ATV

Blog

  • Selimi ndan foto të rralla të Thaçit pas kthimit nga Rambujeja, shihet në diskutim me Robin Cook

    Selimi ndan foto të rralla të Thaçit pas kthimit nga Rambujeja, shihet në diskutim me Robin Cook

    Ish ministri i Jashtëm, Petrit Selimi, përmes një postimi në rrjetin social ‘’X’’, ka ndarë disa fotografi të ish-presidentit Hashim Thaçi, pas kthimit të tij në Kosovë nga Rambujeja.

    Selimi në postimin e tij ndan edhe foto nga takimi i Thaçit me ish me ish-Sekretarin e Jashtëm britanik Robin Cook.

    ‘’Rrallë të publikuara, fotografi të udhëheqësit politik fitimtar të UÇK-së, Hashim Thaçi, gjatë kthimit në Kosovë në fillim të verës së vitit 1999. Fotografitë nga ditët e para përfshijnë edhe takimin e tij me ish-Sekretarin e Jashtëm, Robin Cook. Fotot nga Christopher Morris. Ne presim që Thaçi të kthehet përsëri fitimtar’’, ka shkruar Selimi.

    Këto foto janë ndarë edhe nga Morris në një postim në rrjetin social Instagram, ku shkruan për ish-presidentin.

    ‘‘Hashim Thaçi duke mbërritur në Prishtinë në qershor 1999, i sjellë nga amerikanët dhe nga NATO në përpjekjen e tyre për të zbatuar Marrëveshjen e Rambujesë.

    Thaçi është nga rajoni i Drenica Valley në Kosovë, vendi ku u formua Ushtria Çlirimtare e Kosovës (UÇK). Ai studioi filozofi në Prishtinë para se të shkonte në Switzerland, ku iu bashkua UÇK-së në vitin 1993. Një nacionalist shqiptar, ai u ngjit në hierarkinë e UÇK-së dhe deri në vitin 1999 u bë udhëheqës i fraksionit më të fuqishëm gjatë negociatave të Rambujesë. Më pas ai iu bashkua administratës së përkohshme të Kosovës pas luftës.

    Marrëveshjet parashikonin autonomi të konsiderueshme për Kosovën; vendosjen e deri në 30,000 trupave paqeruajtëse të NATO-s në Kosovë; të drejtën e kalimit pa pengesa për trupat e NATO-s në territorin jugosllav; si dhe imunitet për NATO-n dhe përfaqësuesit e saj nga ligji jugosllav. Pala shqiptare e Kosovës e nënshkroi marrëveshjen më 18 mars 1999, megjithatë refuzimi i palës jugosllave dhe serbe për ta nënshkruar atë çoi në Bombardimin e Jugosllavisë nga NATO (1999)’’, ka shkruar ai.

  • Liga e Kampionëve rikthehet sonte me katër ndeshje të mëdha, vëmendja te Real Madrid – Manchester City

    Liga e Kampionëve rikthehet sonte me katër ndeshje të mëdha, vëmendja te Real Madrid – Manchester City

    Ndeshjet e fazës së 1/8 së finales në UEFA Champions League vazhdojnë sonte me katër përballje interesante që do të zhvillohen në stadiume të ndryshme në Evropë.

    Takimi i parë i mbrëmjes do të luhet nga ora 18:45, ku Bayer Leverkusen do të përballet me Arsenal në stadiumin BayArena. Skuadra gjermane synon të shfrytëzojë avantazhin e fushës vendase për të marrë një rezultat pozitiv para ndeshjes së kthimit në Londër. Në anën tjetër, ekipi londinez i drejtuar nga trajneri Mikel Arteta po kalon një sezon shumë të mirë dhe konsiderohet ndër skuadrat më konkurruese në Evropë këtë edicion.

    Tre ndeshje të tjera do të zhvillohen nga ora 21:00 dhe pritet të sjellin spektakël të madh për tifozët e futbollit.

    Një nga përballjet më tërheqëse të mbrëmjes do të jetë ajo mes Paris Saint-Germain dhe Chelsea në stadiumin Parc des Princes. Kampioni francez hyn në këtë duel në formë të mirë dhe konsiderohet favorit, ndërsa skuadra londineze synon të marrë një rezultat pozitiv në udhëtim për të mbajtur të hapur garën për kualifikim para ndeshjes së kthimit në Stamford Bridge.

