ATV

Blog

  • Putin pranon ndalimin e sulmeve ndaj qyteteve ukrainase deri më 1 shkurt

    Putin pranon ndalimin e sulmeve ndaj qyteteve ukrainase deri më 1 shkurt

    Kremlini njofton se presidenti rus, Vladimir Putin, ka pranuar të ndalojë sulmet ndaj qyteteve ukrainase deri më 1 shkurt.

    Dmitry Peskov, zëdhënës i Kremlinit, tha se “mund të them se presidenti Trump i kërkoi personalisht presidentit Putin të ndalojë sulmet ndaj Kievit për një javë, për të krijuar kushte të favorshme për negociata. Kjo është çfarë mund të them për këtë çështje”.

    Kur u pyet nëse Putin kishte pranuar këtë propozim, Peskov shtoi se “Po, sigurisht. Ishte një kërkesë personale nga presidenti Trump”, raporton skynews.

    Sipas Trump, gjatë një takimi të kabinetit, ai i kishte kërkuar Putinit të ndalojë sulmet që ndërpresin energjinë elektrike dhe ngrohjen në Ukrainë, ku temperaturat mund të bien deri në -30°C.

    Presidenti amerikan tha se Putin “kishte pranuar të bëjë këtë”.

    Megjithatë, presidenti ukrainas, Volodymyr Zelensky, ka deklaruar se nuk ka asgjë të miratuar zyrtarisht.

  • Tragjike në Itali: Makina përplaset me kamionin, vdesin dy të rinj shqiptarë

    Tragjike në Itali: Makina përplaset me kamionin, vdesin dy të rinj shqiptarë

    Dy të rinj shqiptarë kanë humbur jetën pas një aksidenti të rëndë rrugor të regjistruar pasditen e së enjtes në Itali.

    Aksidentim siç shkruan Euronewsal, ndodhi në zonën e Cuneos, në Savigliano.

    Makina tip “Jeep Avengers” më të cilën udhëtonin dy të rinjtë dhe një person i tretë u përplas ballë për ballë me një kamion, transmeton Klankosova.tv.

    Viktimat janë rreth të njëzetave ndërsa nga kjo ngjarje janë plagosur edhe dy persona të tjerë. Ata po marrin ndihmë mjekësore në spitalet në Savigliano dhe Cuneo.

    Dy viktimat u nxorën nga automjeti nga shërbimet e emergjencës dhe zjarrfikësit.

  • Kurti: Për formimin e institucioneve na duhet bashkëpunimi i opozitës

    Kurti: Për formimin e institucioneve na duhet bashkëpunimi i opozitës

    Kryeministri në detyrë, Albin Kurti, ka deklaruar se është i gatshëm dhe i interesuar për bashkëpunim institucional, por theksoi se mbetet të shihet në muajin shkurt nëse ekziston gatishmëri edhe nga opozita për një raport të ri Qeveri–Opozitë.

    Gjatë një vizite në Odën e Mjekëve të Kosovës, Kurti tha se duhet parë në Kuvend nëse ka atmosferë për një bashkëpunim të ri politik, duke nënvizuar se kjo është e domosdoshme për çështje të rëndësishme shtetërore që kërkojnë dy të tretat e votave të deputetëve.

    “Ne duhet të shohim në Kuvend se a ka atmosferë për një raport të ri Qeveri–Opozitë. Nuk mund ta them këtë paraprakisht, por muaji shkurt do të na tregojë nëse mund të hapim një kapitull të ri të raporteve tona”, tha Kurti.

    Ai theksoi se populli i ka dhënë një mbështetje të madhe Lëvizjes Vetëvendosje, gjë që përbën një përgjegjësi të lartë për formimin e Qeverisë së re, por shtoi se për marrëveshjet ndërkombëtare dhe zgjedhjen e presidentit apo presidentes nevojitet bashkëpunimi i opozitës.

    Kurti konfirmoi gjithashtu se ka qenë në komunikim dhe takim me presidenten Vjosa Osmani, por theksoi se ky proces vjen vetëm pasi të përmbushen disa hapa paraprakë institucionalë, përfshirë certifikimin e rezultateve zgjedhore, konstituimin e Kuvendit dhe formimin e Qeverisë.

    Ai shtoi se ndër prioritetet e menjëhershme janë edhe marrëveshjet ndërkombëtare, përfshirë tri marrëveshje me Bankën Botërore dhe Planin e Rritjes së Bashkimit Evropian në vlerë prej mbi 882 milionë euro.

