ATV

Blog

  • Vitia premton: Qytetarët e Ferizajt brenda 30 muajsh bëhen me spital të ri

    Vitia premton: Qytetarët e Ferizajt brenda 30 muajsh bëhen me spital të ri

    Pas mbledhjes së Qeverisë, në konferencë për media dolën ministri i Shëndetësisë Arben Vitia dhe ministri për Punë, Familje dhe Vlera të Luftës Çlirimtare Andin Hoti.

    Vitia se shumë shpejtë qytetarët e Ferizajt do të bëhen me spital, brenda 30 muajsh.

    “Një spital modern me të gjitha kushtet, në vlerë prej 24 milionë eurosh, një spital që do t’ju ofrojë të gjithë banorëve të atij regjioni, përfshirë edhe komunave përreth siç janë Kaçaniku, Hani i Elezit dhe jo vetëm trajtime, shërbime shumë cilësore, ndoshta më cilësoret në vend kur të përfundojë”, u shpreh Vitia.

  • Major Vjollca Hoti diplomoi me sukses në Akademinë Kombëtare të FBI-së, Policia: Një nga programet më të avancuara të trajnimit

    Major Vjollca Hoti diplomoi me sukses në Akademinë Kombëtare të FBI-së, Policia: Një nga programet më të avancuara të trajnimit

    Policia e Kosovës ka njoftuar se major Vjollca Hoti nga Policia e Kosovës ka përfunduar me sukses trajnimin prestigjioz në Akademinë Kombëtare të FBI-së në Quantico, Shtetet e Bashkuara të Amerikës, duke shënuar një arritje të rëndësishme në karrierën e saj profesionale dhe në avancimin e bashkëpunimit ndërkombëtar policor.

    Policia thekson se Akademia Kombëtare e FBI-së është një nga programet më të avancuara të trajnimit për zyrtarë të lartë të zbatimit të ligjit, ku përfshihen tema si lidershipi, menaxhimi strategjik, teknikat bashkëkohore hetimore dhe bashkëpunimi ndërkombëtar në luftimin e krimit.

    “Përfundimi i Akademisë së FBI-së nga major Hoti përfaqëson një vlerë të shtuar për Policinë e Kosovës, duke sjellë përvoja dhe njohuri të avancuara që do të ndikojnë në forcimin e lidershipit, rritjen e kapaciteteve operacionale dhe avancimin e praktikave moderne të policimit.

    Major Hoti ka më shumë se 25 vjet përvojë pune në Policinë e Kosovës, ku gjatë gjithë karrierës së saj ka shërbyer në pozita të rëndësishme në fushën operacionale. Ajo ka udhëhequr njësi dhe struktura policore në mjedise sfiduese, duke kontribuar drejtpërdrejt në ruajtjen e rendit dhe sigurisë publike, si dhe në menaxhimin e situatave komplekse të sigurisë”, thuhet në reagimin e Policisë.

    Policia thekson tutje kjo arritje njëkohësisht reflekton përkushtimin e vazhdueshëm të Policisë së Kosovës për zhvillim profesional dhe për fuqizimin e bashkëpunimit me partnerët ndërkombëtarë në funksion të sigurisë publike.

    “Policia e Kosovës shpreh mirënjohjen e saj të thellë ndaj Shteteve të Bashkuara të Amerikës, Ambasadës së Shteteve të Bashkuara në Kosovë, në veçanti Departamentit të Drejtësisë, Programit Ndërkombëtar për Trajnim dhe Asistencë në Hetimet Penale (DOJ-ICITAP) dhe zyrës së FBI-së në Sofje, për mbështetjen e tyre të vazhdueshme në ndërtimin e kapaciteteve profesionale, trajnimeve të avancuara dhe bashkëpunimit të pandërprerë në forcimin e sigurisë dhe standardeve të policimit”, thuhet tutje.

  • Jozi feston ditëlindjen e 30-të me partneren në krah, dalin pamjet

    Jozi feston ditëlindjen e 30-të me partneren në krah, dalin pamjet

    Ish banori i ‘Big Brother VIP Albania’, Joz Marku ka shënuar 30-vjetorin e lindjes me një festë të organizuar në rreth të ngushtë, duke mbledhur pranë tij miq dhe persona të afërt. Atmosfera e mbrëmjes është karakterizuar nga muzikë, energji dhe spektakël fishekzjarresh, ndërsa momente nga festa janë ndarë në rrjetet sociale nga të pranishmit, te cilat u ndane edhe ne rrjetet sociale.

