ATV

Blog

  • Spanja vazhdon diskriminimin ndaj Kosovës në arenën sportive-I referohet si Federata e Hendbollit të Kosovës

    Spanja vazhdon diskriminimin ndaj Kosovës në arenën sportive-I referohet si Federata e Hendbollit të Kosovës

    Të hënën edhe zyrtarisht ka nisur në Prishtinë nisi Kampionati Mesdhetar i hendbollit për lojtaret deri në 16 vjet.

    Kombëtarja e Kosovës U16 në konkurrencën e femrave zhvilloi ndeshjen e parë kundër Spanjës,dhe të dyja ekipet respektuan intonimin e himneve të shteteve.

    Megjithatë Federata Spanjolle e Hendbollit nuk u soll në këtë mënyrë si hendbollistet spanjolle,dhe madje në faqen zyrtare në raportin e ndeshjes nuk iu referua si Kosova por si Federata e Hendbollit e Kosovës, ndërkohë të gjitha kundërshtaret e ardhshme të Spanjës u shkruan me emrat zyrtarë si: Mali i Zi, Bullgaria, Rumania dhe Turqia.

    Kjo nuk është hera e parë që federatat sportive në Spanjë bëjnë kësi lloj diskriminimi ndaj Kosovës,ku edhe në futboll Kosovës iu referua me terma si”Teritori i Kosovës”.

  • PDK: Prokuroria në Hagë tenton të deformojë historinë dhe të kriminalizojë UÇK-në

    PDK: Prokuroria në Hagë tenton të deformojë historinë dhe të kriminalizojë UÇK-në

    Partia Demokratike e Kosovës ka reaguar ashpër ndaj qëndrimeve të Prokurorisë së Gjykatës Speciale në Hagë, duke vlerësuar se kjo gjykatë ka devijuar nga misioni i saj themelor për të sjellë drejtësi.

    Në një komunikatë për media, PDK thekson se që në ditën e parë të fazës përmbyllëse të gjykimit u bë e qartë se procesi nuk po zhvillohet si një gjykim i zakonshëm gjyqësor, por si një përpjekje për deformim të së vërtetës historike.

    “Në ditën e parë të fazës përmbyllëse të gjykimit, u bë e qartë se nuk kemi më të bëjmë me një proces të zakonshëm gjyqësor, por me një përpjekje të hapur për të deformuar të vërtetën historike dhe për të ndërtuar një narrativë të rreme, ku lufta çlirimtare e popullit të Kosovës tentohet të paraqitet si projekt kriminal”, thuhet në reagimin e PDK-së.

    Partia Demokratike e Kosovës rikujton se krimet e kryera nga regjimi i Slobodan Millosheviqit dhe aparati shtetëror i Serbisë janë të dokumentuara gjerësisht nga mekanizmat ndërkombëtarë të drejtësisë dhe nga faktet historike.

    “Është fakt i ditur që Serbia ishte agresore dhe populli i Kosovës ishte viktimë”, thekson komunikata.

    Sipas PDK-së, Ushtria Çlirimtare e Kosovës ishte një organizim popullor dhe një përgjigje e domosdoshme ndaj dhunës dhe shtypjes sistematike të regjimit serb.

    “Ushtria Çlirimtare e Kosovës ishte një organizim popullor, i lindur nga nevoja për rezistencë përballë një regjimi shtypës dhe gjenocidal”, vlerëson PDK.

    Duke iu referuar procesit gjyqësor ndaj ish-krerëve të UÇK-së, PDK thekson se Hashim Thaçi, Kadri Veseli, Jakup Krasniqi dhe Rexhep Selimi po trajtohen si simbole të rezistencës dhe shtetformimit, e jo si individë të shkëputur nga konteksti historik.

    “Kjo qasje e Prokurorisë synon barazimin e viktimës me agresorin dhe kriminalizimin e luftës për liri. Ajo u konkretizua edhe sot përmes kërkesës për dënime absurde që reflektojnë vetëm ndëshkim politik dhe selektiv”, thuhet më tej.

    PDK e quan të papranueshme edhe përpjekjen për ta ndërlidhur shpalljen e Pavarësisë së Kosovës me pretendime kriminale, duke theksuar se pavarësia është akt politik i njohur ndërkombëtarisht dhe i mbështetur nga aleatët strategjikë të Kosovës.

