Hoxha Shefqet Krasniqi ka theksuar rëndësinë e mikpritjes gjatë një interviste në “Studio A” në ATV.
Ai u shpreh se pritja e mysafirëve sjell begati në familje, ndërsa mbyllja e derës për ta largon bereqetin.
“Po e mbylle derën për mysafirët, e ke mbyllur derën e bereqetit të shtëpisë,” tha Krasniqi.
Sipas tij, respekti ndaj mysafirit ndikon pozitivisht në risk, në fëmijë dhe në shëndet, duke sjellë gjithashtu shpërblim të madh tek Zoti.
LEXONI EDHE:
I ftuar në emisionin ‘Studio A’ në ATV, hoxha Shefqet Krasniqi ka folur gjerësisht për vlerat familjare, raportin ndaj prindërve dhe rëndësinë e Natës së Kadrit.
Gjatë intervistës, Krasniqi u shpreh kritik ndaj fenomenit të dërgimit të prindërve në shtëpi për të moshuarit, duke e cilësuar këtë si një “njollë të zezë të shoqërisë”.
“Kalojnë muaj dhe nuk telefonon prindin e vet, kalon një vit dhe nuk e viziton. A kaq vlerë ka prindi?” – u shpreh ai.
Sipas tij, përkujdesja ndaj prindërve është obligim moral dhe fetar. Ai shtoi se pakënaqësia e prindërve lidhet drejtpërdrejt me pakënaqësinë hyjnore: “Ata që i dërgojnë prindërit e vet atje, kanë fituar hidhërimin e Zotit, sepse hidhërimi i prindërve është hidhërim i Allahut.”
Krasniqi ngriti edhe pyetjen se sa prindër janë vërtet të kënaqur me një vendim të tillë: “Cili prind është i kënaqur nëse shkon në shtëpi të pleqve?”
Përveç kësaj teme, ai foli edhe për rëndësinë shpirtërore të Natës së Kadrit, duke theksuar se ajo është një mundësi e madhe për reflektim, falje dhe afrimitet me Zotin.
Intervista u përqendrua gjithashtu në rrugëtimin e tij jetësor dhe sfidat që ka kaluar ndër vite, duke sjellë një rrëfim më të zgjeruar se zakonisht për publikun.
Për të ndjekur intervistën e tij të plotë, klikoni në linkun e mëposhtëm:
Sot janë bërë 22 vjet nga trazirat e marsit. Trazirat që fillimisht nisën si protestë, shpërthyen pas njoftimeve se në lumin Ibër ishin mbytur tre fëmijë shqiptarë në tentim për t’i shpëtuar sulmit nga një grup i të rinjve serbë.
Shkaku i kësaj tragjedie asnjëherë nuk u sqarua plotësisht.
Për trazirat e marsit mbrëmë në emisionin ‘Compass’ në ATV ka folur Asllan Elshani, të cilit dy vëllezur iu vranë në atë kohë.
Elshani thotë se edhe 22 vjet më pas, drejtësia nuk ka triumfuar. Ndiqni në linkun në vazhdim një pjesë të intervistës.
Morena Dyli, e cila aktualisht punon si stjuardesë në një avion privat (private jet), ishte e ftuar në emisionin “STUDIO A” në ATV, ku ndau me publikun detaje interesante rreth profesionit të saj, përgjegjësive gjatë fluturimeve dhe jetës dinamike që sjell kjo punë.
Gjatë intervistës, Dyli shpjegoi se puna e një stjuardese në avion privat është shumë më ndryshe nga ajo në linjat komerciale. Sipas saj, përveç sigurisë së pasagjerëve, një pjesë shumë e rëndësishme e punës lidhet me ofrimin e një shërbimi luksoz dhe të personalizuar për klientët.
Një pjesë interesante e intervistës ishte edhe kur Morena zbuloi se çfarë mban gjithmonë në valixhen e saj gjatë udhëtimeve të shpeshta./atvlive.tv
Kryetari i Sindikatës së Pavarur të Sektorit Privat, Jusuf Azemi, në emisionin “Compass” në ATV, tha se shumë kompani dhe institucione private nuk po e zbatojnë vendimin e Qeverisë së Kosovës për pagën minimale, ndërsa për rastet janë njoftuar edhe institucionet përgjegjëse.
Sipas tij, Inspektorati i Punës ka pranuar që nga janari shumë ankesa nga punëtorët për moszbatimin e pagës minimale.
