Category: SPORT

Barazimet me Rumaninë dhe Andorën, si dhe humbja nga Bjellorusia kanë bërë që Kosovës t’i minimizohen gjasat për kualifikim në Kampionatin Evropian 2024.

Këto rezultat sollën më pastaj edhe shkarkimin e trajnerit francez Alain Giress, vendin e të cilit e mori Primoz Gliha, raporton KP.

Në grupin I, Kosova është e parafundit me vetëm tri pikë pas tri barazimeve e një humbjeje, duke mbetur kështu shumë prapa liderëve të këtij grupit, Zvicrës që ka 10 pikë dhe Rumanisë me tetë sosh.

Por, deri në fund të këtyre kualifikimeve, “Dardanët” do t’i zhvillojnë edhe pesë ndeshje, ndërsa e radhës është ajo kundër Zvicrës në “Fadil Vokrri”., sfidë e cila zhvillohet më 9 shtator.

Pas Zvicrës, Kosova luan dy ndeshje në udhëtim kundër Rumanisë dhe Andorës, pastaj e pret në Prishtinë Izraelin dhe xnë fund ballafaqohet me Zvicrën në udhëtim.

Në një verë që po e kalon duke kërkuar klub të ri, Romelu Lukaku mund ta ketë gjetur atë vetëm 15 kilometra larg nga “Stamford Bridge”.

Sulmuesi belg raportohet se ka nisur kontaktet me Tottenhamin, skuadër kjo që po kërkon një zëvendësues të anglezit Harry Kane i cili vendosi të bashkohet me gjigantin gjerman Bayern Mynih.

Dy skuadrat e nisën Premier Ligën me barazim, ndërsa ish-sulmuesi i Interit vazhdon të qëndrojë jashtë skuadrës, ku stërvitet i vetëm, larg grupit të Pochettinos.

Një zgjidhje nevojitet urgjentisht në dy javët e ardhshme. Kjo është arsyeja pse kanë nisur kontaktet e para mes palëve. 30-vjeçari është në merkato dhe Tottenhami po mendon seriozisht për të, ndërsa është i vetëdijshëm se nënshkrimi i Lukakut ka të mirat dhe të këqijat e tij, përcjellë KoosvaPress.

Lukaku e kishte bërë të qartë disa herë se nuk dëshironte të luante më në ligën angleze, i djegur nga dy eksperiencat në Chelsea dhe Manchester United . Por, në mungesë të alternativave, ajo mund të ndryshojë mendimin e tij.

Armando Broja ka zgjuar sërish interesimin e Milanit pasi ata po kërkojnë një zëvendësues për Olivier Giroud.

Nëse Colombo largohet, do të vlerësohet ofrimi i një sulmuesi të ri dhe reprezentuesi shqiptar është në listën e ngushtë të kuqezinjve.

Operacioni Broja do të ishte pistë ideale për skuadrën e Piolit. Chelsea mund ta lërë Brojën të largohet në formë huazimi.

Pnegesa që mund ta vështirësojë këtë operacion është fakti se reprezentuesi shqiptar sapo është kthyer nga një lëndim i rëndë që e la atë jashtë fushës edicionin e kaluar, derisa marrdhënjet ndërmjet këtyre dy klubeve janë shumë të mira.

Për Brojën kalimi në Serie-A do të ishte i mirëpritur pasi që ende nuk dihet nëse trajneri i Chelseat Maurucio Pochettino e sheh atë si alternativë të rëndësishme për fazën ofanzive.

Gabriele Gravina, presidenti i Federatës së Futbollit të Italisë, ka nisur punën për të gjetur një trajner të ri pas tërmetit të djeshëm të shkaktuar nga dorëheqja e papritur e Roberto Mancinit.

Siç raporton “Corriere dello Sport”, i preferuari është Luciano Spalletti. Fituesi i titullit të kampionit në Serie-A me Napolin, i kontaktuar tashmë mbrëmjen e djeshme, ka dhënë disponueshmërinë e tij maksimale për një projekt trevjeçar që përfshin si Europianin e ardhshëm ashtu edhe Botërorin 2026. Megjithatë, mbetet çështja e kontratës me Napolin për t’u zgjidhur, përcjellë KosovaPress.

Në momentin e ndarjes nga Napoli, Aurelio De Laurentiis futi një klauzolë prej 3 milionë eurosh të vlefshme për të gjitha klubet italiane që dëshirojnë të nënshkruajnë me Spallettin në sezonin 2023-2024.

Klauzola vlen edhe për kombëtaren italiane dhe pikërisht për këtë, duke qenë se FIGC nuk ka ndërmend ta paguajë, diplomacitë përkatëse kanë nisur punën që prej ditës së djeshme për të mundësuar që Spalletti të lirohet dhe të marr drejtimin e “Azzurëve”.

