Është arrestuar një person në Prishtinë pasi që i njëjti ka penguar zyrtarin policor në kryerje të detyrës zyrtare.
Policia ka njoftuar se pas intervistimit, me vendim të prokurorit rasti vazhdon të trajtohet në gjendje të lirë.
“Është arrestuar i dyshuari mashkull kosovar pasi që i njëjti ka penguar zyrtarin policor në kryerje të detyrës zyrtare. Pas intervistimit, me vendim të prokurorit rasti vazhdon të trajtohet në gjendje të lirë”, thuhet në raport.
Një person është vrarë dhe një tjetër është plagosur në rrugën “Vëllezërit Frashëri” në Gjakovë.
Kjo është konfirmuar nga zëdhënësi i policisë për rajonin e Gjakovës, Sheremet Elezi, i cili tha se viktima ka vdekur në vendin e ngjarjes.
“Sot rreth orës 05:30, jemi njoftuar se në rrugën “Vëllezërit Frashëri” në Gjakovë dy persona meshkuj, të moshës madhore, janë qëlluar me armë zjarri. Si pasojë e plagëve të marra, njëri prej tyre ka ndërruar jetë në vendin e ngjarjes (ekipi mjekësor ka konstatuar vdekjen e tij)”, tha ai.
Ndërkaq, për të plagosurin, Elezi tha se është dërguar për trajtim mjekësor.
“Personi tjetër ka mbetur i plagosur dhe është dërguar për trajtim mjekësor. Njësitë përkatëse policore i janë përgjigjur menjëherë rastit dhe është njoftuar prokurori i shtetit i cili po ashtu ka dalë në vendin e ngjarjes. Aktualisht po ndërmerren veprimet e nevojshme hetimore me qëllim të arrestimit të të dyshuarit dhe zbardhjes së plotë të rrethanave të ngjarjes”, deklaroi ai.
Në lidhje me këtë rast, për Klankosova.tv është deklaruar edhe Prokuroria e Gjakovës, përmes zëdhënësit Drin Domi, i cili deklaroi se i dyshuari është identifikuar dhe është në arrati.
Ai bëri të ditur se në vendin e ngjarjes ka dalë Prokurori i Shtetit dhe se trupi i pajetë i viktimës është dërguar për obduksion në IML.
“Është inicuar rast për vepren penale “Vrasje e rëndë”. I dyshuari është identifikuar dhe është në arrati. Në vendin e ngjarjes ka dal Prokurori i Shtetit. Trupi i pajetë i viktimës është dërguar për obduksion në IML”, deklaroi Domi.
Shumica e grave shtatzëna presin të përjetojnë të përzierat e mëngjesit dhe dëshirat e pazakonta për ushqim, por shtatzënia sjell edhe një sërë simptomash të tjera më pak të njohura
Ndryshimet hormonale dhe rritja e qarkullimit të gjakut mund të shkaktojnë dukuri të papritura, si gjakderdhje të mishrave të dhëmbëve, hundë të bllokuar dhe ndryshime në lëkurë.
Shumë nga këto shqetësime, përfshirë kapsllëkun, këmbët e ënjtura dhe venat e zgjeruara, mund të lehtësohen me ndryshime të thjeshta në stilin e jetesës. Megjithatë, është e rëndësishme që për çdo simptomë të pazakontë ose shqetësuese të konsultoheni me mjekun për të siguruar shëndetin dhe mirëqenien tuaj dhe të foshnjës.
Shumë gra gjatë shtatzënisë përballen me probleme për të cilat shoqet apo anëtarët e familjes nuk kanë folur kurrë. Për disa simptoma, si gjakderdhja e mishrave të dhëmbëve, kapsllëku ose ndjesia e çuditshme e shpimit në pjesën e poshtme të trupit, ndonjëherë është e vështirë të flitet.
Megjithatë, nuk ka arsye për shqetësim. Edhe pse këto simptoma mund të duken të pazakonta dhe t’ju shtyjnë të kërkoni informacione në internet deri vonë natën, ato janë të zakonshme dhe nuk jeni e vetmja që i përjeton. Më poshtë janë disa nga simptomat më pak të njohura të shtatzënisë dhe këshillat e ekspertëve se si të përballeni me to, shkruan Parents.com, përcjell Telegrafi.