Azemi tha se disa kompani tashmë janë ndëshkuar.
Për më shumë ndiqni videon e mëposhtme:
Deputeti i Partisë Demokratike në Kosovës, Përparim Gruda, në emisionin CONTEXT në ATV ka deklaruar se presidentja Vjosa Osmani e ka shkelur Kushtetutën.
Gruda akuzoi Osmanin se ajo ka bërë shkelje kushtetuese duke dërguar në Kuvend për trajtim amandamente kushtetuese të hartuara në vitin 2011.
Sipas Grudës, një propozim për ndryshim kushtetues nuk mund të procedohet drejtpërdrejt në Kuvend pa kaluar më parë në Gjykatën Kushtetuese.
Për më shumë ndiqni videon e mëposhtme:
Shefja e Grupit Parlamentar të Lëvizjes Vetëvendosje, Arbërie Nagavci, ka deklaruar se Glauk Konjufca u propozua për president pasi u vlerësua se kishte mbështetje më të madhe nga deputetët për ta përmbyllur procesin e zgjedhjes së presidentit.
Ajo i bëri këto komente mbrëmë në emisionin “Context” në ATV.
Për më shumë ndiqni videon e mëposhtme:
Luftës i qëndruan në këmbë, por pas saj muret e kullave të Jasharëve në Prekaz u mbushën me shkarravina. Aty është e dëmtuar edhe platforma e dedikuara për vizitorë, andaj kërkohet intervenim urgjent në mbrojtjen e tyre.
Sot, këto vizitohen në baza ditore, sidomos, me 5,6 dhe 7 mars, me rastin e Epopesë së Ushtrisë Çlitimtare të Kosovës.
Njësoj edhe këtë vit mijëra qytetarë erdhën për vizitë në Kompleksin Memorial “Adem Jashari”. Qenë pikërisht vizitorët, që u siguruan të lënë shenjë që ishin këtu.
Në verën e vitit 2024, u kontraktua një konzercium ndërkombëtar, për hartimin e masterplanit për kompleksion memorial “Adem Jashari”, me kosto tetë milionë euro, brenda 22 muajsh.
Plani do të aplikohet në një hapësirë prej 450 hektarësh.
Kullat do të mbështjellen me xham transparent, ndërsa ish-fabrika e municionit do të kthehet në muze kombëtar të rezistencës.
Dikush ka shpresë që puna në terren do të fillojë në pranverë.
Pushtetarët nuk ishin të disponuar të prononcohen të enjten.
Ndërkaq, insitucionet, kanë bërë intervenime në strukturat e rrezikuara.
Në një rrëfim emocional në emisionin “Studio A” në ATV, Hysni Gucati ka ndarë një nga momentet më të dhimbshme të jetës së tij – humbjen e vajzës së tij 8-vjeçare nga Leukemia.
Gucati tregoi se sëmundja u zbulua shumë vonë dhe se në momentin kur familja mori diagnozën, ajo tashmë kishte arritur në një fazë shumë të avancuar.
“E hetuam shumë vonë. Kur u diagnostikua, ishte në fazën e fundit, gjithmonë me shpresën që bënë më mirë, por kjo shpresë nuk zgjati”, u shpreh ai.
I njohur si një nga figurat e respektuara në vend, Gucati është veteran i luftës në Kosovë dhe ish-pjesëtar i Ushtrisë Çlirimtare të Kosovës. Aktualisht ai shërben si kryetar i Organizata e Veteranëve të Luftës së UÇK‑së, duke qenë një zë i rëndësishëm për komunitetin e veteranëve./ATVLIVE.TV
Deputeti i Partisë Demokratike të Kosovës, Xhavit Haliti, në emisionin “CONTEXT” në ATV, ka deklaruar se kryeministri Albin Kurti mund të jetë i interesuar që ta zvarrisë procesin e zgjedhjes së presidentit të vendit, duke e shtyrë situatën drejt zgjedhjeve të reja.
Duke folur për qëndrimin e Partisë Demokratike të Kosovës rreth kësaj çështjeje, Haliti sqaroi se pse PDK-ja po e kërkon pozitën e presidentit, teksa nënvizoi se PDK-ja është e gatshme të marrë përgjegjësi nëse i jepet mundësia, duke theksuar se zgjedhja e presidentit duhet të jetë rezultat i një marrëveshjeje politike dhe jo e kalkulimeve për përfitime elektorale.
Për më shumë ndiqni intervistë e plotë në linkun e mëposhtëm: