Blog

Punëtorët teknik të Spitalit “Isa Grezda” në Gjakovë kanë filluar grevën për shkak të vonesës në pagesa, njofton Federata Sindikale e Punëtorëve të Sektorit Privat të Kosovës (FSPTSPK).

Sipas kryetarit të FSPTSPK-së, Jusuf Azemi, qëndrimi i punëtorëve në grevë do të vazhdojë deri sa pagat të përpunohen dhe të shpërndahen në mënyrë të rregullt.

“Shpresojmë që pagat për këta punëtorë të përcillen sa më shpejtë dhe punëtorët të kthehen në shërbimet e tyre. Përderisa pagat nuk paguhen, punëtorët do të qëndrojnë në grevë”, tha Azemi.

Këshilli Prokurorial i Kosovës, ka mbajtur sot një mbledhje të jashtëzakonshme.

Në këtë mbledhje është trajtuar dorëheqja e Prokurorit të Shtetit, Jeton Koca.

Kryesuesi i KPK-së, Arian Gashi ka treguar se njoftimin nga Koca për dorëheqje e kishte bërë më 13 shkurt të këtij viti. Ndërsa arsyet i ka cekur të jenë personale.

“Ju njoftojmë se me 13 shkurt 2026 kemi pranuar nga Prokurori i Prokurorisë Themelore në Prishtinë zoti Jeton Koca njoftimin për dorëheqjen nga pozita e prokurorit të shtetit. Koca ka njoftuar se arsyet e dorëheqjes janë personale dhe nuk do t’i bëjë publike në këtë dokument”, tregoi Gashi, shkruan EO.

Rreth 24.2% e familjeve në Shqipëri rezultojnë të kenë pagesa të prapambetura që lidhen më qiranë e shtëpisë, fatura shërbimesh (energji, ujë, ngrohje) apo blerje të pronave më këste, sipas të dhënave të Eurostat që i takojnë vitit 2023.

Kjo do të thotë se afërsisht një në katër familje ka vështirësi reale për të përmbushur në kohë detyrimet në lidhje me menaxhimin e banesës.

Ky nivel është dukshëm më i lartë se mesatarja e Bashkimit Europian, e cila në 2023 qëndron rreth 9-10%, dhe e pozicionon Shqipërinë ndër vendet me vështirësi të larta për të përballuar kostot e banimit, pas Greqisë, Maqedonisë së Veriut e Turqisë. Krahasuar me vendet e Eurozonës, ku përqindja e familjeve me vonesa në pagesa është rreth 9.5%, situata në Shqipëri është më shumë se dyfish më problematike.

Kjo përqindje e lartë e familjeve që nuk përballojnë faturat e shtëpisë tregon se një pjesë e konsiderueshme e tyre janë financiarisht të brishta, të ekspozuara ndaj goditjeve të vogla ekonomike, rritje çmimesh, humbje të ardhurash apo shpenzime të paparashikuara.

Në shumicën e vendeve të Europës Perëndimore, si Gjermania, Franca, Holanda apo Austria vetëm 5–10% e familjeve kanë pagesa të prapambetura, çka e vendos Shqipërinë shumë larg standardit europian të përballueshmërisë financiare.

Në rajonin e Ballkanit Perëndimor, situata është përgjithësisht më problematike sesa në BE, por Shqipëria mbetet ndër vendet me nivelin më të lartë të vështirësive. Me 24.2%, Shqipëria ka një përqindje, më të lartë se Serbia (17.9%), dhe më afër vendeve me presion të fortë financiar si Turqia (26.3%).

Shqipëria pozicionohet mbi mesataren rajonale dhe shumë larg BE-së, duke reflektuar një kombinim faktorësh si të ardhurat e ulëta, kostot relativisht të larta të jetesës dhe mungesën e mekanizmave mbrojtës për familjet.

Të dhëna të tjera të detajuara nga Eurostat tregojnë se Shqipëria ka ende kostot më të ulëta në çmimet e qirave dhe faturave utilitare, por nga ana tjetër ka një përqindje të lartë të familjeve që nuk kanë mundësi të paguajnë në kohë këto fatura.

Situata në vitet në vijim mund të vijë në përkeqësim për shkak se çmimet e shtëpive në Shqipëri janë duke u rritur më shpejt se pagat. Sakaq kostot e jetesës po rriten në tërësi duke e bërë menaxhimin e faturave që kërkon shtëpia edhe më të vështirë./monitor.al

Tri raste të dhunës në familje janë përfshirë në raportin 24 orësh të policisë.

Njëri rast ka ndodhur në Prishtinë, njëri në Graçanicë dhe tjetri në Vushtrri.

Nga këto raste, policia ka njoftuar se janë arrestuar tre persona.

Njoftimet e plota:

Graçanicë / Është arrestuar i dyshuari mashkull kosovar pasi që dyshohet se nën ndikim të alkoolit ka shqetësuar dhe kanosur viktimat kosovarë. Me vendim të prokurorit i dyshuari është dërguar në mbajtje.

Prishtinë / Është shoqëruar për intervistim i dyshuari mashkull kosovar, pasi që dyshohet se ka kryer veprën e lartcekur ndaj viktimës femër kosovare. I dyshuari është arrestuar dhe me vendim të prokurorit është dërguar në mbajte.

Vushtrri / Është arrestuar i dyshuari mashkull kosovar për shkak se pas një mosmarrëveshje, dyshohet se kishte shkaktuar dhunë ndaj viktimës femër kosovare. Pas inicimit të rastit viktimës i është lëshuar urdhër mbrojtës, ndërsa i dyshuari pas intervistimit me vendim të prokurorit është liruar në procedurë të rregullt.

Dy persona kanë humbur jetën, ndërsa 11 të tjerë janë sëmurë nga meningjiti invaziv në Canterbury, Kent, Angli, përfshirë një student të Universitetit të Kentit.

Autoritetet shëndetësore po u japin antibiotikë studentëve dhe po identifikojnë kontaktet e afërta për të parandaluar përhapjen e sëmundjes. Për shkak të situatës, universiteti ka pezulluar vlerësimet për student, por kampuset mbeten të hapura.

Simptomat paralajmëruese të meningjitit përfshijnë: temperaturë të lartë, dhimbje koke, qafë të ngurtë, të përziera, të dridhura dhe shenja në lëkurë.

Autoritetet paralajmërojnë se meningjiti mund të përhapet shpejt në universitete dhe kolegje, dhe këshillojnë këdo që të ndjejë simptoma të ngjashme të kërkojë ndihmë urgjente mjekësore.

Policia e Kosovës në raportin e saj 24-të orësh ka bërë të ditur se janë shkaktuar 34 aksidente trafiku ku prej tyre 12 me të lënduar dhe 22 me dëme materiale.

Po ashtu është bërë e ditur se gjatë kësaj kohe janë shqiptuar 1896 gjoba për shkelësit e rregullave të trafikut rrugor.

5 persona janë arrestuar, 2 janë dërguar në mbajte dhe 3 në vuatje të dënimit.