Category: ZGJEDHJET 2025

Finalizimi rrugës transit deri në fund të vitit 2026 në qytetin e Klinës është premtuar nga kandidati Zenun Elezaj nga Aleanca për Ardhmërinë e Kosovës, i cili synon edhe mandatin e tretë në krye të komunës.

Elezaj tregoi në emisionin “CONTEXT” në ATV se prioritet i tij në katër vitet e ardhshme është edhe ndërtimi i impianteve për trajtimin e ujërave të zeza.

“Do të hartohet projekti për ndërtimin e impiantit të ujërave të zeza në vlerë prej 10 milionë eurosh. Ndërtimi i 4 impianteve biologjike për trajtimin e ujërave të zeza, të cilat kanë një konfiguracion të tillë që nuk mund të lidhen me rrjetin kryesor të ujërave të zeza,” deklaroi kandidati i AAK-së.

Në katër vitet e ardhshme, zotim i kryetarit aktual është edhe ndërtimi i një fabrike për ujë me kapacitet prej 200 litrash në sekondë, por edhe ngrohtorja qendrore e qytetit.

“Hartimi i studimit të fizibilitetit për ngrohjen qendrore të Klinës,” deklaroi Elezaj.

Zotimet tjera të kandidatit Elezaj janë edhe aktivizimi i qendrës rinore dhe ndërtimi i 20 parqeve me buxhet komunal dhe me grante.

Për më shumë detaje, klikoni videon më poshtë.

Në mbledhjen e Komisionit Qendror të Zgjedhjeve (KQZ) të mbajtur të mërkurën, u prezantua raporti mbi dërgimin e pakove me fletëvotime për votuesit jashtë Kosovës, të cilët do të marrin pjesë në Zgjedhjet Lokale përmes postës.

Drejtori i sekretariatit të KQZ-së, Besnik Buzhala, tha se raporti përmban të dhënat e plota mbi numrin e zarfeve të dërguara.

“Raporti shpjegon gjithë procesin që është realizuar. Është paraqitur edhe të dhënat e përgjithshme në lidhje me numrin e zarfeve që ka pranuar Posta e Kosovës nga KQZ”, tha ai.

Sipas raportit, përmes postës janë nisur rreth 44,000 pako me fletëvotime për votuesit e regjistruar në disa shtete. Nga ky numër, 41,879 pako janë dorëzuar në bashkëpunim me Postën e Kosovës, ndërsa 2,050 të tjera janë dërguar përmes postës së shpejtë.

Çdo zarf përmban fletëvotimet, zarfin e fshehtësisë, udhëzuesin mbi mënyrën e plotësimit dhe dorëzimit të votës përmes postës, si dhe zarfin kthyes me shiritin mbyllës.

Votuesit jashtë Kosovës janë të detyruar të depozitojnë pakot në njërën nga kutitë postare të KQZ-së. Shumica e zarfeve kanë adresën e kutisë postare të shënuar paraprakisht nga KQZ. Në rast se kjo nuk është bërë, votuesi duhet të shënojë një nga adresat e kutive postare të KQZ-së në shtetin përkatës.

Periudha e votimit me postë ka filluar më 17 shtator dhe do të përfundojë më 11 tetor 2025, dhe përfshin vetëm 43,933 shtetas të regjistruar jashtë Kosovës.

Gjithashtu, në këtë mbledhje, KQZ ka miratuar akreditimin e 18,041 vëzhguesve nga 51 subjekte politike të certifikuara për pjesëmarrje në Zgjedhjet Lokale 2025.

Kandidati i Lëvizjes Vetëvendosje për kryetar të Komunës së Shtërpcës, Shpejtim Arifi, ka theksuar se subjekti i tij nuk bashkëpunon me Listën Serbe.

“Lëvizja Vetëvendosje asnjëherë të vetme nuk bashkëpunon me Listën Serbe,” deklaroi Arifi.

Ai gjithashtu sqaroi se, sipas Ligjit për Vetëqeverisje Lokale, posti i nënkryetarit i takon komunitetit shumicë në këtë rast, komunitetit shqiptar.

“Dua ta theksoj se, sipas ligjit për pushtet lokal, nënkryetari i komunës i takon komunitetit shumicë, dhe në këtë rast – komunitetit shqiptar. Këtë pozitë nuk ia jep askush tjetër, asnjë subjekt politik, por vetëm vota e qytetarëve,” shtoi Arifi.

Për më shumë detaje, klikoni videon më poshtë.

Kandidati për kryetar të Komunës së Shtërpcës nga Lëvizja Vetëvendosje, Shpejtim Arifi, ka adresuar kritika ndaj Partisë Demokratike të Kosovës, duke e cilësuar si përgjegjësen kryesore për mungesën e bashkëpunimit mes partive shqiptare në garën për zgjedhjet lokale në këtë komunë.

“Unë, ju këtu dhe të gjithë qytetarëve të Shtërpcës që po na ndjekin, ju bëj me dije se si kandidat dhe si kryetar i Lëvizjes Vetëvendosje në Shtërpcë, kam hedhur hapa për bashkëpunim me subjektet shqiptare, në mënyrë që të mos vinim në këtë situatë – ku me aq pak banorë shqiptarë, po garojmë me tri subjekte politike të ndara,” tha Arifi.

Për më shumë detaje, klikoni videon më poshtë.