    Në fund, Kurti përsëriti se gatishmëria për bashkëpunim nga ana e tij ekziston dhe se muaji shkurt do të jetë përcaktues për raportet e ardhshme politike në Kuvend.

  • Departamenti Amerikan i Shtetit vlerëson sukseset e Shërbimit Korrektues të Kosovës

    Departamenti Amerikan i Shtetit vlerëson sukseset e Shërbimit Korrektues të Kosovës

    Në Qendrën e Paraburgimit në Prishtinë, drejtori i përgjithshëm i Shërbimit Korrektues të Kosovës, Ismail Dibrani, priti në një takim Kyle Conahanin, zyrtar i Departamentit të Shtetit të SHBA-së nga zyra për kundërterrorizëm.

    Gjatë takimit, drejtori Dibrani i informoi për zhvillimet, të arriturat dhe sukseset e Shërbimit Korrektues të Kosovës, si në nivelin vendor ashtu edhe në atë ndërkombëtare, me theks të veçantë në rolin dhe avancimin e Njësisë së inteligjencës së SHKK-së.

    Po ashtu, drejtori Dibrani falënderoi për bashkëpunimin dhe mbështetjen e vazhdueshme, duke theksuar se falë përkrahjes së partnerëve ndërkombëtarë, e në veçanti Departamentit të Shtetit të SHBA-së, Shërbimi Korrektues i Kosovës sot është lider në rajon, si për nga trajtimi ashtu edhe për nga siguria, e po ashtu edhe shembull i suksesit dhe model për t’u ndjekur nga vendet e rajonit.

    Në takim u diskutua edhe për çështjet që lidhen me kundërterrorizmin, bashkëpunimin ndërinstitucional dhe forcimin e sigurisë.

  • Pse të porsalindurit nuk kanë lot ose djersë? Ja çfarë thonë studimet

    Pse të porsalindurit nuk kanë lot ose djersë? Ja çfarë thonë studimet

    Pas ardhjes në jetë një i porsalindur lëshon një klithmë të fortë, të veçantë, një shenjë e shëndetit dhe fuqisë. Është një klithmë që prindërit e rinj do të mësohen shpejt me të në ditët dhe javët e ardhshme. Por nëse e shikoni nga afër, do të shihni se klithma e një të porsalinduri është pak më ndryshe nga ajo e një foshnje më të rritur: nuk ka lot.

    Lotët, natyrisht, janë të domosdoshëm për të mbrojtur sytë dhe për t’i mbajtur ato me lagështi. Kur jemi përballur me emocione ekstreme si trishtim, zemërim apo edhe lumturi, ne qajmë.

    Ai stres i përkohshëm shkakton një përgjigje luftimi, i cili prodhon lot për të mbrojtur më tej syrin. Këto lot emocional gjithashtu mund të ndihmojnë në lirimin e hormoneve që shkaktojnë stres që mund të jenë ngritur gjatë kohërave të vështira, kjo kontribuon në atë ndjenjën e lehtësimit që pason një klithmë e mirë.

    Ndërsa një fëmijë ka lindur me kanale lotësh, ato ende nuk janë zhvilluar plotësisht. Ato prodhojnë lotë të mjaftueshëm për të për ta mbajtur syrin me lagështi, por jo sa duhet për të formuar pika lotësh. Pas tre ose katër javësh, kanalet e lotit të një fëmije zakonisht piqen mjaftueshëm për të formuar lot të lidhura me emocione të forta.

    Sytë e një të porsalinduri kanë tendencë të jenë të thata dhe kështu edhe lëkura e saj. Pavarësisht se sa ka të nxehtë, një i porsalindur vështirë se djersitet për dy javët e para të jetës së tij. Kjo për shkak se gjëndrat e djersës nuk janë ende plotësisht funksionale, thonë studimet.

    Njerëzit kanë dy lloje të gjëndrave të djersës, të quajtura gjëndra ekcrine dhe apokrine, që të dyja formohen tek të posalindurit, edhe nëse nuk janë duke prodhuar ende djersë.

    Gjëndrat apokrine sekretojnë djersën nëpër gjëndrat e flokëve, por nuk aktivizohen derisa të ndodhin ndryshime hormonale gjatë pubertetit. Ndërsa djersa apokrine në fillim është pa erë, mund të bëhet me erë të keqe. Është e mbushur me ujë dhe elektrolite, si dhe me steroide, lipide dhe proteina, të cilat bakteret mund t’i përpunojnë për të prodhuar aromë.

    Pas lindjes së një foshnje, gjëndrat ekrrike më aktive janë ato në ballë. Shumë shpejt pas kësaj, një foshnje fillon të djersitet në kraharorin dhe gjymtyrët e tij.

