ATV

Blog

  • Spanja realizon transplantin e parë të fytyrës në botë

    Spanja realizon transplantin e parë të fytyrës në botë

    Spanja ka shënuar një moment historik në mjekësinë botërore, duke realizuar për herë të parë një transplant fytyre duke përdorur inde nga një dhurues, i cili kishte marrë ndihmë mjekësore gjatë vdekjes, procedurë e ligjshme në Spanjë që nga viti 2021.

    Ky operacion u krye në Spitalin Universitar Vall d’Hebron në Barcelonë dhe konsiderohet një hap i madh përpara në fushën e transplantologjisë dhe kirurgjisë rindërtuese, raportoi “Euronews”.

    Operacioni u krye nga një ekip prej rreth 100 profesionistësh shëndetësorë dhe u aplikua te një paciente që kishte pësuar dëmtime të rënda të indeve të fytyrës si pasojë e një infeksioni serioz.

    Këto dëmtime kanë cenuar funksione jetike si frymëmarrja, ushqyerja dhe të folurit.

    Falë transplantit, u bë e mundur rindërtimi i pjesshëm i fytyrës dhe nisja e rikuperimit funksional të pacientes.

    Donatorja kishte dhënë më parë pëlqimin e saj për dhurimin e organeve dhe indeve pas procedurës së vdekjes së asistuar mjekësisht. Ky pëlqim u lejoi ekipeve mjekësore të përgatiteshin me kujdes për ndërhyrjen komplekse, përfshirë përputhjen dhe përgatitjen e saktë të indeve të fytyrës

    Operacioni u drejtua nga doktor Joan Pere Barret, shefi i Shërbimit të Kirurgjisë Plastike dhe Djegieve në Vall d’Hebron.

    Sipas Barretit, ky lloj transplanti përfshin transplantimin e lëkurës, muskujve, nervave dhe strukturave kockore, si dhe përdorimin e vazhdueshëm të barnave imunosupresive për të parandaluar refuzimin e indeve.

  • Mauro Icardi ishte i gatshëm për kalim tek Juventus-Galatasaray nuk e lejoi largimin shkaku për ndeshjen kundër bianconerëve

    Mauro Icardi ishte i gatshëm për kalim tek Juventus-Galatasaray nuk e lejoi largimin shkaku për ndeshjen kundër bianconerëve

    Sulmuesi argjentinas Mauro Icardi ishte përfolur për një kalim tek gjiganti italian Juventus në ditën e fundit të afatit kalimtar të janarit.

    Argjentinasi madje ishte i gatshëm të kalonte tek Juve,dhe madje i kishte dërguar një mesazh drejtuesve bianconerë që nëse do ta marrin ai do të shënonte 10 gola mbrenda 6 muajve.

    Përndryshe transferimi i 33 vjeçarit në Allianz Stadium u bllokua nga gjiganti turk Galatasaray,kjo pasi drejtuesit dëshironin rreth 15 milionë euro për Icardin për të mos lejuar që futbollisti të largohet si lojtar i ri në fund të sezonit.

    Në anën tjetër presidenti i Galatasaray-it Dursun Ozbek ka treguar arsyen se pse e ngriti çmimin e Icardit,duke aluaduar në një shënim të mundshëm të argjentinasit kundër Galatës me fanellën e Juvës në ndeshjen e play-off-it në Ligën e Kampionëve.

    Kujtojmë që Mauro Icardi ka kontratë me Galatasaray-in deri në fund të sezonit,teksa në 30 ndeshje ka shënuar 11 gola e bëri 2 asistime.

  • Shefi i NATO-s në Kiev, mesazh i fortë mbështetjeje për Ukrainën

    Shefi i NATO-s në Kiev, mesazh i fortë mbështetjeje për Ukrainën

    Sekretari i Përgjithshëm i NATO-s, Mark Rutte, ka mbërritur në Kiev dhe po takohet me Presidentin ukrainas Volodymyr Zelenskiy.

    Kështu deklaroi një korrespondent i Financial Times në një postim në X.

    Vizita e raportuar e Rutte vjen pasi Rusia sulmoi Ukrainën me 450 dronë dhe mbi 60 raketa gjatë natës.

    Ndryshe, Rusia dhe Ukraina thanë javën e kaluar se ndaluan sulmet ndaj infrastrukturës energjetike të njëra-tjetrës, por nuk ranë dakord për afatin kohor për armëpushimin.

