ATV

Blog

  • Taylor Swift mbron pronësinë intelektuale dhe përballet me kërcënime sigurie

    Taylor Swift mbron pronësinë intelektuale dhe përballet me kërcënime sigurie

    Taylor Swift ka ndërmarrë veprime ligjore për të mbrojtur markën e saj “Swift Home”, duke sfiduar kompaninë Cathay Home, e cila kishte aplikuar për regjistrimin e një logoje shumë të ngjashme me të sajën.

    Logoja e kontestuar shfaqte “Swift” me shkrim kursiv dhe krahë stilizuar në “T”, dhe “Home” poshtë, duke rrezikuar të krijonte konfuzion tek konsumatorët, të cilët mund të mendonin se ylli global kishte miratuar ose kishte lidhje me produktet e kompanisë.

    Pas padisë, Cathay Home, me të ardhura vjetore mbi 35 milionë euro, tërhoqi aplikacionin e saj. Avokati Ting Greg e përshkroi këtë vendim si “praktik dhe komercialisht të arsyeshëm”.

    Kjo nuk është hera e parë që Swift vepron për të mbrojtur pronësinë intelektuale; në maj 2025, pas rikuperimit të të drejtave mbi gjashtë albumet e saj të para, ajo e përshkroi këtë si një nga ëndrrat më të mëdha të saj.

    Përveç çështjeve ligjore, Swift ka përballuar edhe kërcënime serioze sigurie. Autoritetet austriake akuzuan një 21-vjeçar për terrorizëm dhe lidhje me një komplot kundër koncertit të saj në Vjenë në gusht 2024, duke rezultuar në anulimin e tre koncerteve të shitura me biletë dhe duke prekur rreth 195,000 fansa. Rasti lidhet me përpjekje të koordinuara më të gjera, ndërsa të rinj të tjerë të përfshirë në komplot u ndëshkuan në Gjermani dhe u mbajtën në vitin 2024.

    Veprimet ligjore të Swift dhe kërcënimet ndaj sigurisë personale tregojnë një vit sfidues për artisten, duke përfshirë mbrojtjen e imazhit, pronës intelektuale dhe sigurinë e saj.

  • Çfarë ndodh me frenat kur vetura funksionon për një kohë të gjatë?

    Çfarë ndodh me frenat kur vetura funksionon për një kohë të gjatë?

    Rotorët dhe tamburet e frenave janë të prodhuara nga aliazh çeliku, me pak trajtim kundër korrozionit.

    Pas vetëm disa orësh qëndrimi në një mjedis të lagësht (sidomos në muajt e dimrit kur frenat ekspozohen edhe ndaj kripës), në sipërfaqen e tyre do të fillojë të formohet një shtresë e hollë ndryshku.

    Natyrisht, sa më gjatë të qëndrojë vetura e parkuar, aq më keq bëhet situata, veçanërisht në vende parkimi me kullim të dobët që nuk janë të thata. Korrozioni do të përhapet dhe do të ulet edhe efikasiteti i frenave.

    Kur e përdorni veturën për herë të parë pas disa ditësh ose javësh, merrni pak kohë që disa herë ta shtypni dhe lironi lehtë pedalin e frenës para se të niseni.

    Pasi të filloni lëvizjen, bëni të njëjtën gjë – shtypni lehtë frenën, duke pasur kujdes të mos rrezikoni askënd në trafik, sidomos ata që lëvizin pas jush. Në këtë mënyrë do të hiqni ndryshkun sipërfaqësor nga frenat, pra do të parandaloni rënien e performancës së tyre kur t’ju nevojiten.

    Gjithashtu, dëgjoni zhurmën gjatë frenimit; nëse ka kërcitje ose fishkëllimë edhe pasi ta keni shtypur disa herë frenën, nuk do të ishte keq që një specialist t’i kontrollojë frenat.

    Rekomandohet që para një periudhe të gjatë qëndrimi, gjatë vozitjes në një sipërfaqe të thatë, gjithashtu të shtypni lehtë frenat për t’i pastruar nga papastërtitë.

  • Sindikata e shqetësuar për gjendjen financiare të RTK – Kërkojnë rritje të buxhetit dhe paralajmërojnë protesta

    Sindikata e shqetësuar për gjendjen financiare të RTK – Kërkojnë rritje të buxhetit dhe paralajmërojnë protesta

    Sindikata e Punëtorëve e RTK-së ka shprehur shqetësimin serioz për gjendjen financiare dhe institucionale në Radiotelevizioni i Kosovës dhe ka kërkuar veprime të menjëhershme nga institucionet përgjegjëse.