    Për fat të mirë, bebet me djersë zakonisht nuk janë diqka shqetësuese. Foshnjat kontrollohen për sëmundje metabolike dhe probleme të zemrës së porsalindur, për aq kohë sa ata po fitojnë peshë, ndërsa djersa nuk është një faktor që tregon se shëndeti i bebes është në rrezik apo diçka tjetër.

  • Gjithçka që duhet të dini rreth shortit të sotëm në Ligën e Kampionëve

    Gjithçka që duhet të dini rreth shortit të sotëm në Ligën e Kampionëve

    UEFA do të hedhë sot, më 30 janar 2026, shortin e fazës play-off të eliminimit direkt në Ligën e Kampionëve 2025/26. Ceremonia do të mbahet në House of European Football në Nyon, duke filluar nga ora 12:00.

    Në short do të përfshihen 16 skuadra, të renditura nga vendi i 9-të deri në të 24-tin në fazën e ligës, ndërsa tetë ekipet e para janë kualifikuar drejtpërdrejt në 1/8 e finales.

    Ekipet e shortuara (seeded) janë:
    Real Madrid, Inter, Paris, Newcastle, Juventus, Atletico Madrid, Atalanta dhe Bayer Leverkusen.

    Ndërsa ekipet jo të shortuara (unseeded):
    Borussia Dortmund, Olympiacos, Club Brugge, Galatasaray, Monaco, Qarabağ, Bodø/Glimt dhe Benfica.

    Sipas rregullores, skuadrat do të përballen bazuar në pozicionet e tyre në fazën e ligës, me ekipet e renditura më lart që do të luajnë, në parim, ndeshjen e kthimit në shtëpi. Nuk ka kufizime për përballje mes ekipeve nga e njëjta federatë apo kundër kundërshtarëve të fazës së ligës.

    Ndeshjet do të luhen me vajtje-ardhje:

    Ndeshjet e para: 17/18 shkurt 2026
    Ndeshjet e kthimit: 24/25 shkurt 2026
    Fituesit e këtyre përballjeve do të sigurojnë një vend në fazën e 16 më të mirave të Evropës.

  • Studimi: Tërshëra ul nivelin e yndyrës së keqe në gjak brenda vetëm 2 ditësh

    Studimi: Tërshëra ul nivelin e yndyrës së keqe në gjak brenda vetëm 2 ditësh

    Konsumimi i tërshërës për mëngjes mund të ulë nivelin e yndyrës në gjak brenda vetëm dy ditësh, sugjeron një studim i ri shkencor.

    Studiuesit kanë zbuluar se ngrënia e rregullt e tërshërës ndihmon në uljen e nivelit të yndyrës së keqe në gjak, dhe luan rol të rëndësishëm në këtë proces luajnë bakteret e zorrëve, ka raportuar EatingWell.

    Rreth 10 për qind e të rriturve në SHBA kanë nivel të lartë të yndyrës së keqe në gjak apo kolesterol total mbi normën e rekomanduar.

    Tërshëra prej kohësh njihet si ushqim i shëndetshëm për zemrën, por studimi i ri tregon se përfitimet prej saj janë edhe më të mëdha sesa mendohej më parë.

    Sipas studimit të publikuar në revistën Nature Communications, konsumimi i tërshërës mund të ulë ndjeshëm nivelin e yndyrës së keqe brenda vetëm dy ditësh.

    Te personat me sindromë metabolike, ulja ishte rreth 10 për qind.

    Studiuesit kanë zbuluar se ky efekt lidhet kryesisht me përbërës që krijohen kur bakteret e zorrëve e shpërbëjnë tërshërën.

    Si u realizua studimi?

    Studiues nga Universiteti i Bonit në Gjermani kanë zhvilluar dy studime të kontrolluara me gjithsej 68 të rritur, të moshës 45–70 vjeç, të gjithë me sindromë metabolike, një gjendje që përfshin obezitetin abdominal, tensionin e lartë të gjakut, sheqerin e rritur në gjak dhe nivele jonormale të yndyrës së keqe.

    Në studimin e parë, 32 persona u ndanë në dy grupe për dy ditë.

    -Një grup iu nënshtrua një diete me sasi të lartë tërshëre, tri vakte në ditë me nga rreth 100 gramë tërshërë (rreth një gotë për vakt), gjithsej 300 gramë në ditë.

