ATV

Blog

  • Ja çfarë duhet të pini me stomakun bosh për t’u pastruar nga toksinat

    Ja çfarë duhet të pini me stomakun bosh për t’u pastruar nga toksinat

    Ekspertët e quajnë mëlçinë “laboratori i trupit tonë”, prandaj është shumë e rëndësishme që ajo të jetë e shëndetshme.

    Ekzistojnë lëngje natyrale dhe ushqime medicinale që kanë një efekt veçanërisht të dobishëm në gjendjen e saj.

    Së pari dhe më kryesorja janë lëngu i karrotës ose karrotat e grira, të cilat janë veçanërisht të dobishme për mëlçinë e yndyrshme. Rekomandohet t’i konsumoni me stomak bosh.

    Përveç kësaj, mëlçia “e do” limonin, mjaltin e gështenjës, domatet, panxharin dhe kërcejtë e luleradhiqes së papërpunuar.

    Konsumimi i këtyre ushqimeve gjatë një periudhe prej tre javësh mund të kontribuojë në rigjenerimin e mëlçisë. Spinaqi është gjithashtu një zgjedhje e shkëlqyer, më e mira në formën e sallatës, dhe rekomandohet sa më shpesh të jetë e mundur.

    Lëngu i rrepkës është gjithashtu i dobishëm për mëlçinë, dhe mund të pini disa lugë çaji prej tij çdo ditë sepse ndihmon në eliminimin e yndyrës. Lëngu nga gjethet e freskëta të lakrës është gjithashtu efektiv sepse stimulon rigjenerimin e mëlçisë.

    Mëlçia ndodhet në pjesën e sipërme të djathtë të barkut dhe ka tre anë, një anë të sipërme, të fryrë, një anë të poshtme, e cila shtrihet mbi zorrën e trashë dhe stomakun, dhe një anë të pasme, e cila është e bashkangjitur në diafragmë.

    Kryqëzimi i anëve të sipërme dhe të poshtme formon skajin e mëlçisë, i cili ndihet lehtësisht kur organi zmadhohet ose ulet.

  • Rovena Stefës i vdes babai: E deshe shumë Kosovën, aty dhe frymën e fundit

    Rovena Stefës i vdes babai: E deshe shumë Kosovën, aty dhe frymën e fundit

    Këngëtarja e njohur, Rovena Stefa, ka njoftuar pak më parë se babai i saj ka ndërruar jetë.

    Rovena Stefa e bëri një njoftim të shkurtër në Facebook, duke dhënë lajmin e trishtë për vdekjen e Pandeli Stefës, i cili qëlloi në Kosovë në çastet e fundit.

    ”E deshe shumë Kosovën dhe aty dhe frymën e fundit! Na rrite me sakrifica të mëdha, kalove male në këmbë që ne, fëmijët tu të rriteshim të mbarë”, tregoi Rovena.

    ”Me hidhërim të thellë njoftojmë largimin nga jeta të babait tonë të shtrenjtë, Pandeli Stefa. Varrimi do të mbahet nesër në orën 14:00, pranë varrezave në Fier”, përmbyllet ky njoftim mortor.

  • Ushqimet që ndihmojnë për bark të rrafshtë

    Ushqimet që ndihmojnë për bark të rrafshtë

    Tashmë që jemi në stinën e verës dhe koha e pushimeve, shumë prej nesh shqetësohen për kilogramët e tepërt. Mendimi se si do të dukemi me rrobat e banjos shpesh ndikon edhe në kualitetin e pushimeve. Megjithatë, ka mënyra të thjeshta për ta menaxhuar këtë problem.

    Ja disa ushqime që mund t’i konsumoni nëse dëshironi bark të rrafshtë, pa u privuar nga shëndeti dhe energjia:

    Jogurti me pak yndyrë – I pasur me proteina, ju mban të ngopur për një kohë të gjatë.

    Boronicat – Të pasura me vitamina dhe me pak kalori. Ky frut përshpejton metabolizmin dhe jep energji. Hani boronica çdo ditë për stomak të rrafshtë.

    Vezët – Ideale për ata që merren me sport, ndihmojnë në shkrirjen e yndyrës dhe formimin e muskujve.

    Manaferrat dhe arra – Manaferrat, fëstëkët, lajthitë dhe bajamet janë të pasura me yndyrna të shëndetshme që mund të ndihmojnë edhe në humbje peshe, nëse konsumohen me masë.

    Mishi i peshkut – Ndihmon metabolizmin dhe humbjen e peshës. I pasur me acide yndyrore omega-3, që ndihmojnë në shkrirjen e yndyrës. Konsumoni të paktën dy herë në javë.

    Soja – Pastron trupin nga toksinat dhe është burim i mirë proteinash.

