ATV

Blog

  • Sa duhet të presim për të fjetur pas konsumimit të darkës?!

    Sa duhet të presim për të fjetur pas konsumimit të darkës?!

    Ekspertët kanë identifikuar dy arsye konkrete përse njeriu duhet të shmangë gjumin direkt pas të ngrënit, sidomos në darkë.

    Tretja dhe mbipesha
    Qëndrimi shtrirë pas ngrënies së një vakti të rëndë tingëllon shpërblyes, por për tretjen është një makth i vërtetë.

    Tretja është një proces që duhet bërë kur njeriu qëndron në pozicion vertikal. Kur stomaku është plot me ushqim dhe graviteti nuk është më në favorin tuaj, aciditeti i stomakut (që shtohet në volum e sasi gjatë tretjes) ngjitet lart nëpërmjet ezofagut dhe shkakton refluks acidi.

    Simptoma kryesore është urthi, ndjesia e dhimbshme e djegies në mes të kraharorit. Probleme të tilla do ju lënë pa gjumë dhe janë një eksperiencë jo e mirë.

    Nga ana tjetër, jo të gjitha ushqimet kanë të njëjtin ndikim nëse konsumohen vonë në mbrëmje. Për shembull, nëse para gjumit hani një copë pice të mbushur me karbohidrate e yndyrë dhe e shoqëroni me një pije të gazuar, ju me siguri do të përballeni me refluksin më të keq të aciditetit në jetë.

    Nëse hani një kivi para gjumit, ai padyshim do ju bëjë mirë se ky fut ka përbërës që përshpejtojnë gjumin.

    Veç këtyre, ngrënia e ushqimeve të rënda në mbrëmje është një faktor nxitës i mbipeshës, ndaj duhet shmangur.

    Stomaku plot, gjumë i trazuar
    Sipas ekspertëve, konsumi i ushqimeve të rënda para gjumit e vështirëson ardhjen e tij.

    Kafeina, alkooli, yndyra e tepërt prishin cilësinë e gjumit dhe e trazojnë atë duke penguar kështu një sërë procesesh rehabilituese për organizmin.

    Nëse ju hani dhe pini rëndë përpara gjumit, ju do të zgjoheni disa herë gjatë natës për të shkuar në banjë dhe kështu nuk do të flini mirë. Veç kësaj, si pasojë e ushqyerjes së rëndë, truri mbetet aktiv dhe mund të shihni shumë ëndrra të këqija.

    Kur duhet të shtrihemi për të fjetur pas darkës?
    Ekspertët sugjerojnë që të prisni një orë pas ushqyerjes për tu shtrirë për të fjetur. Nëse ju hani hamburger apo biftek në mbrëmje atëherë duhet të prisni tre orë dhe më pas të flini./AgroWeb

  • Aktorja Whoopi Goldberg flet hapur: “Nuk dua të jetoj me askënd ,jam shumë e lumtur vetëm”

    Aktorja Whoopi Goldberg flet hapur: “Nuk dua të jetoj me askënd ,jam shumë e lumtur vetëm”

    Whoopi Goldberg ka zbuluar se i pëlqen të jetë vetëm dhe nuk ka ndërmend ta ndryshojë këtë. Aktorja e njohur deklaroi se nuk është duke kërkuar një partner në jetën e saj.

    “Në 25 vitet e fundit, kam kuptuar se jo të gjithë janë bërë për një lidhje. Disa njerëz janë bërë thjesht për aventura një-natëshe. Nuk dua të jetoj me askënd. Jetova me vajzën time dhe kjo është e gjitha që mund ta përballoj. Ka shumë njerëz që i dua, por nuk kam nevojë të fle me ta,” tha Goldberg.

    Who Is Whoopi Goldberg's Daughter? All About Alex Martin

    Aktorja, e cila ka qenë e martuar tri herë, pranoi se nuk ndihet e përshtatshme për lidhje romantike: “Nuk jam e mirë në këtë sepse duhet të mendoj për njerëzit e tjerë, dhe kam mjaftueshëm për të menduar me vajzën time, burrin e saj dhe të gjithë njerëzit përmes punës,” shtoi ajo.