    Në të njëjtën kohë, një tjetër duel i madh do të zhvillohet në Santiago Bernabéu, ku Real Madrid do të përballet me Manchester City. Këto dy gjigantë të futbollit evropian janë përballur shpesh në vitet e fundit në Ligën e Kampionëve dhe edhe këtë herë pritet një ndeshje e fortë në garën për një vend në çerekfinale.

    Ndërkohë, kampioni norvegjez Bodø/Glimt do ta presë Sporting CP në stadiumin Aspmyra Stadion, në një përballje ku të dyja skuadrat synojnë të hedhin hapin e parë drejt kualifikimit në fazën tjetër të kompeticionit.

    Ndeshjet e kthimit të fazës së 1/8 së finales në UEFA Champions League do të zhvillohen më 17 dhe 18 mars, kur edhe do të përcaktohen skuadrat që do të sigurojnë një vend në çerekfinalet e këtij kompeticioni.

  • Rama: Kamerat e sigurisë në Prishtinë kanë ndikuar në rënien e rasteve kriminale

    Rama: Kamerat e sigurisë në Prishtinë kanë ndikuar në rënien e rasteve kriminale

    Kryetari i Prishtinës, Përparim Rama ka njoftuar se kamerat e instaluara në kryeqytet kanë ndikuar në rënien e rasteve kriminale.

    Kështu ka bërë të ditur ai nga takimi me drejtuesit e Policisë së Kosovës për rajonin e Prishtinës.

    Rama ka thënë se projekti i instalimit të kamerave do të zgjerohet edhe gjatë këtij viti, me synim që të rritet siguria në kryeqytet.

    “KAMERAT E INSTALUARA NË KRYEQYTET KANË NDIKUAR NË RËNIEN E RASTEVE KRIMINALE. Sot në takimin e rregullt me drejtuesit e Policisë së Kosovës për rajonin e Prishtinës, u informuam për rënie të veprave kriminale gjatë dy muajve të parë të këtij viti, duke theksuar se një rol të rëndësishëm në këtë trend pozitiv ka pasur edhe projekti i vendosjes së kamerave të sigurisë, bashkëpunim mes Kryeqyteti Prishtina dhe Policisë së Kosovës, i cili ka nisur të implementohet nga nëntori i vitit 2025. Projekti i instalimit të kamerave do të zgjerohet edhe gjatë këtij viti, me synimin që të rritet siguria në Kryeqytet”, ka shkruar Rama në Facebook.

  • Bam Adebayo hyn në histori të NBA-së, realizon 83 pikë në një ndeshje

    Bam Adebayo hyn në histori të NBA-së, realizon 83 pikë në një ndeshje

    Ylli i Miami Heat, Bam Adebayo, ka realizuar një nga performancat më të jashtëzakonshme në historinë e NBA, duke shënuar plot 83 pikë në fitoren bindëse 150:129 ndaj Washington Wizards.

    Qendra 28-vjeçare ishte absolutisht i pandalshëm gjatë gjithë ndeshjes, duke dominuar në sulm dhe duke udhëhequr skuadrën e tij drejt një fitoreje të rëndësishme. Adebayo shënoi nga çdo pozicion në parket, duke treguar një formë të jashtëzakonshme dhe duke lënë mbrojtjen kundërshtare pa zgjidhje për ta ndalur.

    Me këtë paraqitje historike, Adebayo u ngjit në vendin e dytë për numrin më të madh të pikëve të shënuara në një ndeshje të vetme në historinë e ligës. Ai kaloi rekordin e vendosur nga legjenda Kobe Bryant, i cili kishte realizuar 81 pikë me Los Angeles Lakers në vitin 2006. Para tij në këtë listë mbetet vetëm legjenda Wilt Chamberlain, i cili mban rekordin historik prej 100 pikësh në një ndeshje të vetme.

    Performanca e Adebayos u shoqërua me ovacione të mëdha nga tifozët dhe vlerësime të shumta nga analistët e basketbollit, të cilët e cilësuan këtë si një nga netët më të mëdha individuale të basketbollit modern. Ai ishte lideri absolut i skuadrës së Miami Heat dhe faktori kryesor që solli këtë fitore spektakolare.

