ATV

Blog

  • Aksident te “Grandi” në Prishtinë: Motoristi nuk i ndalet policit, e godet dhe ikë nga vendi i ngjarjes

    Aksident te “Grandi” në Prishtinë: Motoristi nuk i ndalet policit, e godet dhe ikë nga vendi i ngjarjes

    Rreth orës 11:30, në rrugën “Garibaldi” në Prishtinë ka ndodhur një aksident trafiku me lëndime, ku janë përfshirë një motoçikletë dhe një zyrtar policor.

    Sipas Policisë së Kosovës, gjatë tentativës për ndalim, motoçiklisti e ka goditur zyrtarin policor dhe është larguar nga vendi i ngjarjes.

    Zyrtari ka marrë tretman mjekësor, ndërsa rasti po trajtohet nga njësitet relevante.

    “Rreth orës 11:30 ka ndodhur një aksident trafiku me lëndime në rrugën Garibaldi në Prishtinë. Në aksident janë të përfshirë një motoçikletë dhe një zyrtarë policor. Gjatë përpjekjeve për ta ndaluar, motoçiklisti ka goditur zyrtarin policor dhe është larguar nga vendi i ngjarjes. Zyrtari policor ka pranuar tretman mjekësor dhe rasti është duke u trajtuar nga njësitet relevante.”, ka thënë zëdhënësi i policisë së Kosovës për Rajonin e Prishtinës Enis Pllana.

  • Houston Rockets shënon fitoren e rradhës në NBA-Memphis Grizzlies dhe Philadelphia 76ers me fitore të rëndësishme

    Houston Rockets shënon fitoren e rradhës në NBA-Memphis Grizzlies dhe Philadelphia 76ers me fitore të rëndësishme

    Janë zhvilluar ndeshje mjaft të rëndësishme në ligën më të fortë të basketbollit në botë NBA.

    Houston Rockets mundi në shtëpi skuadrën e Indiana Pacers me rezultat 118:114.

    Alperen Sengun ishte basketbollisti më i mirë me 39 pikë si dhe shtoi 15 kërcime,teksa kontribut dha dhe Jabari Smith Jr me 19 pikë dhe Amen Thomspon me 16 pikë e 11 kërcime.

    Tek Pacers më i miri ishte Pascal Siakam me 27 pikë si dhe Bennedict Mathurin me 25 pikë të tjera.

    Në ndeshjen tjetër Memphis Grizzlies mposhti Minnesota Timberwolves me rezultat 137:128,ku më i miri në parket për Grizzlies ishte Jaren Jackson Jr me 30 pikë e 6 kërcime,teksa tek Timberwolves Anthony Edëards me 39 pikë e 7 kërcime,si dhe Jaden Mc Daniels me 29 pikë.

    Në anën tjetër Philadelphia 76ers ka fituar ndaj Los Angeles Clippers me rezultat 128:113.

    Tyrese Maxey me 29 pikë si dhe Dominick Barloë me 26 pikë e 16 kërcime dhe Joel Embiid me 24 të tjera ishin më efikasët për 76ers,kurse tek Clippers Kawhi Leonard me 29 pikë dhe Jordan Milner kontribuoi me 21 pikë të tjera.

  • Regjistrime të rralla audio rikthejnë në debat figurën e Michael Jackson

    Regjistrime të rralla audio rikthejnë në debat figurën e Michael Jackson

    Më shumë se 16 vjet pas ndarjes nga jeta, Michael Jackson është sërish në qendër të vëmendjes publike pas publikimit të disa audio-incizimeve të papublikuara më parë, në të cilat ai flet hapur për marrëdhënien e tij me fëmijët.

    Në këto regjistrime, të siguruara nga New York Post, Jackson rrëfen se fëmijët shpesh kërkonin ta përqafonin dhe ta preknin, duke thënë se prania dhe personaliteti i tij i bënin ata të ndiheshin emocionalisht të lidhur me të. Ai shton se kjo afërsi, sipas tij e pafajshme, i kishte sjellë jo pak probleme ndër vite.

    Audio-materialet janë pjesë e dokumentarit të ri “The Trial”, i cili fokusohet në procesin gjyqësor ndaj Jackson lidhur me akuzat për abuzim seksual ndaj të miturve akuza për të cilat ai u shpall i pafajshëm në gjykatë.