    Mes tyre ishte edhe partnerja e tij, Xhoana Toshi, e cila publikoi disa fotografi krah Jozit në Instagram, duke e shoqëruar postimin me një mesazh të ndjerë.

    Festimi ka tërhequr vëmendjen e ndjekësve, duke reflektuar një moment të rëndësishëm personal për Joz Markun, i cili e ndau këtë ditë të veçantë me njerëzit më të afërt. Kujtojme se teksa ishte pjese e ‘Big Brother VIP Albania’, Jozi krijoi romance me Loredana Bratin, mirepo perfundoi e gjitha brenda reality show.

    Pas BBVA, secili prej tyre u fokusua ne angazhimet personale, Loredana si influencer ne rrjetet sociale, per pak kohe edhe ne televizion, ndersa Jozi eshte fokusuar ne karrieren e tij muzikore.

  • Kryetarja e bashkisë së Roterdamit me premtim interesant nëse arrin të bind qytetarët të rrisin pjesëmarrësit në zgjedhje

    Kryetarja e bashkisë së Roterdamit me premtim interesant nëse arrin të bind qytetarët të rrisin pjesëmarrësit në zgjedhje

    Kryetarja e bashkisë së Roterdamit, e cila thotë se ka frikë nga lartësitë, është zotuar të zbresë me kabllo nga kulla më e lartë e qytetit nëse pjesëmarrja rritet në zgjedhjet lokale të së mërkurës.

    Carola Schouten postoi një video në Instagram të martën nga platforma e vëzhgimit të Euromastit të Roterdamit, monumentit të qytetit 185 metra të lartë që aktualisht është duke u rinovuar.

    “E kam thënë më parë se jam e përgatitur të bëj gjithçka për të siguruar që pjesëmarrja të jetë më e lartë për këto zgjedhje komunale”, tha kryebashkiakja.

    Ajo tha se ishte pyetur nëse kjo do të përfshinte edhe zbritjen nga Euromasti, “më i larti në Evropë” sipas faqes së saj të internetit, transmeton Telegrafi.

    “Duhet ta dini se kam një frikë të madhe nga lartësitë – në fakt jam pak e dridhur edhe duke qenë këtu lart”, tha Schouten.

    Por ajo tha se do të lëshohej nga platforma e vëzhgimit 100 metra lart nëse pjesëmarrja do të ishte më e lartë se 38.9 përqind katër vjet më parë – më e ulëta në vend.

    “Madje i kam bërë gati gjërat”, tha ajo, ndërsa një punëtor kaloi pranë pajisjeve të saj të zbritjes me rrëshqitje.

    “Pra, nëse doni të më shihni të varur, sigurohuni që të votoni më 18 mars”, u zotua kryebashkiaku.

    Holandezët ia kanë mësyrë sot qendrave të votimit për të zgjedhur kryetarët e bashkive dhe zyrtarët e bashkisë, me sondazhet që sugjerojnë se partitë lokale do të gëzojnë më shumë sukses.

  • Krejt çka duhet të dini për dhimbjet e kokës

    Krejt çka duhet të dini për dhimbjet e kokës

    Dhimbja e kokës mund të ketë shumë shkaqe, disa prej të cilave janë të padëmshme. Është thelbësore të bëhet diagnoza e saktë për gjendjen shëndetësore.

    Dhimbja e grumbulluar e kokës mund të ketë simptoma të ndryshme.

    Simptomat e dhimbjes së kokës:

    Një dhimbje koke e grumbulluar godet shpejt, zakonisht pa paralajmërim, megjithëse fillimisht mund të keni të përziera të ngjashme me migrenën, transmeton Klankosova.tv.

    Shenjat dhe simptomat e zakonshme përfshijnë:

    Dhimbje torturuese që zakonisht ndodh prapa ose rreth njërit sy, por mund të rrezatojë në zona të tjera të fytyrës, kokës dhe qafës.