    Kjo ndeshje pritet të mbetet gjatë në kujtesën e tifozëve të basketbollit, ndërsa Adebayo me këtë arritje ka shkruar emrin e tij në librat e historisë së NBA-së dhe ka konfirmuar statusin e tij si një nga lojtarët më të rëndësishëm të ligës.

  • 25-vjeçarja ndërroi jetë në spital pasi ishte vetëhelmuar; familjarët padisin partnerin e saj: E kishte dhunuar

    25-vjeçarja ndërroi jetë në spital pasi ishte vetëhelmuar; familjarët padisin partnerin e saj: E kishte dhunuar

    Kjo është 25-vjeçarja Xhuana Nikolli nga Lezha, e cila një ditë më parë ndërroi jetë në QSUT, si pasojë e vetëhelmimit me ftokinë.

    Pas ngjarjes, familjarët e saj kanë bërë kallëzim në Komisariatin nr. 2 në Tiranë ndaj bashkëshortit të saj, shtetasit E.F duke pretenduar se ai ushtronte dhunë ndaj të resë.

    Sipas burimeve, në trupin e 25-vjeçares janë konstatuar edhe shenja dhune. Në lidhje me këtë rast, Policia e Tiranës e ka shpallur bashkëshortin në kërkim për veprat penale “dhunë në familje” dhe “shkaktim i vetëvrasjes”.

    Uniformat blu, kanë ushtruar kontrolle edhe në banesën e tij në Lezhë, por ai nuk është gjetur.

    Ndërkohë, vijojnë kërkimet për lokalizimin e tij, pasi pritet të merret në pyetje lidhur me pretendimet e ngritura nga familjarët e të ndjerës.

    Xhuana Nikolli jetonte në Shëngjin dhe kishte përfunduar studimet për drejtësi. Po ashtu, nuk kanë munguar reagimet në rrjetet sociale për vdekjen e parakohshme të 25-vjeçares, ku miq të saj kanë shprehur dhimbjen dhe ngushëllimet për ndarjen e saj nga jeta.

  • Papa Leo vajton vdekjen e civilëve dhe fëmijëve në luftën e Iranit

    Papa Leo vajton vdekjen e civilëve dhe fëmijëve në luftën e Iranit

    Papa Leo të mërkurën shprehu keqardhje për vdekjen e shumë civilëve në luftën e vazhdueshme në Iran dhe gjithashtu shprehu afërsi me njerëzit në Liban, duke thënë se vendi, i shënjestruar nga sulmet izraelite, po kalonte një “sprovë të madhe”.

    Leo, papa i parë amerikan, u bëri thirrje pelegrinëve në audiencën e tij javore në Sheshin e Shën Pjetrit të luten për paqe, shkruan Reuters.

    “Le të vazhdojmë të lutemi për paqen në Iran dhe në të gjithë Lindjen e Mesme, veçanërisht për shumë viktima civile, përfshirë shumë fëmijë të pafajshëm”, tha Papa.

  • Me një gol Galatasaray triumfon ndaj Liverpool

    Me një gol Galatasaray triumfon ndaj Liverpool

    Galatasaray triumfoi minimalisht ndaj Liverpool në Stamboll, në ndeshjen e parë të fazës së 1/8-ve në Ligën e Kampioneve.

    Skuadra turke iu fal një goli të shënuar në pjesën e parë, për të marrë avantazhin për sfidën e kthimit.

    Pas 7 minutave lojë, Mario Lemina zhbllokoi takimin me kokë, pas një asisti të marrë nga Osimhen.

    Pas këtij goli, të dyja ekipet iu afruan golit, por pa sukses. Liverpool shënoi me Van Dijk në minutën e 73-të, por u anulua për prekje me dorë.

    Sfida e kthimit do të luhet javën e ardhshme në “Anfield”, aty ku do të përcaktohet skuadra që kualifikohet për në çerekfinale.

  • Futbollistja iraniane që kërkoi azil në Australi ndryshon mendje, kthehet në Iran

    Futbollistja iraniane që kërkoi azil në Australi ndryshon mendje, kthehet në Iran

    Një nga dy anëtaret e ekipit kombëtar të futbollit të grave të Iranit, të cilat kishin kërkuar azil në Australi, ka vendosur të kthehet në vendin e saj. Policia Australiane kishte ndihmuar futbollistet që të gjendnin një vend të sigurt, ku të mund të kërkojnë mbrojtje dhe azil.