    Një nga deklaratat që ka ngjallur më shumë polemika është ajo ku Jackson shprehet se, nëse do t’i ndalohej çdo kontakt me fëmijët, nuk do të mund ta përballonte jetën, një koment që shumëkush e ka cilësuar si tronditës dhe emocionalisht të rëndë.

    Dokumentari, i përbërë nga katër episode, pritet të transmetohet së shpejti në Channel 4 dhe synon të rikthejë në vëmendje një nga kapitujt më të diskutuar të jetës dhe karrierës së “Mbretit të Popit”.

    Reagimet publike ndaj këtyre audio-incizimeve kanë qenë të ndara. Disa i shohin fjalët e Jackson si shprehje të një ndjeshmërie emocionale të pazakontë dhe të keqinterpretuar, ndërsa të tjerë i konsiderojnë ato shqetësuese, veçanërisht në kontekstin e akuzave që e ndoqën për vite me radhë.

    Publikimi i këtyre materialeve rihap debatet e vjetra dhe nxit sërish diskutimin mbi kufirin mes pafajësisë ligjore dhe perceptimit publik që vazhdon të shoqërojë figurën e Michael Jackson.

    https://youtu.be/2yOsTL9tWHY

  • Sekreti i natyrshëm kundër plakjes së lëkurës dhe për një trup më të shëndetshëm

    Sekreti i natyrshëm kundër plakjes së lëkurës dhe për një trup më të shëndetshëm

    Vitamina E po rikthehet fuqishëm në qendër të vëmendjes, jo vetëm në kozmetikë, por edhe si një element kyç për shëndetin, jetëgjatësinë qelizore dhe ngadalësimin e plakjes.

    Nuk është thjesht një trend kërkimet e fundit dhe rritja e tregut global tregojnë se njerëzit po e lidhin bukurinë me efektet që ndodhin “nga brenda” trupit.

    Sipas mjekes Alejandra Mora, vitamina E është një mikronutrient i tretshëm në yndyrë, që absorbohet më mirë kur konsumohet së bashku me yndyrna të shëndetshme. Trupi nuk e prodhon vetë, ndaj duhet të merret përmes ushqimit ose suplementimit.

    Vitamina E vepron si një antioksidant i fuqishëm, duke neutralizuar radikalet e lira që lidhen me plakjen e parakohshme dhe stresin oksidativ. Ajo ndihmon gjithashtu në formimin e qelizave të kuqe të gjakut, përmirëson hidratimin e lëkurës, ndihmon në riparimin e saj dhe forcon barrierën natyrale kundër dëmtimeve mjedisore dhe skuqjeve nga i ftohti. Përveç ndikimit te lëkura, vitamina E përmirëson forcën e flokëve, mbështet funksionin e qarkullimit të gjakut, forcon sistemin imunitar dhe mund të mbrojë neuronet, duke ndihmuar në ngadalësimin e rënies njohëse. Ajo ndihmon gjithashtu muskujt, duke ulur lodhjen dhe përmirësuar transportin e oksigjenit.

    Ushqimet më të pasura me vitaminë E janë vajrat bimore të shtrydhura në të ftohtë, frutat e thata, farat, perimet si spinaqi, shpargujt dhe brokoli, si dhe fruta të tilla si avokado, kivi dhe mango. Një mënyrë e shpejtë për ta rritur marrjen është një grusht lajthish.

    Për shkak se vitamina E tretet në yndyrë, rekomandohet të merret gjatë vakteve kryesore, për shembull me drekë ose mëngjes, duke e kombinuar me yndyrna të shëndetshme si avokado, fara ose pak vaj ulliri. Sasia e rekomanduar për një të rritur është rreth 15 mg në ditë, duke u fokusuar më shumë te rregullsia sesa doza e madhe e rrallë. Teprica mund të shkaktojë shqetësime të lehta ose të ndikojë në koagulimin e gjakut, veçanërisht tek personat që marrin ilaçe antikoagulante.

    Mungesa e vitaminës E është e rrallë, por kur ndodh, shenjat mund të jenë kryesisht neurologjike, duke përfshirë humbje koordinimi, dobësi muskulore, mpirje dhe vështirësi në përqendrim. Mund të shfaqen gjithashtu probleme të lëkurës, lodhje dhe imunitet i dobët. Në raste të tilla, këshillohet konsultimi me mjekun dhe analiza përkatëse, ndërsa suplementimi bëhet me udhëzimin e profesionistit.