    Në fund, Partia Demokratike e Kosovës rikonfirmon bindjen e saj në pafajësinë e ish-krerëve të UÇK-së dhe në legjitimitetin e luftës çlirimtare.

    “Çdo përpjekje për kriminalizimin e kësaj lufte është përpjekje për rishkrim të historisë dhe për cenim të themeleve të shtetit të Kosovës. Liria nuk është krim. Dhe historia nuk mund të rishkruhet”, përfundon komunikata.

  • Tërnava kundër dënimeve të Prokurorisë: UÇK nuk mund të barazohet me Millosheviqin

    Tërnava kundër dënimeve të Prokurorisë: UÇK nuk mund të barazohet me Millosheviqin

    Kryetari i Bashkësisë Islame të Kosovës, Myftiu Naim Tërnava, ka reaguar pas kërkesës së Prokurorisë për dënimin me nga 45 vjet burg për secilin prej ish-krerëve të Ushtrisë Çlirimtare të Kosovës.

    Në një reagim në rrjete sociale, Tërnava ka vlerësuar se kjo kërkesë është e pabazuar dhe e padrejtë, duke e cilësuar atë si një fyerje të rëndë ndaj luftëtarëve të lirisë dhe sakrificës së tyre.

    “Kërkesa për dënim me burg prej 45 vjetësh për secilin nga udhëheqësit e UÇK-së, njëkohësisht edhe udhëheqës të shtetit të Kosovës në këtë proces, përbën një fyerje të rëndë ndaj luftëtarëve të lirisë”, ka shkruar ai.

    Sipas Tërnavës, një qasje e tillë është fyese për viktimat e pafajshme dhe përbën sulm të drejtpërdrejtë ndaj heronjve që dhanë jetën për lirinë e Kosovës, si dhe përpjekje për njollosjen e luftëtarëve, veteranëve dhe invalidëve të luftës çlirimtare.

    “Kjo kërkesë është thjesht politike, me synimin e rrezikshëm për të barazuar luftën çlirimtare të UÇK-së me regjimin kriminal të Sllobodan Millosheviqit, një barazim i papranueshëm historikisht, moralisht dhe juridikisht. Ne presim dhe besojmë se në fund do të triumfojë e drejta dhe se vendimi i panelit gjykues do të jetë i drejtë, i paanshëm dhe meritor, duke sjellë liri për çlirimtarët dhe duke ruajtur dinjitetin e luftës për liri”, shkroi Tërnava.

  • Prokuroria citon deklaratën e Limajt mbi strukturat qendrore të UÇK-së

    Prokuroria citon deklaratën e Limajt mbi strukturat qendrore të UÇK-së

    Zyra e Prokurorit të Specializuar pas një pauze ka vazhduar fjalën përmbyllëse, në gjyqin e madh ndaj ish-presidentit Hashim Thaçi dhe të tjerëve, me pretendimet e tyre për funksionimin dhe strukturat e Shtabit të Përgjithshëm.

    Sipas prokurorit, të akuzuarit kanë pasur kompetencë mbi strukturat që ekzistonin dhe i kanë përdorur për të ekzekutuar planin e tyre që e quajnë “kriminal”.

    Në pjesën e parë, ai ka përmendur vendet strategjike të UÇK-së, që sipas tij janë caktuar për të pasur kontroll.

    “Vendet e caktuara për Shtabin e Përgjithshëm, ishin të rëndësishme për kontekstin dhe janë përzgjedhur në mënyrë strategjike, për të siguruar që të operonin dhe të ushtronin kontroll në mënyrë efektive. Shtabi ka përdorur disa vende, në Drenicë, Pashtrik dhe Nerodime. Në fillim të periudhës së aktakuzës, shtabi e kishte bazën dhe funksiononte në Likofc. Këto vende dhe seli, ishin në qendër të Kosovës, në afërsi të zonave operative, duke lehtësuar kontrollin e Shtabit, ashtu siç është shpjeguar nga Fatmir Limaj.”

    E për këtë çështje, është shfaqur edhe një deklaratë e Fatmir Limajt.

