ATV

Blog

  • Doktori tregon kohën ideale për të pirë kafenë në mënyrë që të flini mirë

    Doktori tregon kohën ideale për të pirë kafenë në mënyrë që të flini mirë

    Shumë adhurues të kafesë e shijojnë pijen e tyre të preferuar gjatë gjithë ditës, por një mjek ka zbuluar kohën e saktë kur duhet të ndaloni konsumimin e kafesë për të siguruar një gjumë të qetë dhe cilësor.

    Ky rekomandim bazohet në një studim që përfshiu rreth 2,000 pjesëmarrës, i cili zbuloi një periudhë ideale për filxhanin e fundit të kafesë. Sipas studimit, kjo është shtatë orë para se të shkoni për të fjetur.

    Pse pikërisht shtatë orë?

    Në një intervistë për emisionin This Morning të ITV-së, Dr. Nighat Arif shpjegoi bazën shkencore të këtij rekomandimi. Problemi lidhet me molekulën e adenozinës, një hormon që grumbullohet natyrshëm gjatë ditës dhe që na bën të ndihemi të përgjumur.

    “Kafeina është shumë e zgjuar – ajo imiton adenozinën dhe lidhet me receptorët e saj në tru si një copë enigme, duke bllokuar efektin e përgjumjes. Kjo është arsyeja pse truri juaj nuk ndihet i lodhur pas kafesë,” tha ajo. Për këtë arsye, Dr. Arif sugjeron që të ndërprisni pirjen e kafesë rreth orës 14:00 për të përgatitur trupin për gjumë cilësor.

    Kujdes edhe me alkoolin

    Dr. Arif gjithashtu paralajmëroi se rregullat nuk vlejnë vetëm për kafenë. Alkooli mund të ndikojë gjithashtu negativisht në gjumë, prandaj ajo rekomandon të ndaloni konsumimin e tij të paktën tre deri katër orë para shtrirjes në shtrat.

    Qëllimi është t’i jepni trupit kohë të qetësohet dhe të futet në një ritëm të natyrshëm: të largoheni nga ekrane, të reduktoni stimujt dhe të përgatitni një rutinë relaksuese përpara gjumit.

    Sipas Dr. Arif, gjumi nuk duhet të vijë thjesht si një buton që shtypet, por si një proces qetësues që përgatit trupin dhe mendjen për pushim të plotë.

  • Shkumbin Istrefi: Lënia jashtë e Fatmir Spahiut nga Qeveria, dëshpëruese dhe joetike

    Shkumbin Istrefi: Lënia jashtë e Fatmir Spahiut nga Qeveria, dëshpëruese dhe joetike

    Aktori i njohur Shkumbin Istrefi ka reaguar përmes një statusi publik lidhur me propozimin e fundit për Qeverinë, ku emri i aktorit Fatmir Spahiu nuk figuronte si kandidat për Ministër të Kulturës.

    Istrefi ka theksuar se në të kaluarën e kishte mirëpritur kandidimin e Spahiut për këtë post, edhe pse, sipas tij, dihej se ato propozime nuk do të votoheshin, përcjell Indeksonline.

    Ai ka vlerësuar po ashtu gatishmërinë e Spahiut për ta pranuar ofertën, pavarësisht rrethanave politike.

    Sipas Istrefit, propozimi i sotëm i Qeverisë, pa emrin e Spahiut, ishte “me së buti thënë, dëshpërues”. Ai theksoi se nuk ka asnjë kundërshtim ndaj kandidates së propozuar, por e konsideron joetike mënyrën se si, sipas tij, është përdorur reputacioni i një prej aktorëve më të popullarizuar në vend.

    Në fund, Istrefi u shpreh se Fatmir Spahiu do të mbetet gjithmonë një aktor dhe artist me vlera, ndërsa politika, sipas tij, vazhdon të mbetet e “flliqt”, duke shtuar: “Sa më larg saj.”