  • “Një nga pengjet e mia…” Arbana Osmani zbulon vendimin personal që ka marrë për vitin 2026

    “Një nga pengjet e mia…” Arbana Osmani zbulon vendimin personal që ka marrë për vitin 2026

    Moderatorja e njohur Arbana Osmani ka ndarë së fundmi me ndjekësit e saj në rrjetet sociale një mendim personal dhe mjaft të sinqertë, duke folur hapur për një mungesë që e ka ndjekur vitet e fundit dhe për ndryshimin që ka vendosur të bëjë këtë vit.

    Përmes një postimi në InstaStory, Arbana ka treguar se i ka vendosur vetes një objektiv të ri për vitin 2026, i cili nuk ka lidhje me ekranin televiziv, por me zhvillimin personal dhe ushqimin e mendjes.

    Ajo pranon se gjatë kohëve të fundit leximi ka mbetur pas, diçka që e ka shqetësuar dhe e ka bërë të reflektojë më shumë për prioritetet e saj.

    “Këtë vit i kam vënë qëllim vetes të lexoj të paktën një libër në muaj. Është një nga pengjet e viteve të fundit dhe më vjen vërtet keq për këtë,” shkruan moderatorja.

    Arbana zbulon gjithashtu se ka nisur të fokusohet te letërsia vendase, duke vlerësuar veçanërisht autorët e rinj shqiptarë, veprat e të cilëve i ka konsideruar surprizuese dhe me shumë vlerë.

    “Gjatë kësaj kohe kam lexuar disa libra shumë të mirë, të gjithë nga autorë të rinj shqiptarë dhe jam vërtet e impresionuar,” shprehet ajo.

    Ky interes i ri për librin nuk do të mbetet vetëm në nivel personal. Arbana bën të ditur se disa prej këtyre autorëve i ka ftuar tashmë në emisionin e saj “Mirëmbrëma Yje”, ku do t’i prezantojë për publikun në episodet e ardhshme.

    Në mesazhin e saj përmbyllës, moderatorja apelon për më shumë vëmendje ndaj vlerave kulturore dhe për një promovim më të madh të letërsisë.

    “Mendoj se duhet të flasim më shumë për libra dhe se letërsia e mirë duhet të bëhet ‘virale’,” përfundon ajo.

  • Hyn në fuqi marrëveshja Kosovë–Itali për eliminimin e tatimit të dyfishtë

    Hyn në fuqi marrëveshja Kosovë–Itali për eliminimin e tatimit të dyfishtë

    Ambasada e Republikës së Kosovës në Itali ka informuar qytetarët dhe komunitetin e biznesit se ka hyrë në fuqi Marrëveshja ndërmjet Republikës së Kosovës dhe Republikës së Italisë për eliminimin e tatimit të dyfishtë, parandalimin e evazionit fiskal dhe shmangies së tij.

    Sipas një njoftimi të ambasadës së Kosovës në Itali thuhet se bazuar në këtë marrëveshje nuk tatoheni dy herë për të njëjtat të ardhura (në Kosovë dhe në Itali).

    “Tatimi i paguar njihet si kredit tatimor në shtetin tjetër (sipas rregullave përkatëse), rregulla të qarta për paga, profesione të lira dhe biznese, pensionet tatohen vetëm në shtetin e rezidencës, punësimi afatshkurtër (deri 183 ditë): të ardhurat tatohen vetëm në shtetin e rezidencës (kur plotësohen kushtet e marrëveshjes), përjashtime për studentë dhe praktikantë që qëndrojnë për studim/trajnim, norma më të favorshme për dividendë, interesa dhe honorare, më shumë siguri juridike për qytetarët dhe investitorët”.

  • Publikohet traileri i plotë i “The Devil Wears Prada 2”, rikthehen ikonat e filmit origjinal

    Publikohet traileri i plotë i “The Devil Wears Prada 2”, rikthehen ikonat e filmit origjinal

    Traileri i parë i plotë i filmit shumë të pritur The Devil Wears Prada 2 është publikuar, duke ofruar një vështrim më të detajuar mbi vazhdimin e komedisë ikonike të modës, nën regjinë e David Frankel.

    Në këtë kapitull të ri, rikthehen në rolet kryesore dy nga figurat më të dashura të filmit origjinal: Meryl Streep dhe Anne Hathaway, të cilat rimarrin personazhet që i bënë pjesë të pandashme të historisë së kinemasë moderne të komedisë.