    Megjithatë, njëra prej tyre ndryshoi mendje pas disa ditësh, duke e bërë të qartë se dëshira e saj ishte të rikthehej në Iran.

    Ministri i Brendshëm i Australisë, Tony Burke, theksoi se vendimi është marrë vullnetarisht dhe se autoritetet australiane respektuan plotësisht zgjedhjen e saj. Ai shpjegoi se është normale që njerëzit të ndryshojnë mendje dhe të marrin vendime personale për të ardhmen, veçanërisht kur bëhet fjalë për çështje kaq sensitive si siguria dhe familja.

    Situata e ekipit iranian ishte e ndërlikuar dhe e tensionuar. Disa nga futbollistet dhe stafi mbështetës përballeshin me presion dhe kërcënime në vendlindje, pasi moskëndimi i himnit kombëtar ose pjesëmarrja në ndeshje jashtë vendit ishte interpretuar si akt rebelimi. Këto rrethana kishin shkaktuar shqetësime serioze për sigurinë e tyre dhe të familjeve të tyre.

    Përveç dilemës personale, disa prej futbollisteve ishin të shqetësuara edhe për fatin e familjeve të tyre dhe kishin pyetur rreth mundësisë për t’i ndihmuar ato të largoheshin nga Irani. Ky incident nxjerr në pah sfidat komplekse që përballen sportistet iraniane kur kërkojnë siguri jashtë vendit, duke përfshirë dilemën e rëndë mes mbijetesës personale dhe lidhjeve familjare.

  • Kaplohet nga zjarri një shtëpi në Tetovë, vdes një person

    Kaplohet nga zjarri një shtëpi në Tetovë, vdes një person

    Një ngjarje e rëndë ka ndodhur mëngjesin e sotëm në Maqedoninë e Veriut, ku një zjarr shpërtheu në një shtëpi në Tetovë.

    Ngjarja ka ndodhur në rrugën “Von Vardarska”, kështu zjarri është lokalizuar, por brenda është gjetur një person i vdekur.

    Autoritetet po hetojnë ngjarjen.

    “Më 11.03.2026 në orën 08:56, në Sektorin për Punë të Brendshme në Tetovë është raportuar nga Njësia Territoriale e Mbrojtjes nga Zjarri – Tetovë se në rrugën ‘Von Vardarska’ në Tetovë ka shpërthyer zjarr në një shtëpi. Zjarri është lokalizuar, pas çka është vërejtur se brenda gjendej një person i vdekur. Po merren masa për hetimin dhe zbardhjen e rastit,” bëjnë të ditur nga MPB-ja e Maqedonisë së Veriut.

  • Rusia sulmon me dron Kharkivin, vdesin 2 persona dhe shtatë të tjerë mbesin të plagosur

    Rusia sulmon me dron Kharkivin, vdesin 2 persona dhe shtatë të tjerë mbesin të plagosur

    Një dron rus goditi një biznes tregtar në qytetin e dytë më të madh të Ukrainës, Kharkiv, të mërkurën në mëngjes, duke vrarë dy persona dhe plagosur shtatë të tjerë, sipas zyrtarëve lokalë.

    “Fatkeqësisht, ka informacione fillestare për dy vdekje,” shkroi kryebashkiaku Ihor Terekhov në aplikacionin e mesazheve Telegram.

    Guvernatori rajonal i Kharkivit, Oleh Sinyubov, tha se sipas informacionit fillestar, pesë të plagosurit janë në gjendje të rëndë dhe po marrin ndihmën e nevojshme. Ai shtoi se sulmi shkaktoi një zjarr në biznes.

    Më vonë, kreu i administratës rajonale sqaroi se një 47-vjeçar, një 50-vjeçar dhe një grua 60-vjeçare, si dhe burra të moshës 39 dhe 49 vjeç, po trajtohen në kujdes intensiv.

    Kharkiv, një qytet me popullsi kryesisht rusishtfolëse, ndodhet 30 kilometra larg kufirit rus. Qyteti i rezistoi valës së parë të ofensivës së forcave ruse pas pushtimit në shkurt të vitit 2022 dhe që atëherë ka qenë objektiv i vazhdueshëm i sulmeve ajrore ruse.