    “Pa marrë parasysh terrenin, e kishte vendin më të sigurt vendosjen në këtë pjesë të Kosovës, nga ku do të ndërlidhte veprimet ushtarake dhe komunikimin me të gjitha njësitë ushtarake anekënd Kosovës. Kjo ishte qendra e Kosovës, në të cilën mund të komunikohej me të gjitha anët e Kosovës. Prandaj, edhe vendosëm që shtabi ta kalojë pjesën më të madhe në këtë pjesë”, thotë Limaj.

  • VIDEO / Blerina përlotet teksa dëgjon këngën e re të Gjestit, dedikuar vëllait të ndjerë

    VIDEO / Blerina përlotet teksa dëgjon këngën e re të Gjestit, dedikuar vëllait të ndjerë

    Një video e publikuar së fundmi në TikTok ka prekur thellë ndjekësit, duke shfaqur Blerinën, motrën e reperit Gjesti, në një moment tejet emocional.

    Në pamje, ajo shihet me lot në sy teksa dëgjon dhe këndon vargjet e projektit të ri muzikor të vëllait të saj, një këngë e ngarkuar me ndjenja të forta dhe dhimbje personale.

    Kënga është një dedikim prekës për vëllain e tyre, Eldionin, i cili humbi jetën tragjikisht në fund të shtatorit të vitit të kaluar. Përmes muzikës, Gjesti ka zgjedhur ta përjetësojë kujtimin e tij, duke shndërruar humbjen në art dhe emocion.

    Reagimi i Blerinës ka prekur publikun, duke rikthyer në vëmendje dhimbjen që familja vazhdon të mbajë, ndërsa komentet në rrjete sociale janë mbushur me mesazhe mbështetjeje, ngushëllimi dhe solidariteti.

    Shumë fansa kanë vlerësuar sinqeritetin e momentit dhe mënyrën se si Gjesti ka zgjedhur të ndajë një pjesë kaq intime të jetës së tij me publikun, duke e kthyer dhimbjen personale në një mesazh të fuqishëm emocional që prek këdo që e dëgjon.

  • “Cinema Paradiso”, kryevepra italiane që u xhirua në një fshat arbëresh dhe vazhdon të jetojë edhe sot

    “Cinema Paradiso”, kryevepra italiane që u xhirua në një fshat arbëresh dhe vazhdon të jetojë edhe sot

    “Cinema Paradiso” mbetet një nga filmat më të dashur dhe më të vlerësuar të kinemasë italiane dhe botërore. Fitues i çmimeve prestigjioze si Oscar dhe Golden Globe, si dhe i duartrokitur në Festivalin e Kanës, filmi nuk njihet vetëm për historinë e tij emocionale, por edhe për lidhjen e veçantë me një komunitet arbëresh në Itali.

    Xhirimet e filmit u realizuan në Palazzo Adriano, një komunë arbëreshe pranë Sicilisë, e cila u shndërrua në skenën kryesore ku mori jetë historia e Totos dhe Alfredos. Edhe pse asnjë nga aktorët nuk ishte arbëresh, fshati u bë pjesë e pandashme e identitetit të filmit, siç e ka theksuar edhe arbëreshi Franco Calima në rrëfimet e tij publike.

    Nën regjinë e Giuseppe Tornatores dhe me muzikën e pavdekshme të Ennio Morricones, “Cinema Paradiso” rrëfen një histori prekëse për dashurinë ndaj kinemasë, miqësinë dhe kujtimet e fëmijërisë, duke pasur në qendër marrëdhënien mes Totos dhe projeksionistit Alfredo, si dhe dashurinë e tij për Elenën.

    Sheshi kryesor i Palazzo Adrianos, me shatërvanin në qendër, u përdor për disa nga skenat më ikonike të filmit. Aty ndodhen edhe dy kishat që shfaqen në film – një e ritit bizantin dhe një e ritit latin – simbol i trashëgimisë kulturore dhe fetare të komunitetit arbëresh që jeton në këtë zonë.

    Trashëgimia e filmit ruhet edhe sot përmes Muzeut “Cinema Paradiso”, i cili ndodhet në fshat. Vizitorët mund të shohin objekte origjinale nga xhirimet, si biçikleta e Alfredos, projektori i famshëm i kinemasë Paradiso, si dhe fotografi e materiale arkivore nga realizimi i filmit.

    Shtëpia e Alfredos dhe ajo e Totos janë kthyer në pika të rëndësishme turistike, ndërsa çdo vit, Palazzo Adriano organizon “Paradiso Film Festival”, duke mbajtur gjallë lidhjen mes këtij fshati arbëresh dhe një prej filmave më të dashur në historinë e kinemasë.

