Blog

Njëra nga gratë që mbeti e plagosur mbrëmjen e së shtunës në fshatin Majac ka ndërruar jetë si pasojë e plagëve të rënda.

Rastin e ka konfirmuar Mirlinda Qyalla, zëdhënëse e QKUK-së. “Po njëra nga nga të plagosurat ka vdekur në orën 03:00 në mëngjes”, tha shkurt ajo për Express

Viktima, e identifikuar si M.G, kishte pësuar lëndime të rënda, kryesisht në pjesën e kokës, dhe po trajtohej në gjendje kritike në Qendra Klinike Universitare e Kosovës. Pavarësisht përpjekjeve të mjekëve, ajo nuk arriti t’u mbijetojë plagëve.

Ngjarja e rëndë ka ndodhur në Podujevë, ku një 42-vjeçar, Ilaz Brahimi, dyshohet se është vrarë nga Ardita Gashi, 31-vjeçare, me të cilën raportohet se kishte qenë në lidhje.

Sipas burimeve, viktima ishte ftuar për takim nga e dyshuara në shtëpinë e saj, ku më pas dyshohet se ajo ka qëlluar disa herë me armë zjarri në drejtim të tij, duke i shkaktuar vdekjen në vend.

Në këtë rast mbeti e plagosur rëndë edhe një grua 73-vjeçare, e cila dyshohet të ketë lidhje familjare me të dyshuarën. Ajo po vazhdon trajtimin në gjendje të rëndë shëndetësore.

Pas ngjarjes, e dyshuara thuhet se është mbyllur në shtëpi dhe ka kërcënuar persona të tjerë që tentonin t’i afroheshin, ndërsa më pas është raportuar se edhe ajo vetë ka mbetur e plagosur.

Kryeprokurori i Prokurorisë Themelore në Prishtinë, Zejnullah Gashi, ka konfirmuar rastin e vrasjes, ndërsa autoritetet po vazhdojnë hetimet për zbardhjen e plotë të rrethanave të kësaj ngjarjeje tragjike.

Me përfundimit e Fitër Bajramit, shumë nga mërgimtarët që kishin ardhur për ta kaluar festën në gjirin e tyre familjar kanë nisur të kthehen, në vendet ku punojnë.

Disa kanë shprehur shqetësimin e tyre se po duhet të presin goxha gjatë në kufirin Serbi-Kroaci.

Madje ato shkojnë edhe deri në 6 orë.

Ata i thanit redaksisë se po hasin edhe në maltretime nga policia.

Ambasada e SHBA-së në Jerusalem po ofron autobusë të çertifikuar për në Aman, Jordani, duke filluar nga e hëna, ka raportuar BBC.

Ambasada thotë se shërbimi i autobusëve do t’u ofrohet qytetarëve amerikanë që kërkojnë të largohen nga Izraeli. Autobusët do të udhëtojnë për në Aeroportin Ndërkombëtar të Jordanisë, thuhet në të.

“Nisjet janë aktualisht të disponueshme nga zona e Jerusalemit dhe zona e Tel Avivit. Udhëtarët janë përgjegjës për rezervimin e udhëtimit të tyre të mëtejshëm, duke përfshirë fluturimet nga aeroporti i Amanit”, thotë ambasada.

Për shkak të situatës në Lindjen e Mesme, ambasada amerikane në Tiranë ka ndarë një reagim të Departamentit Amerikan të Shtetit, ku u kërkon amerikanëve në gjithë botën të tregojnë kujdes të shtuar.

DASH i kërkon qytetarëve të saj të ndjekin udhëzimet në njoftimet e sigurisë të lëshuara nga ambasada ose konsullata më e afërt e Shteteve të Bashkuara.

“Objektet diplomatike të Shteteve të Bashkuara, përfshirë ato jashtë Lindjes së Mesme, janë shënjestruar”-thuhet në reagim.

“Departamenti i Shtetit u këshillon amerikanëve në mbarë botën, dhe veçanërisht në Lindjen e Mesme, të tregojnë kujdes të shtuar. Amerikanët jashtë vendit duhet të ndjekin udhëzimet në njoftimet e sigurisë të lëshuara nga ambasada ose konsullata më e afërt e Shteteve të Bashkuara.

Mbylljet periodike të hapësirës ajrore mund të shkaktojnë ndërprerje të udhëtimeve. Objektet diplomatike të Shteteve të Bashkuara, përfshirë ato jashtë Lindjes së Mesme, janë shënjestruar. Grupet mbështetëse të Iranit mund të shënjestrojnë interesa të tjera të Shteteve të Bashkuara jashtë vendit ose vende të lidhura me Shtetet e Bashkuara dhe/ose amerikanët në të gjithë botën.

Regjistrohuni në step.state.gov për të marrë njoftimet më të fundit të sigurisë dhe ndiqni kanalin “U.S. Department of State – Security Updates for U.S. Citizens” në WhatsApp (hapet në një faqe të re) ose @TravelGov në X. Kur planifikoni udhëtimin, lexoni me kujdes Njoftimet e Udhëtimit (Travel Advisory) dhe informacionin e detajuar për destinacionin tuaj, si dhe çdo njoftim të fundit në travel.state.gov/destination”, thuhet në njoftim.