    -Grupi tjetër konsumoi vakte pa tërshërë, por me përbërje ushqyese të ngjashme. Pas dy ditësh, grupi që konsumoi tërshërë u ndoq edhe për gjashtë javë, ndërsa u kthye në dietën e zakonshme.

    Në studimin e dytë, 34 persona zëvendësuan një vakt në ditë me një vakt me tërshërë (80 gramë) për gjashtë javë, ndërsa grupi tjetër vazhdoi dietën e zakonshme.

    Gjatë studimit u analizuan mostra gjaku dhe të jashtëqitjes për të vlerësuar yndyrën e keqe dhe bakteret e zorrëve.

    Çfarë treguan rezultatet

    Rezultatet më të mëdha u panë te dieta afatshkurtër me sasi të lartë tërshëre.

    Pas vetëm dy ditësh, pjesëmarrësit patën ulje rreth 10 për qind të yndyrës së keqe dhe rreth 8 për qind të yndyrës në total, krahasuar me grupin kontrollues. Madje, nivelet e yndyrës mbetën më të ulëta edhe gjatë gjashtë javëve në vijim.

    Të dyja dietat me tërshërë rritën nivelet e acidit ferulik në gjak, një përbërës natyral që gjendet në tërshërë. Dieta me sasi të lartë rriti gjithashtu një përbërës tjetër, acidin dihidroferulik, i cili krijohet nga bakteret e zorrëve.

    Studiuesit gjetën një lidhje të fortë mes këtyre përbërësve dhe uljes së yndyrës.

    Dieta më e moderuar, me një vakt tërshërë në ditë për gjashtë javë, pati efekt më të butë. Ajo ndihmoi në stabilizimin e yndyrës në gjak, por nuk solli ulje të menjëhershme si dieta intensive dyditore.

    Sipas studiuesve, kjo mund të lidhet me ndryshimet individuale në bakteret e zorrëve dhe zakonet ushqimore.

    Si mund të zbatohet kjo në jetën e përditshme

    Ani pse konsumimi i 300 gramëve tërshërë në ditë nuk është praktik për shumicën e njerëzve, studimi sugjeron se ditët me konsum më të lartë tërshëre, herë pas here, mund të jenë të dobishme për uljen e yndyrës.

    Disa mënyra të thjeshta për ta përfshirë tërshërën në dietë janë:
    -filloni ditën me tërshërë për mëngjes, duke e kombinuar me fruta, arra ose mjaltë
    -shtoni një sasi të vogël tërshëre në lëngje të përgatitura vetë apo “smoothie”.
    -përdorni miell tërshëre në gatime shtëpiake
    -përgatisni tërshërën në mbrëmje për mëngjes të shpejtë
    -provoni herë pas here ditë me disa vakte me bazë tërshëre

    Në raportin e studimit theksohet gjithashtu rëndësia e shëndetit të zorrëve. Përbërësit që ndihmojnë në uljen e yndyrës krijohen kryesisht nga bakteret e zorrëve, prandaj mikrobioma e shëndetshme e rrit efektin pozitiv të tërshërës.

    Për këtë, rekomandohet konsumimi i ushqimeve të pasura me fibra dhe ushqimeve të fermentuara, si kosi, si dhe kufizimi i ushqimeve shumë të përpunuara.

  • Në Malishevë u përkujtua 36-vjetori i Masakrës së vitit 1990

    Në Malishevë u përkujtua 36-vjetori i Masakrës së vitit 1990

    Në 36-vjetorin e Masakrës së Malishevës, sot u përkujtua me nderim dhe respekt vrasja e dy qytetarëve të kësaj komune, Hysni Mazreku dhe Ali Kryeziu, si dhe plagosja e dhjetëra qytetarëve të tjerë.

    Me këtë rast, u bënë homazhe pranë varrezave të dy dëshmorëve, duke rikujtuar njërën nga ngjarjet më të rënda dhe më të dhimbshme në historinë e Malishevës, e cila kishte ndodhur më 30 janar 1990.

    Në homazhe morën pjesë kryetari i Komunës së Malishevës, Ekrem Kastrati, së bashku me bashkëpunëtorët e tij, kryesuesi i Kuvendit të Komunës, Fatmir Ademaj, familjarë të dëshmorëve, si dhe qytetarë të shumtë, të cilët me praninë e tyre nderuan sakrificën dhe kujtimin e të rënëve.

    Gjatë fjalëve përkujtimore, 30 janari i vitit 1990 u cilësua si dita më e rëndë për Malishevën, kur protestat paqësore të qytetarëve shqiptarë u shtypën me dhunë nga pushteti i atëhershëm, duke lënë pas të vrarë, të plagosur dhe shumë qytetarë të maltretuar.