    Megjithatë, Goldberg theksoi se nuk ndihet e vetmuar, pasi rrethohet nga njerëz që e mbajnë të shoqëruar dhe të lumtur: “Njerëzit vazhdojnë të më thonë se do të gjej dikë, por unë nuk dua. Jam shumë e lumtur, nuk dua të jetoj me askënd. Nuk dua të ndaj para, e di që është e tmerrshme, por nuk dua ta bëj,” përfundoi ajo.

  • Albi Mall Superliga e Kosovës rikthehet këtë fundajvë

    Albi Mall Superliga e Kosovës rikthehet këtë fundajvë

    Albi Mall Superliga e Kosovës pritet që të rikthehet pas pushimit dimëror këtë fundajvë me ndeshjet e xhiros së 19-të.

    Të shtunën pritet të zhvillohen tre takime tejet interesante,ku kampioni aktual Drita pritet të luaj në udhëtim kundër skuadrës së Ferizajt ku synon të nis në mënyrën më të mirë stinorin pranveror.

    Prishtina do të luaj në udhëtim tek skuadra e Dukagjniit,teksa në anën tjetër Drenica do e presë ekipin e Llapit.

    Të dielën pritet të zhvillohen edhe dy takime të tjera që do të zgjojnë vëmendjen e dashamirëve të futbollit vendor,ku nënkampioni Ballkani luan në udhëtim kundër Gjilanit teksa Malisheva e pret në shtëpi Prishtinën e Re.

    Kujtojmë që të gjitha ndeshjet pritet të nisin nga ora 13:00.

  • Arsyet pse nuk flini mjaftueshëm gjatë natës

    Arsyet pse nuk flini mjaftueshëm gjatë natës

    Shumë njerëz nuk bëjnë gjumë të mjaftueshëm, e një studim i kohëve të fundit po pretendon se mesatarja është vetëm gjashtë orë gjumë në Britani.

    Arsyet për netët pa gjumë ndryshojnë dhe shpesh janë të lidhura më çështjet psikologjike, por studimi pohon se mund të jetë mungesa e ujit gjatë ditës për mungesën e gjumit gjatë natës.

    Sipas hulumtimit të bërë nga akademikët në Penn State University, Pennsylvania, njerëzit që flinin për gjashtë orë në natë kishin urinën dukshëm më të koncentruar dhe ishin më të dehidratuar krahasuar me ata që rregullisht flinin tetë orë në natë, që është koha e rekomanduar.

    Studimi përfshinte më shumë se 20 mijë të rritur në SHBA dhe Kinë, autorët konkluduan se lidhjet midis cilësisë së gjumit dhe hidratimit janë në harmoni për gjumë të mirë.

    “Ky studim sugjeron që nëse nuk jeni duke fjetur mjaftueshëm, dhe të ndjeheni keq ose të lodhur ditën tjetër, pini ujë shtesë” tha autori kryesor Asher Rosinger, profesor asistent në Penn State.

    Dehidrimi mund të ketë një numër efektesh të padëshirueshme në trup, të tilla si marramendje, ndjesi të përgjumur dhe që kanë urinë me ngjyrë të errët, me erë të fortë.

    Mënyra më e dukshme për të qëndruar e hidratuar është të pini shumë lëngje gjatë gjithë ditës dhe të shmangni ose kufizoni pije të tilla si kafeina, çaji dhe alkooli, të cilat mund të dehidrojnë trupin, Klankosova.

    Por kur bëhet fjalë për sa ujë duhet të pijë çdo ditë, këshilla është kontradiktore, me disa ekspertë që sugjerojnë deri në katër litra ndërsa të tjerët thonë dy.

  • Halle Berry i thotë “Po”.Aktorja konfirmon fejesën me Van Hunt

    Halle Berry i thotë “Po”.Aktorja konfirmon fejesën me Van Hunt

    Edhe pse shumë media raportuan më parë se Halle Berry kishte refuzuar propozimin e partnerit të saj, Van Hunt, aktorja ka zbuluar gjatë një paraqitjeje në “The Tonight Show with Jimmy Fallon” se ajo është fejuar.

    Gjatë intervistës, Berry sqaroi se deklaratat e mëparshme ishin keqinterpretuar: “Epo, ka njëfarë konfuzioni në lidhje me atë që ai më propozoi mua dhe unë që thashë jo”.

