat e tyre.

    Në të njëjtën kohë, një punonjës tjetër u pa duke nxjerrë jashtë edhe dy bulldogët francezë, duke lënë pasagjerët të shtangur nga ajo që po ndodhte. Në video dëgjohen reagime të habitura dhe psherëtima, ndërsa gruaja vazhdonte të bërtiste dhe të përdorte sharje para se të largohej nga avioni.

    Pavarësisht incidentit, fluturimi i “Spirit Airlines” u nis pak më vonë dhe mbërriti në Fort Lauderdale, Florida, pa probleme të tjera. Deri tani, as kompania ajrore dhe as policia lokale nuk kanë dhënë një deklaratë zyrtare për ngjarjen.

    Ndërkohë, videoja është përhapur me shpejtësi në rrjetet sociale, duke ndezur debate të ashpra mbi sjelljen e pasagjerëve, rregullat e linjave ajrore dhe kufijtë e tolerancës, veçanërisht kur në lojë janë edhe kafshët shtëpiake.

    Kliko për videon

  • Hollywood kundër inteligjencës artificiale: Johansson dhe Blanchett bashkë me 800 artistë thonë “Mjaft vjedhjes”

    Hollywood kundër inteligjencës artificiale: Johansson dhe Blanchett bashkë me 800 artistë thonë “Mjaft vjedhjes”

    Rreth 800 artistë nga fusha të ndryshme të artit kanë nënshkruar një letër të hapur, duke akuzuar kompanitë e teknologjisë për përdorimin e paautorizuar të veprave të mbrojtura me të drejta autoriale për trajnimin e modeleve të inteligjencës artificiale.

    Mes nënshkruesve janë emra të njohur si Scarlett Johansson, Cate Blanchett, grupi REM, si dhe krijuesi i serialit Breaking Bad, Vince Gilligan. Letra është publikuar nga lëvizja “Vjedhja nuk është inovacion”, pjesë e Fushatës Human Artistry.

    Në dokument, artistët kërkojnë që kompanitë e inteligjencës artificiale të ndërtojnë partneritete etike dhe ligjore, në vend të, siç thuhet, “vjedhjes së përmbajtjeve kreative”.

    “Komuniteti krijues i Amerikës është zilia e botës dhe kontribuon ndjeshëm në punësim, rritje ekonomike dhe eksporte. Megjithatë, disa nga kompanitë më të mëdha të teknologjisë po përdorin punën e krijuesve pa autorizim dhe pa respektuar ligjin e të drejtave të autorit,” thuhet në letrën e hapur.

    Aktualisht, në Shtetet e Bashkuara janë rreth 60 padi aktive kundër kompanive të inteligjencës artificiale, të ngritura nga krijues dhe mbajtës të të drejtave autoriale. Procese të ngjashme po zhvillohen edhe në Evropë.

    Kompanitë e IA-së trajnojnë modelet e tyre me sasi të mëdha të dhënash – tekst, imazhe, muzikë dhe video – shumica e të cilave janë marrë nga interneti. Artistët pretendojnë se ky material është përdorur pa leje, ndërsa kompanitë mbrohen duke argumentuar se bëhet fjalë për “përdorim të drejtë” (fair use).

    Debati u përforcua më shumë në vitin 2024, kur Scarlett Johansson reagoi publikisht ndaj OpenAI, pasi një nga zërat e funksionit “Advanced Voice” ishte shumë i ngjashëm me zërin e saj në filmin Her (2013). Pas reagimit dhe ndërhyrjes ligjore, kompania vendosi ta ndalojë përdorimin e zërit të quajtur “Sky”.

    Çështja e të drejtave autoriale dhe inteligjencës artificiale po shndërrohet në një nga debatet më të mëdha globale mes teknologjisë dhe industrisë kreative.

