ATV

Category: SPORT

  • Edicioni i tretë i ‘Prishtina Open 2023’ premton spektaklin e radhës të Karatesë në Kosovë

    Edicioni i tretë i ‘Prishtina Open 2023’ premton spektaklin e radhës të Karatesë në Kosovë

    Edhe gjashtë ditë na ndajnë nga fillimi i turneut të Tretë Ndërkombëtar të Karatesë “Prishtina Open 2023”, i cili organizohet në kuadër të klubit më të vjetër të karatesë “Prishtina”.

    Ismail Fazliu, trajneri në klubin “Prishtina”, në një prononcim për ATV-në, tha, ashtu si në dy edicionet mëparshme, pret që edhe këtë vit të ketë një numër të madh të pjesëmarrësve.

    “Turneun e kaluar kanë qenë 396 garues nga 41 klube të Kosovës dhe ka pasur nga Shqipëria, nga Maqedonia e Veriut, nga Mali i Zi. Presim edhe sivjet një numër të tillë, ndoshta edhe më shumë, por sa do që të jenë, është me rëndësi që gara të jetë në nivelin e duhur sepse dy turnetë e para kanë qenë jashtëzakonisht mirë dhe bukur të organizuara, bile mund të krahasohen me garat më të mira në rajon që janë mbajtur”, tha Fazliu.

    Ai tregoi se kësaj radhe, përkundër se kanë disa probleme me sallën sidomos, pasi që janë dëmtuar disa ulëse, do të përkujdesen që të gjithë pjesëmarrësit të ndihen komod dhe të kalojnë një ditë të mirë, sikur dy turnetë e kaluara.

    “Ne jemi në vlugun e përgatitjeve. Para dy-tri ditëve kemi pasur një takim. E kemi zgjeruar ekipin dhe jemi bërë gati që ditën kur filloi përgatitja e sallës, të jemi sa më shumë, për shkak se këtu ka shumë aktivitete edhe salla duhet të jetë e përgatitur një ditë para turneut, pra më 10 në mbrëmje ose deri në mëngjes, sepse turneun e kaluar, deri në 5 të mëngjesit kemi punuar në rregullimin e sallës edhe punë tjera kemi filluar edhe më herët, përgatitja e medaljeve dhe shpërblimeve etj. Pak jemi të hendikepuar kësaj radhe kemi bërë kërkesë nga Komuna e Prishtinës, ende nuk e kemi marrë konfirmimin për përkrahje. Mandej, në Pallat, janë dëmtuar në ndeshjen e basketbollit që ka qenë janë dëmtuar disa ulëse. Ato nuk kemi mundësi t’i rregullojmë për një kohë të shpejtë, por ne do të bëjmë përpjekjet maksimale që të gjithë garuesit dhe shikuesit që vijnë, prindërit e tyre, që të jenë komod dhe të kalojnë një ditë të mirë, sikur dy turnetë e kaluara”, tha Fazliu. /atvlive.tv

    Emisionin e plotë e gjeni në videon më poshtë:

  • ​Gjilani e Prishtina përballen sot në finalen e Kupës së Kosovës

    ​Gjilani e Prishtina përballen sot në finalen e Kupës së Kosovës

    Sot do të zhvillohet finalja e Kupës së Kosovës në futboll, sfidë e cila edhe zyrtarisht e mbyll edicionin garues 2022/23.

    Ndeshja do të zhvillohet në stadiumin “Fadil Vokrri” në Prishtinë, me fillim nga ora 18:00, edhe pse në rolin e vendasit do të jetë skuadra gjilanase, raporton KosovaPress.

    Si Gjilani, ashtu edhe Prishtina synojnë që ta mbyllin sezonin me një trofe, andaj ky duel parashihet të jetë jashtëzakonisht interesant, derisa pritet të ketë një numër të madh të tifozëve në tribina.

    Sa i përket kampionatit, Gjilani e mbylli sezonin në vendin e tretë, kurse Prishtina në të pestin.

  • Loriana Kuka, e bronztë në Grand Prix Taxhikistan

    Loriana Kuka, e bronztë në Grand Prix Taxhikistan

    Xhudistja jonë, Loriana Kuka ka fituar medaljen e bronztë në Grand Prix Dushanbe që po mbahet në Taxhikistan.

    Në kuadër të kategorisë deri në 70 kilogramë, Kuka e mposhti në raundin final të repesazhit britaniken Katie-Jemima Yeats-Brown.

    Ndërkaq, në rrugëtimin e saj deri te medalja e bronztë, Kuka raundin e parë e kaloi pa luftë, kurse në të dytin e mposhti irlandezen Rachael Hawkes.