    Mollët – Me pak kalori dhe shumë shije. Studimet tregojnë se ata që hanë një mollë në ditë dobësohen më shpejt.

    Sallata e gjelbër – Ideale për bark të rrafshtë. Përdoreni së bashku me mish pule ose peshku.

    Avokado – Një nga frutat më të shëndetshëm, i pasur me yndyrna të shëndetshme dhe fibra që ndihmojnë tretjen.

    Këto ushqime, në kombinim me aktivitet fizik të rregullt dhe hidratuese të mjaftueshme, mund t’ju ndihmojnë të keni bark të rrafshtë dhe energji gjatë gjithë ditës.

  • LA Lakers dhe Golden State Warriors shënojnë fitore të rëndësishme

    LA Lakers dhe Golden State Warriors shënojnë fitore të rëndësishme

    Janë zhvilluar ndeshje teket interesante në ligën më të fortë të basketbollit në botë NBA.

    Los Angeles Lakers ka mposhtur në udhëtim skuadrën e Philadelphia 76ers me rezultat 119:115.

    Austin Reaves me 35 pikë e 6 kërcime ishte më i miri tek Lakers,teksa kontribut dha dhe Lebron James me 17 pikë e 10 asistime.

    Tek 7ers më i miri në parket ishte Joel Emblid me 35 pikë,7 kërcime e 7 asistime,teksa në anën tjetër Tyrese Maxey kontribuoi me 26 pikë e 13 asistime.

    Në anën tjetër Golden State Ëarriors ka shënuar fitore kundër Phoenix Suns me rezultat 101:97.

    Pat Spencer me 20 pikë e 6 kërcime si dhe Gui Santos me 18 pikë e 7 asistime ishin më efikasët për Ëarriors,teksa në anën tjetër tek Suns më i miri ishte Dillon Brooks me 24 pikë dhe Grayson Allen me 21 pikë të tjera.

  • Aksident në Rrugën e Arbrit, makina përplaset me kamionin, 2 të plagosur

    Aksident në Rrugën e Arbrit, makina përplaset me kamionin, 2 të plagosur

    Një aksident me pasojë plagosjen e dy personave ka ndodhur të premten në Rrugën e Arbrit.

    Sipas informacioneve paraprake, një makinë është përplasur me një kamion dhe është batuar në anë të rrugës.

    Dy të plagosurit, identiteti i të cilëve nuk dihet ende janë transportuar me urgjencë në Spitalin e Traumës, shkruan Euronews.al.

    Policia ndodhet në vendngjarje dhe po heton lidhur me shkaqet e aksidentit.

  • Gjashtë arritje që tregojnë se jeni një prind i suksesshëem

    Gjashtë arritje që tregojnë se jeni një prind i suksesshëem

    Shumë prindër ndiejnë presionin e vazhdueshëm për të qenë perfekt dhe për të përmbushur detyrime të panumërta çdo ditë, gjë që shpesh i lë të rraskapitur.

    Psikoterapistja Dr. Zoe Shaw thekson se është e mundur të punosh më pak dhe në të njëjtën kohë të jesh një prind më i pranishëm, më i qetë dhe i suksesshëm, pa ndjenja të vazhdueshme faji. Pra, sipas terapistes, nëse i keni arritur gjashtë gjërat e mëposhtme, jeni më të suksesshëm se prindi mesatar.

    Ju shmangni detyrimet e panevojshme

    “Ndaloni së bëri gjëra që nuk ju sjellin gëzim ose ndjenjë qëllimi,” thotë Dr. Shaw për YourTango. “Nëse e gjeni veten duke kaluar shumë kohë të ditës duke bërë aktivitete që ju shterojnë ose nuk ju ndihmojnë të afroheni me atë që është e rëndësishme për ju, mendoni se çfarë mund të hiqni dorë. Shkurtimi i këtyre përgjegjësive liron kohë dhe energji për familjen tuaj, veten tuaj ose thjesht për t’u çlodhur.”

    Bëni një pushim nga mediat sociale

    Pushimi pas një dite të ngarkuar është i nevojshëm, por nëse koha para ekranit po ju bën të ndiheni fajtorë, mund të jetë koha për një ndryshim. “Zvogëlimi i kohës në mediat sociale ose shikimi i televizorit mund t’ju ndihmojë të ndiheni më të pranishëm dhe të kënaqur. Mund ta përdorni kohën tuaj të lirë për t’u çlodhur ose për të bërë aktivitete me fëmijët tuaj”, vëren terapistja.

    Ju vendosni objektiva të përditshme

    Dr. Shaw këshillon prindërit të vendosin dy deri në tre qëllime realiste dhe të arritshme çdo ditë. “Kur i arrini ato, një ndjenjë kontrolli dhe arritjeje vjen natyrshëm, dhe çdo gjë shtesë që bëni ndihet si një bonus, jo si një barrë e rëndë. Kjo qasje e largon presionin dhe ju ndihmon ta përfundoni ditën me një ndjenjë arritjeje”, shpjegoi ajo.