    Dhimbje e njëanshme

    Shqetësim

    Skuqje e syrit tuaj në anën e prekur

    Hundë e bllokuar ose rrjedhje në anën e prekur

    Djersitje e ballit ose e fytyrës në anën e prekur

    Lëkurë e zbehtë ose skuqje në fytyrë

    Ënjtje rreth syrit në anën e prekur

    Qepallë e rënë në anën e prekur

  • Arianit Salihu emërohet Zëvendëskryeprokuror i Prokurorisë Themelore në Prishtinë

    Arianit Salihu emërohet Zëvendëskryeprokuror i Prokurorisë Themelore në Prishtinë

    Prokurori i Krimeve të Rënda, Arianit Salihu, është emëruar në pozitën e Zëvendëskryeprokurorit në Prokurorinë Themelore në Prishtinë. Emërimi i tij u bë të enjten gjatë takimit së 290-të të Këshillit Prokurorial të Kosovës me 5 vota për, asnjë kundër dhe asnjë abstenim. Rekomandimin në KPK për emrin e Arianit Salihut për pozitën e Zëvendëskryeprokurorit e kishte dërguar Kryeprokurori Zejnullah Gashi.

    Sipas CV-së së tij, Salihu ka mbi 16 vjet përvojë në sistemin e drejtësisë në Kosovë. Karrierën e ka nisur më 2010 në Agjencinë Kundër Korrupsionit si zyrtar i lartë për hetime dhe strategji. Pastaj në Zyrën e Prokurorit Disiplinor (ZPD) në pozitën e inspektorit të lartë gjyqësor, raporton “Betimi për Drejtësi”

    Në shkurt 2018, ai kishte marrë udhëheqjen e ZPD-së, në një periudhë kur ndryshimet ligjore ristrukturuan mekanizmat e llogaridhënies brenda sistemit gjyqësor dhe prokurorial.

    Prej korrik 2019, Salihu është pjesë e sistemit prokurorial fillimisht si prokuror në Prokurorinë Themelore në Prishtinë.

    Në shkurt 2024, ishte emëruar udhëheqës i Departamentit të Përgjithshëm në Prokurorinë Themelore në Prishtinë. Në korrik 2024, ai u avancua në pozitën e Prokurorit të Krimeve të Rënda, në hetimin e krimeve ekonomike dhe korrupsionit. Salihu ka ndjekur trajnime profesionale në fushat e hetimeve dhe teknologjisë, duke përfshirë Sekuestrimi dhe Konfiskimi i Pasurisë, Specialised Judicial Training on Electronic Evidence dhe Cyber Awareness for Prosecutors Course.

    Ndërkohë në mbledhjen e 290 të KPK-së, janë miratuar edhe katër rregullore të cilat janë plotësuar dhe ndryshuar sipas ndryshimeve ligjore që kanë hyrë në fuqi vitin e kaluar. Në mesin e rregulloreve të ndryshuara ishin edhe Rregullorja për Organizimin dhe veprimtarinë e Këshillit Prokurorial të Kosovës; Rregullorja për Komisionin për Buxhet, Financave dhe Administrimin e Prokurorive etj.

    Në këtë mbledhje u themeluan edhe komisionet e përhershme të KPK-së, përfshirë Komisionin për Çështje Normative, me kryesues Visar Krasniqi dhe katër anëtarët: Veton Shabani, Naim Abazi, Bahri Hyseni dhe Valdrin Krasniqi.

    U diskutua edhe për themelimin e Komisionit për Vlerësimin e Prokurorëve, me kryesuese Elza Bajrami-Kastrati, zevendëskryesues Milot Krasniqi.

    Mirëpo, Milot Krasniqi ka refuzuar të jetë zëvendëskryesues me arsyetimin se kryesuesi i KPK-së ka pasur qasje shpërfillëse si dhe pozita është shpërfillëse.

    Kryesuesi i KPK-së, Arian Gashi, ka thënë se KPK nuk është fontanë dëshirash derisa ka thënë se propozimi për zëvendëskryesues është çështje ligjore.

    Pas refuzimit të Milot Krasniqit për t’u emëruar si zëvendëskryesues, udhëheqësi i KPK-së ka propozuar të shtyhet diskutimi për mbledhjen e radhës derisa të merren edhe konfirmimet nga të gjitha prokuroritë për propozimet e tyre për Komision. PSRK dhe Prokuroria e Gjakovës nuk kishin dërguar nominimet.