  • Adaptimi i ri i “Wuthering Heights” përçar publikun ende pa dalë në kinema

    Adaptimi i ri i “Wuthering Heights” përçar publikun ende pa dalë në kinema

    Adaptimi më i ri filmik i romanit klasik të Emily Brontë, “Wuthering Heights”, nën regjinë e Emerald Fennell, ka ndezur debate të forta në publik dhe media, shumë kohë përpara se filmi të shfaqet në kinema.

    Që nga njoftimi i projektit, versioni i ri është shndërruar në një nga filmat më të komentuar të vitit. Fansat e romanit dhe kritikët kanë vënë në pikëpyetje zgjedhjet artistike të regjisores, nga interpretimi i lirë i historisë, deri te kasti dhe estetika moderne e filmit.

    Debatet u intensifikuan veçanërisht pas konfirmimit të Margot Robbie dhe Jacob Elordi në rolet kryesore të Cathy dhe Heathcliff. Kritikat lidhen me faktin se në roman personazhet përshkruhen si shumë të rinj gjatë zhvillimit të marrëdhënies së tyre, ndërsa aktorët janë dukshëm më të rritur. Po ashtu, një pjesë e publikut ka shprehur pakënaqësi për mënyrën se si është trajtuar figura e Heathcliff-it, veçanërisht në raport me përshkrimin e tij në vepër.

    Reagime të forta ka shkaktuar edhe traileri, i cili sugjeron një qasje moderne dhe provokuese, me elemente erotike, muzikë bashkëkohore dhe kostume që nuk i përkasin epokës së romanit. Për disa kritikë, kjo përfaqëson një shkëputje nga fryma origjinale e veprës, ndërsa të tjerë e shohin si një interpretim artistik të guximshëm.

    Vetë Emerald Fennell, e njohur për stilin e saj provokues në filmat e mëparshëm, ka mbrojtur vizionin e saj, duke theksuar se filmi nuk synon të jetë një rikrijim strikt i romanit, por një lexim i ri, personal dhe emocional i tij.

    Pavarësisht polemikave, debatet kanë rritur ndjeshëm interesin për filmin. Disa reagime nga shfaqjet testuese e përshkruajnë adaptimin si të guximshëm dhe vizualisht mbresëlënës, duke sugjeruar se “Wuthering Heights” mund të shndërrohet në një nga filmat më të diskutuar të viteve të fundit.

  • Joan Laporta jep dorëheqjen për t’u rikualifikuar si kandidat për president të Barcelonës

    Joan Laporta jep dorëheqjen për t’u rikualifikuar si kandidat për president të Barcelonës

    Presidenti i Barcelonës, Joan Laporta, e ka bërë një hap të papritur duke dhënë dorëheqjen nga posti i tij, vetëm pak kohë para zgjedhjeve presidenciale të klubit, të planifikuara për 15 mars 2026.

    Dorëheqja është bërë në përputhje me statutet e klubit, që kërkojnë që kandidati aktual të japë dorëheqje për t’u rikualifikuar si kandidat në zgjedhje. Laporta e ka nisur zyrtarisht fushatën elektorale për t’u rizgjedhur dhe është konsideruar si favorit përballë rivalëve të tij, përfshirë Víctor Font, Xavi Vilajoana dhe Marc Ciria, mes të tjerëve, përcjell “Gazeta Express”.

    Në një seri komentesh me mediat dhe anëtarët e klubit, Laporta ka theksuar se Barcelona ndodhet në një gjendje më të mirë se ajo që ishte para 5 vjetësh, kur ai u rizgjodh president në mars të vitit 2021. Ai argumenton se një periudhë e ndërlikuar sportive dhe financiare është përballuar me sukses dhe se e ka ngritur klubin në drejtim pozitiv, ndërsa, sipas tij, vijon puna për të ndërtuar një të ardhme më të fortë.

    “Klubi është në një gjendje më të mirë se 5 vite më parë” — kjo është një nga pikat kryesore të Laportas në fushatën e tij, duke nënvizuar përmirësimet institucionale dhe sportive që sipas tij kanë ardhur në këtë periudhë. Ai po e përdor këtë mesazh për ta kërkuar besimin e anëtarëve votues të klubit, duke u fokusuar në stabilitetin e menaxhimit dhe në arritjet sportive, përfshirë rikthimin në Camp Nou pas punimeve, performancën konkurruese në La Liga, të arriturat e moshave të reja dhe përmirësimet financiare.