  • Liverpooli i vendos ultimatum të fortë Arne Slot pas rezultateve të dobëta

    Liverpooli i vendos ultimatum të fortë Arne Slot pas rezultateve të dobëta

    Tensionet në zyrat e Liverpoolit kanë arritur kulmin këtë javë, teksa durimi i bordit drejtues duket se ka arritur limitin. Klubi nga Merseyside ka marrë një vendim drastik për të ardhmen e menjëhershme të trajnerit Arne Slot, pas rezultateve të paqëndrueshme në sezonin aktual.

    Slot ka marrë një mesazh të qartë: lufta për titullin e Ligës Premier ka rënë në plan të dytë për drejtuesit e klubit. Prioriteti i vetëm tani është fitimi i Ligës së Kampionëve ose i Kupës FA, që të shpëtojë vendin e tij si trajner.

    Liverpooli nuk është i gatshëm të pranojë një tjetër sezon pa trofe prestigjioze, sidomos pas shpenzimeve të mëdha të bëra gjatë afatit të fundit të transferimeve. Investimet e bëra tani e detyrojnë trajnerin holandez të sjellë rezultate konkrete para përfundimit të sezonit.

    Menaxhmenti i klubit ka bërë një shpenzim historik për të sjellë yje si Florian Wirtz dhe Alexander Isak, të cilët, së bashku me Hugo Ekitike, Jeremie Frimpong dhe Milos Kerkez, kanë ngritur pritshmëritë e tifozëve në nivele të papara.

    Megjithatë, Slot nuk ka arritur të organizojë këta yje në një formacion të qëndrueshëm në Ligën Premier, një kampionat gjithmonë i kërkuar dhe i vështirë. Mungesa e rrjedhshmërisë dhe lojës kolektive ka ngjallur dyshime rreth aftësisë së tij për të drejtuar këtë projekt ambicioz.

    Aktualisht, Liverpooli ndodhet në vendin e gjashtë me 42 pikë, vetëm dy pikë më poshtë se Chelsea dhe tri pikë më pak se Manchester United, një situatë që ka ndezur kambanat e alarmit brenda klubit. Mungesa e kualifikimit në garat evropiane për klubet do të ishte një katastrofë financiare që drejtuesit nuk janë të gatshëm ta lejojnë.

    Nëse Slot nuk fiton të paktën një kupë këtë sezon, largimi i tij në qershor duket i pashmangshëm. Hierarkia e Liverpoolit ka identifikuar tashmë kandidatin e mundshëm për të marrë drejtimin e skuadrës: Xabi Alonso. Spanjolli shihet si zgjedhja ideale, si për tifozët ashtu edhe për drejtuesit, që presin ta shohin idhullin e tyre të ri në stol.

    Çdo ndeshje e Kupës FA dhe Ligës së Kampionëve tani do të trajtohet si një finale për Arne Slot, pasi çdo humbje mund të vendosë fatin e tij në Anfield.

  • Ambasadori amerikan në OKB sfidon trupat me pompa në Gjenevë

    Ambasadori amerikan në OKB sfidon trupat me pompa në Gjenevë

    Ambasadori i Shteteve të Bashkuara në Kombet e Bashkuara, Mike Waltz, ka bërë bujë në rrjetet sociale pas publikimit të një videoje ku shfaqet duke bërë pompa së bashku me trupat amerikane në Gjenevë. Në përshkrimin e videos, ai shkruan shkurt: “I gatshëm për detyrë”.

    Përveç momentit sportiv, Waltz bëri të ditur se SHBA do të vazhdojë të ushtrojë presion mbi Kombet e Bashkuara për reforma të nevojshme brenda organizatës. Ai gjithashtu përsëriti se një pagesë paraprake nga Uashingtoni për OKB-në pritet të bëhet brenda disa javësh.

    SHBA vazhdon të jetë kontribuesi më i madh në buxhetin e OKB-së, megjithatë, nën administratën e mëparshme të presidentit Donald Trump, vendi kishte refuzuar pagesa të detyrueshme për buxhetet e rregullta dhe paqeruajtëse, si dhe kishte reduktuar fondet vullnetare për agjencitë e OKB-së.