  • Filmi me Luana Bajramin nominohet për Oscar

    Filmi me Luana Bajramin nominohet për Oscar

    Shpallja e të nominuarve për “Academy Awards”, trofeun më të madh në kinematografi, ka bërë bujë në botën e filmit. Në mesin e filmave të shkurtër që futen në garë për statujën e famshme është edhe produksioni ku luan aktorja me prejardhje nga Kosova, Luana Bajrami.

    Filmi i shkurtër “Two People Exchanging Saliva” (titull origjinal: Deux personnes échangeant de la salive) është bashkëprodhim ndërmjet Francës dhe Shteteve të Bashkuara të Amerikës. Bajrami interpreton rolin e Malaises, një shitëse naive dhe intriguese brenda një dyqani luksoz parizien.

    Produksioni spikat për estetikën e tij, ndarjen në kapituj dhe mënyrën eksperimentale të tregimit, duke kombinuar humor të hollë me kritikë sociale. Filmi është futur në mesin e pesë filmave të shkurtër të nominuar për Oscar, duke shënuar një hap të rëndësishëm në karrierën e Bajramit dhe duke i hapur rrugë ndërkombëtare në industrinë e filmit.

  • Filmi “Sinners” i Ryan Coogler thyen rekord në nominimet për Oscar 2026

    Filmi “Sinners” i Ryan Coogler thyen rekord në nominimet për Oscar 2026

    Filmi i regjisorit Ryan Coogler, “Sinners”, ka vendosur një rekord historik në nominimet për Çmimet Akademike “Oscar” 2026, duke siguruar 16 nominime  më shumë se çdo film tjetër në histori. Ky projekt i njohur për kombinimin unik të dramës dhe elementeve të zhanrit udhëheq listën e nominimeve për Çmimet e 98-ta Akademike, duke përfshirë kategoritë kryesore si Filmi më i Mirë, Regjia më e Mirë dhe Skenari Origjinal.

    Me këtë arritje, “Sinners” ka lënë pas filma të famshëm si All About Eve, Titanic dhe La La Land, të cilët mbajtën më parë rekordin me nga 14 nominime secili.

    Nominimet e jashtëzakonshme përfshijnë edhe kandidaturën e Michael B. Jordan për Aktorin më të Mirë në Rol Kryesor, si dhe emërime në kategori teknike dhe artistike, duke treguar vlerësimin e gjerë të Akademisë për cilësinë e produksionit.

    Ceremonia e ndarjes së çmimeve do të mbahet më 15 mars 2026, ku “Sinners” do të konkurrojë për disa nga çmimet më prestigjioze të industrisë së filmit, duke e bërë këtë një nga garat më të ndjekura të vitit në Hollivud.

  • Përse Spanja nuk i bashkohet Bordit të Paqes

    Përse Spanja nuk i bashkohet Bordit të Paqes

    Pedro Sanchez deklaroi këtë mëngjes se Spanja nuk do t’i bashkohet Bordit të Paqes të presidentit amerikan, Donald Trump.

    “E vlerësojmë ftesën, por e refuzojmë. Kjo e bëjmë kryesisht dhe në thelb për arsye të qëndrueshmërisë”, tha kryeministri spanjoll për gazetarët pas samitit të BE-së në Bruksel.

    Ai shtoi se vendimi është në përputhje “me rendin multilateral, sistemin e Kombeve të Bashkuara dhe të drejtën ndërkombëtare”.

    Kryeministri spanjoll gjithashtu theksoi se Bordi “nuk përfshin Administratën Palestineze”, raporton yahoonews.

    Trump të enjten formalizoi krijimin e Bordit në Forumin Ekonomik Botëror në Davos, duke nënshkruar statutin themelues së bashku me një grup të larmishëm vendesh.

  • Zgjidhen anëtarët e rinj të KGJK-së: Zhitija-Ymeri dhe Thaqi

    Zgjidhen anëtarët e rinj të KGJK-së: Zhitija-Ymeri dhe Thaqi

    Në Gjykatën Supreme të Kosovës është zhvilluar sot procesi i votimit për zgjedhjen e anëtarëve të rinj të Këshillit Gjyqësor të Kosovës (KGJK) nga radhët e gjyqtarëve të kësaj gjykate.