    Në raundin e tretë, Kuka u mposht nga britanikja Kelly Petersen Pollard, dhe u kualifikua për të luajtur në repesazh.

    Në raundin e parë të repesazhit, Kuka e mposhti xhudisten nga Uzbekistani, Shokhista Nazarova, kurse në garën për të bronztën, Loriana e mposhti britaniken tjetër, Katie-Jemima Yeats-Brown.

  • Akil Gjakova renditet i shtati, Loriana Kuka një fitore larg medaljes së bronztë

    Akil Gjakova renditet i shtati, Loriana Kuka një fitore larg medaljes së bronztë

    Akil Gjakova i ka dhënë fund garës në Grand PRixin e xhudos që po mbahet në Dushanbe të Taxhikistanit.

    Xhudisti kosovar ishte në garë të represazhit, por ai pësoi humbje nga francezi Benjamin Axus.

    Kësisoj Gjakova e mbyll garën në pozitën e shtatë në kategorinë deri në 73 kilogramë.

    Ndërkohë Kosova mund ta fitoj një medalje nga ky Grand Prix, pasi Loriana Kuka ndodhet vetëm një fitore larg të bronztës.

    Xhudistja kosovare ka fituar ndeshjen e parë të repesazhit ndaj uzbekistanezes Shokhista Nazarova.

    E për medaljen e bronztë në kategorinë deri në 70 kilogramë, Loriana do të luftoj ndaj britanikes Katie-Jemima Yeats-Brown.

  • Zyrtare: Leao, lojtar i Milanit deri në vitin 2028

    Zyrtare: Leao, lojtar i Milanit deri në vitin 2028

    Gjiganti italian, AC Milan përmes një komunikate në faqen zyrtare e ka konfirmuar se Rafael Leao e ka rinovuar kontratën e tij me klubin.

    Lajmi i shumëpritur nga tifozët e Milanit tanimë është zyrtarë, pasi që Rafael Leao ka nënshkruar kontratën e tij të re me klubin deri më 30 qershor të vitit 2028, raporton KosovaPress.

    Që prej se iu bashkua Milanit në verën e vitit 2019, Leao numëron 162 paraqitje në të gjitha garat për “Rossonerët”, ndërsa ka regjistruar 41 gola dhe 29 asistime mbi emrin e tij.

    Po ashtu, Leao u zgjodh lojtari më i mirë në Serie A në sezonin e kaluar.

    Milani dhe Rafael Leao e vazhdojnë aventurën e tyre së bashku.

  • Ronaldo i lumtur në Arabinë Saudite, fton top-lojtarët e tjerë t’i bashkohen

    Ronaldo i lumtur në Arabinë Saudite, fton top-lojtarët e tjerë t’i bashkohen

    Cristiano Ronaldo pranon se nuk priste ta përfundonte edicionin duarbosh te skuadra Al-Nassr, por sulmuesi portugez thotë se është i lumtur në Arabinë Saudite dhe shpreson se lojtarë të tjerë të famshëm nga Evropa do ta përcjellin atë duke iu bashkuar në ligë për edicionin e ardhshëm. Ronaldo nënshkroi kontratë për dy vjet e gjysmë në fillim të këtij viti, që vlerësohet nga mediat se vlen më shumë se 400 milionë euro me Al Nassr, ekip për të cilin debutoi në muajin janar. 38-vjeçari shënoi 14 gola në 16 ndeshje, por kjo nuk ishte e mjaftueshme për të ndihmuar skuadrën e tij të fitonte titullin e kampionit në Ligën Pro Saudite (SPL), pasi Al-Nassr përfundoi i dyti pas Al-Ittihadit, që u shpall kampion. Ronaldo i mungoi ekipit të tij në ndeshjen e fundit të edicionit për shkak të lëndimit, por insistoi se liga ishte e fortë dhe shtoi se ka mundësi për t’u zhvilluar edhe më shumë. Ai beson se edicionin tjetër, një numër i konsiderueshëm i top-lojtarëve të Evropës do të zbarkojnë në Arabinë Saudite.

    “Këtu në ligën e Arabisë Saudite ka ekipe shumë të mira, me lojtarë të mirë dhe cilësorë arabë. Gjithashtu, edhe infrastruktura është e jashtëzakonshme. Kështu që, atyre u duhet edhe pak të përmirësohen për të arritur nivelin e Evropës. Sidomos gjyqtarët dhe sistemi VAR duhet të jenë pak më të shpejtë”, tha Ronaldo në një intervistë të premten. “Por, unë jam shumë i lumtur këtu dhe sigurisht që do të vazhdoj të luaj në këtë ligë. Pra, do të jem pjesë e ekipit Al-Nassr, me të cilin kam ende kontratë”.