    Në komunikatën e sindikatës, është kërkuar ‘’harmonizim’’ i pagës minimale në RTK, duke qenë paga minimale në sektorin publik është rritur dhe deri në muajin korrik pritet të arrijë në 500 euro, përcjell Gazeta Express.

    ‘’Njëkohësisht, kërkojmë nga Kuvendi i Kosovës që në leximin e dytë të buxhetit të sigurojë rritje reale dhe të qëndrueshme të buxhetit për RTK-në. Rikujtojmë se RTK jo vetëm që nuk e merr financimin prej 0.7% sipas ligjit, por i janë hequr edhe 2.2 milionë euro, duke krijuar pasiguri serioze financiare dhe duke penguar zhvillimin e institucionit’’, thuhet mes tjerash në komunikatë.

    Po ashtu, në komunikatë është kërkuar gjithashtu aplikimi i pagës së 13-të për punëtorët e RTK-së.

    Komunikatë:

    Sindikata e Punëtorëve e RTK-së (SPERTK)

    Sindikata e Punëtorëve e RTK-së shpreh shqetësimin serioz për gjendjen financiare dhe institucionale në Radiotelevizioni i Kosovës dhe kërkon veprime të menjëhershme nga institucionet përgjegjëse.

    Duke qenë se paga minimale në sektorin publik është rritur dhe deri në muajin korrik pritet të arrijë në 500 euro, kërkojmë harmonizim të menjëhershëm të pagës minimale edhe në RTK. Punëtorët e transmetuesit publik nuk mund të trajtohen ndryshe nga pjesa tjetër e sektorit publik. Çdo vonesë në këtë drejtim përbën padrejtësi dhe cenim të parimit të barazisë para ligjit.

    Njëkohësisht, kërkojmë nga Kuvendi i Kosovës që në leximin e dytë të buxhetit të sigurojë rritje reale dhe të qëndrueshme të buxhetit për RTK-në. Rikujtojmë se RTK jo vetëm që nuk e merr financimin prej 0.7% sipas ligjit, por i janë hequr edhe 2.2 milionë euro, duke krijuar pasiguri serioze financiare dhe duke penguar zhvillimin e institucionit.

    Kërkojmë gjithashtu aplikimin e pagës së 13-të për punëtorët e RTK-së. Nëse kjo e drejtë realizohet për kategori të tjera në sektorin publik dhe përjashtohet RTK-ja, atëherë kemi të bëjmë me diskriminim të qartë dhe shkelje të të drejtave ligjore të punëtorëve.

    Sindikata kërkon sqarim publik nga Bordi dhe menaxhmenti i RTK-së nëse është dërguar raport financiar dhe kërkesë zyrtare për rritje të buxhetit. Transparenca është detyrim institucional dhe jo zgjedhje.

    Po ashtu, kërkojmë që çdo kontratë dhe çdo vendim i marrë gjatë periudhës së pasigurisë institucionale të shqyrtohet nga Komisioni për Media dhe Komisioni për Buxhet dhe Transfere, si dhe të sigurohet kontroll i rreptë ligjor deri në konsolidimin e plotë institucional.

    Nëse këto kërkesa nuk adresohen, Sindikata e Punëtorëve e RTK-së do të fillojë protesta në ditët në vijim dhe paralelisht do të ndjekë të gjitha rrugët ligjore përmes organeve të drejtësisë për mbrojtjen e të drejtave të punëtorëve.

    Kërkesat tona janë të bazuara në ligj dhe në parimin e barazisë. Nuk do të pranojmë asnjë zgjidhje që i anashkalon ato.

  • Zëri i katër liderëve të UÇK-së dëgjohet përfundimisht, seanca nis në 14:15

    Zëri i katër liderëve të UÇK-së dëgjohet përfundimisht, seanca nis në 14:15

    Në orën 14:15, brenda ‘mureve të ftohta’ të Gjykatës Speciale, ku ata kanë qëndruar në paraburgim për më shumë se pesë vjet, pritet të flasin Hashim Thaçi, Kadri Veseli, Rexhep Selimi dhe Jakup Krasniqi.

    Do të jenë fjalët e tyre përfundimtare, momenti kur zëri i secilit do të dëgjohet pas viteve të pritjes dhe pas sfidave që kanë përballuar brenda këtyre ‘mureve të rrepta’.

    Ky është çasti i fundit për ta për të thënë fjalët e tyre dhe për të lënë gjurmën e tyre në këtë proces historik.

  • Mbrojtja kërkon që Krasniqi të shpallet i pafajshëm

    Mbrojtja kërkon që Krasniqi të shpallet i pafajshëm

    Avokati i Krasniqit, Aidan Ellis, hodhi poshtë pretendimet e ZPS-së se klienti i tij ishte epror i Bislim Zyrapit.