    “Krahas dhimbjes së madhe që kjo ngjarje mbart, ajo përfaqëson edhe krenarinë tonë si Malishevë, sepse institucionet lokale të asaj kohe, të prira nga kryetari i komunës, Daut Krasniqi, me bashkëpunëtorë, shënuan një kthesë të rëndësishme historike. Për herë të parë, reagimi institucional ndaj kësaj masakre u artikulua zyrtarisht, madje edhe në Kuvendin e atëhershëm të Kosovës”, tha kryetari i Komunës së Malishevës, Ekrem Kastrati.

    Ai theksoi se Komuna e Malishevës do të vazhdojë t’i përkujtojë dhe t’i nderojë vlerat dhe kontributin e dëshmorëve, si dhe të gjithë qytetarëve që u sakrifikuan për liri, duke ruajtur gjallë kujtesën për ngjarjet e viteve ’90, të cilat më pas kulmuan me luftën çlirimtare të Ushtrisë Çlirimtare të Kosovës.

  • 68 raste të dhunës në familje brenda një jave

    68 raste të dhunës në familje brenda një jave

    Gjatë periudhës njëjavore të punës në Zyrën për Mbrojtje dhe Ndihmë të Viktimave, mbrojtësit e viktimave në nivel të Kosovës kanë trajtuar gjithsej 78 raste të reja të paraqitura.

    Prej tyre:

    68 raste – dhunë në familje
    1 rast – trafikim i mundshëm
    1 rast – trafikim
    2 raste – dhunim
    2 raste – sulm seksual
    1 rast – vrasje e rëndë
    1 rast – intoksikim i personit tjetër me narkotikë
    1 rast – shkelje e detyrimeve familjare
    1 rast – bashkëjetesë nën moshën 16-vjeçare
    8 Kërkesa për Urdhër Mbrojtje (KUM) të parashtruara në gjykatë
    17 Kërkesa për Urdhër Mbrojtje Emergjente (KUME)
    2 kërkesa për urdhër mbrojtje të përkohshëm emergjente
    1 kërkesë për vazhdim të UM-së
    1 kërkesa për ndryshim të UM-së
    2 kërkesa për ndërprerje të UM-së
    21 aktvendime të aprovuara
    4 aktvendime të tërhequra
    82 seanca gjyqësore
    13 seanca në prokurori
    86 këshilla juridike
    17 aktgjykime dënuese
    1 aktgjykim lirues
    1 aktgjykim refuzues
    7 përpilime të parashtresave të ndryshme
    5 përfaqësime të rastit në polici
    2 referime të rastit në polici
    1 përfaqësim i rastit në strehimore
    1 kërkesë për kompensim nga fondi i viktimave

  • Netanyahu thërret takim urgjent sigurie për shkak të Iranit

    Netanyahu thërret takim urgjent sigurie për shkak të Iranit

    Kryeministri izraelit Benjamin Netanyahu mbajti konsultime sigurie me këshilltarët e lartë dhe zyrtarët ushtarakë mbi një “temë konfidenciale” mbrëmë, dhe fokusi, siç ka mësuar Times of Israel, është mbi Iranin dhe veprimin e mundshëm ushtarak të SHBA-së kundër vendit.

    Sipas raportimeve nga Channel 12 i Izraelit, bisedimet u përqendruan në vlerësimin e një sulmi të mundshëm të SHBA-së ndaj objektivave iraniane, duke përfshirë aftësitë bërthamore dhe raketore, duke treguar se një sulm i kufizuar, sipas mendimit të zyrtarëve, nuk do ta rrëzonte regjimin në Teheran.

    Siç ka mësuar Channel 12 nga burime ushtarake, Presidenti i SHBA-së Donald Trump pritet të lëshojë një direktivë mbi një sulm të mundshëm ndaj Iranit në ditët në vijim, pasi të gjitha aftësitë ushtarake të SHBA-së të kenë mbërritur në rajon.

    Zyrtarët izraelitë thuhet se besojnë se edhe një sulm i kufizuar mund të provokojë një përgjigje të rëndësishme iraniane ndaj Izraelit, ndaj të cilit Tel Avivi do të reagonte fuqishëm.

    U theksua gjithashtu se presioni nga Arabia Saudite, Turqia, Katari dhe Omani mbi Uashingtonin po rritet në mënyrë që këto vende të mund të ndihmojnë në ndërmjetësimin midis SHBA-së dhe Iranit në mënyrë që të gjendet një zgjidhje diplomatike.