1. Hunda e bllokuar
“Prisni hundë të bllokuar, gjakderdhje nga hunda dhe madje edhe gërhitje. Arsyeja është se hormonet shkaktojnë fryrje të mukozës së hundës”, thotë gjinekologia Laura Dean nga Minesota.
Kjo ënjtje ngushton hapësirën nëpër të cilën qarkullon ajri. Shqetësimi mund të lehtësohet me sprej fiziologjik, lagështues ajri ose me thithjen e avullit gjatë dushit. Problemi zakonisht zhduket pas shtatzënisë.
2. Gjakderdhja e mishrave të dhëmbëve
Falë ndryshimeve në nivelet e progesteronit dhe estrogjenit dhe rritjes së qarkullimit të gjakut, mishrat e dhëmbëve gjatë shtatzënisë mund të fryhen, ashtu si pjesë të tjera të trupit.
“Mishrat mund të mbushen me gjak dhe të krijojnë xhepa të ndjeshëm indesh, ndaj mund të rrjedhin gjak gjatë larjes së dhëmbëve ose përdorimit të fillit dentar”, shpjegon stomatologu nga Nju Jorku, Gildo Corradi.
Nëse vëreni gjakderdhje më të madhe, edhe kur nuk i lani dhëmbët, vizitoni stomatologun. Ai do të kontrollojë nëse bëhet fjalë për gingivit apo parodontit, një formë më e rëndë e inflamacionit që mund të lidhet me rrezik më të lartë për lindje të parakohshme dhe peshë të ulët të foshnjës.
Corradi rekomandon pastrim profesional të dhëmbëve dy herë gjatë shtatzënisë dhe ruajtjen e higjienës së mirë orale. Problemet zakonisht zhduken pas lindjes.
3. Kapsllëku
Niveli i rritur i progesteronit e ngadalëson kalimin e ushqimit nëpër zorrë, gjë që mund të shkaktojë kapsllëk. Edhe vitaminat prenatale mund ta përkeqësojnë këtë problem.
Dr. Dean rekomandon konsumimin e shumë lëngjeve dhe ushqimeve të pasura me fibra si fruta, perime dhe drithëra të plota. Mund të përdoren edhe suplemente me fibra, por duhet të shmangen laksativët stimulues.
4. Venat e zgjeruara
Gjatë shtatzënisë, vëllimi i gjakut në trup mund të rritet deri në 50 për qind. Kjo rritje presioni mund të shkaktojë shfaqjen e venave të zgjeruara në këmbë.
Edhe hemorroidet janë një problem i zakonshëm për shkak të presionit në venat rreth anusit. Kremrat, banjat e ngrohta dhe jastëkët medicinale mund të ndihmojnë në lehtësimin e simptomave.
5. Rritje të vogla në lëkurë
Hormonet e shtatzënisë mund të shkaktojnë akne, ndjeshmëri ndaj diellit dhe errësim të lëkurës. Por disa gra vërejnë edhe rritje të vogla të lëkurës, sidomos në qafë, nën sqetulla ose rreth gjoksit.
Shumica zhduken pas lindjes, por nëse ju shqetësojnë, mund të hiqen nga specialistët.
6. Rritja e madhësisë së këmbëve
Disa gra pas lindjes vërejnë se këmbët e tyre janë bërë më të mëdha.
Shkaktar është hormoni relaksin, i cili zbut ligamentet për të lehtësuar lindjen. Ky hormon mund të ndikojë edhe në nyjet e këmbëve, duke bërë që ato të zgjerohen ose të zgjaten.
7. Shikimi i turbullt
Mbajtja e lëngjeve gjatë shtatzënisë mund të ndikojë edhe në sy.
“Kurz jeni shtatzënë, i gjithë trupi fryhet dhe kjo mund të ndikojë edhe në sy”, thotë gjinekologia Kristin Greves.