    Ronaldo tha se nuk pati as problemin më të vogël të përshtatej me jetën në Arabinë Saudite dhe në klubin e tij, megjithëse pranoi se kishte shumë dallime nga koha e tij që e kaloi në Evropë, ku ai luajti me mjaft sukses për ekipet e mëdha si Manchester United, Juventus dhe Real Madrid. Në Evropë, portugezi ka fituar gjithçka që mund të fitohet në nivel klubesh, ndërsa periudhën më të lavdishme të karrierës e përjetoi me fanellën e Real Madridit, ekip për të cilin luajti prej vitit 2009 deri në vitin 2012. Ai gjithashtu ka qenë edhe pjesë e Benficas, pasi te kjo skuadër portugeze mori hapat e parë.

    “Në Evropë ne stërvitemi më shumë në mëngjes, ndërsa këtu në Arabinë Saudite stërvitemi pasdite ose natën. Kur fillon Ramazani, ne stërvitemi në orën 22:00 që në fillim ishte paksa e çuditshme, por pastaj u adaptova shumë mirë”, ka thënë Ronaldo. “Jam përshtatur menjëherë dhe nuk mund të ankohem për asgjë, pasi të gjithë më kanë mirëpritur në mënyrën më të mirë të mundshme”.

    Që nga transferimi i Ronaldos në Lindjen e Mesme, disa lojtarë të tjerë të mëdhenj që po bëjnë karrierë janë të lidhur kohët e fundit me një lëvizje eventuale gjatë kësaj vere në Arabinë Saudite. Madje, vazhdimisht raportohet se Lionel Messi sipas të gjitha gjasave do t’i bashkohet skuadrës Al-Hilal, e cila ka kohë që i ka bërë ofertë zyrtare. Transferimi i Messit në ligën saudite do të ringjallte rivalitetin e madh me Ronaldon. Po ashtu, edhe ish-bashkëlojtarët e Ronaldos te Real Madridi, sulmuesi Karim Benzema e mesfushori Luka Modriq po përflitet se mund t’i bashkohet kampionit të Arabisë Saudite, Al-Ittihadit. Benzema edhe pse deklaroi se nuk do të largohet nga Reali këtë verë, mediumet insistojnë të shkruajnë se ai tashmë është tunduar nga oferta prej 200 milionë eurosh e klubit saudit. E një ofertë të ngjashme ka marrë edhe Modriqi, i cili ende nuk ka pranuar rinovimin e kontratës që i skadon në fund të këtij muaji me Realin.

    “Nëse ata vijnë, do të ishte madhështore. Në fakt, unë pres që lojtarë të mëdhenj dhe emra të mëdhenj, lojtarë të rinj, ‘lojtarë të vjetër’, të më bashkohen për edicionin e ri në Arabinë Saudite. Të gjithë ata do të jenë të mirëseardhur pasi do ta ndihmonin ligën të bënte popullaritet edhe më të madh”, shtoi Ronaldo. “Nëse kjo ndodh, atëherë edicioni i ri do të jetë shumë i fortë. Mosha nuk ka këtu rëndësi”.

  • Futbollisti deklaron se nuk është fajtor për akuzën për sulm seksual

    Futbollisti deklaron se nuk është fajtor për akuzën për sulm seksual

    Sulmuesi i Sunderlandit, Jack Diamond, është deklaruar i pafajshëm për akuzat për sulm seksual në Gjykatën e Newcastle Crown.

    23-vjeçari u paraqit në gjykatë të premten në mëngjes për një seancë fillestare lidhur me një akuzë për përdhunim dhe një tjetër për sulm seksual që dyshohet se kishte ndodhur në një shtëpi në Tyne and Wear, transmeton KP.

    Diamond u deklarua i pafajshëm në akuzën në lidhje me sulmin seksual.

    Për arsye ligjore procedurale, ai nuk u akuzua për të deklaruar pranimin në lidhje me akuzën e përdhunimit.

    Nëse Diamond përfundimisht kërkohet të deklarohet kundër akuzës për përdhunim, ai do të deklarohet i pafajshëm.

    Një datë e përkohshme gjyqi u caktua për 2 janar 2024, me Diamond të liruar me kusht.

    Veprat e supozuara thuhet se kanë ndodhur mes 6 majit dhe 9 majit të vitit të kaluar.

  • Kosova po merr pjesë në turneun ndërkombëtar të boksit në Maqedoninë e Veriut

    Kosova po merr pjesë në turneun ndërkombëtar të boksit në Maqedoninë e Veriut

    Ekipi i boksierëve kosovarë aktualisht po merr pjesë në turneun ndërkombëtar për senior dhe të rinj “Miroslav Petroviç”.