Marrëveshja për zhvillimin e super duelit Anthony vs Deontay Wilder në peshën e rëndë duhet të përfundojë në ditët në vijim.

Një përplasje mes dyshes është diskutuar prej disa vitesh, që daton që nga koha kur të dy ishin kampionët ishin në kërkim të statusit të padiskutueshëm, megjithëse tani duket se do të bëhet më në fund realitet pasi negociatat përparuan në javët dhe muajt e fundit.

Përballja e madhe do të zhvillohet në Arabinë Saudite në janar të vitit të ardhshëm, ka bërë të ditur promotori Eddie Hearn .

Data e saktë pritet të bëhet e ditur në ditët e ardhshme.

Neymar nuk do të veshë fanellën e Paris Saint-Germain gjatë këtij sezoni 2023-2024. Sulmuesi brazilian do t’i bashkohet skuadrës arabe Al-Hilal pasi që pronari i klubit francez Nasser Al-Khelaifi ka arritur marrëveshje të hënën me klubin saudit.

Që nga e diela, e ardhmja pariziane e Neymar ishte errësuar, numri 10 i Seleçaos kishte kuptuar se rikthimi i Kylian Mbappés ishte i lidhur me të ardhmen e tij.

Media të ndryshme, përfshirë L’Equipe, bëjnë të ditur se nata e kaluar ishte e frytshme në këtë rast, deri në atë pikë sa çoi në një marrëveshje përfundimtare mes Paris Saint-Germain dhe Al-Hilal.

Me fjalë të tjera, në orët e ardhshme, ose më së voni të martën, Neymar duhet të arrijë në Arabinë Saudite ku kampionati sapo ka nisur.

Për shërbimet e tij, Al Hilal mësohet se do të paguaj 100 milionë euro.

Në Al-Hilal, 31-vjeçari do t’i bashkohet një skuadre të drejtuar nga Jorge Jesus dhe atje do të gjejtë lojtarë si Ruben Neves, Sergej Milinkovic-Savic apo edhe Malcom dhe Kalidou Koulibaly.

FC Prishtina të shtunën arriti fitoren e parë të sezonit të ri në Albi Mall Superliga e Kosovës në futboll, me rezultat 3-1 ndaj skuadrës së FC Feronikelit 74.

Megjithatë fitorja e kryeqytetasve kaloi në plan të dytë për një moment, kur tifo grupi ‘’Plisat’’ edhe këtë sezon duket se nuk do ta ndalin protestën ndaj kryesisë së FC Prishtinës dhe kryetarit të saj Remzi Ejupi.

Në ndeshjen e zhvilluar në Hajvali, ‘’Plisat’’ u futën në stadium në minutën e pestë, ani pse pa ndonjë lajmërim paraprak për paraqitjen e tyre, madje duke filluar menjëherë me këngë të krijuara kundër bordit të klubit, teksa nuk munguan as thirrjet në mbështetje të futbollistëve bardhë e kaltër.

Pas përfundimit të pjesës së parë dhe fillimit të fraksionit të dytë Plisat kësaj herë ndërprenë për disa momente ndeshjen, duke hedhur mjete piroteknike në fushë, dhe më pas lëshuan ndeshjen në mënyrë të qetë.

Kujtojmë se përçarja e tifozëve të klubit dhe kryesisë së Prishtinës, nisi pasi klubi më i trofeshëm në vend nuk u licencua nga UEFA, për gara evropiane për shkak të vonesave në pagesa ndaj ish-futbollistëve të saj.

Derisa protesta e së shtunës nga, ‘’Plisat’’ është vazhdimësi e ndeshjes finale të kupës ndaj Gjilanit, edhe pse në fund Prishtina triumfoi, këngët kundër bordit nuk janë ndalur. /atvlive.tv

Ekipi kosovar i xhudos po vazhdon me paraqitje mbresëlënëse dhe suksese të jashtëzakonshme në garat evropiane.

Pas Dëbora Gjakovës që fitoi medaljen e argjendtë në Kupën Evropiane U21 të xhudos, medalje sot fitoi edhe Sara Osmani, raporton KosovaPress.

Osmani fitoi medaljen e bronztë në Evropianin U21 të xhudos që po mbahet në Shkup të Maqedonisë së Veriut.

Në xhiron e parë Osmani ishte e lirë, kurse në çerekfinale mposhti me Ippon maqedonen, Tea Nastoska.

Në gjysmëfinale Sara humbi me dy Wazaari për Ippon nga serbja Ana Cobanovic.

Sara për të bronztën mposhti me Wazaari në vazhdime, garuesen nga Bosnja e Hercegovina Nika Zovko.