    Ai tha se vetë Zyrapi ka pranuar se ishte shef i Shtabit të Përgjithshëm të UÇK-së.

    “Zyrapi i është referuar vetes si shef i Shabit të Përgjithshëm. Zyrapi ka nënshkruar urdhra në këtë cilësi. Anëtarë të tjerë të UÇK-së, që ishin të informuar me tituj ushtarakë, i kanë drejtuar Zyrapit dokumente me titullin shef i shtabit. Kemi dëgjuar këtu dëshmitarë që i janë referuar Zyrapit si shef i Shtabit”, tha ai, duke përmendur këtu Naim Malokun, Sokol Bashtën dhe Rrustem Mustafën.

    Sipas tij, ZPS po tenton të minimizojë rolin e Zyrapit, duke pretenduar se dëshmia e Zyrapit se Krasniqi ishte epror i tij është “i pabazuar”.

    Mbrojtja e Krasniqit tha se provat do ta çojnë trupin gjykues që ta shpallin atë të pafajshëm.

    Avokati i Krasniqit, Aidan Ellis, tha se Prokuroria po ndryshon qëndrimet kur mbështet përgjegjësinë e të akuzuarve në faktin që ishin pjesëtarë të Shtabit të Përgjithshëm.

    Ai tha se vetë kryeprokurorja kishte thënë se për fajësim nuk kërkohet vetëm anëtarësia e tyre në shtab, por të hënën prokurorët e përdorën këtë argument.

    Sipas tij, për kontributin për NPK përgjegjësia individuale duhet “të identifikohet individualisht”, në të kundërtën, tha ai, i bie që i gjithë rasti është kundër Shtabit të Përgjithshëm e jo ndaj katër të akuzuarve.

    Seanca ka shkuar në pauzë dhe pas pushimit, ish-eprorët e UÇK-së do të deklarohen.

    Seanca pritet të nisë në 14:15.

  • Skiatorja ndiqet nga një kafshë e arratisur në mes të garës olimpike

    Skiatorja ndiqet nga një kafshë e arratisur në mes të garës olimpike

    Skiatorja kroate e skuadrës në Lojërat Olimpike Milano/Kortina, Tena Haxhiq, nuk arriti të kualifikohej në finale, por pati një skenë të paharrueshme në gjysmëfinale.

    Skiatorja e re kroate, së bashku me Emma Sobol, garoi në kualifikimet e sprintit ekipor në stilin e lirë në Lojërat Olimpike Dimërore, por nuk arriti të kualifikohej në finale.

    15 çiftet më të mira në garën ekipore u kualifikuan për në finale, dhe çifti kroat zuri vendin e 19-të në kualifikime me një kohë prej 3:42:57.

    Ato ishin 55.21 sekonda pas suedezeve të vendit të parë Jonna Sundling dhe Maja Dahlqvist, ndërsa kinezet e vendit të 15-të Dinigeer Yilamujiang dhe Chunxue Chi, të fundit që arritën në finale, ishin 12.14 sekonda pas tyre.

    Megjithatë, 21-vjeçarja Tena Hadxhiq pati një përvojë të veçantë në këto lojëra që do ta kujtojë për gjithë jetën.

     

  • Gucati nga Haga: Pres që këta burra të lirohen në muajin maj

    Gucati nga Haga: Pres që këta burra të lirohen në muajin maj

    Kreu i shoqatës së veteranëve të luftës së UÇK-së, Hysni Gucati, po e përcjellë nga afër seancën e sotme në Hagë.

    Për IndeksOnline, Gucati u shpreh se pret që ish-krerët e UÇK-së të kthehen në shtëpi.

    “Duke parë zhvillimet e sotme të mbrojtjes, që është shumë e fuqishme, unë pres që në muajin maj të lirohen dhe ta bëjmë një festë të madhe në dy qendrat shqiptare: në Tiranë dhe në Prishtinë.

    Shpresoj dhe besoj fuqishëm në pafajësinë e tyre, duke e parë sot mbrojtjen që të gjitha pikat e aktakuzës i hodhën poshtë, të prokurorëve të cilët punuan dhe përpunuan dokumentacione të rrejshme dhe të falsifikuara prej njerëzve që ishin pro Serbisë” deklaroi Gucati.

    Në Hagë sot po thuhen fjalët përfundimtare në procesin gjyqësor, teksa pas pauzës pritet të flasin vet çlirimtarët: Hashim Thçai, Kadri veseli, Jakup Krasniqi dhe Rexhep Selimi.

  • Deandre Ayton ndalohet nga policia në Aeroportin e ishujve Bahamas – Kontrollohet për drogë, lirohet pa akuza!

    Deandre Ayton ndalohet nga policia në Aeroportin e ishujve Bahamas – Kontrollohet për drogë, lirohet pa akuza!