    Mesa duket, Laporta dëshiron të shfrytëzojë momentumin pozitiv për ta bindur anëtarësinë se është kandidati i duhur për ta drejtuar klubin edhe për pesë vitet e ardhshme, duke argumentuar se situata aktuale është më e fortë se para pesë vjetësh.

  • Tri metoda natyrale për uljen e tensionit të lartë të gjakut

    Tri metoda natyrale për uljen e tensionit të lartë të gjakut

    Tensioni i lartë i gjakut është një problem shumë i përhapur shëndetësor. Nëse nuk trajtohet siç duhet, hipertensioni mund të transformohet në një problem mjaft shqetësues madje katastrofik duke shkaktuar diabet, sëmundje kardiovaskulare, probleme me aftësitë e trurit dhe dështim të veshkave.

    Shumica e njerëzve që vuajnë nga tensioni i lartë përdorin medikamente të cilat shoqërohen me efekte anësore përfshirë: pagjumësinë, marramendjen apo kontraktime të muskujve. Por ju mund të përdorni shumë thjeshtë edhe disa ushqime ose produkte që i gjeni lehtë në shtëpi siç janë hudhra, limoni apo uthulla e mollës.

    Nëpërmjet këtij artikulli të AgroWeb.org do të mësoni për 3 kura natyrale të cilat janë jashtëzakonisht efikase kundër tensionit të lartë.

    Kura e Parë me Lëng Limoni
    Përbërësit:
    Ujë
    Një limon

    Udhëzimet:
    Shtrydheni lëngun e një limoni në një gotë me ujë dhe pijeni atë çdo mëngjes përpara se të konsumoni ushqim. Limonët kanë aftësinë të ruajnë fleksibilitetin dhe funksionet e enëve të gjakut duke ulur kështu tensionin.

    Kura e Dytë me Hudhër
    Hudhra përmban substanca sulfuri që kanë aftësinë të ulin tensionin e gjakut dhe largojnë toksinat dhe kolesterolin nga organizmi. Këto substanca stimulojnë prodhimin e oksidit nitrik dhe të rregullojnë tensionin e gjakut, duke i zgjeruar enët e tij.

    Ju duhet të konsumoni 2-4 thelpinj hudhër të freskët në mëngjes përpara se të hani ushqim ose përpara se të flini. Hudhra duhet ngrënë e gjallë sepse gatimi humbet shumicën e ushqyesve të nevojshëm.

    Kura e Tretë me Uthull Molle dhe Sodë Buke
    Përbërësit:
    Ujë
    Një majë luge çaji me sodë buke
    Një lugë gjelle me uthull molle

    Udhëzimet:
    Uthulla e mollës përmban shumë minerale të dobishme si kaliumi, magnezi dhe kalçiumi. Këto minerale janë thelbësore për qarkullimin e gjakut dhe uljen e tensionit. Përzieni një lugë gjelle me uthull molle, një majë luge çaji me sodë buke dhe një gotë me ujë. Konsumojeni dy herë në ditë për rezultate më të mira.

  • KQZ mblidhet sot në ora 18:00 për certifikimin e rezultateve zgjedhore

    KQZ mblidhet sot në ora 18:00 për certifikimin e rezultateve zgjedhore

    Komisioni Qendror i Zgjedhjeve (KQZ) do të mbajë sot mbledhjen e radhës, duke filluar nga ora 18:00, në të cilën në rend dite është certifikimi i rezultateve përfundimtare të zgjedhjeve të parakohshme parlamentare.

    Mbledhja e KQZ-së vjen pas vendimit të Gjykatës Supreme, e cila ka refuzuar gjashtë ankesa kundër vendimeve të Panelit Zgjedhor për Ankesa dhe Parashtresa (PZAP), duke i hapur rrugë certifikimit të rezultateve.

    Pas certifikimit, brenda 30 ditësh pritet të thirret seanca për konstituimin e Kuvendit të Republikës së Kosovës.

    LEXO EDHE:

    Vendos Supremja, refuzon të gjitha ankesat kundër vendimeve të PZAP-së