    Ti i jep përparësi familjes

    “Është e rëndësishme t’i përshtasni veprimet tuaja me atë që vlerësoni. Nëse vini re se rutina juaj e përditshme po ju largon nga vlerat që doni t’ua transmetoni fëmijëve tuaj, është koha për të bërë një ndryshim”, thotë Dr. Shaw. Ndonjëherë, mund t’ju duhet të hiqni dorë nga aktivitete të caktuara për ta bërë kohën me familjen dhe të qenit bashkë një përparësi.

    Ndiqni intuitën tuaj

    “Ndjenja se ‘duhet’ të bësh diçka shpesh vjen nga pritjet e jashtme, në vend të një nevoje reale. Nëse detyrime të caktuara të ngarkojnë vazhdimisht dhe të shkaktojnë faj, pyete veten nëse ato kanë vërtet kuptim për ty dhe familjen tënde. Duke refuzuar atë që nuk të përshtatet, e çliron veten nga presioni i panevojshëm”, thotë terapisti.

  • Shpërthim në një xhami në Pakistan, të paktën 15 të vdekur

    Shpërthim në një xhami në Pakistan, të paktën 15 të vdekur

    Të paktën 15 persona kanë humbur jetën, ndërsa mbi 80 të tjerë kanë mbetur të plagosur pas një shpërthimi të fuqishëm që ndodhi në një xhami në kryeqytetin e Pakistanit, Islamabad, konfirmuan zyrtarët lokalë.

    Ky incident tragjik ka tronditur qytetin dhe ka shkaktuar panik mes banorëve, raporton aljazeera.

    Shpërthimi ndodhi në Imambargah, një vend i rëndësishëm fetar që përdoret nga myslimanët shiitë, i vendosur në zonën Shehzad Town të Islamabadi.

    Gazeta lokale Dawn raportoi se menjëherë pas shpërthimit, autoritetet filluan operacione kërkimi dhe shpëtimi për të nxjerrë nga rrënojat të mbijetuarit dhe për të ofruar ndihmë të shpejtë mjekësore të plagosurve.

    Të plagosurit janë transportuar urgjentisht në spitale për trajtim, ndërsa policia ende nuk ka konfirmuar shkakun e saktë të shpërthimit. Megjithatë, autoritetet dyshojnë se mund të ketë qenë një sulm vetëvrasës.

  • “Rryma rritet, populli djeget”- nis protesta kundër shtrenjtimit të energjisë në Prishtinë

    “Rryma rritet, populli djeget”- nis protesta kundër shtrenjtimit të energjisë në Prishtinë

    Qytetarët kanë nisur të mblidhen për protestën që pritet të fillojë pas pak në Prishtinë, kundër propozimit për rritjen e çmimit të energjisë elektrike.

    Pika e grumbullimit është paraparë të jetë pranë objektit të KEDS-it, ndërsa marshimi do të vazhdojë deri te ndërtesa e Qeverisë së Kosovës.

    Ndërkohë, bazuar në pamjet që ka siguruar Klan Kosova, shumë qytetarë tashmë janë mbledhur me pankarta në duar, ku shkruan “Stop hajnisë me faturat e rrymës”, “Rryma rritet, populli djeget”.

  • Cilat ushqime ju japin energji në mëngjes më mirë se kafeja?

    Cilat ushqime ju japin energji në mëngjes më mirë se kafeja?

    Lodhja e mëngjesit është një sfidë për shumë njerëz dhe kafeja nuk është gjithmonë zgjidhja. Një “shtytje” e vërtetë energjie vjen nga mëngjesi, i cili ushqen trupin, stabilizon sheqerin në gjak dhe ndihmon trurin të zgjohet natyrshëm. Ushqimet që rekomandojnë ekspertët përfshijnë bollgurin, vezët dhe manaferrat.

    Nëse kafeja nuk ju jep më atë “klik” që prisni në mëngjes, ia vlen t’i kushtoni vëmendje asaj që hani sapo të zgjoheni. Ushqimi mund ta vërë në punë trupin tuaj në një mënyrë më të qëndrueshme dhe më afatgjatë sesa kafeina, pa rritjen dhe rënien e papritur të energjisë.

    Kombinimi i karbohidrateve komplekse, yndyrnave të shëndetshme dhe proteinave ndihmon trupin të zgjohet natyrshëm, të mbështesë përqendrimin dhe të ruajë një ndjenjë të ngopjes gjatë gjithë mëngjesit.