    Duke folur nga Gjeneva, Waltz nuk dha shifra të sakta për shumën që do të paguajë SHBA-ja, por theksoi se vendi i tij do të përmbushë detyrimet financiare, ndërsa njëkohësisht do të vazhdojë të ushtrojë presion për reforma në organizatë.

    Ambasadori amerikan ndodhet në një vizitë dy-ditore në Gjenevë, ku do të takohet me zyrtarë të ndryshëm të OKB-së, përfshirë edhe ata të Agjencisë së Refugjatëve, UNHCR, e cila aktualisht po përballet me shkurtimet më të mëdha buxhetore në historinë e saj.

     

  • Dixon mbron Veselin në Hagë: “Nuk ka prova për rol kriminal”

    Dixon mbron Veselin në Hagë: “Nuk ka prova për rol kriminal”

    Në Dhomat e Specializuara të Kosovës (DHSK) në Hagë po vijon paraqitja e deklaratave përfundimtare në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit. Sot, fjalën përmbyllëse e ka vazhduar mbrojtja e Kadri Veselit, e përfaqësuar nga avokati Rodney Dixon.

    Gjatë paraqitjes së tij, Dixon deklaroi se, sipas tij, ndaj Veselit nuk ka prova për krimet e pretenduara, duke theksuar se “lista e asgjësë” vazhdon. Siç raporton “Betimi për Drejtësi”, ai u shpreh se nuk ekzistojnë urdhra të lëshuar jashtë vendit, raporte të inteligjencës, vendime apo emërime që do ta lidhin Veselin me ndonjë aktivitet kriminal në kuadër të kësaj çështjeje.

    “Numri i urdhrave të lëshuara jashtë shtetit, raportet që lidhen me çështje të inteligjencës, vendimet e marra, emërimet e bëra, përfshirë edhe veprime ushtarake që nuk janë të paligjshme apo që nuk kanë të bëjnë me krimet e pretenduara në këtë rast apo me ndonjë element tjetër të ndërlidhur – asnjë! Lista e asgjësë vazhdon”, deklaroi ai.

    Sipas Dixon, këto elemente nuk arrijnë të provojnë se Veseli ka pasur rol në ndonjë ndërmarrje kriminale. Ai theksoi se argumentet e paraqitura nga Prokuroria janë kryesisht rrethanore dhe, sipas tij, të pamjaftueshme për të mbështetur pretendimet për një “konspiracion gjigant kriminal”.

    “Këto shifra dhe pretendime nuk arrijnë të ndërtojnë një konspiracion të madh kriminal ku Veseli të ketë pasur rol. Janë argumente rrethanore, tepër të dobëta”, tha ai.

    Dixon theksoi se kritikat e tij ndaj Zyrës së Prokurorit të Specializuar nuk kanë për qëllim të minimizojnë vuajtjet e viktimave në Kosovë, disa prej të cilave janë pjesë e aktakuzës në këtë proces.

    Në fjalën e tij përmbyllëse, ai u shpreh se viktimat janë të vetëdijshme se padrejtësia më e rëndë është ajo që paraqitet si drejtësi.

    “Viktimat e dinë shumë mirë se padrejtësia më e keqe është drejtësia e pretenduar apo e rreme”, deklaroi Dixon.

    Ai shtoi se koha nuk i shëron të gjitha plagët, ndërsa mungesa e drejtësisë vetëm sa e thellon dhimbjen.

    “Koha nuk i shëron të gjitha plagët dhe kjo vlen për çdo konflikt. Pamundësia për të arritur drejtësinë vetëm e shton dhimbjen dhe vuajtjen. Ky dështim bëhet edhe më i rëndë kur kemi të bëjmë me një mashtrim nga sistemi i drejtësisë. Viktimat, siç u tha më herët, kanë nevojë për drejtësi të bazuar në të vërtetën dhe në realitet”, tha ai.

