ATV

Blog

  • Kupa e Kosovës: Sot zhvillohen dy ndeshje interesante të fazës së 1/8-tës

    Kupa e Kosovës: Sot zhvillohen dy ndeshje interesante të fazës së 1/8-tës

    Sot (e martë) janë në program për t’u luajtur dy ndeshje të fazës së 1/8-tës në Kupën e Kosovës, ndërsa gjashtë përballjet tjera luhen gjatë ditëve të ardhshme.

    Me rikthimin e edicionit pranveror në futbollin e Kosovës janë kthyer edhe ndeshjet në garat e Kupës së Kosovës, ku po ashtu shumë skuadra synojnë trofeun që i dërgon në Evropë.

    Megjithatë, gjatë ditës së sotme janë në program për t’u luajtur vetëm dy ndeshje, nga çiftet që vijnë nga skuadrat e Superligës.

    Ndeshja derbi e ditës padyshim se do të zhvillohet në stadiumin me bari artificial në Gjilan, ku Drita e pret Llapin.

    Në ndeshjen tjetër, Drenica është nikoqire e Ferizajt, me takimin që pritet të luhet në stadiumin Liman Gegaj në Malishevë.

    Të dy ndeshjet pritet të fillojnë nga ora 13:00 dhe në këtë fazë luhet vetëm një ndeshje, ku fituesi kualifikohet tutje në çerekfinale.

  • Certifikimi i rezultateve, këta janë 120 deputetët e legjislaturës së re

    Certifikimi i rezultateve, këta janë 120 deputetët e legjislaturës së re

    Komisioni Qendror i Zgjedhjeve ka certifikuar dje rezultatet e zgjedhjeve të 28 dhjetorit.

    Sipas këtyre rezultateve, VV do të ketë 57 ulëse, PDK 22, LDK, 15 dhe AAK 6. Rezultatet e certifikuara tashmë janë publikuar në webfaqen e KQZ-së.

    Më poshtë gjeni emrat e të 120 deputetëve që kanë siguruar ulëse:

    Hapi i radhës tash është thirrja e seancës konstituive.

    Seanca duhet të mbahet brenda 30 ditësh dhe duhet të thirret nga Presidentja Vjosa Osmani, por në rast se ajo nuk e thërret seancën, Kuvendi mblidhet vetë në ditën e 30’të.

    Përgatitja për seancën konstituive është përgjegjësi e kryetarit të legjislaturës paraprake, në këtë rast Dimal Bashës.

    Ai duhet të zhvillojë një takim të përbashkët me krerët e subjekteve politike parlamentare, jo më vonë se pesë ditë para seancës, për të përgatitur rendin e ditës dhe për të caktuar vendet e deputetëve në Kuvendin e ri.

    Rregullorja përcakton se seanca konstituive ka katër pika të rendit të ditës: formimin e Komisionit të Përkohshëm për Verifikimin e Kuorumit dhe të Mandateve, betimin e deputetëve, zgjedhjen e kryetarit të Kuvendit dhe atë të nënkryetarëve.

  • Ish-pjesëtari i UÇK’së Avni Qenaj lirohet nga burgu i Beogradit, po mbahej atje nga fundi i nëntorit

    Ish-pjesëtari i UÇK’së Avni Qenaj lirohet nga burgu i Beogradit, po mbahej atje nga fundi i nëntorit

    Avokati Xhevdet Smakiqi ka konfirmuar lirimin e ish-pjesëtarit të UÇK-së Avni Qenaj, i cili po mbahej në paraburgim në Serbi që nga fundit i nëntorit të vitit të kaluar.

    Smakiqi ka njoftuar se Qenaj tashmë ndodhet në territorin e Kosovës, duke u takuar me familjen e tij.

    Sipas tij, se Qenaj ndodhet në gjendje të mirë shëndetësore.