  • Dy superdue­le për një vend në finalen e Kupës së Kosovës

    Dy superdue­le për një vend në finalen e Kupës së Kosovës

    Gjysmëfinalet e Kupës së Kosovës në basketboll zhvillohen nesër, ku katër skuadrat më të mira të këtij edicioni do të luftojnë për një vend në finale dhe për trofeun e çmuar.

    Pas çerekfinaleve shumë interesante, Bashkimi, Sigal Prishtina, Trepça dhe Bora kanë siguruar kualifikimin dhe tashmë pritet një rivalitet i fortë e basketboll cilësor.

    Në gjysmëfinalen e parë do të përballen Bashkimi dhe Sigal Prishtina, dy emra me traditë në basketbollin kosovar dhe me ambicie të qarta për finalen. Prizrenasit eliminuan GO+ Pejën në çerekfinale, ndërsa prishtinasit kaluan Vëllaznimin.

    Gjysmëfinalja tjetër do të sjellë duelin Trepça – Bora.

    Kampionët në fuqi nga Mitrovica synojnë mbrojtjen e trofeut, ndërsa prishtinasit e Borës kërkojnë finalen e parë në historinë e Kupës. Trepça në çerekfinale eliminoi Golden Eagle Yllin, kurse Bora ishte më e mirë se Rahoveci 029.

    Edhe në fazën gjysmëfinale, përballjet zhvillohen me sistem vajtje-ardhje, ndërsa skuadra më e mirë pas dy takimeve siguron biletën për finalen.

    Në edicionin e kaluar, Trepça kishte triumfuar në finale ndaj Bashkimit me rezultat 85:79.

  • Rrobalarësja nuk lan gjithçka: Këto 9 gjëra mund të shkatërrojnë si rrobat, ashtu edhe vetë pajisjen

    Rrobalarësja nuk lan gjithçka: Këto 9 gjëra mund të shkatërrojnë si rrobat, ashtu edhe vetë pajisjen

    Nga rrobat me rërë deri te batanijet e rënda, disa gjëra mund të shkatërrojnë si veshjet, ashtu edhe vetë pajisjen – ja çfarë këshillojnë ekspertët

    Rrobalarësja është një nga pajisjet shtëpiake pa të cilat sot vështirë se e imagjinojmë përditshmërinë. Ajo na kursen kohë, energji dhe mundim.

    Por, sado praktike të jetë, e vërteta është e thjeshtë: rrobalarësja nuk është e destinuar për të larë gjithçka.

    Disa materiale janë tepër të ndjeshme për rrotullimin e fortë dhe centrifugën, ndërsa të tjera mund të dëmtojnë vetë rrobalarësen, të bllokojnë filtrin, të prishin balancën e kazanit ose të shkaktojnë defekte të kushtueshme.

    Ekspertët e mirëmbajtjes së shtëpisë paralajmërojnë se këto nëntë gjëra nuk duhet të përfundojnë kurrë në kazan, edhe pse shpesh i fusim “vetëm për shpejtësi”.

    1. Rroba jashtëzakonisht të ndotura me rërë dhe baltë
    Peshqirët e plazhit, rrobat e mbuluara me baltë ose ato plot qime kafshësh shtëpiake nuk duhen futur menjëherë në rrobalarëse.

    Sasi të mëdha rëre dhe papastërtish mund:

    të dëmtojnë pjesët e brendshme
    të bllokojnë sistemin e kullimit
    të pengojnë larjen efektive të rrobave
    Këshillë: shkundini mirë jashtë ose përdorni rul për qime para larjes.

    2. Jastëkët prej shkumë memorie
    Jastëkët prej shkumë memorie duken si jastëkë të zakonshëm, por në rrobalarëse mund të dëmtohen seriozisht.

    Lëvizja e fortë dhe centrifuga e shkatërrojnë strukturën e brendshme të shkumës, ndërsa pesha e ujit e deformon përfundimisht.

    Zgjidhje më e sigurt: përdorni mbulesë të larëshme dhe ajroseni jastëkun rregullisht.

    3. Batanije dhe jorganë shumë të rëndë
    Batanijet e rënda dhe jorganët masivë e mbingarkojnë rrobalarësen.

    Një copë shumë e rëndë mund:

    të dëmtojë kazanin
    të lodhë motorin
    të prishë balancën gjatë centrifugës
    Ekspertët këshillojnë që në rrobalarëse të mos lahen tekstile më të rënda se 6–7 kilogramë, edhe nëse etiketa thotë se janë “të larëshme”.