    Në një moment të çuditshëm në aeroport, që duket si skenë filmi, Deandre Ayton, ylli i “Los Angeles Lakers”, u ndalua përkohësisht nga policia këtë javë në Aeroportin Ndërkombëtar “Lynden Pindling” në Bahamas, vendlindjen e tij, teksa autoritetet kryenin një kontroll lidhur me drogën, specifikisht marihuanën. 

    Sipas raportimeve, Ayton u ndalua nga zyrtarët pasi dyshohej për posedim marihuane, ndoshta pas një sinjali se dikush e kishte parë duke e përdorur në pronën e aeroportit. Oficerët kontrolluan bagazhet e tij në kërkim të substancave të jashtëligjshme, por kontrolli doli plotësisht negativ.


    Avokati i Ayton, Devard Francis, sqaroi se, edhe pse klienti i tij u mbajt përkohësisht gjatë kontrollit të bagazhit nga policia, nuk pati arrestim dhe nuk u ngritën akuza. Autoritetet vendosën se sasia e vogël e marihuanës për të cilën kishin shqetësim nuk ishte në posedim të Ayton dhe ai u lirua shpejt.

    Pas këtij episodi, Ayton vazhdoi planet e udhëtimit, duke u kthyer në Los Angeles për t’u bashkuar me “Lakers”, ndërsa skuadra përgatitet për rifillimin e sezonit NBA pas pauzës së All-Star.

    Ky qendërmbrojtës 2 metra e 14cm, i përzgjedhur i pari në draftin e NBA 2018, ka qenë një lojtar kyç për “Lakers” këtë sezon, duke shënuar statistika të forta dhe ndihmuar skuadrën të navigojë “Konferencën Perëndimore”.

    Edhe pse ligjet mbi marihuanën në Bahamas kanë ndryshuar pak, me disa hapa drejt legalizimit të kufizuar për përdorim mjekësor ose fetar, posedimi mbetet ende i paligjshëm sipas ligjit aktual, gjë që e bën këtë kontroll aeroporti një çështje serioze për vizitorët dhe banorët lokalë.

    Ajo që mund të ishte një problem ligjor, u kthye në një episod pa pasoja, me Ayton të pastër dhe gati të përqendrohet përsëri tek basketbolli. Por për një moment, siguria në aeroport e ktheu yllin e NBA-së në lajm kryesor!

  • Miratohet në komision projektligji për buxhetin 2026, kërkohet rritje e pensioneve

    Miratohet në komision projektligji për buxhetin 2026, kërkohet rritje e pensioneve

    Projektligji për buxhetin 2026 është miratuar në komisionin parlamentar të Kuvendit.

    Me diskutime të shumta, me 6 vota “për”, 0 kundër dhe 1 abstenim kaloi projektligji për ndarjet buxhetore për buxhetin e Kosovës të vitit 2026 nga Komisioni për të Drejtat e Njeriut, Barazi Gjinore, Punë, Familje, Vlerat e Luftës Çlirimtare dhe Peticione.

    Nënkryetari i Komisionit nga Partia Demokratike e Kosovës, Artan Behrami theksoi se shmangia e buxhetit në Kuvend ka shkaktuar kufizim.

    Ndërsa anëtarja e Komisionit nga Partia Demokratike e Kosovës, Sala Jashari pati një kërkesë për formulimin e një amandamenti rreth pensioneve të kategorive të ndryshme, raporton EO.

  • Një ortek përfshiu një vendpushim skish në Itali

    Një ortek përfshiu një vendpushim skish në Itali

    Pamje të pabesueshme janë bërë virale në mediat sociale të një orteku që u rrëzua nga një shpat i pjerrët pranë resortit italian të skive Courmayeur të martën. Videoja është regjistruar nga skiatorët në vendngjarje dhe ende nuk dihet nëse ka ndonjë të lënduar. Vetëm disa ditë më parë, dy skiatorë vdiqën në një incident të ngjashëm në të njëjtin resort.

    Pamjet tregojnë një grumbull bore dhe akulli që lëviz drejt skiatorëve përmes pishave të larta, ndërsa ata shikojnë me mosbesim. Në një moment fillon paniku dhe vizitorët përpiqen të shpëtojnë, por mbulohen nga një re bore.

    Aksidenti i mëparshëm ndodhi të dielën në Couloir Vesses, një rrugë e famshme për skijim falas në Courmayeur, tha Shërbimi Italian i Shpëtimit Malor. Orteku përfshiu tre burra: njëri vdiq në vendngjarje, ndërsa tjetri ndërroi jetë gjatë rrugës për në spital.

    Courmayeur është një qytet i vogël me rreth 2,900 banorë në Italinë Veriperëndimore.