    ‘ Avniu eshtë mirë me shendet edhe pse i eshte nenshtruar presionit psikolgjikë gjate qendrimit te tij ne burgun famkeq te Beogradit. Vlenë te theksohet se barren e krejt procesit gjyqesor ndaj tij kujdesit deri ne lirimin e tij e ka bartur me forcat e veta financiare Familja Qenaj pa asnjë mbështetje nga Qeveria aktuale qe mjafohet me postime ne facebook”, ka shkruar Smakiqi.

    Qenaj ishte arrestuar më 26 nëntor 2025 në pikëkalimin kufitar Merdarë, gjatë transitit drejt Bosnjë dhe Hercegovinës, ku familja e tij ka një biznes familjar. Pas arrestimit, ai ishte mbajtur për 48 orë në Prokuplje dhe më pas ishte transferuar në Beograd. Më 28 nëntor, ai kishte dalë para gjykatësit të procedurës paraprake në Gjykatën e Lartë për Krime të Luftës të Beogradit, ku ishte njoftuar se Prokuroria e Lartë për Krime të Luftës e Beogradit ka iniciuar procedurë penale kundër tij dhe i ishte shqiptuar masa e paraburgimit.

  • Protestohet sot nga kolegët e mësimdhënësit që dje rrahu një nxënës

    Protestohet sot nga kolegët e mësimdhënësit që dje rrahu një nxënës

    Shoqata Sindikale e ShFMU “Pavarësia”, Këshilli Drejtues i Shkollës dhe Këshilli i Prindërve ka njoftuar se sot nuk do të zhvillohet mësim gjatë dy orëve të para, pasi do të mbahet një protestë.

    Përmes një reagimi në Facebook, Shoqata Sindikale ka njoftuar se protesta është organizuar për të reaguar kundër veprimeve delikuente të nxënësve në procesin edukativo-arsimor, duke përfshirë dhunën fizike, fyerjet, ofendimet dhe sharjet ndaj mësimdhënësve.

    Bëhet e ditur se pas përfundimit të protestës, procesi mësimor do të vazhdojë normalisht nga ora e tretë, sipas orarit të rregullt.

    Në mbështetje të kësaj proteste ka dalë, Sindikata e Bashkuar e Arsimit, Shkencës dhe Kulturës (SBASHK), si mjet për të kërkuar reagim të menjëhershëm nga institucionet dhe për të siguruar një ambient të sigurt dhe respektues për mësimdhënësit.

    Ndryshe, është ndaluar për 48 orë mësimdhënësi i cili dyshohet se ka ushtruar dhunë brutale ndaj një nxënësi të hënën në shkollën “Pavarësia” në Prishtinë.

  • Ky është aplikacioni më i shkarkuar në Evropë në 2025

    Ky është aplikacioni më i shkarkuar në Evropë në 2025

    Për herë të parë, një aplikacion i inteligjencës artificiale ka arritur të kryesojë listën e shkarkimeve në Evropë. Bëhet fjalë për ChatGPT, i cili deri në vitin 2025 është shkarkuar rreth 64 milion herë, sipas të dhënave të firmës AppFigures, raportuar nga Euronews. Ky tregues tregon se inteligjenca artificiale po transformohet nga një “lodër teknologjike” në një mjet i përdorur çdo ditë për shkrim, përmbledhje, përkthim apo thjesht për të punuar më shpejt.

    Pas ChatGPT-së, në renditjen e aplikacioneve më të përdorura gjejnë vend: Temu (platforma online e tregtisë), Vinted (aplikacioni i tregtisë së përdorur), Lidl Plus (aplikacioni i zbritjeve të dyqanit gjerman) dhe rrjetet sociale TikTok dhe Instagram. Të gjithë këto aplikacione janë relativisht të thjeshta dhe shpesh falas, dhe përdoren automatikisht nga përdoruesit, qoftë për të bërë blerje apo thjesht për të shfletuar.