    Në përfundim, Dixon theksoi rëndësinë e mbrojtjes së të pafajshmëve dhe integritetit të gjykatave.

    “Në përpjekjen për t’i dhënë fund pandëshkueshmërisë – që është e domosdoshme dhe jo një opsion – nuk duhet të sakrifikohet e vërteta. Të pafajshmit duhet të mbrohen dhe gjykatat tona duhet të veprojnë me integritet”, përfundoi avokati.

  • Aktakuzë ndaj 9 personave për vrasjen e P.G pas përleshjes mes dy grupeve në Prishtinë

    Aktakuzë ndaj 9 personave për vrasjen e P.G pas përleshjes mes dy grupeve në Prishtinë

    Është ngritur aktakuzë ndaj nëntë personave për vrasjen e P.G që kishte ndodhur në mbrëmjen e 1 shtator të 2024 ku në rrugën “Gazmend Zajmi” në Prishtinë ishin përleshur grupi Capat dhe Sekiraqa.

    “Aktakuzë kundër nëntë personave për veprën penale ‘’Vrasje e rëndë në tentativë’’,  Vrasje e Rëndë nga neni 173 par. 1 nënpar. 1.5 dhe 1.11 lidhur me  nenin 31  të KPRK-së;  ‘’Mbajtja në pronësi, kontroll ose posedim të paautorizuar të armëve’’ nga neni 366 i KPRK-së dhe veprës penale “Manipulim me prova”, nga neni  389 par 1, të KPRK-së. Prishtinë, 12 shkurt 2026- Prokuroria Themelore në Prishtinë, Departamenti për Krime të Rënda, njofton opinionin publik se, pas përfundimit të hetimeve ka ngritur aktakuzë kundër nëntë  (9) të pandehurve;   Sipas aktakuzës, të pandehurit K.R; V.A; D.M; E.M, të grupit të njohur me nofkën ‘’C’’,  me datë 01.09.2024, rreth orës 22:04, në lokalin “From” dhe jashtë tij, në rrugën “Gazmend Zajmi” në Prishtinë, në bashkëkryerje, pas një marrëveshje paraprake janë mbledhur, janë maskuar dhe janë pajisur armë të gjata dhe armë të shkurtra (revole) si dhe mjete të forta (stupca). Të njëjtit kanë marrë në përdorim tri (3) vetura të markave Porsche, Volksëagen Polo dhe Audi A7, të cilave ua kanë ndërruar targat duke vendosur targa të vjedhura duke tentuar ta privojnë nga jeta të pandehurit tjerë S. S., dhe anëtarët e grupit të tij, përkatësisht F.A;E.LL, dhe R.LI”, thuhet në njoftimin e Prokurorisë.

    Me këto veprime, ekziston dyshimi i bazuar mirë se të pandehurit kanë kryer veprën penale ‘’Vrasje e rëndë në tentativë’’, nga neni 173 paragrafi 1 nënparagrafët 1.5 dhe 1.11, lidhur me nenin 28 dhe 31 të Kodit Penal të Republikës së Kosovës. Po ashtu të njëjtit akuzohen edhe për veprën penale “Mbajtja në pronësi, në kontroll ose posedim të paautorizuar të armëve”, nga neni 366 par. 1 i KPRK-së.

    Ndërkohë, i pandehuri S. S.,  së bashku me anëtarët e grupit të tij, përkatësisht F.A;E.LL, dhe R.LL. me dashje dhe dijeni, të përgatitur me armë zjarri, në bashkëkryerje dhe me qëllim të privimit nga jeta dhe gjatë shkëmbimit të zjarrit në mes të dy grupeve, në po në të njëjtin vend kanë privuar nga jeta të ndjerin P:G, dhe kanë tentuar të privojnë nga jeta edhe të pandehurit tjerë. Me këto veprime ekziston dyshimi i bazuar mirë se kanë kryer veprën penale Vrasje e Rëndë nga neni 173 par. 1 nënpar. 1.5 dhe 1.11 lidhur me  nenin 31  të KPRK-së. Po ashtu të njëjtit akuzohen edhe për veprën penale “Mbajtja në pronësi, në kontroll ose posedim të paautorizuar të armëve”, nga neni 366 par. 1 i KPRK-së.