Megjithatë, në disa raste shikimi i turbullt mund të jetë shenjë e preeklampsisë, prandaj duhet të përmendet te mjeku.
8. Ënjtje dhe mpirje në kyçe
Mbajtja e lëngjeve mund të shkaktojë presion mbi nervat e duarve dhe kyçeve, duke çuar në sindromën e tunelit karpal.
Mbajtja e ortozave për kyçet mund të ndihmojë në lehtësimin e simptomave. Problemi zakonisht zhduket pas lindjes.
9. Mpirje ose shpim në pjesën e poshtme të trupit
Rritja e qarkullimit të gjakut dhe presioni i mitrës mbi nervat mund të shkaktojë mpirje ose shpim në pjesën e jashtme të kofshëve.
Ekspertët rekomandojnë përdorimin e rripit mbështetës për shtatzëni, i cili ndihmon në uljen e presionit mbi nervat.
Një vrasje e rëndë ka ndodhur sot në orët e para të mëngjesit në Gjakovë.
Siç ka njoftuar Policia e Kosovës, një person ka mbetur i vdekur dhe një tjetër është plagosur.
Zëdhënësi i Policisë së Kosovës në Gjakovë ka thënë se rasti ka ndodhur në rrugën “Vëllezërit Frashëri” në Gjakovë.
“Njësitë përkatëse policore i janë përgjigjur menjëherë rastit dhe është njoftuar prokurori i shtetit i cili po ashtu ka dalë në vendin e ngjarjes. Aktualisht po ndërmerren veprimet e nevojshme hetimore me qëllim të arrestimit të të dyshuarit dhe zbardhjes së plotë të rrethanave të ngjarjes”, ka thënë Elezaj.
Në lidhje me rastin, detaje për lajmi ka dhënë zëdhënësi i Prokurorisë Themelore në Gjakovë, Drin Domi.
Ai ka thënë se i dyshuari është identifikuar por ndodhet në arrati.
“Është inicuar rast për vepren penale “Vrasje e rëndë”. I dyshuari është identifikuar dhe është në arrati. Në vendin e ngjarjes ka dal Prokurori i Shtetit. Trupi i pajetë i viktimës është dërguar për obduksion në IML”, ka thënë Domi.
Shqiptarja, Hana Orllati, ka kaluar edhe fazën e dytë, atë të dueleve, në spektaklin e njohur “The Voice of Finland”.
Hana dhe kandidatja tjetër, Kreetta Sihvola, kanë interpretuar këngën “It’s All Coming Back To Me Now” të Celine Dion.
Performanca e këtij dueti mes Hanës dhe këngëtares finlandeze, Kreetta, është vlerësuar si një ndër më të mirat e kësaj faze në “The Voice of Finland”.
Mentorja e të dy kandidateve, Jenni Vartiainen, ka përzgjedhur Kreetta-n, ndërsa dy anëtarët e tjerë të jurisë, Elastinen dhe Sanni, kanë kërkuar që Hana të kalojë në ekipin e tyre. Mes këtyre dy anëtarëve, Hana ka zgjedhur reperin Elastinen.
Në fazën e dueleve, këngëtarja e re nga Kosova arriti të dëshmojë edhe një herë fuqinë e zërit dhe sigurinë e saj në skenë. Performanca u prit me reagime të shumta pozitive.
Kujtojmë se Hana rrugëtimin e saj në muzikë e ka nisur shumë herët. Që në moshën 10-vjeçare ajo kishte marrë pjesë në “The Voice Kids Albania”, ndërsa më pas ka performuar në shumë koncerte për fëmijë në Kosovë.
Me këngën “How Am I Supposed to Live Without You”, Hana Orllati arriti të kalojë me sukses fazën e parë të kësaj gare prestigjioze këndimi, duke dëshmuar se talenti i saj nuk njeh kufij.
Hana ka përfunduar shkollën e mesme të muzikës “Prenk Jakova” në Prishtinë.
Për Hanën, muzika është pasioni dhe frymëzimi më i madh. Ajo premton se së shpejti do të sjellë projekte të reja muzikore për publikun.