    Traileri i parë paralajmërues, i publikuar në muajin nëntor, kishte thyer rekorde shikueshmërie, duke u cilësuar si traileri i komedisë më i ndjekur në 15 vitet e fundit. Ai arriti plot 181.5 milion shikime në YouTube brenda vetëm 24 orëve të para.

    Ndërkohë, traileri i plotë ka vijuar të konfirmojë interesin e jashtëzakonshëm të publikut, duke regjistruar 2.8 milion shikime në YouTube brenda nëntë orëve nga publikimi.

    Vazhdimi i The Devil Wears Prada pritet të eksplorojë zhvillimet e reja në botën e modës, dinamikat e pushtetit dhe ndryshimet personale të personazheve, duke kombinuar nostalgjinë me një qasje bashkëkohore.

  • Johnny Depp rikthehet fuqishëm në Hollywood me rolin e Scrooge-it në “A Christmas Carol”

    Johnny Depp rikthehet fuqishëm në Hollywood me rolin e Scrooge-it në “A Christmas Carol”

    Johnny Depp shënon rikthimin e tij në një prodhim të madh kinematografik duke marrë rolin e Ebenezer Scrooge në një adaptim të ri të romanit klasik të Charles Dickens, “A Christmas Carol”. Ky projekt përfaqëson filmin e tij të parë me buxhet të lartë pas katër vitesh mungesë nga produksionet kryesore të studiove amerikane.

    Fotot e publikuara nga xhirimet e filmit tregojnë aktorin të transformuar rrënjësisht për rolin e koprracit legjendar të Dickens-it. Depp shfaqet me një pamje të errët dhe tradicionale, i veshur me pallto elegante blu, kapele të zezë dhe favoritet gri, duke mishëruar figurën e një njeriu të mbyllur në vetmi dhe pendesë. Në skena të veçanta, ai shihet përkrah Andrea Riseborough, e cila interpreton Shpirtin e Krishtlindjes së Shkuar, me një paraqitje eterike që thekson dimensionin fantazmagorik të rrëfimit.

    Filmi mbështetet nga një kast mbresëlënës aktorësh, mes tyre Sir Ian McKellen, Daisy Ridley, Rupert Grint, Sam Claflin, Ellie Bamber dhe Tramell Tillman. Historia e njohur e Dickens-it, e botuar për herë të parë në vitin 1843, ndjek transformimin moral të Scrooge-it, pasi ai përballet me pasojat e jetës së tij përmes vizitave të tre shpirtrave në natën e Krishtlindjes.

    Megjithatë, ky adaptim nuk do të jetë i vetmi që do të mbërrijë në ekran. Warner Bros po zhvillon paralelisht një tjetër version të “A Christmas Carol”, nën regjinë e Robert Eggers, me Willem Dafoe në rolin kryesor, duke krijuar një garë interesante mes dy vizioneve artistike.

    Në deklarata të mëhershme, Depp ka kundërshtuar perceptimin publik se ai ishte tërhequr nga puna, duke theksuar se ka vazhduar të jetë aktiv profesionalisht, edhe pse jashtë vëmendjes së madhe hollywoodiane. Ky rol i ri shënon një moment kthese për aktorin, duke e rikthyer atë në qendër të industrisë globale të filmit.

  • Haradinaj: Viktimat e Mitrovicës u ekzekutuan para syve të forcave ndërkombëtare

    Haradinaj: Viktimat e Mitrovicës u ekzekutuan para syve të forcave ndërkombëtare

    Kryetari i AAK-së, Ramush Haradinaj ka kujtuar viktimat e datës 3 dhe 4 shkurtit të vitit 2000 të masakrës në Mitrovicë.

    Haradinaj ka përmendur emrat të cilët u vranë nga strukturat paralele serbe në Mitrovicë.

    “Shqipe e Nezir Voca, Sebiha Abrashi, Selime Berisha, Nerimane Xhaka, Remzije Canhasi, Niman Sejdiu, Bashkim Rrukeci, Muharrem Sokoli dhe Nderim Ajeti, ishin viktimat e para të strukturave paralele serbe në Mitrovicë. Ata u ekzekutuan para syve të forcave ndërkombëtare të sigurisë”, ka shkruar Haradinaj.