    4. Rroba me shenjën “vetëm pastrim kimik”
    Nëse etiketa thotë dry clean only, larja në rrobalarëse mund:

    të tkurret materiali
    të zbehë ose shkatërrojë ngjyrën
    të deformojë prerjen
    Kjo vlen sidomos për mëndafshin, kashmirin, lëkurën dhe veshjet elegante.

    5. Veshje të vjetra dhe shumë delikate
    Rrobat e vjetra dhe pëlhurat e ndjeshme si dantella apo lëkura e butë nuk e përballojnë larjen mekanike. Rreziku për grisje dhe humbje forme është i lartë.

    Më e sigurta: larje me dorë në ujë të ftohtë ose pastrim profesional.

    6. Rroba me zinxhirë të hapur
    Zinxhirët e hapur mund të kapin pëlhura të tjera dhe të shkaktojnë çarje, veçanërisht te materialet e holla.

    Rregull i thjeshtë: para çdo larjeje, mbyllni zinxhirët dhe kapëset.

    7. Gjëra të harruara në xhepa
    Një nga gabimet më të shpeshta në përdorimin e rrobalarëses.

    Në xhepa shpesh mbesin:

    faculeta letre
    fatura
    çelësa
    monedha
    balsam buzësh
    Këto mund të shkaktojnë rrëmujë në kazan, por edhe dëmtime serioze teknike.

    8. Veshje dhe aksesorë prej lëkure
    Lëkura nuk duhet futur kurrë në rrobalarëse.

    Uji dhe temperatura mund të shkaktojnë:

    çarje të materialit
    tkurrje
    rrudha të përhershme
    Xhaketat dhe pantallonat prej lëkure duhen pastruar lokalisht ose në pastrim profesional.

    9. Rroba me ngjyra të errëta ose shumë të forta që lëshojnë pigment
    Rrobat e reja me ngjyra të kuqe, portokalli ose të errëta shpesh lëshojnë bojë gjatë larjes së parë. Kjo mund të njollosë të gjithë turin e rrobave.

    Këshillë praktike: lajini herën e parë veçmas ose me dorë.

    Rrobalarësja është aleate, por jo për gjithçka
    Rrobalarësja është një nga ndihmësit më të mëdhenj në shtëpi, por përdorimi i duhur nënkupton edhe të dish çfarë duhet të qëndrojë jashtë kazanit.

    Ndonjëherë, një zgjedhje e gabuar mund të shkatërrojë jo vetëm rrobat, por edhe vetë pajisjen, me kosto shumë më të lartë se një larje.

    Rregulli i artë: lexoni etiketën, mendoni për peshën dhe ndjeshmërinë e materialit dhe rrobalarësja do t’ju shërbejë shumë më gjatë.

  • Kina ndalon përdorimin e dorezave të fshehura në automjetet elektrike

    Kina ndalon përdorimin e dorezave të fshehura në automjetet elektrike

    Kina bëhet vendi i parë që ndalon përdorimin e dorezave të fshehura të dyerve në automjetet elektrike, një dizajn i bërë i njohur nga Tesla i Elon Musk. Ky vendim vjen ndërsa autoritetet po shtojnë kontrollin mbi sigurinë e automjeteve elektrike pas një serie incidentesh vdekjeprurëse, përfshirë dy aksidente fatale me automjete Xiaomi në Kinë, ku dyshohet se ndërprerjet e energjisë penguan hapjen e dyerve.
  • “Nuk kam qenë pjesë e asnjë zhvillimi të tillë” – Behgjet Pacolli flet pasi iu përmend emri në dosjen “Epstein”

    “Nuk kam qenë pjesë e asnjë zhvillimi të tillë” – Behgjet Pacolli flet pasi iu përmend emri në dosjen “Epstein”

    Behgjet Pacolli, ish-Presidenti dhe ish-zv.kryeministri i Kosovës, një nga personazhet më të njohura në trevat shqiptare edhe si pasojë e qënies si sipëmarrësi më i famshëm, ka folur në një intervistë për TemA, menjëherë pas daljes së emrit të tij në të ashtuquajturat dosje Epsteian.

    Pacolli, në një intervistë flet edhe për çështjen e polemikave për aeroportit të Vlorës, si dhe për çështjet politike të brendshme dhe rajonale….

    Zoti President, ka dy ditë që është përfolur në lidhje me rastin Epstein de ju keni folur, ku natyrisht i keni kundërshtuar, por si mendoni ju pse ndodh ku sulm ndaj jush?