Të gjithë e njohin atë person që mund të shohë diçka të keqe në çdo situatë. Për ta duket se është mekanizmi i tyre mbrojtës të jenë gati për çdo të keqe që mund t’u ndodhë. Megjithatë, kjo nuk është një karakteristikë që duhet vlerësuar apo pëlqyer.
Ja 3 shenjat e zodiakut që janë pesimiste sipas astrologjisë.
Peshorja
Peshoret, shpesh, shohin të keqen në gjithçka. Ata priren të humbasin gjëra të rëndësishme në jetë për shkak të qasjes së tyre pesimiste. Pothuajse asgjë nuk mund t’i kënaqë ata kurrë.
Binjakët
Binjakët, gjithashtu, ndonjëherë mund të rezultojnë të jenë më pesimistë. Është e vështirë për ta të besojnë se një gjë e veçantë vjen pa ndonjë anë negative. Ata gjithmonë e shohin gotën gjysmë të zbrazur.
Akrepi
Akrepat zakonisht shqetësohen për gjërat më të vogla. Ata ndjejnë rrezik në çdo situatë. Për ta, ka të bëjë gjithmonë me lojën e sigurt dhe shmangien e gjithçkaje që ata mendojnë se shkakton dëm.
Akrepat shpesh mendojnë negativisht për njerëzit dhe është e vështirë për ta që t’i besojnë dikujt shumë shpejt. Edhe nëse përgjithësisht silleni mirë me ta, ata do ta konsiderojnë atë si një qëndrim të dyshimtë dhe madje mund të distancohen nga ju.
Ish-ambasadori i Kosovës në Maqedoninë e Veriut, Gjergj Dedaj, ka reaguar për situatën aktuale politike në vend, duke kritikuar udhëheqjen shtetërore dhe duke paralajmëruar për pasoja në raportet e Kosovës me Shtetet e Bashkuara të Amerikës dhe Bashkimi Evropian.
Sipas Dedajt, qeverisja aktuale ka dëmtuar partneritetin e Kosovës me aleatët ndërkombëtarë dhe ka prodhuar pasoja për diplomacinë dhe imazhin e vendit në arenën ndërkombëtare.
“Regjimi në ikje, sikur edhe gjatë 5 viteve të pushtetit të tyre monist e popullist, vazhdojnë edhe tani në kontinuitet t’a dëmtojnë partneritetin me SHBA dhe BE’’, ka deklaruar Dedaj.
Ai ka vlerësuar se diplomacia e Kosovës gjatë mandatit të kaluar ka pësuar dështim të madh, duke theksuar se vendi është përballur me masa ndëshkuese izolim ndërkombëtar, pezullim të dialogut strategjik si dhe paralizim të Strategjisë së Planit të rritjes.
“Diplomacia e Kosovës gjatë mandatit të kaluar kishte pësuar fiasko të plotë, Kosova ishte vënë nën sanksione dhe izolim, Dialogu Strategjik me SHBA ishte anuluar, poashtu edhe Strategjia e Planit të Rritjes me BE ishte paralizuar. Falë kësaj politike të rrezikshme të binomit Kurti-Osmani, Kosova shëmtoj imazhin para partnerëve dhe humbi me qindra miliona euro’’, ka thënë ai.
Dedaj ka shtuar se gjatë kësaj periudhe Kosova ka pësuar rënie edhe në proceset e njohjeve dhe në partneritetet ndërkombëtare.
“Të mos flasim për degradimin e Kosovës në planin e njohjeve, anëtarësimeve dhe të partneritetit i cili asnjëherë nuk ka qenë më i rrezikuar në këto vitet e pasluftës’’, ka deklaruar Dedaj.
Sipas Dedajt kjo situatë ka prodhuar pasoja serioze në raportet me aleatët kryesorë të Kosovës dhe rrezikon perspektivën euroatlantike të vendit.
“Kjo situatë ka arritur efektet negative të dëmtimit të skajshëm të raporteve me SHBA dhe BE, me theks të veçantë e rrezikon perspektivën Europiane dhe integrimin Euroatlantik të Kosovës në NATO dhe BE’’, ka thënë ai.