    Po ashtu i pandehuri V.B  akuzohet se ka kryer veprën penale  “Manipulim me prova”, nga neni  389 par 1, të KPRK-së si dhe veprën penale “Mbajtja në pronësi, në kontroll ose posedim të paautorizuar të armëve”, nga neni 366 par. 1 i KPRK-së.

    Sipas hetimeve, motivi i këtij sulmi lidhet me një konflikt të mëhershëm të datës 04.03.2024, të ndodhur ndërmjet SH.S. (djalit të të pandehurit S.S) dhe P.G. (vëllait të tani të ndjerit P.G.), konflikt i cili ka përshkallëzuar armiqësinë ndërmjet dy grupeve.

    Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurve të lartcekur të shpallen fajtor për veprat penale për të cilën akuzohen dhe të dënohen sipas ligjit, si dhe ka propozuar që të pandehurve t’u vazhdohet masa e paraburgimit deri në përfundim të shqyrtimit gjyqësor.

  • Osmani anulon pjesëmarrjen në Konferencën e Sigurisë në Munich, arsye “angazhimet institucionale”

    Osmani anulon pjesëmarrjen në Konferencën e Sigurisë në Munich, arsye “angazhimet institucionale”

    Presidentja Vjosa Osmani e ka anuluar pjesëmarrjen në Konferencën e Sigurisë në Munich.

    Këshilltari i Osmanit, Bekim Kupina, ka thënë se arsyeja e anulimit të pjesëmarrjes janë angazhimet institucionale dhe prioritetet që lidhen me zhvillime brenda vendit.

    “Presidentja e Republikës së Kosovës, Vjosa Osmani, është ftuar edhe sivjet në Konferencën e Sigurisë në Munich, për çka është shumë mirënjohëse ndaj organizatorëve. Megjithatë, për arsye të angazhimeve institucionale dhe prioriteteve që lidhen me zhvillime brenda vendit, e ka anuluar pjesëmarrjen”, ka deklaruar Kupina.

    Konferenca do të mbahet nga 13 deri më 15 shkurt, ku do të marrin pjesë qindra udhëheqës botërorë, përfshirë Sekretarin Amerikan të Shtetit, Marco Rubio.

    Kosovën do ta përfaqësojë Kryeministri, Albin Kurti, dhe shefi i Agjencisë Kosovare të Inteligjencës, Petrit Ajeti

    Pjesëmarrja e Rubios në këtë konferencë ndodh në një moment të rëndësishëm, kur Washingtoni dhe aleatët evropianë po përballen me mosbesim në rritje lidhur me sigurinë, tregtinë dhe të ardhmen e aleancës transatlantike dhe këto tensione pritet të mbizotërojnë diskutimet në Munih.

    Lufta e Rusisë në Ukrainë, që në fund të shkurtit hyn në vitin e pestë, pritet të jetë temë kryesore e diskutimeve në Konferencë, por edhe tensionet që kanë të bëjnë me Iranin.

    Pjesëmarrja e Rubios në Konferencën në Gjermani do të pasohet me një turne diplomatik në Bratisllavë dhe Budapest më 15 dhe 16 shkurt, duke vënë në pah fokusin e administratës amerikane në Evropën Qendrore në një kohë të një pasigurie strategjike.

    Pika kryesore e udhëtimit të Rubios do të jetë fjalimi në Munih më 14 shkurt, i cili pritet të shikohet me vëmendje, veçmas pasi fjalimi i nënpresidentit amerikan, JD Vance, vitin e kaluar në këtë konferencë pati jehonë të madhe.