    Përdorimi dhe fitimet e aplikacioneve

    Renditja e aplikacioneve më fitimprurëse është disi tjetër. TikTok kryeson me një të ardhur të parashikuar prej 740 milionë euro në 2025, ndërsa ChatGPT renditet i dyti falë abonimeve të tij. Aplikacionet për takime gjithashtu janë ndër më fitimprurësit, transmeton albinfo.ch.

    Këto të dhëna tregojnë se, ndonëse shumica e njerëzve përdorin aplikacionet për të thjeshtuar jetën e tyre dhe për të kursyer kohë, aplikacionet më fitimprurëse janë pikërisht ato që kërkojnë më shumë kohë nga përdoruesit. Në terma të thjeshtë: dobia udhëheq shkarkimet, por vëmendja mbetet forca kryesore e ekonomisë digjitale.

  • Parashikimi i motit për sot, fjolla bore mund të ketë edhe në ndonjë zonë të Rrafshit të Kosovës

    Parashikimi i motit për sot, fjolla bore mund të ketë edhe në ndonjë zonë të Rrafshit të Kosovës

    Të martën parashikohet që në orët e para të 24-orëshit dhe gjatë mëngjesit të ketë reshje të izoluara shiu në disa lokalitete, ndërsa në zonën verilindore priten fjolla bore.

    Fjolla bore mund të ketë edhe në ndonjë zonë tjetër të Rrafshit të Kosovës.

    Dita do të vijojë me vranësira të shpeshta dhe intervale të shkurta me diell, ndërsa më vonë pasdite, veçanërisht gjatë orëve të mbrëmjes, pritet intensifikim i reshjeve të shiut në rang vendi.

    Era do të fryjë drejtimesh të ndryshme, me shpejtësi prej 15-33 km/h.

    Temperaturat minimale do të luhaten prej 0 deri në 4°C dhe ato maksimale prej 8 deri në 11°C.

  • Veterani Muhamet Kukaj i shpëton sulmit në zemër, i vendosen 7 stenta

    Veterani Muhamet Kukaj i shpëton sulmit në zemër, i vendosen 7 stenta

    Veterani i Ushtrisë Çlirimtare të Kosovës, Muhamet Kukaj, ka kaluar me sukses një ndërhyrje të rëndë mjekësore pasi pësoi një sulm në zemër.

    Ai, sipas një video të publikuar nga një mik i tij, është sulmuar për tri ditë nga ataki në zemër dhe tek atëherë ka shkruar në spital për trajtim.

    Siç thotë Kukaj në video, atij i janë vendosur gjithsej 7 stenta, ndërsa gjendja e tij shëndetësore raportohet të jetë stabile dhe jashtë rrezikut për jetën.

    Aktualisht ai po vazhdon trajtimin dhe rikuperimin nën kujdesin e stafit mjekësor.

    Familjarë, bashkëluftëtarë dhe qytetarë të shumtë kanë shprehur mbështetje dhe urime për shërim të shpejtë, duke vlerësuar kontributin e tij gjatë luftës dhe duke i dëshiruar shëndet të plotë.

  • Shemben dy ndërtesa në Liban, 15 të vdekur

    Shemben dy ndërtesa në Liban, 15 të vdekur

    Raportohet se numri i të vdekurve nga shembja e dy ndërtesave banesore në qytetin verior libanez të Tripolit është rritur në 15.

    “Tetë persona u shpëtuan të gjallë”, tha drejtori i përgjithshëm i Mbrojtjes Civile, Imad Khreiss.

    Khreiss tha se dy ndërtesat ngjitur ishin shtëpia e 22 banorëve, por autoritetet lokale komunale paralajmëruan se njerëz mund të jenë ende të zhdukur, shkruan BBC.

    Pamjet e mediave sociale kapën momentin kur ndërtesat u shembën, me njërën anë që u lëkund në katet e poshtme përpara se të dy strukturat të shembeshin pothuajse njëkohësisht.