    Bollguri, buka integrale ose frutat e pasura me fibra çlirojnë ngadalë energjinë dhe parandalojnë plogështinë në mëngjes, ndërkohë që ushqejnë edhe trurin.

    Ushqimet që përmbajnë yndyrna dhe proteina me cilësi të lartë kanë një efekt veçanërisht të mirë, sepse stabilizojnë sheqerin në gjak. Vezët, kosi ose kefiri, arrat dhe farat e ndihmojnë trupin të “ndizet” pa nervat dhe rrahjet e shpejta të zemrës që shpesh shoqërojnë kafenë.

    Bananet dhe manaferrat ofrojnë sheqerna natyralë së bashku me minerale si kaliumi dhe magnezi, të cilat janë të rëndësishme për energjinë muskulore dhe qartësinë mendore. Kur këto ushqime kombinohen në mëngjes, efekti është gradual, por afatgjatë – energjia zgjat për orë të tëra.

    Hidratimi nuk duhet neglizhuar as, pasi dehidratimi i lehtë shpesh qëndron pas lodhjes së mëngjesit. Një gotë ujë menjëherë pas zgjimit, së bashku me një mëngjes të pasur me lëndë ushqyese, mund të ketë një efekt më të fuqishëm sesa një filxhan tjetër kafe. Në vend të një doze të shpejtë kafeine, kjo qasje e zgjon trupin nga brenda dhe krijon një bazë më të mirë për një fillim produktiv dhe më të qetë të ditës.

  • Marshi “Drejtësi, jo politikë”, SBAShK-u fton anëtarësinë të marrin pjesë

    Marshi “Drejtësi, jo politikë”, SBAShK-u fton anëtarësinë të marrin pjesë

    Më 17 shkurt do të mbahet marshi “Drejtësi, jo politikë” organizuar nga platforma “Liria ka emër” në mbështetje të ish-krerëve të Ushtrisë Çlirimtare të Kosovës.

    E sot, Sindikata e Bashkuara e Arsimit, Shkencës, Kulturës (SBASHK) u ka bërë thirrje anëtarësisë së tyre që të marrin pjesë në këtë marsh, për të dhënë sipas tyre, një mesazh të fuqishëm uniteti dhe kërkese për drejtësi të paanshme.

    Lexoni të plotë njoftimin:

    Për mobilizim qytetar dhe sindikal

    Të nderuar anëtarë të SBASHK-ut, arsimtarë, mësues, profesorë dhe punëtorë të arsimit në të gjitha nivelet, Kryesia e SBASHK-ut, pas konsultimeve me strukturat sindikale në të gjithë vendin, ju fton për mobilizim qytetar dhe sindikal në përkrahje të Marshit qytetar “Drejtësi, jo politikë!”, të organizuar nga platforma “Liria ka Emër”, më 17 shkurt, në Ditën e Pavarësisë së Republikës së Kosovës, në Prishtinë.

    Ky marsh është jo politik dhe përfaqëson një thirrje të ndershme për drejtësi të paanshme, si dhe për respektimin e sakrificës së çlirimtarëve të Ushtrisë Çlirimtare të Kosovës, të cilët prej më shumë se pesë vitesh po mbahen padrejtësisht në paraburgim. Për SBASHK-un, kjo çështje ka peshë të veçantë sindikale dhe historike.

    Shumë nga çlirimtarët ishin edhe arsimtarë e punëtorë arsimi, të larguar dhunshëm nga vendet e punës gjatë regjimit të Millosheviqit. Në vitet e okupimit, ishin mësimdhënësit ata që mbajtën gjallë arsimin shqip, dinjitetin kombëtar dhe shpresën për liri. Falë sakrificës së tyre, falë luftës së drejtë të UÇK-së dhe përkrahjes së aleatëve tanë ndërkombëtarë, sot jetojmë në një shtet të lirë dhe sovran.

    Sot, kur ata që sakrifikuan për lirinë po përballen me padrejtësi të zgjatura, heshtja nuk është opsion. Dalja në këtë marsh nuk është akt politik, por akt moral dhe qytetar.

    Është shprehje e ndërgjegjes sonë kolektive dhe vazhdimësi e misionit sindikal për mbrojtjen e dinjitetit njerëzor dhe të së vërtetës. SBASHK-u qëndron qartë në anën e drejtësisë, të dinjitetit dhe të solidaritetit shoqëror. I ftojmë të gjithë anëtarët e SBASHK-ut që, në mënyrë vullnetare, pa asnjë detyrim dhe larg çdo angazhimi politik, t’i bashkohen Marshit “Drejtësi, jo politikë!”, për të dhënë një mesazh të fuqishëm uniteti dhe kërkese për drejtësi të paanshme.

    Pjesëmarrja juaj është: zë për drejtësinë, respekt për sakrificën, dhe përgjegjësi ndaj historisë sonë.