    Pas përfundimit të procesit zgjedhor, gjyqtarët Franciska Zhitija-Ymeri dhe Rrustem Thaqi janë zgjedhur anëtarë të KGJK-së.

    Procesi i votimit është drejtuar nga Komisioni i themeluar nga KGJK-ja, i kryesuar nga gjyqtarja Drita Rexhaj, me anëtarë gjyqtarin Fidan Hoxha dhe Artan Abazi.

    Në garë për anëtarë të KGJK-së kanë qenë edhe gjyqtarët Bashkim Hyseni dhe Mejreme Memaj.

    Pas përfundimit të procesit zgjedhor, gjyqtarët Franciska Zhitija-Ymeri dhe Rrustem Thaqi janë zgjedhur anëtarë të KGJK-së.

    Procesi i votimit është drejtuar nga Komisioni i themeluar nga KGJK-ja, i kryesuar nga gjyqtarja Drita Rexhaj, me anëtarë gjyqtarin Fidan Hoxha dhe Artan Abazi.

    Në garë për anëtarë të KGJK-së kanë qenë edhe gjyqtarët Bashkim Hyseni dhe Mejreme Memaj.

    Të drejtë vote kanë pasur 35 gjyqtarë, ndërsa në proces kanë marrë pjesë 34. Meqenëse në raundin e parë asnjëri nga kandidatët nuk ka arritur shumicën e thjeshtë të votave, Komisioni ka vendosur zhvillimin e raundit të dytë të votimit.

    Në raundin e dytë, rezultatet kanë qenë si vijon:

    Bashkim Hyseni – 15 vota

    Franciska Zhitija-Ymeri – 19 vota

    Mejreme Memaj – 15 vota

    Rrustem Thaqi – 19 vota

    Bazuar në këto rezultate, Komisioni ka konstatuar se gjyqtarët Franciska Zhitija-Ymeri dhe Rrustem Thaqi, zgjedhen anëtarë të KGJK-së nga radhët e gjyqtarëve të Gjykatës Supreme dhe emrat e tyre do t’i përcillen KGJK-së për certifikim.

    Procesi zgjedhor është monitoruar nga përfaqësues të Misionit të Bashkimit Evropian për Sundimin e Ligjit në Kosovë, (EULEX), Organizatës për Siguri dhe Bashkëpunim në Evropë (OSBE) Institutit të Kosovës për Drejtësi (IKD), dhe Institutit Demokratik të Kosovës (KDI).

  • Zjarri i madh në Gul Plaza, Karaçi, lë 77 persona të zhdukur

    Zjarri i madh në Gul Plaza, Karaçi, lë 77 persona të zhdukur

    Policia ka konfirmuar se numri i të vdekurve nga zjarri që përfshiu një qendër tregtare në Pakistan është rritur në 67.

    Sipas autoriteteve, 77 persona rezultojnë të zhdukur pas shpërthimit të flakëve në Gul Plaza, në Karaçi, qytetin më të madh të vendit, të shtunën në mbrëmje, raporton BBC.

    Flakët, që dogjën për më shumë se 24 orë, kanë vështirësuar ndjeshëm operacionet e shpëtimit. Autoritetet po inspektojnë mbetjet e kompleksit prej 6,500 metrash katrorë.

    Disa nga trupat e gjetur janë pjesërisht të dëmtuara, ndërsa deri më tani janë numëruar 67 viktima. Procesi i identifikimit vazhdon, dhe 15 persona janë identifikuar deri tani, tha zëvendëskomisioneri i policisë për BBC-në.

  • 109 të arrestuar nën dyshimin për falsifikim të rezultateve zgjedhore

    109 të arrestuar nën dyshimin për falsifikim të rezultateve zgjedhore

    Kryeprokurori Petrit Kryeziu në konferencën për media tha se 109 të ndaluar për veprat penale për falsifikim të rezultateve zgjedhore, dhënie e marrje të ryshfetit dhe kanosje.