    Ky turne do të zhvillohet sot dhe nesër (2 dhe 3 qershor) në Kumanovë të Maqedonisë së Veriut, raporton KP.

    Kosova është pjesëmarrëse me tre boksierë sernior dhe dy të rinj.

    Te seniorët do të boksojnë Gentrit Gashi (kategoria 60 kilogramë), Shpetim Bajoku (kategoria 67 kilogramë) dhe Patriot Behrami (kategoria 71 kilogramë).

    Në anën tjetër te të rinjtë do të boksojnë Benjamin Deva (kategoria 48 kilogarmë) dhe Sali Hajdaraj (kategoria 60 kilogramë).

    Sot në ring do të ngjiten Gentrit Gashi, Shpetim Bajoku dhe Patriot Behrami me fillim nga ora 17:00.

    Ekipin e Kosovës po e udhëheq selektori, Besim Brahimi me trajnerin, Mehmet Haxhani.

  • Zyrtare: UEFA merr vendim për gjyqtarin e finales së Ligës së Kampionëve

    Zyrtare: UEFA merr vendim për gjyqtarin e finales së Ligës së Kampionëve

    UEFA përmes një komunikate në faqen zyrtare ka njoftuar për vendimin e marrë sa i përket gjyqtarit Szymon Marciniak, i cili është paraparë që të ndajë drejtësinë në finalen e Ligës së Kampionëve.

    UEFA ka thënë se ka pranuar një komunikatë nga Marciniak, i cili ka shprehur keqardhjen e tij të thellë dhe ka dhënë një sqarim sa i përket përfshirjes së tij në një ngjarje në Poloni, raporton KosovaPress.

    “UEFA ka hetuar akuzat rreth pjesëmarrjes së Szymon Marciniak në një ngjarje të organizuar në Katovicë më 29 maj 2023. Këto akuza janë marrë me seriozitetin maksimal nga UEFA dhe i gjithë komuniteti i futbollit pasi ne refuzojmë pa mëdyshje vlerat e promovuara nga një grup i lidhur me këtë konferencë. Dje u angazhuam për mbledhjen e të gjitha informacioneve relevante dhe kërkuam sqarime urgjente për këtë çështje. Pas një shqyrtimi të plotë, ne kemi marrë një deklaratë nga z. Marciniak, ku shprehte ndjesën më të thellë dhe jepte një sqarim në lidhje me përfshirjen e tij në ngjarje”, shkruhej në komunikatën e UEFA-s.

    “Bazuar në informacionin e dhënë, UEFA konfirmon se Marciniak do të përmbushë rolin e tij si gjyqtari për finalen e UEFA Ligës së Kampionëve 2023”, ishte vendimi i UEFA-s.

    Marciniak do ndajë drejtësinë në finalen e Ligës së Kampionëve më 10 qershor mes Manchester Cityt dhe Interit.

  • Simeone nuk i do lojtarët që kanë marrëdhënie seksuale vetëm katër herë në muaj

    Simeone nuk i do lojtarët që kanë marrëdhënie seksuale vetëm katër herë në muaj

    Trajneri i Atletico Madridit, Diego Simeone ka bërë shaka duke thënë që lojtarët që kanë marrëdhënie seksuale vetëm katër herë në muaj nuk mund të jenë në skuadrën e tij.

    Simeone ka qenë në krye të Atletico Madridit që nga viti 2011, dhe i ka siguruar skuadrës së tij të paktën një vend të tretë në sezonin aktual të La Ligas, kur ka mbetur vetëm edhe një ndeshje deri në fund, raporton KosovaPress.

    Në një intervistë për “Cadena Cope”, Simeone diskutoi disa nga problemet e Atleticos, duke përfshirë rikthimin e Joao Felix nga Chelsea, dhe të ardhmen e tij në klub.

    Gjithashtu, Simeone kishte kohë edhe për çështje personale, pasi prezantuesi citoi një studim që spanjolli mesatar bën seks 56 herë në vit.

    “Sa shumë? 56, 56 në vit, sa janë në muaj? Katër herë në muaj? Katër herë në muaj jo. Me katër herë në muaj ju nuk mund të luani në skuadrën time”, tha Simeone.

    Kur intervistuesi i bëri presion Simeone për një shifër më reale, ai tha: “15 herë në muaj? Unë nuk mund ta them, por ne kemi një mesatare të mirë”, tha më tej Simeone.

    Simeone u martua me gruan e tij modele Carla Pereyra në qershor të vitit 2019, dhe ata kanë dy vajza së bashku.

    Po ashtu, argjentinasi ka edhe tre djem nga martesa e tij e parë, të cilët janë të gjithë futbollistë profesionistë.