  • Sony paralajmëron kufje të reja, lansimi mund të jetë afër

    Sony paralajmëron kufje të reja, lansimi mund të jetë afër

    Sony ka pasur javë mjaft të ngarkuara me prezantime dhe paralajmërime të produkteve të reja.

    Në fund të muajit të kaluar, kompania prezantoi modelin LinkBuds Clip, ndërsa më pas njoftoi paraprakisht premierën e kufjeve të reja premium. Paralelisht, kanë qarkulluar edhe thashetheme për telefonat inteligjentë Xperia 1 VIII dhe Xperia 10 VIII.

    Së fundmi, Sony ka publikuar një tjetër video të shkurtër në YouTube, duke paralajmëruar një produkt të ri. Videoja gjashtësekondëshe, me titullin “Zemra (dhe veshët) tuaj do të jenë tek ne kur ta shihni këtë”, shfaq një çarçaf rozë që mbulon një palë kufje, pa zbuluar detaje konkrete për modelin.

    Në përshkrim nuk jepen informacione shtesë, por lë të kuptohet se prezantimi do të bëhet më 12 shkurt 2026.

    Edhe pse nuk konfirmohet zyrtarisht se për cilin model bëhet fjalë, spekulimet sugjerojnë se mund të jetë një version i ri i serisë WH-1000XM6. Raportohet se kufjet do të vijnë me një ridizajnim, ndërsa fillimisht pritet të jenë të disponueshme vetëm në ngjyrë të zezë dhe të bardhë.

  • Këto janë pasojat nëse flini më pak ose më shumë se sa duhet

    Këto janë pasojat nëse flini më pak ose më shumë se sa duhet

    Për sportistët cilësorë, një gjumë i mjaftueshëm renditet ndër faktorët më të rëndësishëm për të arritur rezultatet e dëshiruara.

    Por edhe për njerëzit normalë, mosfjetja mund të sjellë pasoja të rënda. E njëjta gjë ndodh edhe kur e tejkaloni me gjumin.

    Gjumi i rregullt dhe i thellë për procesin mësimor të trurit njerëzor është një element i tepër i rëndësishëm.

    “Gjumi është për njeriun si zembereku për orën“, thoshte dikur filozofi i famshëm gjerman, Arthur Schopenhauer. Kush fle jo mjaftueshëm redukton energjinë e vet dhe rendimentin për një kohë të gjatë.

    Mungesa e gjumit shkakton deformim të përqendrimit, sjell një gjendje të keqe humori dhe në terma afatgjatë, mund të sjellë madje edhe një rrezik të shtuar për kancerin.

    Në kundërshtim me mendimin që ka mbizotëruar prej kohësh, gjumi është shumë më tepër sesa thjesht një fenomen pasiv, pra jo i rëndësishëm.

    Gjumi është një proces shumë intensiv

    Gjatë gjumit, shumë organe dhe biosisteme, të cilat gjatë ditës punojnë “me kohë të plotë”, rigjenerohen dhe rivendosin ritmin në përgjithësi. Në gjumë, sistemi imunitar aktivizohet, luftohen infeksione dhe shkaktarët e sëmundjeve bien në letargji. Dhe jo më pak përgjatë gjumit përpunohen edhe eksperiencat e ditës së mëparshme, ruhen informacionet dhe kujtimet përforcohen.

    Pasojat një gjumi të mangët

    Në kuadër të procesit biologjik të gjumit, bëhet e kuptueshme, se përse mungesa e gjumit mund të sjellë pasoja kaq të rënda për gjendjen tonë fizike e mendore. Mungesa e gjumit, së pari çon në humbjen e shpejtësisë së mendimit, e më pas në një pakësim apo reduktim të përqendrimit. Në fund vijnë edhe boshllëqet ose mungesat në mendime e kujtesë, pasuar me dobësi fizike.