    Fatkeqësia e fundit është shembja e pestë e një ndërtese banimi në Tripoli këtë dimër, duke nxjerrë në pah shqetësimet në rritje për ndërtesat e vjetra dhe të pamirëmbajtura në qytetin më të varfër të Libanit.

  • KQZ-ja certifikon rezultatin e zgjedhjeve të 28 dhjetorit 2025

    KQZ-ja certifikon rezultatin e zgjedhjeve të 28 dhjetorit 2025

    Komisioni Qendror i Zgjedhjeve ka certifikuar sot rezultatin përfundimtar të zgjedhjeve të parakohshme parlamentare të mbajtura më 28 dhjetor, pasi kanë përfunduar të gjitha afatet ligjore për paraqitjen e ankesave nga subjektet politike dhe kandidatët.

    Procesi i certifikimit vjen pas shpalljes së rezultateve përfundimtare nga KQZ-ja në dhjetor dhe mbylljes së procedurave të shqyrtimit të ankesave eventuale.

    Sipas këtyre rezultateve, Lëvizja Vetëvendosje ka dalë partia e parë, duke marrë 51.10 për qind të votave, ose 57 ulëse në Kuvendin e Kosovës.

     Partia Demokratike e Kosovës ka siguruar 20.19 për qind të votave, përkatësisht 22 mandate.

    Ndërkohë, Lidhja Demokratike e Kosovës ka fituar 13.24 për qind të votave, duke marrë 15 ulëse në Kuvend, ndërsa Aleanca për Ardhmërinë e Kosovës ka marrë 5.50 për qind, që i sigurojnë gjashtë mandate parlamentare.

    Me certifikimin e rezultateve, hapet rruga për konstituimin e legjislaturës së re të Kuvendit.

  • NLB Banka dhe Universiteti i Prishtinës hapin zyrtarisht Data Hackathon 2026

    NLB Banka dhe Universiteti i Prishtinës hapin zyrtarisht Data Hackathon 2026

    NLB Banka, në bashkëpunim me Fakultetin e Ekonomisë, Fakultetin e Shkencave Matematike-Natyrore dhe Fakultetin e Inxhinierisë Elektrike dhe Kompjuterike të Universitetit të Prishtinës, ka lansuar sot programin Data Hackathon, një iniciativë e dedikuar zhvillimit të zgjidhjeve inovative nga studentët në fushën e teknologjisë, analizës së të dhënave dhe transformimit digjital.
    Me hapjen e programit, Kryetari i Bordit Udhëheqës në NLB Banka, z.Gem Maloku, iu drejtua studentëve me një mesazh frymëzues: “Shfrytëzojeni këtë mundësi unike për të shprehur kreativitetin tuaj dhe mos hezitoni të vini me ide të guximshme e novatore. Ky është momenti juaj për të menduar ndryshe, për të eksperimentuar dhe për të provuar se si kreativiteti bëhet zgjidhje.”
    Nga ana tjetër, Dekani i Fakultetit të Ekonomisë, Prof. Driton Balaj, shprehu mirënjohjen e tij për këtë partneritet, duke theksuar rëndësinë e tij për formimin profesional të studentëve: “Ky bashkëpunim u ofron studentëve tanë përvojë reale dhe një platformë për të aplikuar njohuritë e tyre në projekte me ndikim. Falënderojmë NLB Bankën për mbështetjen e këtij programi.”
    Më pas studentët prezantuan idetë e tyre fillestare, duke shfaqur aftësitë e tyre në mendim kritik, kreativitet dhe qasje analitike. Për tri javët në vijim, ata do të punojnë në mënyrë intensive në konceptimin dhe ndërtimin e projekteve të tyre, të cilat më pas do të vlerësohen dhe shpërblehen.
    Data Hackathon 2026 synon të krijojë një hapësirë të vërtetë inovacioni, ku studentët sfidojnë veten dhe njëri-tjetrin për të sjellë ide të reja që mund të ndikojnë në sektorin financiar dhe më gjerë.