    Ajo shtoi: “Jo, nuk është kështu. Unë nuk thashë jo. Thjesht nuk kemi caktuar një datë dasme”. Pas një pauze të shkurtër, Berry konfirmoi: “Sigurisht që thashë se do të martohesha me të! Ai më dha një unazë të vogël”.

    Berry dhe muzikanti Van Hunt janë në një lidhje që nga viti 2020. Çifti filloi të komunikonte dhe të zhvillonte marrëdhënien gjatë fillimit të pandemisë, ndërsa Halle e konfirmoi publikisht lidhjen e tyre në shtator të 2020-ës me një postim në Instagram, ku mbante veshur një bluzë me emrin e tij.

    Halle Berry ka qenë e martuar tre herë më parë.

  • Me 33 vota për miratohet buxheti i Komunës së Prishtinës për vitin 2026

    Me 33 vota për miratohet buxheti i Komunës së Prishtinës për vitin 2026

    Në Kuvendin Komunal të Prishtinës ka kaluar buxheti për vitin fiskal 2026.

    Buxheti është miratuar me 33 vota për, 8 ishin kundër dhe abstenime nuk kishte. Buxheti është miratuar edhe me votat e PDK-së.

    Lëvizja Vetëvendosja paraprakisht deklaroi se nuk do ta votojë këtë buxhet.

    Drejtoresha për Financa, Valbona Makolli tha se ky projektbuxhet është i orientuar në nevojat reale të qytetarëve. Ajo shpjegoi se buxheti është i ndarë në pesë kategori ekonomike: në kategorinë e pagave dhe mëditjeve janë 48.3 milionë euro, kategoria e mallrave dhe shërbimeve kap vlerën prej 32 milionë, shpenzimet e komunalive 3 milionë e gjysmë, subvencione dhe transfere 6.8 milionë dhe investimet kapitale 60 milionë e 800 mijë.

    “Ky buxhet është i orientuar tërësisht në nevojat reale të qytetarëve. Buxheti është i ndarë në pesë kategori ekonomike: në kategorinë e pagave dhe mëditjeve janë 48.3 milionë euro, kategoria e mallrave dhe shërbimeve kap vlerën prej 32 milionë shpenzimet e komunalive 3 milionë e gjysmë, subvencione dhe transfere 6.8 milionë dhe investimet kapitale 60 milionë e 800 mijë. Ky buxhet është i përcaktuar në versionin e transformimit te kryeqytetit. Ndër projektet më të mëdha që do të vazhdohen ose do të mbyllen në këtë vit fiskal është projekti i Xhorxh Bushit, rruga A, nënkalimi Agim Ramadani, Unaza e Brendshme, Ishulli Urban e të tjera”, tha ajo.

  • Mbrojtësit e viktimave trajtojnë dhunën dhe krimet, 59 raste të reja brenda një jave

    Mbrojtësit e viktimave trajtojnë dhunën dhe krimet, 59 raste të reja brenda një jave

    Gjatë javës së fundit, Zyra për Mbrojtje dhe Ndihmë të Viktimave ka bërë të ditur se mbrojtësit e viktimave në Kosovë kanë trajtuar gjithsej 59 raste të reja, shumica e të cilave lidhen me dhunën në familje. Nga këto, 48 raste lidhen me dhunë në familje, 6 raste me tentim-vrasje, 2 raste me ngacmim seksual, 1 rast vrasjeje dhe 2 raste të shkeljes së Urdhrit Mbrojtës (UM).

    Mbrojtësit e viktimave kanë ndërmarrë veprime ligjore dhe përfaqësuese për mbrojtjen e të drejtave të viktimave. Gjatë kësaj periudhe, janë parashtruar 7 kërkesa për Urdhër Mbrojtjeje (KUM), 25 kërkesa për Urdhër Mbrojtjeje Emergjente (KUME), 3 kërkesa për urdhër mbrojtës të përkohshëm emergjent, 2 kërkesa për ndërprerje të UM-së dhe 2 për ndryshim të UM-së.

    Gjykatat kanë aprovuar 30 aktvendime, ndërsa 2 aktvendime janë tërhequr. Po ashtu, është regjistruar 1 kërkesë për kompensim nga Fondi i Viktimave dhe është përpiluar 1 parashtresë tjetër. Gjatë javës janë mbajtur 86 seanca gjyqësore dhe 12 seanca në prokurori, ndërkohë që janë ofruar 76 këshilla juridike.