Sipas Dedajt, vonesat në krijimin e institucioneve të Kosovës, të cilat sipas tij po hyjnë në vitin e dytë, përbëjnë degradim institucional dhe përgjegjësia kryesore për këtë situatë i takon kryeministrit Albin Kurti. Ai vlerëson se kjo situatë ishte mbështetur edhe nga presidentja Vjosa Osmani, ndërsa shton se reagimi i saj erdhi vetëm në momentin kur, sipas tij, u rrezikua pozita e saj si presidente.
“Mungesa e krijimit të institucioneve të Kosovës e cila po hynë në vitin e dytë, është degradim dhe skandal i Albin Kurtit, i cili e kishte mbështetjen e noteres Vjosa Osmani, e cila vetëm në fund kur iu rrezikua karriga e presidentes, u revoltua thjeshtë për interesa meskine dhe të ulta personale’’, ka deklaruar Dedaj.
Në fuhnd Dedaj thotë së Kosova ka hyrë në një tunel të errët politik nga I cili nuk do të dalin pa largimin nga pushteti të Vjosa Osmait e Albin Kurtit.
“Kosova ka hyrë në një tunel të errët politik, nga i cili nuk do mund të dalin pa largimin nga pushteti të këtij binomi fatal e keqbërës Kurti-Osmani’’, ka thënë ai.
Vitaminat C dhe D shpesh merren së bashku në formën e shtesave dietike, dhe kombinimi i tyre në përgjithësi konsiderohet i sigurt nëse ndiqen dozat e rekomanduara.
Marrja e tyre së bashku mund të kontribuojë në forcimin e imunitetit dhe shëndetit të kockave, por është e rëndësishme të jeni të vetëdijshëm për efektet anësore të mundshme të marrjes së tepërt.
Ja çfarë mund të bëjë marrja e tyre së bashku.
Forcimi i sistemit imunitar
Sasi të mjaftueshme të vitaminave C dhe D janë thelbësore për funksionimin e duhur të sistemit imunitar. Shtesat e vitaminës C mund të ndihmojnë në forcimin e mbrojtjes së trupit dhe në mbrojtjen kundër infeksioneve, përfshirë ato virale.
Nga ana tjetër, vitamina D është treguar se forcon rezistencën e trupit ndaj infeksioneve falë aftësisë së saj për të zvogëluar inflamacionin dhe për të kufizuar reaksionet e padëshiruara imune. Për shkak të efekteve të tyre të njohura, marrja e tyre së bashku mund të ofrojë mbështetje shtesë për imunitetin.
Luftoni viruset në mënyrë më efektive
Disa studime kanë treguar se vitamina C ka veti të caktuara antivirale, dhe marrja e saj e rregullt gjithashtu mund të ndihmojë në shkurtimin e kohëzgjatjes së ftohjes së zakonshme. Vitamina D gjithashtu zvogëlon rrezikun e infeksioneve virale duke forcuar barrierat natyrore mbrojtëse të trupit kundër viruseve, të tilla si lëkura dhe mukozat. Gjithashtu është treguar se zvogëlon rrezikun e infeksioneve të frymëmarrjes tek fëmijët dhe të rriturit.
Shërim më i shpejtë i plagëve
Studimet tregojnë se vitamina D mund të nxisë rinovimin e qelizave të lëkurës, gjë që e bën më të lehtë shërimin e plagëve me më pak shenja. Vitamina C është gjithashtu shumë e rëndësishme në këtë proces sepse stimulon prodhimin e faktorëve kryesorë të shërimit. Marrja e vitaminave C dhe D së bashku mund të përshpejtojë rikuperimin nga lëndimet.
Shëndet më i mirë i kockave
Një mungesë e njëkohshme e vitaminave C dhe D mund të çojë në uljen e dendësisë minerale të kockave dhe një rrezik më të lartë të osteoporozës, e cila është më e zakonshme tek të moshuarit. Studimet sugjerojnë se një kombinim i suplementeve të vitaminës C dhe D mund të ndihmojë në ngadalësimin e humbjes së kockave dhe në ruajtjen e shëndetit të kockave, duke mbrojtur kështu më tej kundër osteoporozës dhe frakturave, shkruan Index.hr, transmeton Klankosova.tv.