Analisti Visar Ymeri e ka cilësuar të paligjshme marrëveshjen mes Qeverisë së Kosovës dhe BE-së për zbatimin e Ligjit për të Huajt.

Reagimi i tij vjen pas njoftimit për lehtësira të përkohshme, përfshirë njohjen e dokumenteve dhe leje qëndrimi për komunitetin serb.

“Ndryshimet në ligj mund të bëhen vetëm nga Kuvendi”, theksoi Ymeri, duke kundërshtuar vendimin e ekzekutivit.

Ai shtoi se asnjë institucion nuk ka të drejtë të pezullojë zbatimin e një ligji.

“Ky është vendim i paligjshëm dhe keqpërdorim i pozitës zyrtare”, deklaroi ai.

Sipas Ymerit, zbatimi selektiv i ligjit cenon rendin juridik dhe nuk është çështje etnike.

Ai theksoi se çdo paqartësi duhet të trajtohet përmes amendamenteve në Kuvend, jo marrëveshjeve politike.

Presidenti i Shteteve të Bashkuara, Donald Trump, ka deklaruar se Irani do të përballet me një “shkatërrim total”, duke iu referuar ultimatumit mbi centralet elektrike.

Në një intervistë për televizionin izraelit Canale 13, Trump tha se rezultati i këtij ultimatum do të jetë “shumë pozitiv” dhe se plani do të “funksionojë në mënyrë të shkëlqyer”. Ai shtoi se së shpejti do të zbulohet se çfarë do të ndodhë me masat e propozuara ndaj Iranit.

Deklaratat e presidentit amerikan vijnë në një periudhë tensioni mes SHBA dhe Iranit, ku marrëdhëniet mes dy vendeve janë përkeqësuar për shkak të luftës së nisur në Lindjen e Mesme.

Komuna e Deçanit ka organizuar disa aktivitete për të shënuar 28-vjetorin e “Epopesë së Dukagjinit”, e zhvilluar më 24 mars 1998, kur luftëtarët e Ushtrisë Çlirimtare të Kosovës i bënë ballë rrethimit nga forcat policore serbe në fshatin Gllogjan të Deçanit.

“Epopeja e Dukagjinit” konsiderohet si fillimi i përballjeve frontale mes UÇK-së dhe forcave serbe në Zonën Operative të Dukagjinit, në prag të përshkallëzimit të luftës në Kosovë.

Në përkujtim të kësaj date, Komuna e Deçanit ka organizuar disa aktivitete:

12:00 – Ekspozitë nga nxënësit e shkollave fillore

15:00 – Ekspozitë kushtuar “Epopesë së Dukagjinit”

19:00 – Koncert klasik nga Universiteti “Haxhi Zeka”

Kjo datë lidhet gjithashtu me ndërhyrjen e NATO-s në Kosovë, e cila pati ndikim të rëndësishëm në përfundimin e luftës.

Për shkak të mungesës së shkronjave emri vështirë i lexohet.

Fasadat e rrethojat e dëmtuara s’janë i gjithë problemi që ka gjimnazi “Sami Frashëri” në Prishtinë.

E këto u theksuan në raportin Drejtorisë për Siguri dhe Emergjenca për sigurinë në shkolla.

Kësisoj 50% e objekteve shkollore në kryeqendrën kosovare nuk janë të sigurta për nxënësit.

Mungesa e ajrit e ventilimit, panele elektrike të ekspozuar janë disa prej gjetjeve në këtë raport të siguruar nga televizioni.

Detaje më shumë dha drejtori për Siguri dhe Emergjenca, Lulzim Fushtica.

“Ka rezultu se 50% e shkollave kanë nevojë për intervenim emergjent sa i përketë aspektit të sigurisë gjetjet kryesore kanë të bëjnë me mungesat në aspektin e rrjetit elektrik, vjetërsisë së ndërtesave, mos funksionimit të kamerave”, ka deklaruar Lulzim Fushtica, Drejtor për Siguri dhe Emergjenca për RTV Dukagjini.

Fushtica tha se sanimet veçse kanë filluar.

“Vetëm se kemi fillu sepse shkollat e kanë pranu raportin më herët, raportet individuale dhe kanë fillu që t’i përmirësojnë të gjeturat dhe sa po flasim ekipet janë në terren duke rivlerësuar”, ka theksuar ai.

Këtë nismë të Komunës së Prishtinës e mirëpret por njohësi i arsimit, Jonuz Salihaj thotë se ndërhyrjet s’duhet të jenë vetëm teknike.

“Kjo iniciativë nuk duhet të jetë vetëm teknike që mbështetën vetëm në këto çështje teknike me instalim të kamerave dhe përshtatjen e ambienteve por duhet të shkojmë më thellë”, ka deklaruar Jonuz Salihaj, Njohës i fushës së arsimit.

Salihaj vlerëson që rëndësi pos sigurisë fizike duhet t’i kushtohet edhe gjendjes psikologjike.

“Ka probleme të shumta për shembull bullizimi i cili edhe pse nuk raportohet kemi të dhëna të vitit 2022 ku të dhënat janë shqetësuese por që nuk raportohen”, ka deklaruar Salihaj.

Raportin me gjendjen e shkollave e kanë pranuar edhe nga Këshilli i Prindërve, veçse të njëjtit nuk ishin të qasshëm të enjten për t’u deklaruar rreth tij.