    Si rezultat i përfaqësimit ligjor, janë nxjerrë 12 aktgjykime dënuese dhe 2 refuzuese. Përveç kësaj, janë realizuar 2 përfaqësime në polici, 1 referim i rastit në polici, 6 referime në Qendrën për Punë Sociale dhe 1 deklaratë mbi dëmin e shkaktuar.

  • Nations League 2026/27, Kosova dhe Shqipëria presin shortin e ri

    Nations League 2026/27, Kosova dhe Shqipëria presin shortin e ri

    Sezoni i ri i Nations League është gati të nisë, këtë herë i lidhur me kualifikueset për Euro 2028, ku skuadrat që përfundojnë në vendet e larta sigurojnë të paktën një vend në play-off.

    Në garë janë edhe Kosova dhe Shqipëria, me “dardanët” në Ligën B dhe “kuqezinjtë” në Ligën C.

    Një javë para shortit, janë përcaktuar edhe vazot e ekipeve: Kosova do të jetë në vazon e katërt të Ligës B, ndërsa Shqipëria në vazon e parë të Ligës C.

     

    Shorti i Nations League 2026/27 do të hidhet më 12 shkurt, dhe të dy kombëtaret presin me padurim për të mësuar kundërshtarët e tyre në këtë edicion.

     

  • Tre të vdekur pasi një grua 92-vjeçare u përplas me automjet në një furrë buke në Los Angelos

    Tre të vdekur pasi një grua 92-vjeçare u përplas me automjet në një furrë buke në Los Angelos

    Tre persona kanë humbur jetën dhe gjashtë të tjerë janë plagosur pasi një shoferë 92-vjeçare u përplas me një çiklist, humbi kontrollin e automjetit dhe u fut me veturë në një dyqan ushqimor të enjten, në lagjen Westwood të Los Angelosit.

    Gruaja që drejtonte një Toyota Prius goditi çiklistin dhe më pas vazhdoi të ngiste edhe një bllok tjetër, përpara se të kthente drejt një furre buke brenda dyqanit 99 Ranch Market, ku automjeti u ndal.

    Kapiteni i Policisë së Los Angelosit, Anthony Espinoza, e përshkroi ngjarjen si një “aksident fatkeq” dhe tha se nuk besohet të ketë qenë e qëllimshme.

    Dy burra, të moshave 30 dhe 55 vjeç, si dhe një grua 42-vjeçare, të cilët ndodheshin në atë moment në furrë, vdiqën në vendngjarje. Dy burra të tjerë, 35 vjeç, u dërguan në spital në gjendje kritike, ndërsa dy burra të tjerë, 38 dhe 37 vjeç, ishin në gjendje të qëndrueshme.

    Çiklisti dhe shoferja refuzuan ofertën për t’u transportuar në spital, njoftoi departamenti i zjarrfikësve.

    Zyrtarët thanë se ajo po bashkëpunon me hetuesit dhe se i është nënshtruar një vlerësimi mjekësor. /Telegrafi/

  • Lobi serb në SHBA sulmon Ramush Haradinajn: Duhet të jetë në burg, jo te Lutjet e Mëngjesit

    Lobi serb në SHBA sulmon Ramush Haradinajn: Duhet të jetë në burg, jo te Lutjet e Mëngjesit

    Prania e kreut të AAK-së, Ramush Haradinaj, në Lutjet e Mëngjesit në SHBA ka irrituar lobin serb në këtë vend.

    Organizata lobuese serbe “Serbian National Defense”, me seli në Chicago, përmes një postimi publik në rrjetin social X ka sulmuar rëndë Haradinajn.

    Për rolin e Haradinajt në UÇK, organizata e etiketon atë me akuza të rënda dhe të pabaza, duke përmendur trafikim organesh e të ashtuquajturën Shtëpi e Verdhë në Shqipëri. Kjo organizatë madje i parashtroi një kërkesë institucioneve amerikane që Haradinaj të jetë në burg, e jo në lutjet e mëngjesit.

    Gjatë qëndrimit në Uashington, Haradinaj zhvilloi takime në Capitol Hill, ku mbajti edhe një fjalim në Kongresin Amerikan në kuadër të Forumit Ndërparlamentar të Sigurisë, ndërsa AAK tha se ai pritet të vazhdojë me takime në Pentagon.