Ndihmë gjatë kimioterapisë
Marrja e vitaminave C dhe D mund të ndihmojë në arritjen e rezultateve më të mira për njerëzit që marrin kimioterapi. Në një studim, marrja e të dy vitaminave u shoqërua me më pak ndërlikime gjatë kimioterapisë tek njerëzit me leuçemi. Megjithatë, nevojiten më shumë kërkime për të konfirmuar këto përfitime të mundshme.
Dozat e rekomanduara dhe efektet anësore të mundshme
Marrja e rekomanduar ditore e vitaminës D varet nga mosha dhe shtatzënia. Për personat deri në 14 vjeç, rekomandohen 10 deri në 15 mikrogramë, që korrespondojnë me 400 deri në 600 njësi ndërkombëtare. Të rriturit deri në 70 vjeç kanë nevojë për 15 mikrogramë, ose 600 njësi ndërkombëtare, dhe ata mbi 70 vjeç kanë nevojë për 20 mikrogramë, ose 800 njësi ndërkombëtare. Gratë shtatzëna gjithashtu rekomandohen të marrin 15 mikrogramë, ose 600 njësi ndërkombëtare.
Kur bëhet fjalë për vitaminën C, sasitë e rekomanduara ditore variojnë nga 15 miligramë për fëmijët e vegjël deri në 75 deri në 90 miligramë për të rriturit. Gratë shtatzëna rekomandohen të marrin 80 miligramë, dhe duhanpirësit shpesh kanë nevojë për rreth 35 miligramë më shumë se jo-duhanpirësit.
Një vit më vonë, dhe dhimbja është ende gjallë. Një vit që nga zjarri tragjik në diskotekën “Pulse” në Koçan – një tragjedi që mori 63 jetë të reja dhe la një boshllëk të pashlyeshëm në familjet, miqtë dhe në të gjithë vendin e tyre.
Një qytet që dikur ishte i mbushur me të rinj dhe muzikë, në një çast u shndërrua në një simbol trishtimi dhe kujtimi. Sot, Koçani qëndroi në heshtje – me qirinj, lot dhe kujtime për ata që u larguan shumë shpejt. Si shenjë respekti dhe përkujtimi, familjet, miqtë dhe qytetarët do të mblidhen për t’u bërë homazhe për viktimat nga zjarri tragjik.
Me një minutë heshtje, saktësisht në orën 2:32 të mëngjesit, momenti që ndryshoi Koçanin përgjithmonë, u bë homazh për ata që vdiqën tragjikisht në zjarr. Përpara diskotekës “Pulse”, u vendosën zemra me emrat e personave që humbën jetën, nën moton “Drita që Mbetet”.
Hapësira ishte e ndriçuar me reflektorë dhe e dekoruar me lule dhe zemra të gdhendura me emrat e të rinjve që humbën jetën në zjarr ose nga pasojat e zjarrit. Përveç familjeve dhe miqve të shumtë, në tubim morën pjesë edhe përfaqësues të lëvizjes civile “Kush është i radhës?” nga Shkupi.
Në Parkun e Revolucionit, 63 karrige të bardha, 63 jetë, një mural simbolik – një monument vizual për ëndrrat e papërfunduara – një mur kujtimi. Sot në orën 10:00 do të ketë një lutje për të ndjerin.
Një ngjarje e rëndë ka tronditur mëngjesin e sotëm Gjakovën, ku si pasojë e të shtënave me armë zjarri një person ka mbetur i vdekur dhe një tjetër është plagosur. Këtë e konfirmoi për Reporteri.net Policia Rajonale e Gjakovës.
Ngjarja ka ndodhur rreth orës 05:20 në rrugën “Vëllezërit Frashëri”.
Sipas informacioneve fillestare viktima është R.B rreth 38 vjeç, i cili është gjetur pa shenja jete në vendin e ngjarjes.