    Në fund u themelua edhe Komisioni për Buxhet, Financa dhe Administrimin e Prokurorive, por anëtari i KPK-së, Milot Krasniqi refuzoi të jetë kryesues. Ndërsa Dardan Vuniqi u propozua përkohësisht për kryesues të Komisionit dhe u votua me votat e të gjitha votat e anëtarëve të KPK-së. Derisa Sabahate Sinani dhe Ersan Qavolli u votuan për anëtarë të Komisionit për Buxhet, Financa dhe Administrimin e Prokurorive.

    Po ashtu, u vazhdua transferimi i jashtëzakonshëm për 6 muaj shtesë në Mitrovicë për dy prokurorë për shkak të mungesës së prokurorëve në Prokurorinë Themelore në Mitrovicë.

    Elza Bajrami-Kastrati ka reaguar pas deklaratave të anëtarit Milot Kransiqi për vendime tendencioze, duke thënë se anëtarët e rinj tash të KPK-së nuk punojnë me tendencë siç ishte punuar në mandatin e kaluar.

    Milot Krasniqi ka thënë se prej rendit të ditës ka pasur veprime tendencioze kur ishte propozuar zëvendësimi i anëtarit të Komisionit të Ankesave në zbatim të Ligjit për Informacionin e Klasifikuar.

    Pas diskutimeve, me katër vota për u miratua Visar Krasniqi të dërgohet për anëtar në Komisionin e Ankesave në zbatim të Ligjit për Informacionin e Klasifikuar.

  • Arkitekti kroat i bibiliotekës në Prishtinë: Vepra ime u shpall si ndërtesa më e shëmtuar në botë, është reklamë për mua

    Arkitekti kroat i bibiliotekës në Prishtinë: Vepra ime u shpall si ndërtesa më e shëmtuar në botë, është reklamë për mua

    Biblioteka Kombëtare në Prishtinë u projektua nga akademiku Andrija Mutnjakoviq në vitin 1971 dhe u hap në vitin 1982, në një kohë kur Tito kishte vdekur tashmë, kur federata drejtohej nga Milka Planinc.
    Ishte një kompozim arkitektonik i përbërë nga përsëritja e vazhdueshme e katrorëve dhe kupolave, deri në 99 kupola, të gjitha të mbështjella me rrjetë alumini, si dantella nga gjoksi i Hanumës.

    Ajo ndërtesë ishte njëkohësisht një vizion dhe një kujtim: një kujtim i një qyteti të lashtë, mesdhetar, pothuajse biblik në të cilin është shtypur një grup shtëpish të vogla; edhe Mesdheu turistik i sotëm njeh qytete të tilla.

    E vlerësuar si biblioteka më e shëmtuar në botë, për arkitektin e saj 96 vjeçarin Murnjakovic është reklamë për të.

    “Jam mirënjohës për këtë vlerësim sepse po më bëhet reklamë mua”, ka thënë në humor akademiku kroat.

  • AKK thotë se dëmet në komuna nga vërshimet janë mbi 5 milionë euro: Qeveria të reagojë urgjent dhe të alojokojë paratë

    AKK thotë se dëmet në komuna nga vërshimet janë mbi 5 milionë euro: Qeveria të reagojë urgjent dhe të alojokojë paratë

    Asociacioni i Komunave të Kosovës, ka thënë se sipas vlerësimeve të komunave që janë prekur nga vërshimet e fundit, dëmet deri më tani tejkalojnë shumën prej 5 milionë euro.

    Nga AKK, është thënë edhe se këto dëme po prekin rëndë ekonomitë familjare, bizneset lokale dhe infrastrukturën publike.

    ‘’ Komunat më të prekura, sipas vlerës së dëmeve, janë: Gjakova – 2.7 milionë euro; Drenasi – mbi 1.5 milionë euro; Peja, Rahoveci dhe Mitrovica – nga 800 mijë euro secila; Klina – mbi 650 mijë euro; Malisheva – 540 mijë euro’’, thuhet mes tjerash nga AKK.

    Komunikata:

    Vlera e dëmeve nga vërshimet e fundit nëpër komuna tejkalon 5 milionë euro

    Sipas vlerësimeve fillestare të Komunave të prekura nga vërshimet e fundit, dëmet deri më tani tejkalojnë shumën prej 5 milionë euro, duke prekur rëndë ekonomitë familjare, bizneset lokale dhe infrastrukturën publike.