    Lidhur me aludimet që po qarkullojnë në media, dua të jem i qartë: nuk kam pasur asnjë dijeni dhe asnjë përfshirje në çështje që lidhen me persona apo raste të përmendura së fundmi. Nuk kam asnjë informacion konkret dhe nuk kam qenë pjesë e asnjë zhvillimi të tillë. Qe dikush i ka thene dikujt “shiqo kush eshte BP” kete nuk kam mund, nuk mundem dhe nuk do te mundem asnjëherë ta evitoj.

    Tashmë telenovela e aeroportit të Vlorës e ka humbur shkëlqimin mediatik, por ama ka ende qasje të rëndësishme politik që ja vlen t kthehemi. Kryeministri Edi Rama deklaroi në konferencën e fundvitit se “Fjalët janë thyer tashmë, po shpresojnë të respektohen afatet ligjore”. Doja t’ju pyesja çfarë ka ndodhur ndërmjet jush dhe kryeministrit?

    Sa i përket aeroportit, nuk kam premtuar asnjëherë asgjë që bie në kundërshtim me afatet e përcaktuara në kontratën që MABCO ka me shtetin shqiptar. Si kompani ndërkombëtare, MABCO shquhet pikërisht për përpikmërinë dhe respektimin rigoroz të çdo afati ligjor dhe kontraktual. Kjo ka qenë dhe mbetet qasja jonë në çdo projekt që realizojmë. E nese rrugës dikush do të pengojë duke shfrytëzuar institucionet, prapë unë nuk mund të bëhem magjik!

    Zoti Pacolli Presidenti Trump e ka thirrur Kosovën por dhe Shqipërinë në Bordin e Paqes, si e konsideroni ju këtë zhvillim, duke pasur parasysh dhe frekuentimet tuaja në mjedisin e Presidentit të SHBA?

    Sa i përket zhvillimeve ndërkombëtare, e konsideroj nismën e Presidentit Trump si një përpjekje serioze për të adresuar sfida të mëdha globale përmes dialogut dhe qasjeve pragmatike. Megjithatë, duhet pranuar se vende si Kosova dhe Shqipëria kanë kapacitete të kufizuara ekonomike dhe nuk mund të mbajnë barrë financiare që tejkalojnë realitetin e tyre ekonomik. Kontributi i tyre duhet parë në kontekstin e rolit politik, diplomatik dhe human, jo përmes pritshmërive jorealiste financiare.

    Ministri i Jashtëm rus, Sergej Lavrov deklaroi para disa ditësh se kërkojmë nga SHBA se së bashku me paketën e paqes në Ukrainë do të duhet të diskutojmë edhe për Ballkanin. Ju si një njohës i mjediseve në Rusi, ngaqë keni punuar dhe frekuentuar disa nga qarqet, si e konsideroni, a mud të prekë kjo Kosovën?

    Në lidhje me Ballkanin, mbështes qartë orientimin euro-atlantik të rajonit. Perëndimi mbetet garancia kryesore për stabilitetin, zhvillimin ekonomik dhe sigurinë afatgjatë. Çdo forcim i bashkëpunimit me partnerët perëndimorë sjell avantazhe konkrete për paqen dhe investimet, ndërsa çdo alternativë tjetër historikisht ka prodhuar pasiguri dhe stagnim.

    Ju jeni një sipërmarrës i sukseshëm dhe shqiptari më i famshëm në botë në historinë e biznesit. A e shikoni të mundshme rikthimin në politikë?

    Sa i përket Kosovës, unë kam besuar gjithmonë se kontributi më i qëndrueshëm për vendin tim vjen nga ndërtimi i vlerës ekonomike dhe nga suksesi në sipërmarrje. Një biznesmen i suksesshëm krijon punësim, besueshmëri ndërkombëtare dhe ura bashkëpunimi që shpesh politika nuk arrin t’i ndërtojë. Mbështetja ime për Kosovën ka qenë dhe mbetet e vazhdueshme, e bazuar në veprime reale qe motivojne zhvillim real dhe jo në deklarata boshe me të cilat qytetarët janë ngopur. Vetëm me dëshirë, kreativitet dhe guxim të madh për të vepruar ( punuar) arrin të ndryshosh çdo gjë për të mirë.

  • Basha: Përkujtimi i 3 dhe 4 shkurtit në veri të Mitrovicës, thirrje për drejtësi dhe zotim

    Basha: Përkujtimi i 3 dhe 4 shkurtit në veri të Mitrovicës, thirrje për drejtësi dhe zotim

    Kryetari në detyrë i Kuvendit të Kosovës, Dimal Basha, ka përkujtuar 26 vjetorin e masakrës ndaj shqiptarëve të veriut të Mitrovicës dhe dëbimin e dhjetëra mijëra qytetarëve nga ajo anë.