Funksionalizimi i spitalit të Shtërpcës është një nga shtyllat kryesore të programit të kandidatit për kryetar të komunës, Shpejtim Arifi nga Lëvizja Vetëvendosje.

“Një spital që është ndërtuar prej dekadash nuk është funksionalizuar asnjëherë. Ai është demoluar i tëri. Do të funksionalizohet ky spital përmes rehabilitimit dhe sistemimit të stafit mjekësor, në mënyrë që qytetarët të marrin shërbime mjekësore 24 orë në ditë,” deklaroi kandidati Arifi.

Përveç sektorit të shëndetësisë, ai premton edhe furnizim me ujë të pijshëm në çdo lagje dhe fshat të komunës së Shtërpcës.
Në fushën e arsimit të hershëm, kandidati ka paralajmëruar ndërtimin e dy çerdheve publike.

“Kemi paraparë ndërtimin e dy çerdheve publike: njëra në fshatin Brod dhe tjetra në fshatin Firaj, pasi nuk kemi asnjë çerdhe publike funksionale në ato pjesë,” u shpreh Arifi.

Për më shumë detaje, klikoni videon më poshtë.

Në emisionin “CONTEXT” në televizionin ATV, kandidati për kryetar të Komunës së Lipjanit nga Lista Guxo, Ardian Bytyqi, ka hedhur akuza ndaj kryetarit aktual, Imri Ahmeti, duke thënë se ky i fundit ka dhënë tenderë një miku të tij.

“Një kompani e shokut të kryetarit i ka marrë mbi 22 tenderë. Në fakt, ka marrë tenderë dhe ka qenë nënkontraktor. Ne i kemi të gjitha këto dokumente dhe ai nuk vjen në debat,” ka deklaruar Bytyqi.

Madje, Bytyqi shtoi se Ahmeti e ka fyer atë dhe të tjerët në një debat publik.

“Neve na ka fyer të gjithëve në një debat ku ai defikon vetë, duke më quajtur: ‘jo se kam bërë drejtor’, ‘mos qofsha në lëkurën e tij’. Ai është kështu, ai është ashtu…” tha Bytyqi.

Për më shumë detaje, klikoni videon më poshtë.

Ndërtimin e një kampusi shkollor premtoi kandidati i Aleancës për Ardhmërinë e Kosovës, Bashkim Ramosaj, për Komunën e Lipjanit.

“E përmenda arsimin si prioritet, sepse arsimi në komunën tonë ka çaluar në shumë drejtime. Përmirësimi i infrastrukturës shkollore është paraparë me ndërtimin e një kampusi shkollor për të eliminuar problemet që i ka arsimi në komunën tonë,” deklaroi Budakova.

Bursa për nxënës dhe studentë të dalluar është një tjetër prioritet i Budakovës.

Kandidati i AAK-së premtoi edhe përmirësim të infrastrukturës në Lipjan.

“Infrastrukturë – përmirësimi i rrugëve, investim në ujësjellës dhe kanalizim,” tha Budakova.

Budakova premtoi po ashtu shtimin e parqeve dhe këndeve të lojërave.

Për më shumë detaje, klikoni videon më poshtë.

Dy kompani publike premtoi të krijohen kandidati, Ardian Bytyqi nga Guxo.

“Do të mundohemi të krijojmë dy kompani publike: ajo e transportit urban dhe për menaxhimin e mbeturinave,” u zotua Bytyqi.

Prioritet i pretendentit për të parin e Lipjanit është edhe arsimi.

“Kemi paraparë që dy shkolla pilot projekt të jenë në Lipjan, ajo në qendër të Vëllezërit Frashëri dhe Ismail Luma, shkolla me maksimum 24 nxënës dhe vetëm në një ndërrim. Praktikë me pagesë për studentët e profileve të ndryshme, çerdhe në disa fshatra ku mungojnë ose janë të vogla,” tha Bytyqi.

Sa i përket sektorit të shëndetësisë, sipas Bytyqit, prioritet do të jetë Qendra satelit për pacientët me hemodializë.

Kandidati i Listës Guxo ndër të tjera premtoi edhe fuqizim të subvencioneve në bujqësi.

Për më shumë detaje, klikoni videon më poshtë.

Furnizim me ujë të pijshëm 24/7 u zotua të sigurojë për qytetarët kandidati për të udhëhequr Lipjanin në 4 vitet e ardhshme, Ilir Qeriqi nga subjekti politik, Lëvizja Vetëvendosje.

“Menaxhimi i ujërave të zeza, transformimi urban i qytetit si dhe zhvillimi lokal dhe fuqizimi i bujqësisë përmes subvencioneve.” janë disa nga premtimet tjera të Qeriqit.

Qeriqi u zotua po ashtu edhe për përmirësim dhe rritje të shërbimeve shëndetësore.

“Sigurim i mjekut familjar, me investime në digjitalizim, me vizita në shtëpi dhe çdo shtatzënë dhe lehonë do të ketë vizita shëndetësore. Do të tentohet që komuna të ketë para edhe për barna për pensionistët në nevojë.” deklaroi kandidati i VV-së.

Në fokus të programit qeverisës është edhe arsimi.

Zhvillimi i platformave digjitale, depolitizimin, pilotimin e mësimit gjithëditor, përmirësim të kushteve dhe siguria në shkolla” tha Qeriqi.

Për më shumë detaje, klikoni videon më poshtë.