    Komunat më të prekura, sipas vlerës së dëmeve, janë:

    • Gjakova – 2.7 milionë euro

    • Drenasi – mbi 1.5 milionë euro

    • Peja, Rahoveci dhe Mitrovica – nga 800 mijë euro secila

    • Klina – mbi 650 mijë euro

    • Malisheva – 540 mijë euro

    • etj

    Ndërkohë, vlerësimet ende nuk janë përfundimtare për disa komuna të tjera

    Në këtë situatë, i bëjmë thirrje nivelit qendror për:

    • Reagim urgjent dhe të koordinuar institucional;

    • Alokim të menjëhershëm të mjeteve financiare;

    • Aktivizim të fondeve emergjente dhe mekanizmave shtetërorë;

    • Mbështetje konkrete për sanimin e dëmeve dhe rikthimin e normalitetit për qytetarët dhe bizneset.

    • Dhe të shtohet veprimi insitucional që këto mos të përseriten, pra të punohet dhe veprohet në parandalimin e vërshimeve.

    Komunat nuk mund të përballojnë të vetme këtë barrë financiare. Pa një ndërhyrje të shpejtë nga niveli qendror, rrezikohet seriozisht realizimi i shumë projekteve dhe ofrimi i shërbimeve për qytetarët.

    Komunat dhe Asociacioni i Komunave të Kosovës, mbeten të përkushtuara për bashkëpunim të plotë institucional, por njëkohësisht kërkojmë veprim të menjëhershëm dhe konkret.

  • Blerind Morina “Ylli i Javës”për xhiron e 25-të të Albi Mall Superligës

    Blerind Morina “Ylli i Javës”për xhiron e 25-të të Albi Mall Superligës

    Blerind Morina është fitues i cmimit të “Yllit të Javës”në kuadër të xhiros së 25-të të Albi Mall Superligës.

    Morina ishte protagonist për Gjilanin në ndeshjen kundër Llapit,ku shënpi gol në fitoren 3:2 të skifterave.

    Përndryshe Morina është shprehur mjaft i lumtur pas fitimit të këtij epiteti,duke thënë se fitorja ndaj Llapit është tejet e rëndësishme.

    “Gjatë tërë javës kemi punuar shumë dhe kemi analizuar Llapin. Kjo ka qenë një fitore shumë e rëndësishme për ne. Objektivi i ekipit gjithmonë ka qenë dalja në Evropë, por duke e parë tabelën, pse jo edhe më shumë. Falënderoj stafin e trajnerëve dhe bashkëlojtarët. Këtë çmim ia dedikoj SC Gjilanit”

    Kujtojmë që Gjilani fitoi 3:2 kundër Llapit në udhëtim,dhe gjendet në pozitën e 3-të me 39 pikë.

  • Irani goditi rafinerinë e rëndësishme të naftës saudite në Detin e Kuq

    Irani goditi rafinerinë e rëndësishme të naftës saudite në Detin e Kuq

    Një sulm me dron nga Iran ka goditur rafinerinë e naftës SAMREF në Yanbu, e cila konsiderohet më e rëndësishmja në bregun e Detit të Kuq.

    Autoritetet saudite po vlerësojnë ndikimin e sulmit, ndërsa qyteti port mbetet nën monitorim të rreptë.

    Sulmi vjen pas një përshkallëzimi të tensioneve në Lindjen e Mesme, gjegjësisht pas një sulmi izraelit në fushën gjigante të gazit South Pars në Iran, shkruan aljazeera.

    Si pasojë, çmimet e naftës në tregjet botërore janë rritur ndjeshëm, duke kaluar 114 dollarë për fuçi Brent.

    Ekspertët paralajmërojnë për rrezikun e përshkallëzimit të konflikteve në rajon, përfshirë kërcënimet ndaj rrugëve kyçe të transportit detar si Ngushtica e Hormuzit, një pikë strategjike për eksportet e energjisë.

    Në këtë kontekst, impiante të tjera në Katar, Kuvajt dhe Abu Dhabi kanë pezulluar aktivitetet për shkak të shqetësimeve të sigurisë.

    Ky zhvillim vjen ndërsa Lindja e Mesme përballet me një valë sulmesh ndaj infrastrukturës energjetike, duke rritur pasigurinë për tregjet globale dhe stabilitetin.