    Basha kujtoi se në veri të Mitrovicës më 3 dhe 4 shkurt të vitit 2000 u krye një akt i rëndë dhune ndaj qytetarëve shqiptarë të paarmatosur, një fushatë e organizuar frike dhe dëbimi që synonte ndryshimin me forcë të realitetit etnik në atë pjesë të qytetit.

    “Strukturat kriminale serbe, të njohura si ‘Rojat e Urës’, sulmuan familje të pafajshme, duke vrarë 10 shqiptarë, mes tyre një fëmijë 13-vjeçar dhe një grua 65-vjeçare. Dhjetëra të tjerë u plagosën e u torturuan, ndërsa mbi 11 mijë shqiptarë u dëbuan nga shtëpitë e tyre, duke lënë pas jetët dhe pronat e tyre. Këto krime u kryen në sy të pranisë ndërkombëtare, ndërsa pasojat e tyre ndryshuan thellësisht strukturën demografike dhe jetën shoqërore të veriut të Mitrovicës”, ka thënë Basha.

    Kreu i Kuvendit ka potencuar se sot pas 26 vitesh veriu i vendit nuk është më hapësira e pasigurisë dhe e sundimit të bandave që ishte dikur.

    “Shtrirja e sundimit të ligjit, veprimi i institucioneve të sigurisë dhe çmontimi i strukturave kriminale kanë krijuar një realitet të ri. Rendi dhe siguria janë forcuar, ndërsa kushtet për jetë normale po përmirësohen për të gjithë qytetarët të të gjitha komuniteve. Me kthimin e sigurisë po kthehen edhe familjet në shtëpitë dhe pronat e tyre të uzurpuara dikur, duke rifituar të drejtën për të jetuar me dinjitet në vendin e tyre”, ka potencuar kryeparlamentari, duke shtuar se pa drejtësi të plotë për viktimat, pa përgjegjësi për krimet, plagët e asaj kohe nuk mbyllen plotësisht.

    Përkujtimi i 3 dhe 4 shkurtit, sipas kryetarit të Kuvendit nuk është vetëm kthim pas në histori, por thirrje për drejtësi dhe zotim që shteti ynë të mos lejojë kurrë më që qytetarët e tij të përballen me dhunë dhe dëbim për shkak të përkatësisë së tyre etnike.

  • Prishtina radhitet si kryeqyteti më i lirë në Evropë

    Prishtina radhitet si kryeqyteti më i lirë në Evropë

    Prishtina renditet si kryeqyteti më i lirë në Evropë sa i përket kostos së jetesës, qirave, çmimeve të ushqimeve dhe në restorante.

    Megjithatë, edhe fuqia blerëse është ndër më të ulëtat, duke lënë prapa vetëm Athinën, Shkupin, Beogradin, Lisbonën, Kievin, Kishinjevin dhe Tiranën.

    Shifrat tregojnë koston e jetesës në qytete të ndryshme, krahasuar me Nju Jorkun.

    Kur një indeks ka vlerën 80, ai qytet është më i lirë se Nju Jorku për 20 për qind. Nëse indeksi ka vlerën 120, qyteti është më i shtrenjtë se Nju Jorku për 20 për qind./REL

  • Bernardo Silva largohet nga Manchester City në fund të sezonit

    Bernardo Silva largohet nga Manchester City në fund të sezonit

    Mesfushori portugez Bernardo Silva pritet që të largohet nga Manchester City dhe atë në fund të sezonit.

    Gazetari dhe eksperti i transferimeve Fabrizio Romano bën të ditur se Silva do të largohet nga Etihad Stadium pas përfundimit të kontratës,duke i dhënë kështu fund një epoke 10 vjeçare tek City.

    Përndryshe ende nuk dihet se cili do të jetë destinacioni i ardhshëm i Silvas në sezonin e ardhshëm,megjithatë shumë klube të ndryshme në Evropë kanë shprehur interesim për shërbimet e tij e një prej tyre është gjiganti katalunas Barcelona.

    Kujtojmë që Bernardo Silva i është bashkuar Manchester City-it në vitin 2017 nga Monaco,dhe në 147 ndeshje ka realizuar 28 gola e bëri 19 asistime,teksa me City-in fitoi 6 tituj të Premierligës,dy trofe të FA Cup,4 trofe të Carabao Cup,3 herë trofeun e Community Shield,1 titull të Ligës së Kampionëve,1 titull të Superkupës së UEFA-së dhe një trofe të Kupës së Botës për Klube.