  • Shkurti në kinema: Rrëfime të guximshme, rikthime ikonike dhe surpriza të papritura

    Shkurti në kinema: Rrëfime të guximshme, rikthime ikonike dhe surpriza të papritura

    Nga interpretimet moderne të klasikëve letrarë te vazhdimet e shumëdiskutuara të franshizave kult, ky muaj sjell në ekran një përzgjedhje filmash që premtojnë debat, emocione të forta dhe argëtim të pastër. Shkurti duket se ka diçka për çdo shije filmike.

    Cold Storage

    Një përzierje e zgjuar mes komedisë dhe horrorit, “Cold Storage” bazohet në romanin e David Koepp dhe eksploron frikën që fshihet pas gjërave që duken të zakonshme. Dy roje nate përballen me një kërcënim biologjik të papritur në një depo të izoluar. Me Joe Keery, Georgina Campbell dhe Liam Neeson, filmi kombinon tensionin me humorin e errët.
    Premiera: 6 shkurt (MB & Irlandë), 13 shkurt (SHBA & Kanada)

    The President’s Cake

    Një histori e vogël me peshë të madhe emocionale. E vendosur në Irakun e viteve ’90, drama ndjek përpjekjen e një vajze të vogël për të përmbushur një detyrim absurd shtetëror, në një realitet të mbushur me mungesa dhe frikë. Regjisori Hasan Hadi ofron një debutim delikat dhe goditës njëkohësisht.
    Premiera: 6 shkurt (SHBA & Spanjë), 13 shkurt (MB & Irlandë)

    Pillion

    Në prag të Shën Valentinit, kjo dramë romantike thyen pritshmëritë. Harry Melling dhe Alexander Skarsgård sjellin një marrëdhënie komplekse, të brishtë dhe larg klisheve klasike të romancës. Një film që flet për lidhjen njerëzore në format e saj më të pazakonta.
    Premiera: 6 shkurt (SHBA & Suedi)

    Wuthering Heights

    Emerald Fennell rikthen romanin e Emily Brontë-së me një qasje moderne dhe provokuese. Margot Robbie dhe Jacob Elordi udhëheqin një version që ka ndarë opinionin publik, por që padyshim nuk kalon pa u vënë re. Një adaptim që synon të trazojë emocionet dhe interpretimet tradicionale.
    Premiera: 11–13 shkurt, ndërkombëtarisht

    GOAT

    Një animacion plot energji dhe mesazh pozitiv nga Sony. Historia e një dhie të re që sfidon pritshmëritë në një sport të dominuar nga “gjigantët” bëhet metaforë për këmbënguljen dhe besimin në veten. Një film familjar me zemër të madhe.
    Premiera: 11–13 shkurt

    Good Luck, Have Fun, Don’t Die

    Gore Verbinski rikthehet me një projekt ambicioz fantastiko-shkencor. Sam Rockwell interpreton një anti-hero që udhëton në kohë për të ndalur një të ardhme të errët të drejtuar nga inteligjenca artificiale. Një miks mes satirës, aksionit dhe reflektimit filozofik.
    Premiera: 13 shkurt (SHBA), 20 shkurt (MB & Irlandë)

    How to Make a Killing

    Një rimarrje bashkëkohore e humorit të zi britanik. Glen Powell luan një trashëgimtar ambicioz që sheh krimin si rrugë të shpejtë drejt pasurisë. Ironi, elegancë dhe një dozë cinizmi e bëjnë këtë film një nga surprizat e muajit.
    Premiera: 20 shkurt (SHBA & Kanada)

    Scream 7

    Saga legjendare e horrorit rikthehet me një kapitull të ri dhe me Neve Campbell sërish në rolin e Sidney Prescott. Me Kevin Williamson pas timonit kreativ, filmi synon të rikthejë tensionin dhe zgjuarsinë që e bëri serinë ikonike.
    Premiera: 27 shkurt

    EPiC: Elvis Presley in Concert

    Baz Luhrmann prezanton një përvojë koncertore të ndërtuar mbi pamje arkivore të rralla të Elvis Presley-t. Një homazh energjik dhe emocional për një nga figurat më të mëdha të muzikës moderne.
    Premiera: 27 shkurt

    Dreams

    Michel Franco sjell një dramë intensive dhe të ftohtë emocionalisht, ku Jessica Chastain eksploron kufijtë mes dashurisë, pushtetit dhe moralit. Një film që nuk ofron përgjigje të lehta, por nxit pyetje të vështira.
    Premiera: 27 shkurt (SHBA & Kanada)