    “Secili prej atyre që ka guxuar ti fusë duart në votat e qytetarëve është ballafaquar me forcën e ligjit.

    Për manipulime brenda llojit aty ku katër subjektet më të mëdha i kanë dërguar të preferuarit e tyre.

    Mund të kuptoheshin gabimet e vogla të dhjetëra votave. Edhe pse KQZ-ja s’ka ndonjë marzhë tolerance. Këtu bëhet fjalë për mijëra vota të manipuluara e falsifikuara. Pra, ka kandidatë që kanë nga 100-200 e deri mbi 6 mijë vota. Pra, mbi 6 mijë vota janë të flasifikuara për një kandidat. Bëhet fjalë edhe për situata ku vetëm në një vendvotim numri i manipuluar numri i manipuluar ka shkuar deri mbi 2 mijë vota. Pra, praktikisht në një klasë ku kanë votuar qytetarët.

    Në rajonin tonë ato që janë numëruar nga subjektet politike në QKN është vetëm një vendvotim, pra vetëm një klasë që s’është keqpërdorur.

    Në komunën e Prizrenit janë shtuar hiç më pak se 40, 497 vota dhe janë hequr hiç më pak se 27,520. Diferenca totale e keqpërdorimeve është 68,017 vota. Po, flasim për një organizim dhe dashje direkte për ta përmbytur rezultatin.

    Do të ishte e pamundur gjithë këto vota po të mos kishte kompromis të të gjithë komisionerëve atyre që kanë qenë të deleguar nga katër partitë më të mëdha të Kosovës”.

  • Ivan Perisic i gatshëm të rikthehet tek Inter

    Ivan Perisic i gatshëm të rikthehet tek Inter

    Mesfushori kroat Ivan Perisic është shprehur i gatshëm që të rikthehet tek gjiganti italian Inter.

    Sipas raportimit të mediave Perisic mund të huazohet tek Inter deri në fund të sezonit,dhe drejtuesit neuroazzurë pritet të hyjnë në bisedime me PSV Eindhoven për të arritur një marrëveshje mes palëve.

    Përndryshe Perisic ishte afër transferimit tek Barcelona në verën e vitit 2025,megjithatë kjo dështoi pasi kroati vendosi të nënshkruaj kontratë të re me PSV-në deri në vitin 2027.

    Megjithatë mbetet të shihet në ditët në vijim sesi do të rrjedhin gjërat,se nëse Perisic do të rikthehet në Serie A,apo do të mbetet në Holandë deri në përfundimin e kontratës me PSV-në.

    Kujtojmë që Ivan Perisic ka luajtur në të kaluarën për Inter për 7 vite,ku në 254 ndeshje ka realizuar 55 gola dhe dhuroi 50 asistime.

  • Kurti takoi këshilltarin për Sigurinë Kombëtare të Mbretërisë së Bashkuar, diskutuan për progresin demokratik në Kosovë

    Kurti takoi këshilltarin për Sigurinë Kombëtare të Mbretërisë së Bashkuar, diskutuan për progresin demokratik në Kosovë

    Në margjinat e Forumit Ekonomik Botëror, të mbajtur në Davos, Zvicër, kryeministri në detyrë i Republikës së Kosovës, Albin Kurti, takoi Jonathan Powell, këshilltar për Sigurinë Kombëtare të kryeministrit të Mbretërisë së Bashkuar, Keir Starmer.

    Sipas një njoftimi për media bëhet e ditur se gjatë takimit, u diskutua për zgjedhjet parlamentare të dhjetorit të vitit të kaluar, planet dhe projektet për mandatin e ardhshëm qeverisës, progresin demokratik në Kosovë dhe rritjen ekonomike, dhe çështje të sigurisë rajonale.

    “Kryeministri u shpreh se Mbretëria e Bashkuar vazhdon të jetë një nga aleatët më të ngushtë të Republikës së Kosovës dhe mirëpret vazhdimin e bashkëpunimit ndërmjet dy vendeve”, thuhet në njoftim.