    Mungesa e gjumit të sëmurë

    Vetëm me këto dijeni bazike na bëhet më se e qartë se përse mungesa e gjumit na shkakton ulje të aftësisë për rigjenerim fizik e mendor dhe se përse ne rrezikohemi seriozisht të sëmuremi. Mungesa e gjumit ndikon në sistemin tonë imunitar dhe kësisoj sjell me vete një rrezik të shtuar për sëmundjet që lidhen me të ftohurën e gripin, kjo merret me mend. Pak më komplekse megjithatë duket se është puna kur flasim për lindjen e një rreziku të shtuar për sëmundjet që lidhen me qarkullimin e gjakut në zemër, – ndryshimin e mineraleve- dhe ato psikike. Në studime të ndryshme është zbuluar se në rastet e mungesës së gjumit, përkeqësohet ndryshimi i karbohidrateve, rritet niveli i sheqerit në gjak, si dhe humbet balancën edhe prodhimi i tiroideve – të gjitha këto, mesazherë klasikë të afrimit të sëmundjeve të zemrës dhe diabetit.

    Sa orë gjumë na nevojiten?

    Nëse deri më tani u panë efektet e mungesës së gjumit, çfarë mund të thoshim për të kundërtën? Studime të ndryshme kanë treguar se për të bërë një jetë të shëndetshme dhe të ekuilibruar, një njeriu i duhen 4-10 orë gjumë, në varësi të faktorëve gjenetikë. Kjo kohë për të rriturit është 6-8 orë. Nga ana tjetër, ka studime që pohojnë se 8 orë gjumë nuk janë të domosdoshme, por 6, 5 ose 4 orë gjumë mund të jenë të mjaftueshme. Sidoqoftë, si “vijë e kuqe” konsiderohet tetorëshi.

    Gjumi i tepërt, si ai i mangëti

    Ata që flenë më shumë ose më pak se mesatarja, herët a vonë do të përballen paradoksalisht me probleme shëndetësore krahasuar me ata që flenë mjaftueshëm dhe në mënyrë të rregullt. Në një studim të gjatë kohor, u morën në observim më shumë se 71 000 gra gjatë 10 viteve dhe u vërejtën dy pika të rëndësishme. E para, gjumi i tepërt rriste rrezikun për sëmundje të zemrës; e dyta, ata që flinin shumë përballeshin me të njëjtat probleme shëndetësore si ata që flinin pak. Gjumi i tepërt mund të shkaktojë obezitet, diabet, rritje të presionit të gjakut, ulje të vëllimit muskulor, dobësim të sistemit imunitar dhe depresion.

  • Kusari lë postin e shefes së GP të LVV-së, merr detyrën e ministres së Tregtisë

    Kusari lë postin e shefes së GP të LVV-së, merr detyrën e ministres së Tregtisë

    Mimoza Kusari e ka nisur mëngjesin me një video-mesazh nga zyra e saj në Kuvendin e Kosovës, duke njoftuar se ky është adresimi i fundit nga ajo zyrë në cilësinë e shefes së Grupit Parlamentar të Lëvizjes Vetëvendosje.

    Ajo tashmë do të vazhdojë angazhimin e saj si ministre e Ministrisë së Tregtisë, Industrisë, Ndërmarrësisë dhe Inovacionit, detyrë e cila u konfirmua një ditë më parë në Kuvendin e Republikës së Kosovës.

    “Mirëmëngjesi. Për herë të fundit po adresohem nga zyra ime në Kuvendin e Kosovës, nga cilësia e kaluar si shefe e grupit parlamentar dhe tani si ministre e Tregtisë, Industrisë, Ndërmarrësisë dhe Inovacionit, e konfirmuar dje në Kuvend. Pesë vitet e kaluara kanë qenë të mbushura me sfida, suksese dhe beteja të shumta politike, por gjithmonë me interesin e qytetarëve të Republikës si udhërrëfyes për çdo veprim tonin. Ju falënderoj për mbështetjen dhe përkrahjen dhe pres që të takohemi në angazhimet e reja nga pozita e re”, është shprehur Kusari.